白咖喱公司

【油尖旺區】【沙嗲王 白咖喱公司】又喺旺角搵嘢食，喺上次食 Pause It 隔離仲有呢間「沙嗲王 白咖喱公司」，有機會就食埋佢。本身諗住都係食咖喱飯之類，點知入去掃 QR code 睇 menu 之後，覺得佢哋嘅鐵板餐好似仲吸引，就叫喇。呢一吓先開心大發現，原來都唔貴喎，叫到完全失控。叫咗 $78 嘅「鐵板自家製漢堡扒一件燒雞扒一件煎荷包蛋薯條配酥皮龍蝦湯」跟「法式牛扒汁」，乜都有得食，質素又唔差，係個龍蝦湯鮮味爭啲，但絕對對得住呢個價。我加 $12 將白飯升級「椰菜花粒粒」，好味喎，而且唔使攝取咁多碳水化合物，好。加 $18 要埋甜品「一口流心特濃朱古力心太軟」，上嘅 timing 好好，食完主菜抖吓就上，證明侍應冇放置 Play 我。嘢飲加 $18 要「凍青桔仔茉莉花茶」再加 $3 加「奇亞籽凍」，兩者幾夾喎，係畫龍點睛之作。叫吓叫吓夾埋 $129，但滿足感係幾高嘅。。。（地址：旺角奶路臣街17號THE FOREST地下G12號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #旺角 #旺角東 #沙嗲王白咖喱公司 #沙嗲王 #白咖喱公司 #鐵板自家製漢堡扒 #燒雞扒 #煎荷包蛋 #薯條 #酥皮龍蝦湯 #法式牛扒汁 #椰菜花粒粒 #一口流心特濃朱古力心太軟 #青桔仔茉莉花茶 #奇亞籽凍 #1am1932 #1ambackup…查看更多

同同事食午餐,佢都係沙嗲王旗下,雖然叫白咖喱公司,但食既野同沙嗲王差不多,但就冇沙嗲王甘多野小食,主打白咖喱為主.沙嗲王就由中學開始食到現在~甘岩撞到3個同事可以一齊放午飯,所以去左試下新開白咖喱.外觀設計同沙嗲王一樣,我地都係叫最常食的類.白咖喱香茅豬扒必叫之一,真心地覺得食甘多間餐廳,佢的白咖喱係最好食,豬肉冇酸臭味,比香茅蓋過哂,豬扒香嫩多汁,微微辣中帶甜，配飯超解饞.蟹粉豆腐鍋..係我每次一定一定要叫!!真心好食到不得了,豆腐滑嫩吸滿蟹粉鮮甜膏汁，配鹹蛋黃，入口綿軟濃郁，微微海鮮香不油膩,超讚!另外個炸魚柳飯,好大塊..冇食過,同事叫~同其他餐廳味道差不多…查看更多

【旺角白咖喱公司食評】今晚試咗呢間以「白咖喱」為主題嘅餐廳，整體有驚喜！以下分類講講各款食品：🍛 白咖喱豬扒飯絕對係主角！白咖喱汁奶香濃郁，帶淡淡香料味，唔似傳統咖喱咁辣，容易入口。豬扒炸得外脆內軟，蘸滿咖喱汁好惹味，送飯一流。🦀 蟹粉豆腐煲經典菜式做得不錯，豆腐嫩滑，蟹粉醬鮮味突出，味道濃郁，不過略嫌油份多咗少少。🦞 晚市套餐：龍蝦酥皮湯酥皮香脆，龍蝦湯濃稠鮮甜，真材實料，飲到粒粒龍蝦肉，誠意之作。🍟 炸薯條即叫即炸，粗身薯條外脆內軟，鹹香十足，點白咖喱汁食有意外驚喜！🥩 鐵板雜扒餐（配薯菜、黑椒汁）鐵板夠熱，上枱滋滋聲好治癒。雜扒有牛、雞、豬，肉質正常，黑椒汁香辣濃味，薯菜分量足。總結：白咖喱果然係招牌，味道有特色，其他菜式亦保持水準，值得一試！…查看更多

入到去見到係沙嗲王旗下，期望本身不太高。 不過就試下先啦。 等位：平日十二點半嚟，都算滿座。 不過唔使等太耐就入到去喇。 環境：同一般連鎖餐廳一樣，寬敞明亮乾淨。 食物： 佢有好多選擇，連主食你都可以唔揀飯或者拉麵。可以揀蔬菜粒粒。 咁佢係白咖哩公司，我就叫咗個白咖哩拉麵配炸豬扒。 白咖哩味道都甜口嘅，麵質唔算淋。感覺就同平時喺沙嗲王食到嘅麵一樣。 但係我反而好驚訝佢個炸豬扒，非常之鬆軟。 有少少去到日式厚切吉列豬扒嗰種味道。 我都有懷疑個係咪用鬆肉粉嘅，始終幾鬆軟都好，應該都有返啲豬肉嘅煙韌度。但本人感覺覺得都ok，係食得開心嘅，都冇感覺到工業味嘅。總結：都算唔錯，白咖哩冇印象，但炸豬扒好食。 …查看更多

假日同友人係旺角行街，晚餐唔知食咩了，經過此店-白咖喱公司，沙嗲王副線，話時話好耐冇幫襯沙嗲王，但好記得佢個白咖喱豬扒飯係幾正，冇乜心水就試下。餐牌，但一樣都係電子落單。門面的洗衣機裝飾十分搶眼，餐廳內堂面積頗大，木系為主調簡約的格局，帶點日式之感，見到有一人坐位果下幾好。熱青檸柑梅蜜，跟餐+$16，酸甜滋潤。白咖喱香茅豬扒飯，$66，要了少飯，白咖喱質感稠身，較溫和的咖喱香，味道甜甜地少許辣，香茅豬扒鬆軟香口，基本上同沙嗲王個味係一樣。一口流心特濃朱古力心太軟，跟餐+$18，好奇一試，應該係改錯名，叫心太硬至真，內餡唔流心，蛋糕質感似卡邦尼，黑朱古力味唔算好濃郁，味道普通。味道正常水準，但好耐冇食白咖喱之下覺得幾好呢。…查看更多