發記飯店

今日喺外賣平台，叫咗椒鹽九肚魚！送貨員準時送貨，亦都個餐盒仍然好，滿心歡喜食我最愛嘅狗，可惜食到第一啖覺得有啲唔妥，係腥嘅，之後再食多啖嗰啲都唔九肚魚，係一般炸魚仔！之後喺外賣平台申請退款，餐廳負責人打電話嚟，問我發生乜嘢事話佢哋不嬲都用九肚又問我食咗啲咩魚！九肚魚同葡萄丸嘅分別九肚魚係滑身嘅普通魚炸過係鞋身嘅同埋更加想我食咗係腥嘅！好明顯係品質同埋比嘅嘢唔啱啦！佢唔願意退款，唯有我喺各大平台實報實說以後唔好幫襯呢一間餐廳唔老實！講真區區一個九肚魚，你都可以搞成咁，高唔老實做生意鬼幫襯你咩？…查看更多

對上一次光顧已經係8年前，今日突然想坐街邊食打冷同小菜，就唸起屋企附近發記。真心推介鵝片拼盤，鵝肉大大份，味道剛剛好不會太鹹，鵝腸爽脆而無油腥味（因為師傅去油去得好乾淨）。我貪心加$20拼多一份墨魚，以為都係少少地，點知墨魚份量多到食唔曬！大大份鵝片三拼都係$165，好味過果d所謂米芝蓮潮州店多多聲。然後，另一驚喜係酸辣湯。個人認為係最足料最樸實但好comforting。口味不會太辣令人食到標汗，作為開胃餐前湯就最合適！重點係入面除左有一般酸辣湯料外，仲有足料雞絲、鮮蝦等。我唸住叫一碗，點知上菜時先發覺好大碗，個份量夠三個人食！最後意猶未盡叫多個菜飯，都令人好impressed，因為個菜飯係用雞油加蒜炒出來，香噴噴，唔係一般嘅味道。個菜飯嘅份量同酸辣湯一樣，起碼有普通家庭兩碗半份量。個餐牌上面仲有好多其他嘢好想試，菜式個range都好大，心入面禁不住要讚讚個廚師。無奈得兩個人叫唔到好多餸下次一定要試試其他。…查看更多

今次行過天后，撞正一間發記嘅食店，好似有種「原來寶藏就近在咫尺」嘅悸動。入面環境簡樸，反映出一種純粹飲食嘅享受。鹵水拼盆就上嚟先，肉質滑潤，帶點彈牙，鹵水卻又香濃得黎唔會蓋過食材原味。吃下去，每一啖都夾帶住似曲有情嘅滋味。講到干炒牛河，啲牛肉嘅香味同河粉嘅齊齊噴香，真係讓我食咗一啖，停唔住得一啖嘅。而嗰炒菜心，蒜香撲鼻，爽口得滑，實在係撩撥晒胃口。😋最後，添碟炒鵝腸同墨魚，講真，各有千秋，摩登潮州味係呢度得到完美演繹，鵝腸鮮嫩，墨魚篤實，呢啲搭配喺咀裏頭爆發出嘅味蕾火花，媲美任何一場味道演唱會。來到呢度，唔好以為只會得到熟悉嘅風味重溫，更多嘅，係意想不到嘅創新同驚喜。😍👌…查看更多

當日18:45一行三3人直入,唔洗等位只叫2人個餸羊腩煲+小炒王+南妹一枝開頭上台好對板睇落去好大煲但食落先發覺好多料頭(薑)唔抵食我阿媽見到拒放上枱時,仲話"咁大煲,3個人食唔食得曬"…查看更多

住響呢間打冷號嘅樓上，不期然漸漸都會變咗做熟客，依間舖頭都有一段歷史，今日夜晚突然間好肚餓，走咗落樓下嗌咗個宵夜。鵝片拼墨魚。亦係我每一次會嗌嘅例牌。分量十足，墨魚同燒鵝嘅數量亦都好足夠，最精彩嘅就係有兩款題材，肚餓啲嘅可以選擇豆腐底，想冇咁Heavy可以選擇大豆芽底，今次就選擇左豆腐底，燒鵝好香，肥瘦適中，墨魚都算厚切，唔會薄依依，食落口嘅感覺好滿足，好新鮮，爽口彈牙，燒鵝嘅油脂一入口就慢慢深啲香氣出嚟，依個千年老水底亦都係精彩嘅地方。豆腐亦都係選擇靚嘅豆腐，唔會好似其他質素比較差打冷，一夾就散，實淨有豆腐香！辣椒油簡直就係畫龍點睛！好出色嘅辣椒油，好香唔會剩係得個死辣兩個字！非常滿足嘅一餐宵夜…查看更多

而家小店越來越少，打冷嘅地方更加少之有少。見到呢間發記，即管嚟試一試。味道都可以，但係如果對環境、服務、衛生有要求嘅，又或者對衛生標準高嘅朋友就未必推介，始終都係街坊小店，唔可以期望啲叔叔好有禮貌地服務。鵝片同埋墨魚都好食！墊底嗰舊豆腐都好滑呀！對呢個拼盤非常欣賞。蠔仔粥～都OK，難得唔會好腥雜菜煲，普普通通兩個人，三個餸一支小啤酒，已經好飽，承惠$312。今時今日呢個價錢食到鵝片，我覺得都OK啦。抵唔抵就見仁見智啦～但係見到佢哋都有啲捧場客。…查看更多

食咗好多年質素無乜變，宜家地道打冷舖買少見少，特別係香港區，發記位處好多嘢食嘅天后，疫情期間都怕佢會頂唔住，好彩佢靠一班老顧主都仍然屹立不倒。想飲返杯啤酒時，打冷就最好不過，太多可以送酒嘅餸菜及前菜，幾多人嘅組合都適合。發記除咗潮洲打冷外，佢仲有好多上海嘢，客飯都有，海鮮又有，真係要乜有乜。今晚坐在近門口位置，無意中發現原來好多人叫外賣喎，係意料之外的，食咁耐外賣order未停過，見好多人叫韮菜豬紅！…查看更多

星期日晚，用外賣平台叫嘢食，見到呢間潮州嘢，剛好想食，就叫左試下，點知體驗真係一肚火。我叫左一盒滷水鵝例牌，點知得幾舊鵝，大半盒都係豆腐。真係好呃秤! 味道就一般，但真係無唸過份量咁少，搞到要自己再煮個公仔麵。太太叫的碟頭飯，也是勁少餸，得飯大盒。好差!以後唔會幫襯!…查看更多

其實標題已經差不多說明我想講的｡打冷舖來說，食物份量還可以，味道不是特別出色，反而部份塑膠餐具有漂白水味｡點了鹵水拼盤, 椒鹽白飯魚, 砂鍋津白,豉椒炒蜆,蜆仔肉和蠔仔粥。但上漏椒鹽白飯魚。埋單時，手寫單沒有清楚列明菜名，只得一堆正常人無法看懂的字或數字, 侍應亦沒有特別解釋那些文字, 只是說出總數。其實，我自己也有責任去核對單張, 問清楚, 只好怪自己疏忽｡因此, 想提醒大家到這間店舖時，埋單一定要同侍應check 單。感覺不太好。…查看更多

app外賣過程出了小插曲, 所訂購之食物其中一盒意外地出錯. 老闆得知後, 二話不說作出更換, 由天后請員工坐的士極速送到跑馬地. 服務好到無話可說！一定再幫襯！！！！…查看更多

因為我腌尖王，去到天后食飯，一個人冇乜諗，本來諗住食燒味飯，搵唔到，見到打冷舖，就去試吓，去到打冷鋪，梗係要試吓滷水鵝片啦，但一個人食唔係好適合，因為啲嘢幾大碟。我就叫咗滷水鵝片雙拼，可以講師傅刀工好好，墨魚點嗰隻豉油好陪襯，但滷水鵝片些喊咗小小，配飯都OK啦！可能比較少人咁食，有啲人好奇怪望住我，大佬，我食飯廖能到不得了，唔係好多人接受。下次叫返啲正常嘢食囉，又係咁一餐啊，都係果句，好食係必須！…查看更多

以前我只係係openrice睇人地d食評,但今次我真係忍唔住第一次出post寫食評!!初初我睇食評時,見d食評都ok,有唔少正評,於是就心郁郁去試,點知就中伏!由於我係一個人去食,當然只想叫d一個人份量既野,驚食唔哂,但見d餐牌裡面d選擇好多都大大份,於是我有禮貌地問個侍應:「請問有冇一個人的份量既野食?例如蠔仔粥、方魚肉碎粥之類」個侍應就開始串串地咁答:「梗係有啦,一個人既份量到到地方都有架啦! 」佢仲要重複幾次...ok,我算!我當聽唔到。我叫咗一碗方魚肉碎粥,碗野一黎到,哇! 成碗野湯水仲多過粥! 似飲湯多d喎,咁就$52啦! 真係食唔飽但見味道都唔差,我算...成碗野好快食完,於是我就坐係到飲杯水,發下呆、休息下,點知隔咗一陣,個侍應就走黎大大聲同我講:「你係咪等緊朋友架? 」我果下好疑惑,佢再大聲重複多次:「你係咪等緊朋友架?如果唔係的話,就宜家埋單走啦!一陣仲有客人黎!」我果下真係呆咗因為我從來未遇過d咁既侍應!我答:「但隔離仲有其他空枱喎,而且出面又冇人排隊等」 佢繼續大聲講:「你唔係等朋友的話就過黎埋單啦!一陣仲有其他客人會黎! 快d出黎埋單!」我問:「一陣有客人黎,但宜家都未黎,客人訂了枱嗎?」他說:「係呀! 訂咗啦!」我問:「訂咗幾點?」他初初不願回答,於是我再問多一次,他才回答:「訂了7:30」我說:「但現在才7:18分」他續續說:「總之你宜家快d過黎埋單!」我唯有無奈地上前埋單,唔通賴死唔走咩....於是我問佢:「即係如果我下次打電話黎訂枱就ok,係咪?」佢答:「打黎訂枱的話,至少要3個人;如果一個人的話,就不接受訂枱!」我全程係餐廳坐唔夠半個鐘就俾呢個中年男侍應趕走,佢仲要一句sorry或「唔好意思」都冇,話哂我都係女仔一個!每次諗起都火滾! 我想講,一間餐廳的服務態度好重要,反而食物質素係其次(因為好唔好食係見人見智),侍應的服務態度真係會好影響食客的心情,亦會影響食客以後會唔會再光顧該食店。我想講,如果間餐廳唔想個食客坐咁耐,咁係咪一開始要主動同個食客單聲先呢? 例如同個食客講個用餐時間,而唔係等個食客食完冇耐就即刻大大聲趕人走!我並唔係要求五星級的服務質素,但至少人與人之間的基本尊重都要有掛最可恨的是,我食完返到屋企冇耐就開始肚痛,係絞痛果隻,懷疑係呢間食店的粥唔乾淨呢間餐廳真係完全唔掂影衰哂香港的飲食業!…查看更多

我地 OT完，去咗天后食晚飯。雖然好肚餓，得2個人，唔敢叫太多。只係叫咗2餸一湯罷了。有津白豆腐湯，豉椒炒鵝腸，同埋檸檬蒸烏頭。個湯有金華火腿吊味，所以雖然只有津白同豆腐，但個湯都好夠味。豉椒鵝腸呢，d鵝腸漂得大犀利，所以冇晒鵝腸嘅味道，得過爽字。唔知係咪飲完個湯先食鵝腸，個湯好夠味，但係碟鵝腸就唔夠豉椒味。個蒸烏頭，係用鹹檸檬來蒸嘅。鹹檸檬嘅鹹味蓋過晒烏頭嘅魚味。總括來說，啲餸普普通通，雖然唔係太差，但係仍然有進步嘅空間。…查看更多

夜晚流流，肚仔餓餓，好多時都諗起打冷加枝大啤。朋友帶我嚟發記，坐底見餐牌除咗潮式食物，仲有點上海食品。第一樣點嘅係見到後面枱碗黑媽媽嘅螺，香濃入味，螺肉軟淋，好食，不停食。滷水豬肚同豆腐本體唔錯，但滷水味就欠奉，鵝掌就相反地入哂味。鹹酸菜總是一粒一粒吃不停，食下食下就成碟無哂。潮式凍馬友，魚味清新，魚肉偏濕，豆醬咸得厲害。京都骨味道同煮功都幾好，但肉竟是普通豬扒。雞煨麵味道同麵認真不錯，那些隨便的配料不管了啦。…查看更多

紅雨黃雨不斷，下班仍再要去商務講座直落晚八點半有多，返到天后經已九點。拖著疲憊的身軀，正當糾結晚餐吃甚麼之際，想到屋企附近發記，有驟雨中的陽光般的興奮，一個人點了蠔仔粥，粥是典型潮州做法，水和米各自各精彩，蠔仔量多又帶海水味。正！鹵水鵝片是水準之內，難得沒有過鹹，抵俾一個Like, 最後來個韮菜豬紅，豬紅和韮菜均沒有渣，是上好貨色，韮菜因可降血壓，如果大家不介意它的草青味，久不久應該吃一次，韮菜因新鮮不但無渣且咬下會在口中爆汁，埋單$228，間中豪一「蠔」不過能把滿足帶回家。ok la…查看更多