發記粥麵

營業中

休息中

預製油炸鬼？！係咪我眼花？搬咗入大埔三年，終於的起心肝試吓依間出名嘅發記粥麵。我同老公叫咗個炸兩、豉油王炒麵、碎牛魚片粥、豆漿，加埋都係$91，超級抵食。落咗單之後，我發覺後邊個食物櫃放咗好多排油炸鬼！係咪我眼花？依間老字號嘅油炸鬼唔係即炸？係咪預製啊？食物上枱，炸両唔香冇味；魚片香甜、粥底有爛飯嘅質感；豉油王炒麵（椰菜銀芽炒麵）係全部嘢入邊最差，無味.... 似白烚再撈豉油。我唔明點解會係大埔名物，唔會再去冇下次！

價錢今日星期六，叫左一碟叉燒腸粉，一碟炸兩，及兩杯飲品，總共$86。食物同飲品質素，跟唔上收費水平。腸粉味道碟腸粉由阿姐手上遞過來一刻開始，已經聞到一陣淵臭味，我本以為係餐枱俾抹布抹過既氣味，尋找之下，發現主要臭味源於腸粉。仔細分別過碟，叉燒，腸粉，豉油。碟有輕微抺布味道，叉燒冇問題，問題出喺腸粉或豉油身上。推測一，製作腸粉時的抹布有臭味。推測二，豉油發出臭味，對比過炸兩上的豉油冇問題，但不能證實兩者用同一支豉油。腸粉份量價錢$25 ，但份量少得可憐。腸粉幼搣搣炸兩價錢$23 ，份量充足，入面嘅油炸鬼十分脆口，外面包裹嘅腸粉好薄。見仁見智，可能有人會覺得腸粉較口，先有口感

發記粥麵：呢間檔口我嚟到永遠都會叫佢「蔥花蝦米炸両」，首先佢係專做粥麵，腸粉自製，腸粉皮不會過厚，半玻璃效果，油炸鬼自製，不是用隔夜老油條，全部即叫即製，額外叫一聲多蝦米多䓤，太子會化身阿拉丁入邊嘅燈神一樣有求必應，一碟冇記錯都好似係$22，咁嘅質素，咁嘅價錢，唔係好多地方可以做到

今朝瞓醒涼涼地想食粥，就出咗去街市大樓揾食。上到去唔算多人，好快揾到位，去鋪面睇餐牌揀食物，姐姐話唔駛睇得咁辛苦啦，比個餐牌我返去坐低慢慢睇 🤣🤣揀好食物，我唔食牛就叫艇仔走牛，姐姐話加返啲咸肉比我 😍😍 粥有啲淡，反正食粥都係想清腸胃，無所謂啦。個炸兩大大碟，但油炸鬼唔算脆口，佢有成罐芝麻喺檯面，我就仙女散花鋪滿面 🤣🤣🤣兩個人兩碗粥加碟炸兩成為 $68，食完離開唔覺飽，但行行吓落格就好飽囉！

有一段時間無去大埔墟新街市的food court食野了；食物貴左外，之前發現好多食物好似失了水準，最重要的星期六日是特別多人等位，所以自己也很久沒有來這個種類繁多的食店搵美食了。趁今次有朋友話來大埔行山，就盡大埔友地主之誼，請你大埔地道的美食啦…好欣賞憑雙手做出好好味食物的師傅，一路都做唔停手，見師傅真的無停手係甘整。蝦米滑滑腸粉：食落真的滑落喉嚨甘，好滑溜，配上芝麻，花生醬，甜醬，香港的地道美食。艇仔粥：食材豐富，粥底也綿綿的。粥底好綿綿，最有特色是豬肉片好新鮮juicy，皮蛋又好食，唔臭，配上薑絲的粥食落都好有味道。

天氣開始轉冷，朝早都不願起床，只想一整天躲在被窩內！但咕嚕咕嚕的肚餓聲不停響着，想吃碗熱騰騰的粥！我家附近沒有粥舖，便去大埔街市醫肚。荔灣艇仔粥（$22）- 艇仔粥的粥底很滑，有牛肉碎、魷魚絲、魚片絲、花生、蔥粒，但就沒有豬皮。豬紅碎牛粥 （$27）- 牛肉碎的味道可以，但豬紅沒有味道，食落淡而無味。油炸鬼（$10）- 油炸鬼一般，我覺得比較硬。腸粉 （$15）- 腸粉唔夠熱，但好在醬料和芝麻可以自行添加。我最喜歡麻醬、甜醬和辣醬調勻一起吃！

ナビでは駅から9分とのことでしたが、道なりに歩き左手出てくる大きなガラス張りの建物の2階です。下は全て市場で、新鮮な魚介類、肉、野菜まで！市場と言っても、一般の人が来る場所のようです。どうしても近所で日本にはない美味しいお粥が食べたかったのですが、期待通りでした。フードコートといっても、日本のように綺麗で整頓されているわけではないので、ご注意を。15時という時間帯にも関わらず、とても賑わっておりました。

聽講呢間舖頭嘅出品唔錯，今日走上來試試。叫咗個及第粥， 覺得食一碗粥好似好寡咁， 所以叫多個炸兩，寫單姨姨好奇怪咁望住我，原來佢驚我一個人叫得多得滯，提議我食炸壹， 話幫我問下師傅做唔做， 結果就寫咗炸壹畀我啦。炸壹其實係用一條油炸鬼， 炸兩就係兩條(一孖)油炸鬼 ，包嘅腸粉份量係一樣。 油炸鬼好脆 ，加上滑滑嘅腸粉， 仲有甜豉油 ，好味到我好快就食曬成碟至於個及第粥 ，真係好大碗。生滾粥底， 好綿好好味 ，裡面啲材料又多又唔過熟。 其實食咗細半碗已經飽曬 。唔好嘥嘢 ，拎返屋企慢慢再食。

昨晚吃得太飽了，今午要吃得清一点，所以又來到此店！這次已是第三次来了！店舖雖然很小，實在有点擠迫，但食物郤又平又靚啊！新鮮猪膶粥！粥底很绵，調味好，猪膶新鮮！炸两！內裏的油條還脆，外面的腸粉很軟滑！傳統牛肉腸粉！內裏的牛肉混合了馬蹄，令口感更豐富！豉油帶有少許甜，令腸粉更美味！在這裡千萬不要叫凍鴛鴦，苦得要命啊！

星期天，買菜的日子。我很少在星期天買菜，所以不知道我心愛的魚蛋粉星期天是不營業的。冇魚蛋粉，咁就速速轉場，轉攻發記。發記，最好味，當然是腸粉！腸粉最好味，我選豬潤！能供應豬潤腸粉的食肆其實不多，我想這個需要比較高的技術來控制火候。因為胃納關系，我不會點生滾粥，（份量對我而言，多了點）我鐘意白粥配豬潤腸粉。因為今天時間比較早，客人不是太多，白粥吃了幾口，腸粉就上桌了。保持水準的食肆，我們要好好維護。平時在酒樓吃腸粉，是一碟三條，這里是兩條，其實份量是恰當的。幼滑的腸粉，包裹著新鮮的豬潤，還有姜絲提味去腥。發記的豬潤不是薄片型，是條狀，豬潤是剛熟、口感帶爽脆，配合甜豉油，絕配！因為豬潤是條狀，吃起來，也比較方便，不會讓你食相狼狽。吃完新鮮熱辣的腸粉，喝完白粥，我充滿力量了，可以應付一天的工作了。

自從囝囝在大埔念書後，實在多了走走糴糴，大部份都是在市政大樓吃點東西。 熟食中心內，客人極之多，生意不愁，但魚蛋粉麵檔又有好幾間。今次在發記點了碟牛肉撈麵，但牛肉份量只得三四小片，賣相少得可憐，就連蠔油都彷彿多給了會虧本似的。猶幸麵條的鹼水味不太重，反而湯底有如君子之交淡如水，看見市政大樓多食肆，下次不必再來。

在為發記粥品撰文時，先來說一說大埔街市熟食檔的小歷史。大埔的熟食檔，源於60年代，大埔的廣福橋頭，著名的有謝華記的橋頭雞粥、波仔記的燒臘、林記點心、平記雲吞麵、洪記、周明記、鴻基、英記、惠陽、等等等等。那時候仍未出生，當時的風味是怎樣的，只能從父母兄輩的口述中，再加上自己的幻想，才能把當中的情景浮現出來。我認識的大埔街市熟食檔，就要從那個臨了幾十年的街市說起。當時，我依然是以上所列食肆的常客。坐在燈光永遠都不足的街市，享受著黑色大風扇的涼風，熱嗎，就算炎炎夏日，半點熱的感覺也沒有。大埔墟的球場拆了，幾年之後，那一個地盤就建成了一座樓高6至7層的大樓，人人稱之為新街市。而昔日的老字號大排檔，若不是店主老寺退休又沒有後人接手，大部份都繼續留守大埔墟這一個獨特的大排檔世界，以上的名字，讓大家找日上去大埔墟街市看看，除波仔記、周名記同謝華記外，這一些老字號，也許服務了三至四代的大埔人了。今時今日，週末的大埔墟街市，依然是一位難求，茶檔、燒臘、麵檔、點心，沒有一間看不見人，在大埔街市等位，是一件痛苦的事。這一天，如常同太太來，她每一次來，都是指定來發記粥品的。為什麼，因為這一個粥檔/麵檔的出品，

由2006，到2012，足足六年沒來過熟食中心的發記，猶記得他們的腸粉，是不錯的。今次要了叉燒腸，發記的腸粉，是用手磨的米漿拉出來，即叫即拉，理應差極有個譜，況且，雖然沒來多年，但近年聽回來的評價，大多是正面的，偶然，在面書上都見到有朋友，說有點失準。叉燒質素麻麻，肉質有點柴，色水暗啞，幸而腸粉拉得夠滑溜，煙韌中有米香。不過，醬油嫌有點鹹，事後感覺不太爽。究竟，是味精，抑或是其他因素作崇？

又到發記食炸兩!!!吃過大埔街市咁多食肆的炸兩係叫我再三回頭的,又脆又滑不過今日另外試了蝦米腸~~~~感覺係----不吃也吧!老公吃了碎牛粥,也很不錯,夠味~~~不過肥姨姨和肥哥哥依然係"唔休做"的樣子你有你叫,佢有佢傾

星期日, 回到大埔外父家, 幫忙收拾一下東西. 我們二人一早入到去, 第一站不是直接回家, 而是上黎街市, 食我們的Brealunch.其實有一間老字號我想試埋佢, 不過來日方長, 今次就陪齋妹去食她至愛的一檔大排檔, 發記粥麵. 為何她獨愛呢一檔大排檔, 原因有二, 1) 因為這兒有即拉腸粉食, 2) 這兒有素食餡既腸粉同粥品發售.先把她的粥同腸粉進行解畫. 首先, 要解釋一下點解呢一間東東會有素食供應. 原因老闆娘食素, 所以特地設計出不同類型的素肉粥品同素餡腸粉, 而且她知道, 大埔區有不少素食道親, 做素食, 點都會吸引一批客仔. (我太太同外母就是例子)先來是她的粟米素火腿粥, 煲得夠綿夠熱既粥底. 味道帶點咸香既鮮味. 素肉本身的味精精華, 帶了點在粥品內, 另外每啖都有一口粟米粒的香甜, 製作雖是簡單但這一份滿足, 是素食者才能明白.素火腿腸粉, 餡就是素火腿, 菜, 粟米粒同紅蘿蔔絲. 豉油味道算是鮮美, 好的地方就是不太甜, 不好的地方也是不太甜.葷食, 由老闆本人在內廚房主理, 外廚房只整腸粉及所有素食, 內廚房就做葷食, 分得清清楚楚. 只是有時意外地把肉食包了在