發記海鮮酒家

營業中

休息中

由於布袋澳位置較偏僻, 但為了想食一餐豐富而新鮮的海鮮也到此一來~一到發記, 侍應招呼很周到, 還叫我們選擇食材, 我們order時註明瀨尿蝦、龍蝦要大隻多肉~椒鹽瀨尿蝦 - 大大隻的瀨尿蝦, 肉質很爽很新鮮~椒鹽鮮魷 - 表面很脆又彈牙, 椒鹽又夠惹味(我見每枱客人必點之餸)芝士龍蝦伊麵底 - 芝士又多又濃, 龍蝦和伊麵完全被芝士汁吸收, 龍蝦啖啖肉、肉質夠鮮甜, 吃落很滿足, 好好味...讚~魷魚刺身 - 切得夠薄, 魷魚很新鮮很爽口, 而且賣相很精美...正~~

西貢、南丫島、鯉魚門等較知名的海鮮熱點都嚐過，來布袋澳卻是頭一趟。布袋澳地點偏僻，從寶琳出發乘小巴約半小時便抵達，下車地點在布袋澳村入口。其實這裡只有兩家海鮮餐館，咱們隨便挑了其中一家，因為看到它張貼了不少名人光顧的照片哩！海鮮材料都是在海鮮檔親自揀選合心意的，二人共點了五款海鮮，另點炒菜一碟。（１）薑蔥炒花蟹：花蟹肉質結實鮮甜，啖啖可口，惟獻汁略甜，而且蔥尚未爆透未夠香。（２）豉汁蟶子皇：蟶子皇味鮮，但問題是獻汁味道調校得有點過火。（３）蒜蓉粉絲貴妃蚌：粉絲太乾身，蒜蓉採用炸蒜而非生蒜，這都是失分的地方，貴妃蚌本身是非常肥美鮮甜。（４）清蒸鮑魚：鮑魚很大隻，質地偏韌，而賣相不佳。（５）蒜蓉開邊中蝦：蝦膏非常多，但蝦肉沒有基圍蝦般鮮甜。服務倒算是慇懃有禮，帳單也清晰明確。結帳合共七百多元，價錢並不算昂貴。總而言之，這裡的優點是新鮮的材料，至於師傅的廚藝功法，實屬一般。

自4月下旬起，心裡一直迷惑。光顧了布袋澳發記，同桌是同文(即是另一位OpenRice食家)DownAngel，餐後兩三天即遞交了食評。心想：同一餐飯，DownAngel都寫了，我，還要再花筆墨嗎？終於，近日百忙中讀松尾芭蕉(Matsuo Basho)「奧之細道」時，找到了答案。當日芭蕉寫下「奧之細道」紀錄旅程，傳誦至今，但其實同行弟子/朋友曾良也寫了隨行日記，知名度雖略遜，但研究或譯註「奧之細道」時，很多人都拿兩者相互参照。由此啟發，這篇食評還可一寫。此餐甚為豐富，正如同文所述，有：椒鹽鮮魷蒜茸粉絲蒸象拔蚌 椒鹽瀨尿蝦蛋白花雕蒸蟹龍蝦 鹽水煮蜆以食材論，椒鹽鮮魷本應最平凡，菜式做法也是尋常慣見。然而，可能正正由於平日嚐過不少失敗例子，更覺此處的質素突出。平日見過的失敗個案一般為：1. 魷魚肉質太硬；或2. 調味過濃，掩蓋了魷魚本身鮮味；或3. 以上(1)及(2)同時符合這裡的椒鹽鮮魷就沒有以上弊病。鹽水煮蜆湯底清甜，在滿桌濃味海鮮環伺之下，更形突出，乃絕佳清新之選，還伴了芽菜之類，根本就可當成一味湯水。其餘的幾道菜，與DownAngel有同感，不贅。反而有一事，想補充一下。許多人來這裡

今天一早與一大班同事由五塊田出發，經歷兩個多小時的艱苦旅程，目的只係想品嘗一頓豐富的海鮮餐。記得以前一大班同事晚上也不時到此食海鮮餐，已有一段很久時間沒有光顧發記海鮮酒家，估唔到下午亦有那麼多人光顧，而最估唔到發記海鮮酒家煮出了色、香、味俱全的海鮮。一行七人點了以下菜式﹕1) 椒鹽魷魚 - 魷魚非常新鮮、肉質嫩滑2) 蒜茸粉絲蒸象柭蚌 - 蒜香味道濃、象柭蚌爽3) 椒鹽瀨尿蝦 - 味道不過4) 花彫蒸蟹 - 薑蔥(綠色)、雞蛋(淡黃色)加花蟹(有紅有白)，色彩鮮艷極了。5) 鹽水煮蜆 - 感覺鮮甜可口6) 椒鹽唐生菜 7) 薑蔥龍蝦 - 肉質鮮甜總括以言，食得開心、稱心如意、價錢合理。

相約左好耐的布袋澳海鮮餐, 一拖再拖終於約去得到了, 一行十一人唔知點去一陣間就到了 (多謝有人車我). 六點到到達, 天仲係光光地…. Good 可以比我呢個大鄉理影下相. 係唔知邊個一早book 左位之下就去左”發記” 度食; 對我黎講有得食就得架啦, 二選一又唔使我煩, “正”一坐低就比人問下我地叫唔叫套餐, NO 啦… 即刻跟識食的方生去選海鮮…..揀左的海鮮有9款, 分別係: 蝦, 龍蝦, 瀨尿蝦, 蟶子皇, 鮑魚仔, 魷魚, 象拔蚌, 螺, 蟹….揀海鮮的過程就有小小插曲啦. 話說龍蝦我地想用炒飯做底, 居然比人reject左, 話唔識煮. 除左O咀仲可以點呢?講返海鮮的做法: 蝦; 白灼; 一般貨仔, 我都識整龍蝦: 上湯焗(伊麵底); 龍蝦OK正, 我特登叫唔好芝士做, KEKE 因為有人唔食得瀨尿蝦: 大大隻, 椒監分件上, 我好似食左兩大舊, 好似無膏蟶子皇: 照ORDER, 要有十吋先叫, 豉椒炒, 野味鮑魚仔: 陳年果皮蒸鮑魚唔知點解有D 綠色的野係度. 揀時話係大隻D, 都OK比較大, 好食呀魷魚: 椒監鮮魷, 熱氣野多數都係好食的象拔蚌: 平時食開大大隻的,

相隔了一兩年沒有到來.. 今晚一行 8人乘坐的士再次入到這裡..只有兩間的海鮮酒家.. 我們便選擇了這間不收開瓶費的!環境全是露天.. 像在魚排夾板上似的.. 有風味..但是可能天氣不大好.. 皆因這幾天都有下雨.. 飛蟻多的是!食物不錯.. 鳳爪爽口.. 蜆湯鮮味.. 但鮮尤比較濕而又不脆.. 乾一點比較好..花甲新先肥美.. 賴尿蝦香口.. 但聖子味道就濃了一點.. 清一些比較好..炒蟹夠穫氣.. 味道非常好.. 但蟹肉比較少.. 相反龍蝦就啖啖肉.. 非常之好..蒸魚更是好.. 既新鮮.. 又爽滑.. 味道剛剛好!整體來說食物質素和味道是很好的.. 可惜交通真的有些不便!

今次叫了東星班, 椒鹽鮮魷, 蝦醬通菜, 辣酒煮花螺, 豉椒炒蜆, 芝士龍蝦, 蒜蓉粉絲蒸象拔蚌, 白灼蝦, 鹽焗雞, 海鮮湯。東星班很滑, 蝦醬通菜很香, 辣酒煮花螺d酒好香, 好野味, 芝士龍蝦夠爽口和鮮味, 鹽焗雞好滑, 海鮮湯很鮮味。這裡的菜全都煮得能帶出食物本身的鮮味, 而不用太多味精和調味料, 正.....

在咸豐年時被各大傳媒及昔日戰友攻陷後，自己才第一次到布袋澳食海鮮。五點還未算多人，好不容易選擇了近海邊兼當風位置，比起強勁冷氣及冰凍啤酒好十萬九千七倍。小菜有人負責，而我及部份人出去選擇海鮮，當點到一條要四舊水，大家異口同聲話唔駛，我差的想講「多舊魚」。九個男及女共點了九道菜，約十分鐘後就陸陸續續送上。以下是各菜式的簡評：椒鹽鮮魷：粉漿厚度不一兼不脆，鮮魷比較鹹，唔知係唔係出完一身汗的問題，還是汆水時都落鹽；沙薑雞腳：味道剛剛好，不太硬，不點沙薑粉都可以；白灼蝦：這些都是養蝦，七元一兩，太約點了斤四，蝦頭有苦味，我諗貴三蚊一兩的海蝦或者好少少；豉椒炒聖子：每人一條，炒完後都係好大條，與鮮魷一樣都係偏鹽，咸的是肉質本身，而不是汁醫；椒鹽瀨尿蝦：是幾道菜中最好的，少少辣，多多脆，脆的是指殼，肉質爽脆；蒜泥蒸帶子：蒜泥、粉絲及帶子各自各精彩 (三層味道係分開)，尤其粉絲最不夠味，蒸得幾乾身，不過都係不好食太鹹；椒絲腐生菜：不夠腐乳味，同埋有點兒乾身；豉油王炒麵：色水滿分，豉油味零分；揚州炒飯：有人想點海膽炒飯，但已經賣曬，唯有點另一款。一睇就知飯煮熟無耐，及比一般的細粒，配料都幾多下，食落沒

行完山去左布袋澳食午餐，第一次幫襯D炒粉麵飯都幾好食，落單時已講左少油既炒菜都係多油，但碟海膽炒飯$130元就一D都唔抵食，又貴又唔好食，唔講都唔知係海膽炒飯，同普通炒飯完全無分別，椒鹽鮮魷就非常抵食大碟及價錢合理，如果唔食海鮮都會再幫襯，因為D海鮮真係超級無敵貴，我地叫左六隻聖子都要$180元但就真係好好食囉。

當晚和朋友第一次去試，但很失望!1. 上湯龍煆 - 好fishy, 一D唔新鮮。 个汁又好淡！2. 椒鹽鮮魷 - 脆粉好厚! 味OK.3. 生炒排骨 - 好乾! 4. 豆醬生菜 - 冇想過甜豆醬会是咸的！ 汁又淡, 唔得！5. 白灼蝦 - 全晚最OK, 鮮甜!!6. 鮑魚 - 肉質有D勒, 唔鮮甜.唯一可取是全店人服務態度好好！

昨天中午，一班同事為了慶祝完工，去了食海鮮。閒日中午人唔多，只是我們兩圍，一坐低都幾乎有得食: -1. 灼蝦 (ok - d蝦係新鮮的話好難唔好食)2. cheese龍蝦麵 (ok - 一向都唔太中意食龍蝦)3. 蒸飽魚 (麻麻，冇咩鮮味) 4. garlic蒸扇貝 (ok - 一放低好重garlic味，粉絲好味，隻貝都有甜味)5. 蒸魚 (好 - 應該係星斑，幾滑，魚靚)6. 滾魚湯 (ok - 好重魚仔味，好重胡椒味)7. 雞 (唔知 - 太飽冇食到)8. 蛋白蒸蟹 (好 - d蛋好滑好有味，蟹都好鮮甜)9. 菜 (唔知 - 冇食到，太多油同埋炒到淋晒)加左個海膽炒飯，炒得都算乾身，都算多海膽，有d鮮味。

西貢食得多，今次黎番布袋澳，真係無令我失望。蒸石斑：魚肉鮮味，好嫩滑！蒜蓉蒸扇貝：扇貝大大粒又鮮甜，好想食多粒啊！花雕蛋白蒸蟹：蛋白 “滑LuLu”， 花雕份量剛好，香噴噴，撈飯食一定好正。花雕蛋白比主角蟹更吸引。原條椒鹽賴尿蝦：賴尿蝦肉質彈牙又鮮美，我既至愛！佳餚美酒，加上無拘無束既環境，真係開心到震。

一行八人, 我重來都好少寫食評..但今次真係要寫翻出黎八個人食左好少野, 但一D都唔知食左咩要1950$細到爆好似手指尾既蟶子 -->難食鮑魚 --->唔新鮮, 又細隻"由"魚 兩食 --->呢個叫係全晚較好食海胆炒飯 130$ -->搵笨到暈扇貝--細隻到爆都要35$隻lai尿蝦--->叫做大隻?? 一d都唔大隻我好懷疑佢地換左我地叫個d海鮮...一d都唔新鮮去過鋰魚門,三聖,西貢流浮山, 呢度叫最差..仲要食唔飽要去既朋友真係要三思

椒鹽頼尿蝦$2xx沙薑雞腳$40發記抄飯薑蔥抄蟹$2xx辣酒煮花螺$9x鹽水花甲合共$791.00完全係即興入去食，因為我唔熟路，就靠一個話十幾年前曾經去過嘅朋友帶路，喺（彩虹）搭小巴入去西貢碼頭，再轉的士，點知係錯晒，原來布袋澳係喺西貢另一邊，一個南一個北，即係你會見到架的士反方向行番頭先小巴嗰條路，真係激到啤啤聲，咁就搭咗二佰幾元的士入去，啲車錢直頭可以嗌多個餸啦，其實應該喺（坑口）轉的士就啱數頼尿蝦唔炸得過乾，仲有水份，椒鹽香口個雞腳入味，彈牙滑溜，沙薑唔過咸，好正可能期望過高，個飯唔係阿蘇所講咁好食，啲煆脢，叉燒又乾薑蔥抄蟹好有鑊氣，隻蟹新鮮辣酒煮花螺，個汁麻麻，朋友話以前（大佛口）整得好好食，而家冇晒 花甲大隻大沙，個湯好甜不過呢度真係好唔就腳

偶然一個星期六晚去到清水灣海灘，一時興起走去貝袋澳，之前試過海鮮島唔錯，心諗呢間阿蘇介紹應該 ok。因為人數唔夠無 order 套餐，去揀海鮮先被呼喝排隊... 落單時侍應又炸型話某 D 菜會好耐，其實係西芹鮮魷... 點會耐... 實情係價錢平... 叫佢開冷氣又晦氣... 最慘係 D 野真係唔好食，碟碟無文無味... 我地第二晚去左至街坊既聯邦，碟碟都實實在在，好味大碟。早知楂返車出九龍食無咁激氣!!!你唔係阿蘇，千祈咪幫趁發記。