發記海鮮酒家

營業中

休息中

去布袋澳食海鮮, 未食飯前先食呢個日落景~真係好靚啊!!朋友介紹呢間發記, 佢地己經食過幾次都話不錯, 海鮮有時去到一d呃人餐廳, 分分鐘天價, 呢間算做有良心先來個雞腳做頭盤, 都幾爽滑先來鼓汁炒蜆, 好大碟, 白均蝦, 好鮮甜呢我覺得鼓油唔夠, 同埋蒜容太多蓋過晒海鮮d鮮味鮑魚真係好正, 好彈牙, 好鮮甜,  仲好大隻蒸皮芭蝦, 又係好大隻, 好新鮮, 呢種蝦唔係彈牙, 肉質較實, 但好鮮甜, 啖啖肉, 好正, 個人覺得食佢同龍蝦差不多, 但價錢就抵d蒸反條斑, 用來送飯, 完全無over cook, 好滑, d鼓油好正 ((點解屋企永遠蒸唔到呢d味既魚, 錢都係要比人賺>.<))最後來個炒飯, 無乜特別, 但來呢度食海鮮才是重點, 下次叫白飯都可以4個人食咁多野, 實在太誇張, 今餐埋單大約$3xxx, 但我覺得可以6個人食呢個份量都ok,share反就唔會咁貴, 但呢度海鮮真係好新鮮, 全部用蒸都己經好好味

布袋澳的發記海鮮食左好多年, 雖然地點不就腳, 要在地鐵站轉小巴來食, 但這裡環境很優美, 早點入來行吓是不錯的消遺, 最好不過當然是行釣魚翁徑入來食, 消完3-4小時脂肪, 吃來不會有罪惡感我地今次 17.00己開餐, 沒有太多客人, 可以選坐靠在海邊的細檯, 一邊食一邊欣賞布袋澳的美麗海景, 食飯都開胃啲自選海鮮, 睇啱報價, 啱價磅重及告訴店員煮法便可。今次我地只有3人行, 人數少, 要食得精要點。******************************大連活鮑魚 ($35/隻)新鮮大連鮑, 手掌般大, 最好用果皮清蒸, 帶果皮清香, 鮑魚亦不失其鮮味,火喉控制得剛剛好, 鮑魚肉是爽滑的, 三人一至認為……好味,  只是食一隻唔多夠喉咁啦游水海蝦一斤 ($150)細巧但極鮮甜爽口, 蝦肉帶海水鹹味, 基本上不點豉油吃更好。夠晒惹味, 送啤酒一流.招牌炒飯 ($68)炒得乾身不油膩, 粒粒分明 , 份量夠3人每人2碗有多。吃完晚餐, 可以在發記落單叫隔離鋪的糖水, 每碗只是 $10, 足料好味, 是一對公公婆婆的自家出品。3人連汽水及甜品, 埋單只須 $460, 有海蝦有鮑魚,

食海鮮識食一定入布袋澳食！強烈建議自己駕車入，如果唔係都可以係寶林站轉乘16號小巴入既…————————————————————#紐西蘭貴妃蚌（時價/$23兩）平時都係食開扇貝，今次老細推介紐西蘭貴妃蚌，同扇貝一樣整法，食落鮮甜品美，乜都唔加都已經好正，一人一隻，最好一人十隻啦呵呵#巨型椒鹽賴尿蝦（時價/$23兩）呢度有好巨型既賴尿蝦！老細話唔需要一人一隻既，可以4個人2隻斬件上。但2號就係中意一人一隻！仲要原隻上！隻蝦好似塊面咁大，咁先夠正！夠爽！！哇哈哈！！！呢4隻加埋大約係＄550俾個預算大家啦。#白灼跳舞蝦（時價/$11兩）本身想試虎蝦，但由於太貴啦！都要20幾蚊一兩，所以揀左細粒蝦，可以瘋狂地食多d都唔肉痛。唔好以為佢好普通，仲要白灼，但其實要食海鮮既鮮味，最簡單就係咩調味都冇，已經食到佢有幾新鮮，簡直好似係2號個口入面跳緊舞咁呀！窮遊指數：6/10好味指數：9/10————————————————————

布袋澳，一個未聽過未去過既地方，因為親戚請食飯所以去，但如果無車我都係見意唔好去，因為地方比較難搵，我家人開車都去錯地方，算係清水灣個面。我地12個人去食，叫左個3千元既套餐。有魚，蟹，包魚，扇貝，菜，雞，龍蝦衣面，聖子。完全夠飽有凸。環境休美，服務態度好，海鮮好新鮮好甜。

布袋澳，一個我從來沒有去過的地方。今次友人介紹，說這裏有海鮮吃，於是朋友的定期聚會這次選了這間，發記。這裏絕對只能駕車前來，如果不駕車我强烈不建議你來；有代客泊車，招呼甚好；可能現時生意難做。如果你可以駕車前來，這裏有兩個好處： 1. 價錢經濟實惠；2. 不用訂檯也必然有枱。今天是星期五，你想想，如果五六個人，去旺角，尖沙咀，必定塞車多人；而我們每次都要談最少三個小時，星期五到旺角訂枱吃飯有甚麼問題？問題是，你訂七點，他們永遠叫你八點交枱。所以，去到這間位置偏了極遠的發記，就絕對沒有這個問題。可以參巧車程。由將軍澳駕車前往，車程是二十分鐘左右。去到這裏，像是一個世外桃園。和長洲，南丫島一樣，感覺像是在短時間到了另外一個地方。男生們留意。拍拖不告訴女友，突然間去這裏，絕對好 feel。我看到現場有不少拍拖的男女，甚有情調。這裏雖然沒有冷氣，但今天氣溫 27 度，我這樣怕熱也沒有流汗，完全沒有問題。到發記除了叫海鮮之外，也有小炒，我們也點了一些，咕嚕肉味香，也不太甜，正合我意：鮮魷就做得一般。不難入口，但未到上上水準，可叫可不叫。螺最好是白烚，味香甜；不用太大隻，小小的也可以，吃得很滋味。

今日去男朋友親戚屋企拜年，食完晚飯之後，蒸左D年糕出黎食。本來好飽，已經叫哂吾食，但人地誠意權權，就食左一塊。好我慶幸有食到，因為佢既糯米味好香，而且蒸左甘耐，用叉拮起個陣吾會好似橡膠甘扯到長一長，跟住斷左甘，反而係好綿既感覺，食落有D粗粒既糯米，但係好淋好軟，仲好有咬口，甜度比出面賣個D少一半，係屬於清甜。個人非常鍾意佢既年糕，好想買黎要食。但要去到甘遠，就有D卻步。或者當佢係商場做PROMOTION個陣會吾會遇到!!

專登揸車入黎食海鮮!好多朋友都話又平又好味果然無介紹錯!!食左好多野(但成日唔記得影相....)不過個鮑魚好平,100蚊有6隻,仲要好多隻!!!!!!食落仲係好爽口,仲鮮味!個炒面都係大大碟..味道還可以啦~環境就比較簡單,但係野食好食就夠啦!

想黎布袋澳試海鮮好耐架喇 ﹗坊間傳文依度既海鮮比西貢市更平更靚更抵，一定要黎睇睇啦 ﹗一直以為布袋澳係西貢市附近，原來要係大坑上山再去郊區再到海邊架 ﹗終於黎到布袋澳，第一次黎完全唔識路，原來要穿過布袋澳村，走到海邊就係食肆喇 ﹗見到只有兩三間海鮮檔，我上網睇過最多好評既係發記，所以一早訂左位喇。我地一行五人決定唔食套餐，散叫既選擇空間較大，先到海鮮檔睇吓有咩好野先 ﹗叔叔們都好殷勤友善地講解同推介，仲幫我地計埋份量，怕叫得太多食唔晒就會浪費，唔該晒呀 ﹗依度既海鮮種類非常多，食得更開心 ﹗食肆建係水上面，不過已用鋼筋水泥釘實，但我梗係覺得飄飄地，朋友仔話我因為剛落船所以仲飄緊囉。望望個 menu，依度主打海鮮，所以其他小菜、小食、蔬菜都較少。而且佢地十點就 last call 架喇，要早啲到呀 ﹗豉椒炒蟶子皇，成日都係食蒜蓉粉絲好鬼悶，又已經叫左蒜蓉粉絲扇貝，今次想食得惹味一點，豉椒炒啦 ﹗我好怕煮蟶子煮得過火，會搞到又乾又鞋囉。蟶子黎到喇 ﹗嘩 ﹗非常滿意 ﹗鑊氣十足，而且蟶子剛剛熟，好大隻 ﹗鮮甜嫩滑又多汁 ﹗加上豉椒炒就更香口添 ﹗椒鹽瀨尿蝦皇，賣剩最後一碟喇 ﹗我地九點幾先到

星期天遠足旅行，從西貢坑口步行到布袋澳村。四點零五點，醫肚時間。幫襯「發記海鮮酒家」。典型漁村海鮮酒家格局，大牌檔 feel，環境OK，算係有啲親切感啦。睇餐牌，比一般小菜館貴好多，但話哂都係海鮮酒家（雖然山旮旯咗啲），一場嚟到冇所謂啦！但留意埋單先知原來有加一嘅，餐牌冇寫。人少少點咗三餸一湯。第一碟上嘅係豉汁炒蜆，賣相不俗，睇得吓。但啲蜆居然連D咁 dur 蜆味都欠奉，最大件事大部份都唔熱(海產呀!), 蜆肉炒到甩皮甩骨，唔係 lung 住殼嘅，搞到我哋要好似尋寶咁通碟「摷」。而且着咗三分一都係霉霉(淋淋)咁，又唔新鮮。良心話；調味汁料都算唔錯，但感覺就似係食調味料多啲！若果食鍾意調味汁的話，就值得推介。跟住上海鮮湯，又係唔夠熱! 似老火例湯！海「鮮」湯點解鮮都唔鮮架？味道就真係好濃呀，不過就似係鹹魚頭豆腐湯再加雞汁囉。估計可能似萬年湯；不斷加料加水嚟煲嗰隻另類湯。「招牌炒飯」又係例牌唔夠熱，炒得都算鬆軟可口，不過比較濕身，亳無特別？奇怪叫「招牌炒飯」！實際係楊州炒飯!唯一似樣啲嘅係椒鹽鮮魷，調味同埋炸嘅功夫都幾好，魷魚夠厚身，又幾新鮮，只係面個幾件鮮魷大D，下面魷魚碎粒比較多？向收

香港吃海鮮的地方其實很多，不一定要到西貢或鯉魚門。除了一向喜愛的金九記之外，布袋澳的發記也是一個可以一遊的地方，價錢又比西貢便宜一點，一試又何妨。只是發記水準有時不太穩定，而且交通也真的不太方便，沒有駕車的朋友真的要有莫大的動力才有興趣一遊。這天剛好朋友駕車，一行數人一起去「嚐鮮」。布袋澳位於西貢附近，地理位置比較偏僻，交通不方便，因此造就它優靜的環境（晩上例外）。駕車到了以後，發現很多人，根本沒有地方泊車。因此和其他人一樣，將車交給專門泊車的檔口。蒜蓉粉絲蒸扇貝不知道甚麼時候開始蒜蓉和扇貝已成一對。沒有蒜蓉的蒸扇貝，清甜有餘卻總是若有所失，少了一份韻味。發記這碟蒜蓉蒸扇貝，非常清甜，扇貝飽滿有肉，蒜蓉不會太乾身，也沒有那些新蒜的辛辣味，蒸的時間也剛剛好，粉絲吸收了扇貝的鮮味，帶著濃郁的蒜香，令人垂涎欲滴，不錯。清蒸青斑（應該是青斑吧？忙著吃，忘了）這條斑肉質細嫩，味道鮮美，只是略嫌不夠爽口。蒸的時間掌握得剛剛好，偌大的一條斑，不容易。加上蒸魚醬油，鮮味十足，「撈」飯吃一流！蛋白蒸蟹是日蟹非常新鮮，蟹肉結實清甜，蒸的時間剛剛好，蛋白不會顯得太老。蟹水混著蛋白，連帶蛋白也滲出蟹的鮮味，「

大照早坐巴士到西貢, 行了5小時有多. 驅使繼續前進的原動的來自終點站一間又一間海鮮酒家~反正間間質數差不多, 隨意挑了間剛好有一枱正對著海灘的埋單中. 下午3時食物種類越來越少, 但酒家的招牌菜仍在! 灼魷魚醬汁都有三款. 除了薑蓉, 豉油, 還有扮日式刺身的wasabi. 3款以wasabi最夾味, 真想魷魚都想sashimi~ 灼田螺吃了最簡單用灼煮水螺. 都幾大隻, 不算太硬. 鮮味不及魷魚. 手打墨魚丸非常彈牙新鮮, 墨丸比平常買開大1.5倍, 伴以薑絲豉油蔥花. 簡單得來百吃不厭, 有時菜色越簡單越出色. 粉絲蓀扇貝好大隻, 殼的顏色偏橙, 跟在家煮開又不一樣~ 粉絲沒有蒸久變淋, 全滲入醬油. 同扇貝一起吃, 每人分得不夠兩隻.. 炒飯時間太晏炒飯沒有選擇. 用蕃茄雞蛋隨意炒, 飯炒得一粒粒, 聽說這種技巧只有大酒家才能做到! (怪不得我媽還差一點點...) 灼菜心沒有味道. 菜炒菜也沒有放上湯, 薑只有一塊. 謝謝!~.吃畢走落小岸跟魷魚叔叔聊天, 跟一堆在噴汁的大size魷魚拍照, 就坐小艇到彼岸.

我喜愛海鮮，所以當朋友J提議到布袋澳食海鮮，我便二話不說的舉腳贊成。由於星期六晚關係，人很多，大部份到訪的人都駕車而來，所以靠近酒家的車位一早已滿，遲來的便要將車泊在布袋澳村路山頂入口位置，店方會安排專車接載客人返回酒家。一行四人，當晚我們點了以下小炒海鮮：油鹽水雞腳，大大隻很稔很入味，一碟8隻，$48，抵食椒鹽瀨尿蝦，即使瀨尿蝦夠新鮮，但煮得不夠乾身已不合格豉椒炒蟶子，蟶子鮮甜爽口，稍嫌豉椒味較淡口，不夠惹味陳皮蒸鮑魚，只有幾條陳皮墊底，完全感受不到陳皮的香，彷如清蒸一樣蒜蓉粉絲扇貝，元貝厚身又大隻，可惜油水較少，令粉絲很乾，食起來不夠滑口白焯花螺，只要不要overcook，一般都不會太差，配上海鮮醬好好食啊！最後來一客發記炒飯填肚，炒飯份量十足，惜炒得不夠乾身，香口欠奉基本上，整餐飯都沒有亮點，實在沒必要山長水遠到此一遊，近近地去位於佐敦吳松街金山還好得多

同屋企人嚟過咁多次都係第一次見發記爆滿要等位今次得我和父母三人，我地又想試多幾款海鮮，所以每樣只叫左少少。因為今日比較多客人，所以上菜比平時慢。不過好彩每一個餸上嘅時候都係熱嘅，唔會話等上菜等到凍曬。豉椒炒聖子今晚聖子的size比平常的小一點, 但是一樣的鮮甜和有鑊氣陳皮蒸鮑魚仔蒸得剛剛好，一點也不會太老花雕蛋白蒸蟹蟹是新鮮的，但這里的蛋不夠花雕香。好像沒有旁邊的那一家海鮮酒家做得好椒盬瀨尿蝦本想order三隻，但店方說三隻三個人分會太多，建議只叫兩隻。店方不會太hard sell,讚！是晚我和媽媽最欣賞的一道菜！好大隻，好甜好甜！不會炸得太乾。蒜茸粉絲蒸象拔蚌仔店方推薦的。自己覺得比蒜茸粉絲蒸扇貝好吃！不過粉絲好像有點未熟透。薑汁炒芥蘭沒什麼薑味，普通

阿姨跟姨丈 30 週年結婚紀念，一家人都為他們慶祝。周六晚上，駕著兩架車去布袋澳吃海鮮。原來布袋澳是接近坑口 / 將軍澳，車程很遠，我坐私車家也會暈車浪。到步後，幾位壯碩男士會指揮我們泊車，地方很小但交通有序。一行 10 人，點了 14 款菜式，所以吃得很撐。我們先到這裡挑海鮮，只要告訴店員想吃什麼。他們會因著人數，建議重量和煮法。鼓油皇大蝦，每隻都有手板那麼大，非常入味。椒鹽瀨尿蝦比鼓油皇大蝦少肉，但肉質較為鮮嫩。我不太懂得吃瀨尿蝦，總是很容易被界到手。超失望的蒜蓉粉絲蒸扇貝，看上去每隻扇貝都超大。其實只是蒜蓉和粉絲多，那帶子是超細粒。而且那粒小帶子是超薄且平口的，不是正常的微漲。我們懷疑是被人切了一半，拿去做帶子炒飯 每次吃鮑魚都會胃痛，所以只淺嘗了一點。家人說陳年果皮蒸鮑魚 OK，但不算特別出色。白酒煮花螺，可能是 sleeping 花螺，所以並不新鮮。而且白酒味太搶，把味道都掩蓋，最後我們吃剩了三分一。鼓椒炒聖子，是今次最滿意的一道海鮮。聖子新鮮，炒得夠獲氣，非常入味。另一道較滿意的是炸魷魚鬚，差不多每檯桌也有點這個。魷魚鬚新鮮炸起，炸粉的厚度剛好，炸得乾身香口。本想清蒸一條東

上星期秋高氣爽,跟朋友開車到布袋澳食海鮮，很久沒來，依舊人頭湧湧，等車位都攪O左半個鐘，好彩有訂位，否則仲要再等。坐下二話不說去點海鮮，鮑魚仔、基圍蝦、扇貝怎可少，伙記大叔很親切可人味道方面：白淖基圍蝦, 依舊夠鮮甜，鮑魚仔彈牙，扇貝加蔴蓉粉絲夠入味。再加炒兩味小菜，一個星期日的海鮮BRUNCH, 再加風和日麗的天氣真舒服。