癡膠雞 (荔枝角道)

營業中

休息中

癡膠雞 (荔枝角道)太子荔枝角道78-84號勝興樓地下D號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：癡膠肥牛 $52，明太子雞翼 (2隻) $36，日本芝士年糕 $32，胡麻豆腐 $32，口水雞重慶酸辣粉 $48癡膠肥牛：選用新鮮的肥牛肉，肉質鮮嫩，油脂分布均勻，數量非常充足，足有半磅之多，配埋特製醬油，同重慶酸辣粉一 起食一流！😄😄😄明太子雞翼：外觀色澤金黃誘人，表面微微焦脆，讓人垂涎欲滴。明太子的鹹香與微微的辣味完美融合，為雞翼增添了獨特的風味！👍👍👍日本芝士年糕：年糕略帶甜味和米香，柔軟的質地令人愉悅。搭配的芝士提供了濃郁及鹹香的口感，加上香甜的煉奶，非常滋味！😍😍😍胡麻豆腐：有滑嫩的口感和香濃的胡麻味，豆腐切成小塊後，顯得晶瑩剔透，味道清新，入口即化，讓人食慾大增，！😋😋😋口水雞重慶酸辣粉：雞肉鮮嫩多汁，搭配上香辣的紅油和麻醬，口感滑順，辛香味十足，酸辣粉的味道酸辣適中，湯底酸爽開胃，粉條滑嫩煙靭有彈性！❤️❤️❤️

有誠意既花膠雞湯米線！在繁忙既太子，呢間舖頭6點幾已經大排長龍，大家都比花膠雞湯米線吸引了！落單之後店員就放上了火爐，因為佢地既招牌花膠雞湯米線係以邊爐火鍋既形式上枱，令到雞湯可以保持溫度，非常適合冬天寒冷既天氣。湯底十分濃厚，上枱既時候香氣四溢，令人流哂口水。雞肉同花膠既份量都幾多，雞肉新鮮嫩滑，搭配軟滑花膠，每一口都能感受到滿滿的滋補。除了招牌的花膠雞湯米線，餐廳的多款小食同樣值得一試。椒鹽粟米香脆可口，炸到金黃酥脆，同時保持到粟米既香甜，係開胃的最佳選擇。而五香牛展充滿豐富的膠質，口感豐富。除左花膠雞，餐廳還提供酸辣粉，擔擔麵等麵食，任君選擇。總的來說，太子方便花膠雞湯米線不僅在湯品上表現出色，還在小食的選擇上增添了不少驚喜，是喜愛米線和小食的食客不可錯過的美味之地。

想搵一間平靚正嘅食肆，呢間真係唔可以錯過！星期日兩點都2要排半個鐘 但值得⭐️佢哋嘅招牌花膠雞米線 $68，雞肉勁大隻，滑得嚟仲有花膠添，啖啖都係鮮味！落埋雲耳，口感仲加分，真係食完令人心情好好~⭐️胡椒豬肚雞米線都唔輸蝕，$60就可以攞到一碗超暖心嘅米線，紅棗雲耳一齊煮，味道一流，咁冷凍天氣一啖就滿足！⭐️再加上五香牛𦟌，$46就真係超值，肉質鮮嫩，味道濃郁，加蔥調鮮，唔試過真係可惜。⭐️記得加杯鹹檸梳打或者柚子梳打，$12就可以解膩又消暑，超級好味！無論係同朋友一齊食，定係自己一個來，都會俾你帶來滿滿嘅幸福感！=============================#食在太子 #平民美食 #花膠雞 #花膠雞米線

今日去咗太子食米線 真係勁多人排隊呀不過好彩都唔使等得好耐 雖然環境唔係好大 但係好乾淨企理同埋呢度係每人一鍋 仲有個火熱住令到個湯保持熱度 每啖都原汁原味招牌花膠雞濃湯米線 $68個湯底真係不得了 濃郁嘅雞湯配上花膠入口鮮甜 膠質十足 花膠都有好幾舊而且好足料 仲加入左蟲草花食到我哋個個都心滿意足米線嘅份量都好多 食完真係好飽好暖胃姫松茸竹笙花膠雞米線 $78呢個湯底同招牌花膠雞濃湯米線有啲唔同佢嘅湯底更加清甜 姫松茸同竹笙嘅味道好突出湯底好鮮甜 完全唔會覺得膩 仲有益腎補虛之用另外我加錢轉左雞髀 好嫩滑啖啖肉好正金磚豆腐 $42個豆腐炸得金黃香脆 一咬開入面嘅豆腐超過滑仲可以點埋泰式辣醬更惹味豆腐嘅份量都好多 夠晒我哋慢慢歎 價錢合理 份量十足 而且味道一流我地成碗湯真係飲到一滴無剩下次一定會再嚟試幫襯

癡膠雞 • 太子太子呢一間米線喺幫襯前已經見到大排長龍，非常有人氣，我哋都足足等咗差唔多半個鐘先入座。上次幫襯時對呢間舖頭嘅雞湯印象深刻，有鮮味而且香氣四溢，今次再次幫襯✅ 招牌花膠雞濃湯米線 🍜呢款湯底除咗雞味濃郁，而且加入咗女仔至愛，充滿骨膠原嘅花膠，花膠厚身，食落好有滿足感，湯底仲加入咗紅棗、蟲草花、雲耳，非常豐富✅ 椰子雞濃湯米線 🍜椰子湯底比較清甜，有淡淡椰水的香味，湯底好味到我食完米線都飲咗一半湯。雞肉嫩滑，鍾意食雞髀嘅朋友亦可以轉髀。✅ 黐膠肥牛 🐮餐牌寫明足半磅肥牛，上碟時份量應該都有2-3人份量，肥牛加入少少香油醬油調味，好食

今日得11度，冷到入心入肺，梗係要搵返啲暖笠笠嘅嘢食！朋友介紹咗太子嘅癡膠雞，話佢哋嘅米線又暖胃又滋補，於是衝去試下。雖然排咗30分鐘隊，但真心值得！一坐低，即刻落單！招牌癡花膠雞濃湯米線（$68）我哋試咗招牌癡花膠雞濃湯米線，湯底濃郁得嚟有天然雞味，加埋彈牙嘅花膠，超級滋補！雞肉都好嫩滑，一啲都唔鞋。米線連住個火爐一齊上枱，煙韌嘅米線配埋滾住嘅熱湯，超暖！最重要係，湯底完全冇味精，飲得健康又放心。 胡椒豬肚雞米線（$60）另一款胡椒豬肚雞米線亦好正，胡椒味辛香滲透湯底，豬肚煮得又腍又入味，飲咗整個人都暖晒！癡膠肥牛（$52）我哋仲加咗一份小食癡膠肥牛，肥牛俾足半磅，底仲有白蘿蔔，肥牛吸滿湯汁，每口都係滿滿嘅精華，真係一流！ 雙檸樂（跟餐+$12）、凍檸茶（跟餐+$6）飲品方面，點咗雙檸樂同凍檸茶，酸酸甜甜，啱晒解膩！ 整體嚟講，癡膠雞真係天寒地凍必去嘅好選擇，食物又暖胃又健康，湯底無敵！下次一定再嚟試其他菜式！

排半個幾鐘，食45分鐘。叫左個招牌米線花膠雞，兩塊花膠仔好似酒樓雞扎入面舊魚肚咁細舊，啲肉又少，食完完全唔覺飽重要未食完個店員就話要收我地個爐，好似吹緊我哋走咁。環境方面，餐枱有點太細，我們三個人嗌咗三個煲，上完野食張枱幾乎無位。另外嗰日間舖頭見到有三個後生女同個店員有口角，眼見有一個女仔成身濕晒，估計係個店員倒瀉咗啲嘢落去，坐喺一邊聽聽到個女仔叫個店員道歉，但個店員一直都唔肯。整體嚟講感覺呢間舖頭唔係賣食物質素，亦都唔係賣服務質素，只係賣gimmick，有個火鍋煲吓咁嘅噱頭。好失望，試完一次絕對唔會再食下一次

【🐤癡膠雞｜🔥暖笠笠嘅選擇】好耐之前已經俾佢個店名吸引🤩「癡膠雞」好易記起就是食花膠雞嘅餐廳，次次行過都大排長龍，今次朋友肯陪我排隊，排咗半個鐘終於到我食喇！天氣凍食癡膠雞真係好暖！步驟：首先揀喜歡口味，配米線或其他麵食，店員會細心地遞上小火爐，一人一鍋咁邊熱住雞湯邊放入米線食，我喜歡硬少少嘅米線，又怕熱湯太熱，我將湯加入米線食。因為排隊嘅人都幾多，快快脆影兩張相就食了。.🐤招牌癡膠雞濃湯米線加$10有雞髀位，啖啖肉，雞滑，多肉關係好易飽咗。雞湯濃，我重口味，再加胡椒粉錦上添花！花膠都幾多份量，感覺滋補。.🐤藥膳黃酒花膠雞湯米線黃酒味好香，有紅棗等藥材味，我哋無加錢轉雞髀，但雞件表現出色，新鮮滑溜，有雞香甜味，而且連花膠都吸晒藥材味道，飲完湯成個人暖晒！

香港人向來熱愛米線🥰除了重口味的酸辣麻辣米線，清淡養生的湯底亦不乏支持者😇這間「癡膠雞」就主打香濃雞湯🐤而且還供應火爐保持雞湯溫度🔥浮誇得來十分貼心🫶🏻———————————————————————雞湯賣相非常金黃✨雞味十分突出，表面的雞油不算太多👌🏻是令人舒服的味道☺️雞件方面有7-8件🐔每件都有一定肉量，雞味頗濃😋肉質雖不算嫩滑但亦不會韌🙂而且有少許調味，味道不會太淡太寡😁而花膠就有4件，雖然每件都是小小一片🤏🏻但質感頗滑有彈性😋以這個價位來說絕對做到應有的質素🤓另外餐廳有將米線分開另上，未會浸在雞湯中，不用擔心米線會因不斷加熱而愈煮愈爛👍🏻金磚豆腐size的骰🤌🏻賣相平平無奇，入口卻令我驚艷不已🤩豆腐外皮炸粉極薄，卻依然十分香脆😜豆腐本體則非常嫩滑😚而且有豆香，能將如此軟滑的豆腐製作成這麼層次豐富的炸物，廚師絕對功架十足👍🏻調味方面，炸豆腐表面撒了椒鹽味粉，帶有鹹香味道😃另外亦配有甜酸醬，不過我個人認為味道與豆腐就未算配合😗———————————————————————癡膠雞這「打邊爐式」的擺盤看似浮誇😂但其實能讓鮮甜的雞湯保持着最佳的品嘗狀態👍🏻既是噱頭又相當實用🫶🏻有如此細心的

閒日想清清地食個米線 就去左試呢間養生雞湯米線有好多湯底都勁吸引 今次先試佢地招牌花膠雞系列🤓價錢好抵食 非常推薦黎簡簡單單食碗粉‼️‼️麵底仲有好多選擇 🍜羊肚菌花膠雞米線  (💰$82)👍🏻推薦米線同熱湯分開上佢地招牌花膠雞湯真係做得好好雞湯煮到奶白色滑身 充滿雞油香 味道濃而不鹹真係幾好飲 羊肚菌同雞肉份量都好足🥥椰子雞米線(💰$60+10轉雞脾)呢款都係花膠雞底 但再加左椰子🥥有椰子片 d耳 湯底相對淡一點轉左雞脾位食落就更加肥美 適合口味清既朋友🍗蜜糖雞翼(💰$42)蜜糖雞翼又幾有驚喜外層非常脆口 重蜜糖 不錯！

今日同朋友行街, 見到有間養生米線幾吸引~松茸竹笙花膠雞米線 (轉雞髀)/羊肚菌花膠雞薯粉 (轉雞髀)雞脾肉好嫩滑, 湯底好鮮甜,無味精!兩款湯超足料,羊肚菌, 松茸同竹笙都唔少, 花膠都好彈牙,充滿骨膠原~店舖好貼心, 米線同薯粉都係另上,唔會浸到腍晒~煲湯一路有火爐保溫, 暖笠笠! 冬天食好正🥰金磚豆腐外皮脆卜卜, 入面好嫩滑,口感好有層次感~蜜糖雞翼炸雞翼外皮又薄又脆,沾上蜜糖🍯好惹味~麻藥蛋溏心蛋黃仲係有少少流心添😍賣相同味道都五粒星😋涼拌海珊瑚味道鹹鹹香香,好重蒜頭味~口感脆卜卜,都幾特別幾惹味! 呢間店舖啲湯都好好飲,完全能夠感受到店家既用心,小食都唔馬虎, 而且性價比幾高🥰

呢間店既人氣比我想像中仲要勁, 星期六2點黎到都要排一陣隊先有得食😝 呢度除左最出名既花膠雞之外, 仲有幾款期間限定既米線同小食🤓涼拌海珊瑚🪸($38)爽脆既海珊瑚配上少少辣油同芫茜一齊食幾惹味😋招牌癡花膠雞濃湯米🐓($68)濃郁既雞湯底越煲會越出味, 可以選擇配唔同既麵底, 將啲雞湯倒落米線度一齊食好正, 雞件都幾多, 食得出係靚花膠, 仲有少量黑木耳係入面🤩姫松茸竹笙花膠雞米線🍄‍🟫($78)湯底有濃郁既姬松茸香味, 雞件以雞髀為主, 揀左超索汁既薯粉一齊食可以完美地飲曬啲湯, 仲有大量既菌類同竹笙, 大推呢一款😚雖然要排隊, 但係佢既質素令到我覺得抵返曬😎

到家住太子的朋友定探訪，當然由她帶路，先吃好西再到訪她家。朋友說這間米線店，是她的飯堂。那天我們中午12時到達，未到12時半已經滿座，門外還開始出現人龍，果然很受區內的街坊歡迎。見到每枱的客人都吃着一鍋一鍋的米線，心想：吃米線也吃的有夠豪氣呢！看過餐牌後才發覺，價錢也沒有特別貴，可以一試哦。今次就試了招牌花膠雞濃湯配薯粉；朋友則點了沙薑雞米線首先當然要試試雞濃湯，非常鮮甜濃郁，質地也較厚，而且因為在鍋裡滾著，水份蒸發後湯會變得越來越濃。花膠份量也不少，吃了覺得很滋補，在寒冷的天氣吃著暖暖的米線感覺真好😌沙薑雞不用鍋上，雞件亦會另外用碟上，賣相更好。朋友還高度推薦兩款小食：金磚豆腐和椒鹽粟米。薄薄的脆漿包著嫩滑的豆腐，令人一口接一口吃不停；粟米配上炸蒜非常惹味，但不會死鹹。

藥膳黃酒花膠雞濃湯米線 $68天寒地凍，食呢個有火爐滾住嘅藥膳黃酒花膠雞濃湯，的確係一個好選擇。首先，材料選用新鮮嘅雞肉同花膠，加入藥材如當歸、木耳、紅棗等，與黃酒慢煮，令湯底濃郁香醇。米線煮熟後，放入碗中，淋上熱湯，湯汁清甜，花膠滑嫩，雞肉鮮美，搭配藥材嘅香氣，讓人每啖都感受到溫暖與滿足，特別適合寒冷嘅日子，滋補又養生。蕃茄花膠雞濃湯米線 $68湯底用新鮮嘅雞肉熬製，加入鮮甜嘅蕃茄，令湯汁帶有少少酸甜嘅味道。雞肉大大件，鮮嫩滑溜，再放入花膠，增添滑嫩口感，配上濃郁嘅湯底，蕃茄嘅酸甜與雞肉嘅鮮香完美結合，真係好食到停唔到口，最後連湯都飲晒。蜜糖雞翼(4隻) $42即叫即炸嘅蜜糖雞翼，表面焦香酥脆，內裡鮮嫩多汁，真係有脆卜卜口感，而且啖啖都散發著濃郁嘅蜜糖甜香，確實係值得一試嘅小吃。凍檸檬茶 跟餐加$6雙檸樂 跟餐加$12

入到去坐底見到每檯客人都有一窩熱騰騰嘅雞湯，用明火保溫。剛好遇上天氣比較凍，適合去試吓 。❇️五香牛展$46涼拌菜份量剛剛好，味道正常發揮 。❇️麻藥雞拌麵$58🫰🏻限量供應，所以雞湯以外選擇 。有一隻流心蛋，用啖啖肉嘅雞髀，嫩滑有咬口，加上醬汁拌麵好開胃 。❇️藥膳黃酒花膠雞湯薯粉$68最愛藥膳黃酒暖身暖胃配搭，有微微藥材味，配上清甜黃酒，🔥🔥熱辣辣倒入薯粉，秒速清碗 。花膠與雞件比例剛剛好，一人份量絕對綽綽有餘 。❇️咸檸梳打$12用一支泰國梳化水，有誠意👍🏻