番茄師兄

營業中

休息中

途經左兩次呢間店， 今次終於唔洗等位，可以一試呢間好多好評既食店今次試左滑一滑～滑蛋出色，蛋十分滑嫩，大大份，炒蛋唔會炒至過熟🥰牛肉份量都多，但唔係件件都滑，有幾件覺得韌口；麵底揀左烏冬，冇揀錯，烏冬會掛番茄湯👍🏻番茄湯真係好濃郁，滿滿番茄蓉同鮮茄，湯底偏鮮甜加開胃🥰是次都加左芝士但唔覺得有咩特別，可以選擇唔加都得☹️整體覺得份量偏大碗，湯底不錯試、滿滿番茄蓉，係真材實料，無添加既感覺，飲極都唔覺口渴☺️

蕃茄濃湯真係無得輸，好濃蕃茄但唔會酸，我試係『一貝子』蜆肉唔係一般平價細隻蜆，海鮮新鮮鮮甜。濃湯比較稠身，相對湯唔太夠，好快就浸唔到d麵，不過可接受可以清哂d湯。食物值得一試，不過如果3人以上嘅就要考慮下，攞飛等位，大部分都係入2人，就算明明有張3-4人枱都係比2張2人入，所以等候時間比較長，呢樣要留意下

番茄師兄門外，有好多人排隊，自己填人數，攞號碼票，自助排隊，守規矩，香港人抵讚。等了半個小時，有位。小店大概只有廿多個位，但是流轉很快。點餐很環保，餐牌過膠，用白版筆填。餐牌好似exel表，選擇及配搭很多，似車仔麵。犇犇有禮 ($79)，有三種牛，三種口感，好食。番茄湯有真番茄，好番茄味，好味。烏冬，入味。一貝子 ($69)，可以加炒滑蛋 (+$5)，貝子有鮮味，今次配通粉，OK。豆漿，有誠意，用自家玻璃樽，可回收。豆漿好味。總評味道：好味，番茄湯有真番茄，好番茄味；環境：深水埗特色小店；服務：服務好，上菜快；衛生：一般；價錢：性價比高。

番茄師兄應該冇乜人唔識，平日晏就黎都多人排隊。呢度既蕃茄湯底好足料，配搭多樣，有得揀配牛肉、豬肉、海鮮、蔬菜等等唔同既配料，麵底都有唔同既選擇。份量都幾大碗，好味又夠曬爆肚😋1⃣️滑一滑蕃茄濃湯麵（$49）有滑牛肉同埋滑蛋，揀左烏冬。湯底食到粒粒茄茸，甜甜地好香蕃茄味🍅一路食一路飲啲湯，最後飲曬啲湯🤤牛肉食落夠爽滑，而且牛味香，調味唔會太重手，同番茄湯底烏冬食好夾😍仲有最鍾意既係佢既滑蛋！好滑好有蛋香！唔怪之得平日都咁多人排隊食。  

話說我係好耐之前就來呢度食過，個時仲未咁火爆。爆紅之後因為唔想排隊，就少左過來食。.有日星期六過來，排隊都唔算排得好耐，十幾分鐘就入得。.🌼犇犇有理番茄濃湯麵 $79全部都係牛牛牛呀，有牛面頰，牛坑腩，崩沙腩。分唔清楚邊樣打邊樣，但全部都好好味，好嫩滑。.🌼一貝子番茄濃湯麵 $69朋友對有少少吐糟，佢話帶子有雪味的感覺，花蜆有少少沙。但湯底都係ok嘅。.🌼原味樽仔奶茶 $18幾好飲。.總而言之，我會再來食牛牛牛餐。

作為一個番茄🍅湯底控，知道深水埗有間出名嘅【番茄師兄】，就緊係要黎試一試啦。星期六去到人流比較多，要排一排隊，但都唔算排好耐就入得去。第一次通常都會試下本店嘅推介，於是我地兩個都叫左*滑一滑番茄濃湯麵*及麻香瑞士汁系列嘅小食*牛柏葉*、雞中翼同炸物系嘅鮮炸腐皮墨魚蝦條。仲加左枝有機樽仔豆漿(凍)。🍜滑一滑番茄濃湯麵湯底：番茄味唔算好濃 但幾鮮滑蛋：又真係滑一滑牛肉：幾好食😋🍢小食雞中翼：麻香瑞士汁幾入味牛柏葉同炸物：不過不失

終於試到人氣爆燈番茄專門店，果然冇嘥咗我排半粒鐘隊嘅時間，今次帶咗一個貝子加芝士嘅通粉，d貝子大大隻，食落去都覺得仲好有鮮味，而蕃茄湯真係好濃郁，就好似飲緊新鮮嘅番茄汁，但美中不足嘅係我覺得芝士唔夠入味。十分之中我比九分👍👍

🍅蕃茄師兄🍜啲菜式名好得意今次食咗一貝子海鮮麵隻蜆同帶子大到好驚喜一咬個蜆係仲有海水味感覺好新鮮呀 不過仲有D沙係到不完美 可改善而且個番茄湯底真係名不虛傳仲見到有啲蕃茄碎 四個字 「真材實料」同埋好鍾意個麻辣香香雞翼麻得黎又好香雞翼腌得啱啱好一咬落去啲香味標晒出嚟雞翼肉又唔會太老個麻香雞翼真係好味到我一個人可以食十隻麻香雞翼個飲品仲要係自家製都幾有心思Wor .一定會再ENCORE I’ll be BACK

本身諗住同朋友去深水埗嘅Cafe打卡點知去咗三間 係三間 都全部full晒救命 全部都話要等至少一個鐘😂😂😂 之後突然諗起朋友之前介紹我嘅呢間蕃茄師兄 所以就諗住去試吓 諗住食碗麵應該唔使排隊啦掛點知都係要排隊… 果然係人氣麵店🤣 不過好彩等咗大概10分鐘就有位 同埋食完之後覺得係值得排隊嘅🥳✻墨魚丸蕃茄濃湯麵 （$49）可以揀上海麵 烏冬 米線 日式拉麵 通粉或者生菜底 我同朋友不某而合都揀咗烏冬😛 因為我哋都覺得烏冬配蕃茄湯係最夾嘅因為hahaha 蕃茄嘅師兄嘅烏冬軟硬適中唔錯唔錯墨魚丸好食又夠彈牙！絕對唔會好似有啲唔好食嘅墨魚丸食緊粉咁樣🤣✻滑一滑蕃茄濃湯麵 （$49）新鮮騸牯滑牛 + 炒滑蛋～～～老老實實唔系好知咩系騸牯 淨系知道個滑牛幾好食🤣🤣🤣估唔到個炒蛋份量咁多 而且真係好滑嘟嘟🤤🤤🤤 配埋蕃茄湯底一齊食好正 有種食緊蕃茄炒蛋嘅錯覺🤪另外芝士控嘅我諗都冇諗過即刻加$5加芝士( ´▽｀)🧀 加完芝士之後成個麵嘅層次升咗一個等級hahahahahaha另外都仲可以加錢加椰菜粟米 雞髀菇 等等🤣同朋友傾偈傾到好口渴所以另外加咗$10叫咗有機豆漿飲落我唔識分係咪真係有幾哈哈但覺得

今天去深水埗，在高登商場買完電腦配件，逃經這一間主打番茄的餐廳，友人喜歡濃厚的番茄麵，就即管入來一試，地方算可以，但小小迫，都算乾净整潔。看了餐牌，馬上就點了濃湯番茄雞翼麵和犇犇有禮濃湯番茄麵，内有牛坑腩，牛面脥和崩沙腩，各又不同口感，但非常好食，一般好嫩滑，應該是新鲜貨色，而且，沾上濃厚的番茄汁，別有一番滋味，另外，雞翼也煎炸得好好味，沾上番茄汁也很配。下次可以再試其他款式和搭配，大家有空可以無妨一試。

之前喺銅鑼灣食過番茄仔 今次我哋就特登出咗嚟深水埗試埋番茄師兄 睇下邊間好食啲😙😙👅 帶子牛郎番茄濃湯麵 $69呢個麵入面除咗有北海道刺身級帶子 仲有牛脷添 佢嘅牛脷都叫做幾淋 味道都唔錯😋😋帶子雖然唔係好多隻 同埋唔係好大粒 不過佢甜甜哋幾好味😛反而佢嘅番茄湯底令我哋有少少失望 呢度嘅湯底冇番茄仔嘅湯底咁濃 唔係好食得出新鮮番茄嘅味道 好似冇咩特別咁😢😢👅 滑蛋餐肉番茄濃湯麵 $40佢嘅滑蛋都幾滑 除咗滑蛋同餐肉之外 佢入面亦都加咗好多粟米 不過呢個麵嘅湯底都一樣係唔係好濃😥👅 沙嗲豬腩肉 $36呢個食落去比較韌 我哋咬咗好耐先咬到 最後都係食唔曬 呢個就唔係好推介比大家啦🤣🤣總括嚟講 我哋覺得番茄仔嘅番茄濃湯好味過呢度嘅番茄湯 可以唔使特登嚟到深水埗試呢間啦🤭🤭😋 好味：6.89/10🤑 價錢：7.00/10 🤗 服務：7.12/10😝 環境：6.99/10😚 衞生：7.00/10🤩 整體：6.95/10

上星期終於都黎左友人介紹位於深水埗嘅蕃茄師兄🍅平時我同Daddy 都好鍾意食蕃茄, 所以都有一定嘅期望, 而囡囡果日話唔太肚餓, 不過我地都叫左3碗黎食😋👧🏻滑一滑烏冬$49（+$8加芝士同加粟米粒）👩🏻一貝子烏冬$69（+$3加粟米粒）👨🏻帶子牛郞日式拉麵$69另外叫咗兩支有機豆漿$10 支叫得蕃茄師兄，果然喺煮蕃茄湯方面真係10分出色，囡囡雖然話唔係好肚餓，但係佢話真係好好食所以佢都食咗大半碗😋佢嘅番茄湯好香濃，飲完都唔算太口渴，我覺得好好味所以食哂一碗完全無難度👍🏻Daddy就欣賞呢度既牛舌，不枉佢要係戒口既情況下食牛🤪

每隔一陣子就會吃一次的番茄師兄🍅可以說是我的comfort food蕃茄湯底不是那種濃稠黏黏的口感喝起來較清甜 再慢慢嘗到牛骨香氣味道天然 喝完整碗湯也不會口渴👍（不過最近幾次吃好像沒那麼濃味？）⁡很多配菜都有試過 不過最喜歡的還是「滑一滑 」滑蛋非常滑嫩！當然少不了鮮美的騸牯滑牛也推薦「帶子牛郎」兩粒帶子都是刺身級 特別鮮美❤️還有五塊頗厚身的牛舌 ！嗜辣的朋友記得加「麻之一滴」🌶⁡麵底選擇頗多 烏冬比較掛湯有時不想吃澱粉的話就會揀生菜底😍小食方面推薦牛臉頰 牛味很濃郁瑞士麻辣汁很惹味👍 但沙爹就一般可惜小食不是與醬汁一起煮如果一起煮的話一定會更入味！

在深水埗黎左番茄師兄食lunch，平日1️⃣點幾都勁多人等位，證明真係好受歡迎，同個朋友黎到又出左去行左個圈，番黎先唔駛等位🙈 餐廳環境唔大，牆度有d裝飾。我地兩個人分別叫左滑一滑番茄濃湯麵&豚豚圓圓番茄濃湯麵🍜，各加$6配個有機凍豆漿。落完order，店員就立即出單據同上飲品。等左10分鐘，兩個麵終於到。望落都好靚、顏色對比好吸引，番茄味都好香，食慾大振。我既滑一滑番茄濃湯麵，餸係牛肉同滑蛋。朋友仔既豚豚圓圓番茄濃湯麵就係豬頸肉&腩肉。三個字「好好食」。我推薦揀拉麵，麵質比較煙韌，口感正D。最後我地兩個都飲哂d番茄湯，因為真係好好味，下次一定番黎再食。

番茄湯底酸酸甜甜夠晒開胃 有好多以番茄湯作招徠嘅餐廳番茄含有茄紅素、類胡蘿蔔素及維他命C等營養，抗疫期間食多啲又可以增強免疫力番茄濃湯每日新鮮熬製，湯底食得出粒粒番茄蓉 不加味精，飲得出番茄嘅鮮甜湯底咁出色,配海鮮一樣咁美味  帶子加新鮮大蜆肉 濃香既番茄湯令到海鮮味道更突出蜆肉鮮甜大隻,帶子煎香過味道亦不錯呢!啖啖都係茄香炸墨魚蝦滑就十分香口彈牙! 麵條可配拉麵 通粉 米線等唔同選擇 加料仲可以滑蛋同芝士如果想味道再豐富,加芝士係唔錯既選擇平均消費$60評分8/10深水埗基隆街255號地舖