畢打奧餐廳

營業中

休息中

未去過上水可能唔知，但係我話晒人生第一份全職工就係上水，所以好早嘅時候已經聽過呢一間畢打奧餐廳😎 餐廳原址在粉嶺火車站旁邊已經超過50年歷史啦🤩除咗享受正宗英式食物，店舖裝修都相當有特色，舊店曾接待15萬名駐港英兵。當駐港的英軍撤離時，都會將營徽送給餐廳留念，現今畢打奧所擁有的營徽共有152個，全部釘在吧檯的上方，每個營徽各有特色，這些營徽所屬的軍團部分已解散甚或在戰場上全軍覆沒。所以有機會嚟到真係要好好欣賞一下🥰🇺🇸美國肉眼扒🥩非常經典的西餐菜色—牛扒😎肉眼有豐富的肉汁和口感，以高溫煎烤，讓外部呈現香脆的烤痕，而內部則保持嫩軟多汁💦香煎新界農場豬扒🐷以新界農場的豬肉為主要食材，經過適當的調味和煎烤🍳，可以展現豬肉的鮮嫩口感和獨特的風味，煎香之後油香四溢，肉味濃郁🤩法式焗田螺🐚田螺通常會先以香料和醬汁浸泡，然後置於烤箱中慢慢烤熟令田螺保持彈嫩，帶來豐富的風味😜Cocktail 🍹 💚Mojito以白蘭地、薄荷葉、糖和檸檬汁為基礎，口感清涼、清爽怡人，非常適合夏天享用。🤎 Long Island ice tea以龍舌蘭酒、伏特加、金酒和萊姆汁為基礎的雞尾酒，味道非常強烈，配合環境氣氛品嚐

上網見到MM都推介既畢打奧餐廳，自己好耐之前食過，隔幾年後番去食，一樣咁有水準。入到去個環境，好似時光倒流咁，氣氛仲好chill! 餐湯羅宋同白湯都叫左，羅宋湯好足料，仲有粒粒牛肉。西冷扒配蒜蓉汁 意粉百幾蚊咁大個扒餐，其實真係好抵! 西冷扒肉質嫩，易切開，而且都好大塊。鐘意佢呢到汁係另上，自己鐘意撈幾多就幾多。個蒜蓉汁同意粉好夾，好食!豬手配黑椒汁 薯菜豬手份量都好勁!! 鐘意佢個脆皮位，感覺好似食緊好多骨膠原，唔會太油膩，仲要配埋佢個酸菜! 豬手可以點餐時叫碎上，食落方面好多。法式焗田螺呢個好好食! 而且仲有好香既薯蓉，推介!野飲方面糖水係另上，自己落架，而且佢個檸茶底同出面都唔同，好似係英式茶底咁!除左野食好食，店員態度都好好，感覺呢到真係好有人情味。

餐包都幾鬆軟，有牛油都夠熱，湯都好多料有洋蔥、西芹、椰菜、紅蘿蔔，夠酸又有蕃茄味，最重要係熱辣辣先好飲。香草牛油焗田螺，聽過好出名，田螺大大粒～又焗得香口，而薯蓉嘅香草味同蒜蓉十足，味道唔錯。肉眼扒好有牛味，唔會有醃肉嘅味道，五成熟都幾嫩口，黑椒汁都夠濃，好惹味，意粉好香牛油香草味，配有翠綠嘅肉豆，有小小蔬菜幾好。香煎新界農埸豬扒，冇強烈梳打粉味，揀左洋蔥汁，一份有兩大塊豬扒，大件夾抵食。最後叫埋杯凍檸茶。

早排見到MM同肥豪介紹上水有間扒房d野大件又好味，而且個羅宋湯仲係好足料，睇完段片已經下定決心要試一試😆今次終於有機會可以試下係唔係真係咁正，7點去到已經就快爆滿，真係好受歡迎，等左一陣就可以入去，入面裝修好有舊式西餐廳風格，另一面仲有一張bar枱😍個氣氛好啱情侶黎撐枱腳我們order左兩個扒餐，一份係肉眼扒，一份係香煎農場豬扒，兩個餐都有湯有麵包有野飲，另外再加多個焗法國田螺做頭盤，然後就一路自拍一路等佢哋d野送到焗法國田螺 $69頭盤田螺好快送上，而且仲有田螺專用餐具，好專業，田螺粒粒肉都好豐滿，用專業工具吉出來好easy，食完粒肉，一定要嗦埋係殼入面嘅汁，滿滿蒜香味，真係好好味😆另外墊底嘅薯蓉都不能錯過，薯蓉加埋d田螺蒜香汁真係冇得輸🤗香煎農場豬扒餐 $149美國肉眼扒餐 $189餐湯我們揀左一紅一白，忌廉湯非常濃郁，絕對好過平時出面飲到個d，但最令人驚艷嘅絕對係佢嘅羅宋湯，佢哋嘅羅宋湯飲得出絕對真材實料，係回憶中舊時個隻羅宋湯，鮮味中帶少少辣，仲有肉碎係湯入面，係好耐都冇飲過嘅正宗羅宋湯，超。級。好。味🥰農場豬扒有兩大塊，而且肉質好嫰滑，一d都唔乾，好多肉汁爆出黎，食落零舍有肉

//畢打奧餐廳 (上水)上水符興街35-39號地舖‼️七十多年歷史西餐廳‼️遊車河遊到上水搵食 夜晚九點幾途經呢間餐廳仲見到好多人等位 即時去排隊拎飛餐廳有劃分酒吧區及堂食區 門外睇落較為昏暗但一踏入餐廳發現裏面非常之熱鬧！而且座位數量都唔少 北區俾人嘅感覺係好早收鋪休息 估唔到呢間餐廳咁夜都仲有咁多食客!一坐低店員就向我哋介紹佢地食材採用新鮮龍蝦、熱門招牌菜係田螺 好想食生蠔🦪同田螺可惜兩款都均已售罄…🥹🥹▪️ 澳洲龍蝦芝米多（原隻開邊）$399游水南澳龍蝦，用干邑酒、忌廉、牛油煮後加芝士焗😈😈龍蝦的份量絕無欺場😍🦞原隻開邊龍蝦肉亦十分鮮甜彈牙 表層的芝士並不肥膩 為焗龍蝦肉帶來濕潤的口感及多一層味道🧀本來以為意粉應該是淡而無味 試一啖發現意粉帶有香蒜及微微的油香味道 頗有驚喜😍🍝▪️ 澳洲M5和牛西冷 8安土$299澳洲新南威爾斯名產和牛 除了豐富油香 還帶濃郁肉味😋我哋點了七成熟的牛扒🥩切開牛肉仍然帶粉嫩顏色👍🏼👍🏼可惜我哋點菜後才發現可加$19升級成鐵板牛排🥲下次再去一定要食鐵板扒餐 應該更加滋味🤤餐廳的凍咖啡、奶茶等均使用用即棄膠杯盛載 感覺如果用可循環再用的水杯會較為環保♻️餐廳的食

之前睇YouTube #MM有集介紹一間76 年歷史的英式酒吧餐廳一直好想去試下，今日就同老公黎咗呢間餐廳食Lunch 。今日係平日我哋11:45am去到已經一半滿座，餐廳其實坐位都幾多，但12點半未夠已經Full house , 證明佢哋真係好受歡迎。呢間餐廳保留左好多懷舊的佈置，牆上掛左好多餐廳歷史的照片、報紙剪報等，仲有D霓虹燈裝飾。我哋叫左2 份Lunch set + 1 份好出名嘅法國田螺試吓，Lunch set 包餐湯、餐包、飲品。餐湯我地揀左羅宋湯，呢個湯好好飲好足料，除咗牛肉仲有大量洋蔥、蔬菜，煮出來好濃又鮮甜，個餐包熱熱地幾好食。🔶新西蘭西冷牛扒 配薯菜🔶塊西冷牛扒好厚切，我叫左5 成熟，熟度控制得幾好，食落好有牛味，薯蓉亦做到好香滑。🔶鮮椰汁咖喱雜菜蛋 配飯🔶呢個咖喱汁好好撈飯，好有椰香味唔會好辣，大量雜菜+ 煎蛋 一樣食得好滿足。🔶焗法國田螺🔶我已經好多年冇食過田螺，今次叫左半打來試吓，餐廳會提供田螺鉗& 叉好方便輕易就挑到個螺肉出嚟，仲有佢D牛油薯蓉，焗到好香。

之前睇mill milk見到佢介紹呢間舊式扒房已經即刻bookmark左😁呢類型餐廳歷史悠久買少見少，今晚就同男朋友去食個補祝周年紀念晚飯🥰入到去果然好有氣氛，店員招呼都唔錯👍❤️羅宋湯真材實料質地濃稠，酸酸may may好開胃🙌❤️焗酥皮龍蝦湯酥皮新鮮熱辣好有層次，龍蝦湯幾鮮甜😋❤️焗法國田螺蒜蓉味好香👍👍 底下嘅薯蓉索晒蒜蓉味好好食🤤田螺口感彈牙～⭐️新西蘭西冷牛扒（五成熟）配意粉跟蒜蓉汁嚟到真係啱啱好五成熟🙌有牛味，但就未算好嫩滑juicy～意粉調過味兼炒過黎，就咁食唔駛配汁都已經幾好食👍❤️畢打奧焗豬扒飯一嚟到見到塊豬扒明顯吉列過，食落外層好香脆😲 裡面肉質彈牙😋炒飯底好香，唔乾身，個番茄汁底好好食！💯食食吓聽到餐廳轉播生日歌，原來係某檯客人生日，然後全場一齊拍手，氣氛好正😆

睇到介紹之後慕名而來，平日夜晚都好多人等位，大家記得book 定位先😎❤️美國肉眼扒 10Oz 既牛扒真係好巨型，底面煎香，中間仲好粉獎，啖啖肉岩晒食肉獸!! 意粉有欖橄油同香草拌均，特別香口~🧡原隻燒春雞 肥美肉嫩既燒春雞，又香又大隻，雞肉結實又多汁，仲有薯角香脆伴碟，非常豐富又飽肚💛酥皮龍蝦湯 酥皮好香，浸落足料熬製既濃郁龍蝦湯，出色!!💚羅宋湯 調味岩岩好，酸中帶甜，仲好多蔬菜，大愛💙焗法國田螺 超重牛油香味既滑滑薯蓉，加上鮮味十足好肥美既田螺，唔難得見到話係招牌菜～

服務態度差到極點，員工完全無視客人。先講等位，員工係餐廳內行行企企，但冇一個人過黎招呼，到終於等到有人理，埋枱後又冇主動俾menu,。招手叫waiter, 但waiter 明明見到都當見唔到別開臉。 到落單啦，落單態度更差過茶餐廳，講慢1秒都好似阻佢搵食咁！餐後問waiter廁所係邊，兩個員工直接冇視，繼續傾計！食物質素唔差但都只屬一般，總合成個體驗，係完全唔值得去！除非你想激嬲自己😡😡十

上水呢間畢打奧餐廳已經有幾十年歷史，餐廳環境好有氣氛，內有好多張吧枱，好適合三五知己嚟食飯飲酒，以西餐嚟講價錢好合理，份量仲好足，難怪晚飯時間門口大排長龍🔸羅宋湯、忌廉湯紅白各點一碗，用餐包點嚟食非常滋味🔸洋蔥焗美國生蠔 $69生蠔都幾大隻，算重蠔味，洋蔥切成幼粒，增添風味🔸新西蘭西冷牛扒 $159塊扒都幾厚切，切開顏色粉嫩，賣相好靚，伴菜可以揀返、意粉或者薯菜！薯菜係有薯角同西蘭花，伴上黑椒汁好惹味！🔸燒德國咸豬手 $159豬手大大隻，外層做到又香脆又煙韌，咬落肉質嫩滑，咸香味道重！份量都幾勁，食哂都好夠飽！呢份揀咗意粉伴蒜蓉汁！

><好彩一早嚟搵位 餐廳已經9成滿人頭湧湧夜晚嚟飲酒傾計睇波 應該好有氣氛Lunch set有埋餐包/餐湯/飲品新西蘭西冷牛扒 8oz(99)厚切西冷 切出嚟帶點粉嫩可配黑椒汁 蒜蓉汁 燒汁薯蓉牛油味好出 食完都飽香煎新界農場豬扒(79)豬扒餐幾抵食 因為有兩塊扒🤣香口得嚟幾軟腍 有驚喜升級咗餐湯做酥皮龍蝦湯(+29)好有童年回憶嘅味道酥皮鬆化唔會有油膱味><><><><><><><><><><畢打奧餐廳上水符興街35-39號地舖

呢間餐廳係上水勁多年lu，野食質素高氣氛好而且抵食。〰️新西蘭西冷牛扒 （$159）牛扒揀左七成，熟度啱啱好。配左薯菜同黑椒汁，黑椒汁好明顯地有粒粒黑胡椒，而且香辣味慢慢湧出，醬汁令到整體生色不少。薯條厚切薯肉飽滿。〰️燒德國鹹豬手 （$159）份量超大，配啤酒一流。😂😂好欣賞個皮，做到好脆好香口。有時有啲鹹豬手會脆得濟變到硬，咬都咬唔郁。裏面嘅肉質軟腍，帶點筋嘅位置最好味。醬汁揀咗英國芥末醬，帶點微辣，刺激味蕾，去除膩感。〰️法式焗田螺 （半打 $69）全部都處理得好乾淨，牛油、香草同蒜蓉味浸透每一粒肉。連外面圍邊嘅薯蓉都好入味，食蓉勁香奶油味，好香滑。😆〰️〰️📍 畢打奧餐廳 (上水)上水符興街35-39號地舖

𝔹𝕒𝕔𝕜 𝕥𝕠 𝟙𝟡𝟜𝟟🃏話說👦🏽提起 The Better Ole 網上好多人講，我地有一個晚上轟左入上水🤟🏽，點知離遠見到有30+人🌛，頓時放棄。唔甘心既我地決定搵日平日放假食午餐🍽️，又真係唔洗點排隊😎，大概係大家都要放工先入到黎，午市比較多係街坊吧🚴🏽‍♂️。二話不說，我地揀左個法式焗田螺，呢個根本係我地既最愛之一⚡️！六大隻田螺充滿牛油香氣🧈，夾住田螺用小叉一挑就滑左出黎🧜🏽。唔好忘記仲有邪惡薯蓉🥔，雖然係油少少，但點都要食兩啖架啦👽。🐚Escargot Bourguignon | $69 (half doz)除左小食，我地揀左兩個 lunch set☝🏽。套餐好豐富🕵🏽‍♀️，有自家製麵包🍞、餐湯🥣、飲品🥤。紅湯有大量蔬菜同牛肉碎，相當足料🍅；白湯都好 creamy，適合點麵包食🕊️。👦🏽嗌左杯咖啡☕️醒神，醒神黎講…我表示飲啤酒無分晝夜🌝，嗌左一 pint Hoegaarden🤩，同呢餐西餐好夾呀！🤙🏽Lunch Set served with Soup, Bread and Beverage🍺Hoegaarden | $69 pint主菜方面，一個係大大件美國肉眼扒🥩，一貫作風嗌

作為北區人一定聽過畢打奧餐廳，又叫適雅餐廳，都有七十幾年歷史，當時都算係區內一間高級餐廳與酒吧，以前主要做駐港英兵生意，上水、粉嶺、大埔都有分店，記得我細個嘅時候屋企人間中都會帶我去食，而家只剩返上水呢間，今次我就帶返屋企人嚟食，充滿回憶。✨酥皮龍蝦湯 + 出爐面包 面層嘅酥皮好香脆仲充滿牛油香味，龍蝦湯味道都幾香濃，但又唔會好鹹，面包都好軟熟，搽埋牛油沾少少湯份外好味😋✨焗美國生蠔 (2隻) 生蠔好大隻好飽滿，食落有蠔味，加埋香濃嘅芝士配搭無得輸。✨香煎新界農場豬扒 豬扒飯係呢度嘅招牌菜，所以我今次嚟都點咗豬扒，食落好鬆化，有肉汁，估唔到本地豬都唔差喎。✨新西蘭西冷牛扒西冷牛扒好厚切，叫咗5成熟，切出嚟仲好粉嫩，食落有牛味，肉汁都好多。拌菜嘅薯角都好好味。飲品凍檸茶總結：食物質素都OK。環境方面餐廳酒吧保留返舊式英倫風嘅味道，場內有多部電視直播英超，特別係有球賽當日，氣氛會更好，喺區內一間食宵夜睇波飲酒嘅好地方。我去到嘅時候都要排隊，食完晚飯都已經8:30 ，門口仲要排隊，餐廳生意都唔錯。

喺呢區土生土長嘅我從來未試過呢間餐廳🤣，係近排見youtube介紹，先知原來呢度嘅歷史咁悠久😉～今晚去到見到門口好多人排隊，想試嘅朋友仔可能要早d黎喇😂～環境好有氣氛！適合三五知己一齊黎 chill吓🤩～🌟美國肉眼扒 (配薯菜&黑椒汁) $189肉眼扒賣相唔錯，睇個樣唔似賣百幾蚊😆～因為我唔太鍾意生嘅牛扒，所以要左7成熟，結果好似比預期再熟左少少🤣～雖然肉味唔算好突出，但最欣賞係佢完全冇筋，啖啖肉☺️！黑椒汁唔係好辣，口味偏溫和，適合大眾食😉～🌟香煎新界農場豬扒 (配意粉&蒜蓉汁) $149豬扒份量好多仲非常厚實，而且唔鞋口，肉味幾重😁！蒜蓉汁比較重口味，幾啱撈飯/意粉食🤣！意粉口感偏硬，但帶嚼勁🙂～🌟羅宋湯&忌廉湯羅宋湯都足料😁，而忌廉湯都唔會好稀，同埋帶香濃奶味😛🌟餐包餐包係新鮮出爐，食嗰陣仲暖暖地，幾鬆軟🤭！唯一缺點係每人得一個🤣～🌟凍檸茶&熱檸茶我覺得幾好係呢度凍飲係會預先整好，再放喺雪櫃入面☺️，所以冇冰，而且仲唔使加錢👍！但熱檸茶都有優點嫁，就係茶味比較濃😆！