畢打奧餐廳

營業中

休息中

15/10/2023📍畢打奧餐廳睇完Milmilk 條片先識呢間老牌西餐廳出片之前其實無咩人食條片出左2個月就仲係好多人食當晚7點左右都好多人等位餐廳好多座位 坐滿人嘅時候都幾嘈1. 餐湯&餐包 有羅宋湯同忌廉湯揀 幾大碗 味道唔錯餐包就冇乜特別 暖暖哋 唔想咁飽就唔好食啦 🌟：2.5/52. 新西蘭西冷牛扒 （$159）嗌咗medium rare肉味係有嘅 都咬得開加埋蒜蓉汁好食啲薯角同西蘭花都冇咩味🌟：3/53. 美國肉眼扒 （$189）都係嗌medium rare 加黑椒汁同西冷差唔多 但更加腍身肉味都濃少少🌟：3.5/54. 焗法國田螺 （$69）一共6隻 本身已經有牛油同調味肉質彈牙 幾好食下面仲有薯蓉又係勁香牛油味 正👍🏻🌟：4.5/5 我哋兩個人食咗 ～$460 （連加一）🌟：3.5/5

好耐之前我睇YouTube 有人介紹呢間餐廳。第一次去完之後，我就鍾意咗呢度。除左我本身都特別鐘意呢d有歷史既餐廳外，我覺得都要支持下呢d有特色同埋歷史既餐廳，如果唔係既話就會越黎越小。所以每次去開上水，都一定會幫襯呢間餐廳。🌟餐包&餐湯餐包好熱辣辣而且軟熟，雜菜湯好足料🌟肉眼扒配薯條大大塊牛扒，配脆卜卜嘅薯條，好味👍👍⭐️沙律套餐+Topping”畢打奧” 呢個沙律有好多配料，岩哂我呢d中意每樣食小小既人，食沙律都可以食得好滿足。

為朋友慶祝生日，於book了這家餐廳，但由於我大頭蝦😁訂咗人數，但後來因為各原因前後修改了幾次人數，店員也很有耐性幫忙安排❗️👍🏻😊服務員很熱情和有禮貌，我們雖然七個人，但是因為小朋友多，而且大家都細食，於是店員也特別介紹適合我們的套餐給我們，食物美味！他們的酥皮海鮮湯，酥皮香趣，湯很鮮味😋肉醬意粉比我感覺到有傳統風味😋致於牛扒同龍蝦小朋友更搶着吃食，真的性價比高❗️上生日蛋糕時真的十分有氣氛，店舖不但播起生日歌，而且還有一班員工為我生日的朋友唱生日歌！勁正！值得大家一試👍🏻

今晚三人聚會 預約左6點 一入餐廳侍應就為我哋介紹今晚嘅推介 十分之有禮貌 ☺️但青口經已售罄 證明生意吾錯😁 雖然系平日夜晚 但都好多人幫襯 走的時候 越來越多人入座 環境亦十分適合打卡我哋叫左牛扒餐 什扒餐同羊架餐牛扒軟熟 又大又厚什扒餐的豬扒吾會太乾 薄牛扒又唔錯 但油左少少🤏羊架雖然唔羶 但略為細小加左9蚊換蒜蓉包 同時亦加錢要2個酥皮湯 海鮮湯吾錯 尤個蜆好食😀不過可能放到最後食 個意粉又凍又乾 麻麻地最後要讚餐廳的侍應 基本上都好有禮貌 ☺️

入到去酒吧風味十足，頭盤嗌咗個薯蓉田螺，油香十足。再嗌咗個豬扒、牛扒套餐，加上紅酒。豬扒油香豐富，肉質嫩口，豬肉味很濃。牛扒係西冷，厚實嘅肉加上少少肥膏，口感十分有層次，油香滿足，再用紅酒來清洗味蕾，肥而不膩

畢打奧餐廳早前睇左mm，見到肥豪食得咁滋味就bookmark左，今日終於去左試😋間野開左76年，除左濃濃人情味，我相信食物質素一定有！💛 西冷牛扒 8安士 119配左薯菜，薯菜唔係薯條，係牛奶薯蓉，都幾特別牛扒好厚身，呢個價錢真係好值😋有少少脂肪，咬落去充滿油香😋仲配左翠玉瓜解膩，唔錯💛安格斯芝士牛堡 $89牛堡好重牛味，配埋蕃茄同芝士，配搭得好好跟餐配左沙律，酸酸甜甜好開胃💛餐配凍奶茶茶味好濃，另上糖水自己落好貼心😋💛餐配羅宋湯+黑糖麵包湯好足料(睇圖三)，酸酸地好開胃好飲！成碗飲哂黑糖麵包細細個上手仲熱緊，微甜唔錯價錢：$208加一（兩個人）⭐️⭐️⭐️評分：9/10⭐️⭐️⭐️📍 畢打奧餐廳 (上水)上水符興街35-39號地舖

之前睇過網上節目介紹呢間歷史悠久嘅英式酒吧餐廳後就一直想試，終於搵到機會去，平日嘅晚上亦有人龍，可見餐廳人氣甚高。餐廳座位算多，氣氛熱鬧，置身喺懷舊嘅環境食港式扒餐特別有風味。晚餐有多款港式扒餐供應，亦有海鮮餐、焗飯焗意粉餐、沙律餐等，每款跟餐包、餐湯及餐茶。羅宋湯配菜豐富，保留傳統風味，非常推介。🔶美國肉眼扒餐 $189大大塊肉眼扒厚度適中，叫五成熟剛好，肉味濃郁有咀嚼感，薯菜跟西蘭花及焗薯粒，配埋非常惹味嘅傳統黑椒汁，大滿足！🔶香煎豬扒經典套餐$149豬扒肉質柔軟，入口松化，唔柴口肉汁保存得不錯，蒜蓉汁一樣經典，味道香濃。本來好想試嚇佢個招牌青口，可惜大概7:30左右已經售罄，唯有下次再嚟朝聖～#hkfoodie #foodiehk #hkfoodies #hkfoodieblogger #hkfoodielife #lovefood #hkfood #香港美食 #上水美食 #牛扒 #扒房 #上水餐廳 #sheungshui #sheungshuifood #港式 #港式扒房 #西餐廳 #青口 #mussels #情調餐廳 #steakhouse #酒吧 #懷舊

七五年開業歷史想當年於上水、粉嶺、大埔都有分店平日夜晚已見到門面唔少人排隊，屬於北區人氣西餐廳「畢打奧餐廳」特別要讚一讚店員的細心服務，由拎位入座、點餐到推介食物都照顧到食客所需。餐廳酒吧保留返舊式英倫風嘅懷舊氣氛亦幾好，有舒適座位多部電視睇住直播英超球實，食物質素唔錯，除左係撐檯腳颺推介，亦都係宵夜時間睇波飲酒的好地方。酥皮龍蝦湯 & 羅宋湯 + 出爐面包黎得扒房西餐廳一定要叫的酥皮龍蝦湯，酥皮香脆充滿牛油香味，拌勻內裡龍蝦湯香濃入味，新鮮出爐餐包軟熟可口。香煎新界農場豬扒仍為餐廳其中一款人氣招牌菜，入口肉汁滿滿，薯蓉金黃色質感豐富，配合口感鮮嫩本地豬扒。新西蘭西冷牛扒份量唔錯的5成熟厚切西冷牛扒，選了燒汁伴薯菜都好好味，切開肉身粉嫩吸引，牛味偏重，肉汁亦十分多，飲品: 凍檸茶檸水，正常表現。服務費加埋一，最後人均只係$110，屬於高CP 區內傳統級懷舊西餐廳。另外可以多加留意餐廳的裝修十分有特色，掛有駐港英軍歷史營徽，係香港人難忘的打卡懷舊餐廳的推介。

網上睇介紹，食店源自1947，嘩！相當有歷史，重陽節於是到來走番轉，出門前致電，即日有位。準時12:30pm 到達，唔使5分鐘可以入座。殊不知未夠30分鐘左右，門外已有十幾廿個在門外等候⋯⋯一走進食店，聞到濃濃的牛油香味⋯⋯此外，走進食店熱鬧非常。反而另一邊吧枱位置較為清靜⋯⋯桌上的餐墊就是餐牌，就是喜歡懷舊餐廳這特式，唔使打開餐牌，看著枱墊就可以點餐，可恨的是，仍然是QR CODE 落單。餐湯: 羅宋湯味夠濃，加點點辣椒仔汁，惹味，配暖暖的餐飽，滿足。法式焗田螺~老實話，對筆者而言，那薯蓉才是主角，田螺汁滴在薯蓉，邪惡味美。燒德國咸豬手~附上的餐刀切不開，要求更換刀才勉強切倒，還有很多進步空間⋯⋯酥皮海鮮湯~肉眼~在QR code 落單註明是三成，出來效果大約七成，店員很客氣話可更換，但相信忙中有錯，無謂浪費食物。畢打奧焗豬扒飯~濃濃番茄味，豬扒很腍，不知不覺會吃多點飯。整體來說:回味一下懷舊餐廳的感覺，可能最近人氣餐廳，所以餐牌加了價，而電腦單仍是舊價，無論在人手配套方面，應註意一下，有種急急趕的感覺。

畢打奧餐廳屹立咗喺上水75年，由以前細個住上水成日同屋企人嚟食，到搬離北區之後好一段時間無食，今次突登返嚟回味吓😇即將入秋，是晚細雨綿綿，八點去到畢打奧都有唔少人排緊隊，好彩餐廳位置都多，好快就可以入座😚如果撞啱weekend有波睇肯定排餐死一入門成個感覺好熟悉，好有懷舊感但又唔會覺得殘舊，呢種情懷風味好有feel🌸同廿幾年前細個嚟嘅時候好相似，餐廳氛圍一流👍🏼法式焗田螺🐚食落好重香草味🌿再加埋啲牛油香同埋薯蓉。田螺口感好彈牙同埋好好咬口，嚼勁十足非常稱職嘅頭盤😝新西蘭青口一坐低店員就介紹啱啱今日先到嘅青口，即管試吓，點知真係非常驚喜，用酒煮蕃茄再加埋牛油浸住青口，提起曬青口啲鮮味，非常高水準嘅前菜😋之後拎片麵包點嚟食，吸收曬啲汁嘅精華，鮮而不膩忌廉湯&羅宋湯🥣兩碗湯都非常足料，味道都一流👍🏼忌廉湯好creamy，點埋牛油餐包食好正美國肉眼扒🥩配黑椒汁意粉兩份主菜份量都非常多，肉眼牛扒真係非常好嘅選擇，肉同筋比例啱啱好，又保持到牛肉嘅濃味，意粉質感都唔錯香煎新界農場豬扒配蒜蓉汁意粉豬扒有兩塊，一上檯見煎到金黃色好靚，好好食又唔會太肥膩。豬扒非常鬆化，但完全無鬆肉粉味道，肉質口感鮮嫩，配

畢打奧嚮上水屹立幾十年，西餐嚟講算係北區嘅老字號。不過家住九龍，好少有機會到北區食飯。上星期六夜晚同朋友聚會，剛巧有機會試下。一去到成個門口都係等位嘅人。雖然已經係八點幾，但係都要等咗半個鐘先有位，認真做珧夜繽紛！香港人好醒目，依家啲餐廳性價比唔夠高都唔會排隊等😀講到食物，我地點咗幾款招牌菜，絕對值得推薦！首先係白酒煮青口，青口新鮮彈牙，配上白酒煮，鮮香味美，真係令人回味無窮。每一隻青口都好大隻，份量十足！炸魚薯條亦都好出色！魚肉好難唔係急凍貨，但係質素都好好。薯條炸得金黃酥脆，口感豐富，一啖落去嘅滋味真係好好！椒鹽魷魚鬚係我地嘅另一個必點菜式！魷魚鬚炸得香脆，外層裹滿椒鹽，味道鹹香，一啖啖咬落去，口感爽脆，真係令人上癮！最後，燒美國斧頭扒係絕對嘅亮點！牛扒肉肥美多汁，搭配燒得恰到好處嘅外皮，肉質鮮嫩，每一口都好美味。真係一道令人驚艷嘅主菜！用餐體驗好滿意，員工的服務又好好，價錢嚟講又平過好多不知名西餐。仲有直播緊英超，真係好適合同朋友一齊享受食物同睇波！下次再響北區聚會，一定會過嚟呢度！

這間店裝潢都幾有特色坐得又舒服啊😌今次工作完和同事一齊去吃個晚飯今次點了🧡忌廉湯+麪包忌廉湯都好creamy 個麪包暖暖地🧡三文魚龍蝦汁意粉我當然吃三文魚啦🤩🤩加上龍蝦汁感興趣都幾夾如果可以更多汁就好😄三文魚好大條，味道都好夠味🤭🧡西冷牛扒五成熟薯菜友人吃個牛扒🥩好大件又厚推薦五成熟😆又多汁🫢女孩子未必吃得完真的好大件👍🏻👍🏻🧡法式焗田螺充滿香香濃郁的蒜茸味😚😚我和友人都好愛蒜味🤭🤭田螺和蒜香好夾味道不錯飲品：🧡雜果賓治🧡水果茶我飲雜果賓治味道都唔錯👍🏻推介：🧡三文魚龍蝦汁意粉🧡雜果賓治

未去過上水可能唔知，但係我話晒人生第一份全職工就係上水，所以好早嘅時候已經聽過呢一間畢打奧餐廳😎 餐廳原址在粉嶺火車站旁邊已經超過50年歷史啦🤩除咗享受正宗英式食物，店舖裝修都相當有特色，舊店曾接待15萬名駐港英兵。當駐港的英軍撤離時，都會將營徽送給餐廳留念，現今畢打奧所擁有的營徽共有152個，全部釘在吧檯的上方，每個營徽各有特色，這些營徽所屬的軍團部分已解散甚或在戰場上全軍覆沒。所以有機會嚟到真係要好好欣賞一下🥰🇺🇸美國肉眼扒🥩非常經典的西餐菜色—牛扒😎肉眼有豐富的肉汁和口感，以高溫煎烤，讓外部呈現香脆的烤痕，而內部則保持嫩軟多汁💦香煎新界農場豬扒🐷以新界農場的豬肉為主要食材，經過適當的調味和煎烤🍳，可以展現豬肉的鮮嫩口感和獨特的風味，煎香之後油香四溢，肉味濃郁🤩法式焗田螺🐚田螺通常會先以香料和醬汁浸泡，然後置於烤箱中慢慢烤熟令田螺保持彈嫩，帶來豐富的風味😜Cocktail 🍹 💚Mojito以白蘭地、薄荷葉、糖和檸檬汁為基礎，口感清涼、清爽怡人，非常適合夏天享用。🤎 Long Island ice tea以龍舌蘭酒、伏特加、金酒和萊姆汁為基礎的雞尾酒，味道非常強烈，配合環境氣氛品嚐

上網見到MM都推介既畢打奧餐廳，自己好耐之前食過，隔幾年後番去食，一樣咁有水準。入到去個環境，好似時光倒流咁，氣氛仲好chill! 餐湯羅宋同白湯都叫左，羅宋湯好足料，仲有粒粒牛肉。西冷扒配蒜蓉汁 意粉百幾蚊咁大個扒餐，其實真係好抵! 西冷扒肉質嫩，易切開，而且都好大塊。鐘意佢呢到汁係另上，自己鐘意撈幾多就幾多。個蒜蓉汁同意粉好夾，好食!豬手配黑椒汁 薯菜豬手份量都好勁!! 鐘意佢個脆皮位，感覺好似食緊好多骨膠原，唔會太油膩，仲要配埋佢個酸菜! 豬手可以點餐時叫碎上，食落方面好多。法式焗田螺呢個好好食! 而且仲有好香既薯蓉，推介!野飲方面糖水係另上，自己落架，而且佢個檸茶底同出面都唔同，好似係英式茶底咁!除左野食好食，店員態度都好好，感覺呢到真係好有人情味。

餐包都幾鬆軟，有牛油都夠熱，湯都好多料有洋蔥、西芹、椰菜、紅蘿蔔，夠酸又有蕃茄味，最重要係熱辣辣先好飲。香草牛油焗田螺，聽過好出名，田螺大大粒～又焗得香口，而薯蓉嘅香草味同蒜蓉十足，味道唔錯。肉眼扒好有牛味，唔會有醃肉嘅味道，五成熟都幾嫩口，黑椒汁都夠濃，好惹味，意粉好香牛油香草味，配有翠綠嘅肉豆，有小小蔬菜幾好。香煎新界農埸豬扒，冇強烈梳打粉味，揀左洋蔥汁，一份有兩大塊豬扒，大件夾抵食。最後叫埋杯凍檸茶。