男女煮角

營業中

休息中

因為在附近上咖啡工作坊 , 便求求祈祈在附近找間鰂魚涌才有的食店 , 逛下逛下便走到來這間門面頗大 , 似有用心裝修的(茶)餐廳。踏進店內, 侍應生招呼帶位；坐下之後便四週視察環境 , 似乎想建造歐洲式園林美境 , 有籬笆、有假葉、宮廷式梳化背 ...... 奈何怎麼會感覺到甚麼都有層污穢存在 !每張餐檯上都擺放了茶記式調味牙籤架及一樽餐酒 , 吃茶餐飲餐酒似乎是餐廳想帶起的潮流。餐檯的玻璃下放了一張餐牌 ... 咦!  說是炭火明爐叉燒 , 例牌足半斤才$58 , 向侍應生問問有關叉燒的問題 , 他告訴我他們的廚房比較大 , 可以放置一個太空爐來燒叉燒 , 所以便點了一客。另外, 餐牌上的走地海南雞飯似乎不錯 , 遂再點一客來嚐嚐 ...叉燒半斤裝約有十件 , 件件都有半個指頭的厚度 , 伴碟的有炸得不脆的花生及幾條又腍又黃的菜芯(連花) , 碟底的豉油蜜汁並不太蜜...說過的炭火烤...味道卻吃不出炭火味, 一件叉燒有肥膏有瘦肉可是肉質是有點奇怪, 似是用鬆肉粉鬆過後再拿去燒, 嚼肉如嚼鋼線, 燒燶的痕跡只得表面的幾劃, 令我最摸不透的是為何件件叉燒的形狀都是差不多模樣, 尤如模

This cha chaan teng has a dish that is named after the final dish 黯然銷魂飯 (sorrowful rice) in Stephen Chow's movie "The God of Cookery". I love that movie and therefore I was intrigued by the name so I finally decided to try it. The dish is basically chinese bbq pork with egg over rice. The set came with the red bean with ice drink. It's a classic drink but unfortunately mine was watery with way too much milk and syrup. The red beans were alright as it was soft and sweet - just wish there was more

The only reason I would come here again is for their tomato beef macaroni. I like how their soup base is sweeter than Sing Heung Yuen and the macaroni is cooked just right. The lunch set also comes with omelet and drink so it makes for a pretty cheap and filling lunch. The omelet is standard and the milk tea is not bad here. During lunch time, service can be lacking. I've had some good experiences and bad experiences. One time, my milk tea didn't come even after I have finished my meal and I had

朋友推介中菜超值, 菜式名字有心思, 順道路經就入店嚐試: 燒腩仔米粉配薏米檸檬水,  米粉唔夠熱,湯底一般貨式, 菜心尚算清甜, 但主角話係店長推介炭烤其一嘅燒腩仔(另一款係叉燒), 唔明白點解要淋上照燒汁, 又或者根本已經淋咗嘅皮沒法脆囉! 飲料材料足, 但此薏米火候未足夠, 仍然生硬而且有草青味道相信是以街坊生意及附近大量寫字樓需求為主, 價格尚算合理 地方濶大但屬舊式,近門口位置更是悶熱 ; 招呼熱誠, 但係出品就...晚餐價嘅時菜(菜心)班片河粉: 無河粉改炒麵= 其實係青衣魚柳幾件, 炒得無鑊氣兼多油(已預先請廚房少油, 相信已經無留意到要求!); 咖啡唔掂, 飲了兩口放棄!

有時候，喜歡一個人到太古城散步逛街。太古城中心有戲院、服飾店、精品店，更不時有展覽，想親近自然也可以逛公園。不過，在這一區搵食，有時候也不容易。因為這裡的店，消費普遍偏高，又或者適合一班人光顧。一個人的時候，不會去吃。有時候，你只想簡簡單單吃一個麵而已。於是乎由太古城的一端，走到另一端，都找不到一個想走進去吃下午茶的地方。結果，走著、走著，就走到鰂魚涌，看見一間其貌不揚的茶記，於是推門內進。　　這間茶餐廳叫男女煮角，曾幾次路經，但今次是第一次光顧。店內格局沒甚麼特別之處，沒有美麗裝飾，只是相比一般茶記闊落，亦有電視機播放著免費台的節目。而且令我高興的是，店內沒甚麼人。拿起餐牌，心中浮現一種感動－－身為香港人，始終是港式茶餐，最能滿足口味。今次的目標是瑞士雞翼煎蛋撈公仔麵！　　我對電視沒興趣，點餐後就拿出 I-Pad 上上網、畫畫公仔。等了一會，撈麵上場。賣相沒甚麼特別，份量不是特別多，而且味道也不是很突出。但一個人的時候，你會覺得這種港式味道，特別有親切感。仔細一點說說吧。雞翼是甜的，雖然汁料較稀，但至少不會出現最近在瑞士咖啡室吃到的澀味雞翼的情況。肉質中規中矩，不嫩滑但又未至於煮到又

這家茶餐廳開了起碼一年了，選擇是多... 但真的不平宜，咖喱每款HK$52，叉燒煎蛋飯... 又名黯然銷魂飯 HK$46...不過因為喺公司對面，落起雨上嚟或趕時間都會幫襯既，好似今日咁，天色昏暗，雨好細密，所以一行11人就去呢度開餐。其實今日真係諗唔倒食乜，見同事話食翅撈，我又跟住吃。所謂翅撈，即係素翅撈米線，有6款配料如牛筋丸﹑墨丸﹑魚腐﹑炸醬等供選擇。每碗HK$38跟一杯飲品，除一般奶茶咖啡外，還可點薏米水﹑紅棗蜜等熱飲，不錯。米線份量頗大，不過有點像蠔油撈麵，味道一般。同行友人點了咖哩雞飯，雞件定雞扒係生煎既，所以等得比較耐，味道尚可，偏辣。比較得意既係佢有男主角同女主角餐，其實類似常餐，但有少少唔同。如男主角餐係叉燒湯意配菠菜定咩菜炒滑蛋，女主角餐好似係火腿腌列配蕃茄湯公仔麵定意粉，兩款都跟一份橄欖牛油厚多，價錢忘了，算係Gimmick囉！唯獨是服務真係麻麻，以及欠缺靈活，如我想叉燒煎蛋飯蛋另上... 佢係唔俾既... 不過要方便就冇得計較咁多啦！由於面積唔少，都容易揾位... 我地必要時還是會繼續幫襯的！

對茶餐廳服務早已不存希望，但可以差成咁，又真係幾神奇。待應橫衝直撞，由頭髮邊傳菜，到撞到客人後，用后腦同你講"SOLLY"。茶餐廳，其實可以做好點。不希望你富麗堂皇，不希望你禮貌周周，只期望有最基本的遵重，在今日的香港，還是想得太多？

今日行過吉之島已經冇咩想食, 所以就行過去華蘭路度睇下啦.咁見到男女煮角, 之前就係果度食過豬軟骨撈面就覺得唔錯, 所以就返去果度試下.今次就叫左兩個小菜, 味菜抄牛柳絲一擺上來熱辣辣, 要即刻攞匙更撈雲佢, 如果唔係就會痴底.味道其實一般, 好普通, 不過佢材料都幾多.乾蔥滑雞煲依個我覺得同牛果個煲冇乜分別, 啲材料都差多.另外每個小菜加十五蚊可以轉餐, 有個湯, 白飯, 再加五蚊有埋野飲個湯比較咸左少少, 不過都okay.佢地質素其實一般, 不過收費就貴左少少了.

放工路過華蘭路, 見到呢間食肆好似幾企理咁喎, 又多小菜選擇, 價錢都幾相宜咁, 就入去試下啦...餐廳入面都係靠邊有D卡位, 中間就係好多可以隨意移動嘅長方型木枱木櫈, 估計中午時段又係供應迫+趕午餐...入到去先知, 小菜嘅價錢原來剩係包小菜, 轉套餐(白飯&湯)要加15蚊... 嘩... 咁嘅...是日例湯--今日係節瓜湯... 嘩... 咁大煲嘅... 1人分到2碗... 不過... 少少鹹之外, 食唔出咩味...鮮豬膶啫啫滑雞煲--第一啖覺得味道都OK, 之後越食越鹹... 再飲番個湯已經唔覺個湯鹹... D豬膶片片都切到薄到0.3mm厚, 莫非廚神出馬?!! 雞肉都係D雞翼位同轉角骨位, 冇咩肉... 紅蔥頭竟然一D都唔熱, 簡直為呢味餸增添上神秘嘅面紗...麵醬炒唐生菜--嘩!!! D麵醬用個匙羹嗶係中間完全冇推開都得嘅?!! 個大碼唐生菜仲要原條1開為2, 個梗大到放唔到入口, 乜切一切開條菜要好多時間嘅咩??? 我眼見得唔夠5枱客, 廚房忙極有限喎...埋單都要120蚊?!! 係, 佢係已經好食過美X快餐少少, 之但係咁嘅價錢配咁嘅食物, 應該短期內都唔會行開華蘭路呢

夜晚去左同朋友食飯簡左呢間係太古坊附近既茶記叫左個雜菜粉C,啫啫雞,涼瓜班腩,2條友食都幾多下佢個例湯幾正呀,又足料,每人夠飲2碗雜菜粉C份量勁多,味道都係清清地,應該係用雞湯整啦,唔錯啫啫雞夠惹味,份量又係多,但係D豬肝唔夠滑,呢PART做得差D涼瓜班腩就正常,涼瓜唔算苦,D汁係豉汁夠入味,每人90蚊左右啦,都唔平-O-

今天母親對這間餐廳有興趣，所以我和母親便於中午來這裏用餐。由於對這間不熟，所以我和母親叫了這裏的午市麵皇，我叫的是油頭魚皮餃河粉。老實說，我是頗後悔的，第一魚皮難以咬碎，二來餃肉不好食。而河粉也嫌淡，需要加醋。最神奇的是，侍應問我的河粉要不要時，我還未回答他便拿走麵了。就這樣，我決定對這間食店下劣評。

五點放飯。。。上次行過門口見d哥哥仔勁熱情地叫我地入去食嘢，咁啱食完飯所以冇食，今次就單拖入去食teaoh,今次冇咁熱情lu，今次係自己揾位。。。揀左個最中間最開揚嘅位，一坐低就有種污糟感，因為枱同櫈都痴笠笠的因為係五點時間，見到伙記都比較少，兩女一男講下服務態度先，基本上我好快地諗到食咩，跟住係咁揚手，但係男嘅做緊收銀位嘅嘢，咁寄望兩個女嘅啦，我感覺到好似比人ignore左咁喎!揚手，嗌唔該都完全冇反應，連我後面食緊嘢嘅幾位阿姐都忍唔住話：係咪特登㗎？終於阿姐們抵唔住頸：喂!嗌嘢呀!，先走過嚟，不過態度都算好嘅喎!好，講嘢食喇，都算快上秘製瑤柱炸醬撈麵炸醬好好食喎!酸酸地但冇乜辣味，但係冇瑤柱㗎，失望：(可能係瑤柱汁卦，但係冇瑤柱味囉。。。撈麵嘅魚湯。。。唔知點講，d味好似勁淡魚湯溝左d粥水囉，不過配角黎姐！經典嘢又出現喇，食食下食到粒好苦嘅物體。。。 唔知係咩嚟㗎，監生吞左落肚！再食到差唔多尾聲，果層油差唔多有兩cm咁厚！怕肥就唔好食喇！食到最後都有少少苦味。。。到奶茶，又唔係話太難飲，係一般茶餐廳貨仔囉！有嘢讚就係走果陣有個哥哥仔笑咪咪咁同我講多謝哂拜拜，同其他伙記完全唔同囉！

放假翻到香港, 第一件事就是想吃茶餐廳, 喝杯凍奶茶.本來與家父想去旁邊間"美味屋", 可惜已經結業.轉角看見這家, 還蠻新淨, 何況是lunch time, 位置難找, 便喳喳林入去, 意外的是不用等位.更意外的是, 一個學期沒回香港, 似乎物價飛漲得厲害, 一個餐要$50左右.這家店招牌什麼魚湯什麼, 還有"馬來咖哩"本人對咖哩情有獨鍾, 便和家父各點了"馬來咖哩牛腩" "馬來咖哩肥牛", 2杯凍奶茶.侍應姐姐語氣有點"串", 家父指著menu上的咖哩說要牛腩同肥牛, 可能家父廣東話不準, 被誤當成陸客.侍應竟然回答, "咁你係有咖哩定係冇咖哩呀?" 態度囂張.大佬, 你menu得呢2款你想點呀.新舖仲夠膽咁串?首先上的是凍奶茶, 呷一口, 味道不對勁, 沒有茶味, 沒有奶味.望向廚房, 也是黑白淡奶, 怎麼味道如此差, 原來廚房裡面全是廿歲出頭的"新丁".心想, 這次完了.果然, 上飯時, 竟然上了2碟"咖哩雞".好吧好吧, 咖哩雞就咖哩雞, 照殺.嘩, 鞋什什, 用"恐怖" 二字形容不誇張.胡亂吞了幾口, 急急腳埋單.盛惠$104看一間茶餐廳的水準, 首先看他的奶茶, 奶茶做的

天氣好胃口特別好！３點３，今日又去華蘭路搵食！行過見到呢間＂男女煮角＂Ｄ餐幾岩心水，個名幾生鬼，望入去食客唔多兼有卡位；好，一於入去做下＂煮角＂先！餐廳內地方算闊落，店員服務都ＯＫ，食物和飲品種類夠多選擇，而且不乏幾有創意和一般茶餐廳少見的種類，例如：黑糖忌廉咖啡、松露菌雞茸奄列、愛爾蘭威士忌咖啡、自家煲燈芯花意米水！仲有呀，呢度有雪糕香蕉船等甜品食架！ 脆皮奶油豬＋黑糖忌廉咖啡（$20）金黃色，閃閃令！個包熱辣辣，外脆內軟。煉奶同牛油份量剛剛好！杯黑糖忌廉咖啡，聽個名好吸引，忍唔住一試！整體上咖啡雖然香濃，但幻滑度就差ＤＤ，而且飲唔出忌廉與咖啡的化學作用！另外，黑糖係按自己需要和口味而自己落，悉隨尊便！ 金魚尾海蝦雲吞麵＋凍奶茶（$28+凍飲$3）半打大大粒鮮蝦雲吞＋生麵，兩樣都爽口彈牙，好味！Ｄ雲吞皮薄餡多，師傅包到個尾真係好似金魚尾咁！另外，個湯底好似魚湯咁，呈奶白色！ 瑞士雞翼波蛋撈一丁＋黑糖忌廉咖啡（$32）有３隻瑞士雞中翼＋波蛋（即係半熟蛋）＋撈丁！大大碟, 雞翼幾入味，而個撈丁份量都ＯＫ（冇因為係tea time而將份量減少）！呢個餐成個麵Ｄ汁都係用瑞士汁，略嫌同一丁唔太

位於華蘭路的「壽司處幸」其實開業只有約一年光景，不過近日已靜悄悄地結業了，而換來的另一間名字有點奇怪的「男女煮角」。見有新店開張，兩口子當然躍躍欲試，於是星期日趁店舖還只是開業不久，便來看看有甚新意。估不到原來附近街坊比我倆的觸角還要敏銳，只是正午十二時左右，店內已幾乎座無虛席，幾經辛苦才找到中央一張靠柱位的小圓檯坐下來。先環顧一吓四周，內裡布置還算整齊雅潔，不過未知店舖是否希望用盡店內每一寸空間，所以椅桌看來都擺放得有點密密麻麻，部份顧客更被迫要背靠背而坐。再看看餐牌，瑞士雞翼、海南雞飯、馬來咖喱、賣相怎麼與「翠華」、「翠河」等店舖那麼相像的呢？閒閒地一碗湯河也要近三十塊錢才有交易，價位看來亦絕不便宜啊！好，那麼這次點餐任務就交由老公負責吧。老公一向愛吃海南雞飯，見這裡有個走地海南雞飯 ($55)，當然也不會錯過，點來一試。據說走地雞是以粟米作飼料的，要待到雞長至肌肉和脂肪比例最佳的 2 公斤時，才用來製成美味的海南雞，加上走地雞運動量大，脂肪少，所以連皮吃也不覺「啖啖油」，更可以吃出鮮雞味。至於這碟海南雞飯端上桌時，功架還算十足，自家製的黑醬油、辣椒醬、薑蓉等一應俱存，不過雞件份