田記魚蛋牛腩專門店 (碧街)

營業中

休息中

📍田記魚蛋牛腩專門店(油麻地)九龍油麻地碧街45C1舖相信潮洲粉麵都係大家快餐之選，食麵又得，食飯又得，淨食餸都得。今次呢間魚蛋牛腩專門店就對正油麻地地鐵站A1出口，非常方便👉淨秘製牛雜 💰＄98😋😋😋.8/5平時係街邊食個啲牛雜細細兜，雖然好惹味，但縑佢小，唔夠喉。今次叫呢碟就非常足料，有牛腩、牛膀、牛肚、牛腸、牛肺同蘿蔔，全部都滷得好入味，非常有咬口。配菜蘿蔔最為入味，食唔停口。👉鳳城水餃麵 💰＄38😋😋😋.8/5一碗有五粒大大隻雲吞，每粒都有隻大鮮蝦同新鮮豬肉，皮薄餡靚，仲有少許胡椒粉味。我揀左粗麵底，麵煮到爽口彈牙，而且無鹼水味，份量剛剛好。👉腐乳通菜 💰$17😋😋😋😋.3/4用鹼水淥嘅菜係最綠最靚，所以係麵店食菜係首選。通菜煮得啱啱好，唔會太淋，又唔會太硬，配埋個腐乳醬，辣辣地，好開胃。呢碟菜份量唔小，啱哂我地兩個人食。回頭:yes，港式風味，快靚正

早幾日收工之後要趕下場，就搵咗間魚蛋粉麵舖快食一餐醫肚，估唔到又有驚喜喎 😆魚三寶米線魚三寶包括魚蛋、魚片頭同埋魚皮餃～ 魚蛋同魚片頭爽彈又充滿魚香，魚皮餃就大大隻勁多餡 👍🏻 雖然都係魚小食，但係每款都各有特色，一次過食三款覺得好滿足 😋唔會估唔到佢啲米線都煮得幾好，軟硬適中，清湯加少少辣椒油，勁惹味，加埋杯凍檸蜜好過癮 😍 又真係諗唔到快食一餐都可以食得咁開心咁滿足 🤤 同埋我見都好多人叫牛腩食，下次有機會可以去試吓～

放工陪同事去油麻地交收完，正想要搵地方食嘢，同事話附近有間田記魚蛋牛腩專門店，出名好食，不如去試吓！店內地方不大，但都整潔乾淨。招牌魚旦河：魚蛋爽彈軟腍，魚味濃而不腥。魚片厚切大片，彈牙爽口。河粉滑溜軟腍。湯夠熱，湯頭帶點甜。魚片頭麵：採用新鮮魚肉打成嘅魚條，魚條再經油炸至金黃，外層厚皮香口，內裡肉質彈性結實，而炸魚條的兩端就是魚片頭，外層厚皮部份比切片魚片更多，口感更加彈牙甘香！幼麵亦好彈牙。鳳城水餃幼麵，湯底清清地 ，水餃皮薄餡飽滿，有蝦有肉有木耳等，食落爽滑，每啖都有不同口感。加17蚊油菜，菜心林甜，加埋蠔油嘅鮮味，好味！飲品有優惠，惠顧主食加8蚊有凍飲，凍檸茶夠濃、豆漿少甜健康。

快打風，但都要搵食。知道這間田記有不少好食評，主要都讚金錢肚及崩沙腩，當然要一試，要了崩沙腩加金錢肚，朋友要了淨魚三寶。崩沙腩好入味，其實崩沙腩係牛腩嘅一種，係牛嘅橫隔膜，脂香味重，吃有整個咀巴都有濃濃的牛肉香味。而金錢肚夠煙韌，而幼麵夠爽；淨魚三寶，魚蛋明顯食到是由人手打成的魚肉丸子，不是那些帶粉狀的，魚餃多餡。為左平衡一下油膩感就叫左碟菜心，菜心嫩且鮮甜。係油尖旺區，$42一碗淨魚三寶，十分抵，所以在晚飯時間都多人。

田記魚蛋牛腩專門店 📍油麻地碧街45號地下C1號舖值得二訪🤤港式粉麵店上次食過牛三寶麵 🙌一直心思思想再去食🫣今日來試埋崩沙腩我簡左粗麵再加料跟魚蛋崩沙牛腩～肥瘦層次分明～外層係厚厚油脂包裹住腩肉牛味更出❤️🤤必食推介跟埋炆到入味蘿蔔～好正魚蛋彈牙🤭金錢肚麵+墨魚丸牛肚～爽口又厚身～墨魚丸～好有鮮味又彈牙兩款麵叫左多腩汁～湯底好濃好好味仲叫左碟蠔油菜心加埋飲品～凍檸樂同豆漿埋單百五蚊😂🤣人均$75～抵食👍🏻麵店好有地道風味～價格親民👍🏻🙌同埋佢個自家辣椒🌶️醬好正大家來試下😃港式傳統店

今年香港的牛腩麵都好失望，碗碗都咸到爆，叫了一碗魚蛋粉，一碗牛三寶麵，鱼蛋粉好滴滴，但是牛三宝真係咸到想罵人，阿没心情拍照了，唔該你們店家自己試下味得不得啊，我用茶水沖淡都沒用。同服務生講，他們都沒解啦，就話可能牛腩汁味重著滴。

黎到油麻地呢頭，發掘到一間值得去食嘅中式粉麵。店舖地理位置佳，很近地鐵站。環境跟其他粉麵店差不多，但衛生很乾淨。推介一：雲吞魚蛋麵手打魚蛋，非常彈牙，好香魚肉味。雲吞皮薄咸靚，新鮮蝦肉同豬肉，好有咬口。推介二：牛摩王加蘿蔔麵牛雜肉質口感一流，煮得一啲都5會韌。蘿蔔大舊又新鮮。除左麵之外，叫左芥蘭，鮮甜好味。整體黎講，環境衛生同食物質素高，下次會再Encore,介紹比身邊朋友仔。值得讚嘅系食完吾會口渴，系無味精嘅。

友人說很久沒吃崩沙腩，於是再度光顧油麻地田記，位置方便就在A1出口餐牌仍然是親民的價錢崩沙牛腩米線$55一上檯看到很足料，有6~7件崩沙腩，配上白蘿白和紫菜崩沙腩是牛的橫隔膜位置，兩邊是口感帶點煙韌的筋膜，中間是炆得軟腍且入味的牛腩先嚐一口牛肉味香濃，伴隨略帶煙韌的筋膜，好吃幾件白蘿白味道清甜沒渣，我很喜歡，而紫菜則中和油膩感牛魔王河粉$62其實即是牛雜河，但份量完全不馬虎非常足料，全部炆得入味且嫩口，尤其是牛筋相當不錯芥蘭$17跟餐的菜類有特價，芥蘭很新鮮，我們要求淋一點，亦照足要求去做豆漿+$8點粉麵後追加飲品+$8，可揀奶茶咖啡之類，豆漿同樣是原支送上，不會太甜，豆味香濃，健康之選雖然是傳統粉麵店，但店員招呼有禮，下次仍會再來

油麻地地鐵站一出就係，食個快lunch/dinner之選**********崩沙牛腩河粉🐮（$55）🌟推介🌟崩沙腩呢個部位就會肥小小，不過牛脂味會濃啲，連住筋膜，唔會好韌腩汁超濃郁，配軟滑河粉，索湯一流👍🏻**********雙丸麵（$42）🌟推介🌟話明魚蛋專門店，點可以唔叫魚蛋，但係又貪心想食牛丸，所以叫咗雙丸魚蛋同牛丸都非常彈牙，牛丸一咬就爆哂汁出嚟，好juicy👍🏻**********腐乳通菜🥬（$17）夏天最啱食通菜，非常新鮮**********炸魚皮🐟（$25）🌟推介🌟薄身酥脆，浸吓湯食都仲係脆口

其實我好鍾意食港式粉麵店😋又平又好食，30幾蚊就一餐崩沙牛腩河粉 $55不過今次試貴少少嘅崩沙牛腩，崩沙牛腩肥瘦極之均勻少少偏肥，勁重牛香味，對比起好多七八十蚊碗嘅台灣牛肉麵更出色，湯底清清地，河粉條條分明，食到一半加辣椒油又有多種味道🤩仲有蘿蔔都好腍冇渣😋鮮蝦雲吞麵 $38有5大粒雲吞，蝦肉爽滑彈牙，麵條都係好彈牙冇鹼水味腐乳通菜 $17好大碟又鮮綠嘅通菜，加上鹼香十足嘅腐乳，兩個人輕鬆清哂！凍檸茶 $8

今日同friend做完瑜珈，決定係附近搵間餐廳坐低獎勵下自己，行過見到難得有嘅崩沙牛腩，即刻入去叫返碗試下，因為太肚餓，我地分別叫左崩沙腩粗麵，牛筋雲吞幼麵，仲加左魚片頭同油菜，加埋都只係$142崩沙腩粗麵 ($52)見到餐廳推介崩沙腩，真係必試不可，真係食得出同普通牛腩有分別，崩沙腩冇普通牛腩咁實嘅感覺，食到牛嘅油脂又唔會覺得油膩，好食到停唔到口。牛筋雲吞幼麵($39)牛筋都好入味，吸收曬啲湯汁，加上滑捋捋嘅質感，好似每啖都食左好多骨膠原入肚咁，好滿足，雲吞都好足料，粒粒都脹卜卜。加左個魚片頭小食同埋通菜，成餐感覺好完滿，好滿足。

是日同HONEY去信和SHOPPING，決定行前少少，去到哩間田記食粉~~因為天氣太熱，真的唔多想食飯~~同HONEY點左個崩沙牛腩河粉 魚三寶  牛三寶河粉 同埋一支豆漿 魚三寶   魚三寶  當中有魚蛋、魚片同魚皮餃！魚蛋魚片爽口彈牙，好有魚味，魚皮餃大大隻好多餡，真的唔錯，崩沙牛腩河粉崩沙牛腩河粉HONEY最愛，有7舊牛崩沙牛腩，真的好滿足，崩沙牛腩真的好好食，好有牛油香~~牛三寶河粉牛三寶河粉真的都唔錯，有牛肚牛筋牛腩，真的可以樣樣都嘗試一下，牛肚牛筋真的整得好林好好食，

今日在油麻地上堂，中午要來一個quick lunch ! 所以在碧街附近的「田記魚蛋牛腩專門店 」食牛腩河，再加多炸魚皮🤪田記魚蛋牛腩專門店 店舖不是太大，但座位算寛躺！金牌牛腩河粉$39，大大碗，份量不少，牛腩有咬口，不會太淋👍🏻河粉很幼滑！淨牛肺米粉$35..牛肺份量都不少，口感都彈性；湯底清淸地，米粉都爽口😁炸魚片，很脆口而又不會太厚身，所以不會太膩😉鳳城水餃，皮薄餡不少，木耳多增加咬感！不錯！凍奶茶，茶香夠滑，不錯！凍齋啡，也不差啊

崩沙牛腩河粉 $52本人從不食牛雜，只鐘意食火鍋肥牛，但食過崩沙牛肉之後回不去了，好食到上網check佢係邊個部位，原來屬於牛下腹側肉，係帶有筋、肉、油花嘅肉塊，比例佳，鬆軟帶汁，口感一張一弛，抵畀多個Like👍🏻👍🏻魚三寶米線 $38有招牌魚蛋，口感絕了！爽軟彈滑，同場加映魚片頭、魚皮餃，雖然魚皮餃並非生招牌，但個饀味道不俗，完仼不像街邊一盒幾十隻有骨，手工感強，皮比較有韌度，啲味唔怕流失。招牌魚蛋河粉 $35+6（轉伊面）魚蛋同魚片頭不用多說，店家百分之一百魚肉新鮮製造，湯底三款一樣，完全沒蓋過食材的鮮味，至於伊面相對較頂肚，適合胃口大嘅女仔例如我。菜心 $16火候控制時間理想，菜心框不硬腍身，依然保持翠綠，配甜甜哋蠔醬，很滿意。

【#牛雜專家🐮 】#田記魚蛋牛腩專門店 （油麻地）提起食牛雜粉一定會諗起深水埗果幾間，之前有網友話係 #油麻地 都有一間質素幾唔錯，一直都冇機會去食，唔係食飽咗就係唔順路🤥今日剛好要去旺角做野，想食少少野先，咁就啱晒👍中午12點後入去，都已經差唔多坐滿，叫咗最愛既牛雜河，$39單點，價錢上還可以啦，當然冇得同深水埗比較。都等咗一陣先上檯，見到師傅係咁出外賣，可能咁啱有張大外賣單要做先。試第一啖湯係清清地，好彩檯面有支魚露比你加落去提鮮，即刻唔同晒👍 河粉幾好食，都幾大碗，夠滑身。牛雜份量都唔少，牛肚比得最多有四舊，都做得唔錯。值得一提，店入面有一位阿姐都幾霸氣，經常都好大聲叫其他員工做野，甚至會叫幾個客食完傾完計就好走😄即係叫你唔好阻住，唔知佢地係咪識既所以先咁講，如果唔係都幾頂癮😎推介指數：6/10@foodiehck2022 #港飲港食 #牛雜河 #潮式粉麵 #油麻地美食 #湯河