田浦食肉

營業中

休息中

燒肉有人幫忙燒，在香港比較少有，專人服務，環境寬敞。而且燒得好好，沒有燶又好味😆豬肉炒粉絲好足料，熱辣辣，大大碟，非常好味！煎餅脆卜卜，好好味！多款前菜任食任添！

假期就係要同朋友見面，朋友住沙田果邊，佢帶我去韓國人主理既韓燒餐廳，話有驚喜比我。原來係石門呢間韓燒餐廳，係有oppa 親手幫你燒埋啲肉，唔駛自己出手又可以同朋友雞啄唔斷咁樣傾吓偈。今次點了生醃醬油蟹、烤豬肉套餐（五花肉+豬頸肉、大醬湯同埋韓式煎餅。💠生醃醬油蟹蟹肉鮮甜爽口又彈牙，配上帶甜既醬油一齊入口，口感一流。💠 烤豬肉套餐（五花肉+豬頸肉）大大份，啱晒我地3個女仔去食，有oppa專人幫手燒，我地完全交晒比佢處理😆，邊燒邊聞到陣陣油香，啖啖肉咁食真係好惹味。💠 大醬湯即是韓式味噌湯，配上韓國必備既辣粉，湯非常熱及濃郁且充滿鮮味。💠 韓式煎餅我本人大愛，韓式煎餅外皮金黃酥脆，內餡有蔥花和配料，淋上韓式醬汁，十分融合。係到用餐真係好似置身於首爾一樣，又有些打卡位，氣氛一流。

田浦食肉係沙田一間超正嘅韓式餐廳🇰🇷🇰🇷環境舒適 適合肉食愛好者🥩🥩 菜式多樣化 真係好味又實惠😍🐷 水冷麵呢碗水冷麵真係清新又開胃 麵條滑順 湯底清爽🤣 配上新鮮的蔬菜 🥬 食落去感覺好輕盈 夏天食正好 唔會覺得膩🥰🐷 雞蛋羹呢個雞蛋羹滑到無朋友 口感非常柔軟 味道清淡 搭配少少醬油 真係一口接一口 簡單但好味😋🐷 小菜小菜選擇多 成枱都係🤣好似真係去咗韓國啲餐廳咁🥰 而且款款都唔錯 擺晒喺面前非常之吸引🐷 烤牛排骨套餐呢個烤牛排骨套餐份量十足 肉質鮮嫩 燒得剛好 搭配特製醬汁 真係超級下飯 食極都唔想停 🤣🐷 烤牛骨烤牛骨外脆內嫩 肉味濃郁 吃到最後仲可以啃下骨 🤣🤣 真係好過癮 搭配蒜蓉醬 味道更加提升 🧄.田浦食肉📍 沙田石門安群街1號京瑞廣場2期地下19A號舖.#吃貨日常 #香港 #沙田 #田浦食肉 #香港美食 #hkfoodie #foodiehk #沙田美食 #沙田好去處

好食！抵食！環境優美！有專人負責燒肉！環境優美 價錢相宜 適合一家大細 有好多小菜 啲肉既鹹味岩岩好 份量足夠 飲品好飲 份量岩岩好 環境整潔 建議嗌蜜桃冰茶 好好飲 好好打卡 推薦！！！

石門隱蔽韓燒，全部韓國侍應，讓你足不出戶體驗正宗韓式燒烤🍖配菜任意添加，配上專人為閣下燒的五花腩，油花滴滴，夾上新鮮生菜，最後個炒飯，仲有咁有創意😝，十分驚喜🤩極力推介

第n次食田甫食過好多間分店包括大角咀同港島石門店感覺最大店內冷氣夠無油煙積聚食物質素同員工服務都好好有員工燒肉小菜任加全部員工都好好客無論兩個人同朋友聚局都推薦

3個人叫唔同既飯醬油炒豬肉片飯 水冷麵 同烏龍麵3個人既豬肉片都係一樣味 明明餐牌寫係唔同既野食黎點知上黎都係一樣🤯呢碟飯係白飯加芝麻醬既綠邊菜仲有啲洋蔥大葱炒豬肉片要88蚊再加一 水冷麵好多醋 愈食愈酸 同埋跟餐有碗蛋花湯淡而無味 非常清淡 連雞蛋香味都無 唯一可取係 餐前有比碟韓式炒粉絲同4碟餐前小菜 味道都算OK 其他都好普通 午餐餐單都好hea 無諗過叫唔同野食都係同一碟豬肉片 唔會推介 仲有地下好油 音響太勁 好嘈

兩個人收工想食韓國料理，友人醒起之前網上推薦，所以楂車過去準備食好野。環境同一般韓國燒烤差唔多，前菜可以無限添加🥰，服務和食物都不錯，不過抽風系統需要改善🙈

啲肉燒得好香，同埋仲會有店員會喺隔籬幫你燒根本都唔使自己動手，個位置就喺石門地鐵站C出口出嚟晚市嘅時候可能要排一排隊，不過都幾快可以排到，啲醬油蟹冇咁驚艷，但係牛肉好香

聽左好耐終於有機會試田浦燒肉！首先前菜超豐富，款款都好好食😋我地叫左烤牛排骨set（烤牛排骨+牛五花肉+黃油炒飯）個牛一啲都唔韌，樣樣肉都好Juicy!! 最重要係有oppa幫你燒👦🏻Overall服務好、肉好食🤤

朋友挑選的餐廳 位置很好找 在石門站出口轉右就是職員很用心服務 一直在幫你燒 餐廳的裝修很有韓式風格我們這次試了豬五花肉 雞蛋羹 牛五花 牛仔骨肉 還有泡菜炒飯肉的調味很合適 跟在韓國食到的烤肉感覺很相似 也會跟韓國的餐廳一樣有很多配菜推薦！

做野既既關係，經過沙田，見到有間幾地道既韓國燒肉，好似幾正，決定入去試試。佢嘅烤牛排骨套餐真係出色。牛排骨烤得恰到好處，好鬼脆，而且帶有淡淡嘅炭燒香，每一淡都好鬼滿足。搭配佢哋嘅特製醬汁，更加提升咗牛排骨嘅風味，鐘意食牛仔骨既一定要試！另一款要試嘅就係佢哋嘅生醃醬油蟹，蟹肉鮮甜，夠爽，又彈牙，加埋微微的甜味同醬油嘅香氣，絕對係海鮮愛好者嘅最愛。雞蛋羹同小菜都簡單而特別，雞蛋羹好鬼滑嫩細膩，小菜又清爽開胃。田浦食肉嘅用餐環境舒適，服務態度親切，有韓仔幫你。

今日同個仔想落堂之後就打算係附近食啲野又心血來潮好想食韓國野所以揀左田蒲食肉食今次我地叫左烤牛排骨套餐、韓式煎餅同飯糰食首先黎既當然係4個前菜我最愛都係佢既泡菜辣味岩岩好不會過辣每次食韓國野我老公必定要食佢既煎餅佢地煎得好香口就咁食已經好好食再配合埋個醬完全一流而烤牛排骨套餐又係正餐廳啲燒烤有晒職員幫手燒唔洗自己落手勁正而我仔當然最愛就係佢既飯糰雖然佢簡簡單單入面加左紫菜同芝麻但真係小朋友最愛既野食唔怕佢地唔食飯🫢🫢

最近真係覺得自己食極韓國菜都食唔夠，尤其係超級鍾意食韓燒，於是今日去開沙田探朋友嘅時候，朋友就介紹我去呢間餐廳，佢話嗰個去過都話勁好食。一坐低就即刻叫咗個韓式煎餅，外皮煎得好香脆，厚薄到又剛剛好，真係勁好食。之後我見到佢餐牌原來有得食生醃醬油蟹，就即刻同朋友講我想試吓呢間嘅質素，點知真係冇失望，隻蟹好新鮮，完全冇腥味。最後到主打，就叫咗個烤豬肉套餐，佢有五花肉同豬頸肉，兩隻嘅肉質都好好味，啲肉完全冇鞋，而且燒一燒，即刻好香，完全滿足到我呢個食肉獸。

好耐冇食韓燒啦，今日同好耐冇見嘅同事過嚟石門gathering，點咗個烤豬肉套餐 (五花肉＋豬頸肉)，原來有專人幫手燒既，咁我唔客氣啦🥢，五花肉燒完之後肥瘦均勻，入口鮮嫩，外面香脆。至於豬頸肉燒完就比較爽口。用生菜包住再夾埋啲配菜一齊食真係好滿足呀。雞蛋羹由芝士、蘿蔔絲、粟米粒、蔥粒製作而成，個賣相真係幾吸引，入口蛋味濃郁，口感香滑，配白飯一流。水冷麵同事話食完熱辣辣嘅嘢梗係要食返個水冷麵降下溫，本身唔好水冷麵嘅我，試完一啖發覺又OK喎，覺得幾fresh，中和晒食燒肉嘅油膩感。