生龍清湯腩 (褔榮街)

營業中

休息中

叫左個招牌清湯腩河粉 分湯。牛腩只有數幾舊，不過幾香，都幾好食鯪魚肉釀尖椒，好味喎真係即整出黎，熱辣辣甘，鯪魚肉仲釀到滿滿，唔係得少少果隻一路食，一路辣辣地，好惹味！份量都算多，又大大條腐乳通菜好大碟，腐乳好多不過外賣，每個盒收$2個，好貴呢

之前係新蒲崗食開呢間生龍清湯腩，中意佢地個咖哩，同其他中、西餐既味完全唔同，而且食落唔會好稀，感覺有d稠稠地好香好好食。但食左一段時間，新蒲崗分店就執左。今日行開深水埗見到佢既分店忍唔住就入左去食啦。想試下係咪都一樣咁好味我叫左個咖哩牛腩飯，睇落去個樣同之前食既差唔多，但一食落去先發現個咖哩好稀，一d都唔似之前食咁稠，有d扣分，而且都冇之前係新蒲崗食咁香，揾唔返之前食完又想食既感覺，有少少失望。d牛腩都幾冧。總括而言，冇令人一食想再食既感覺，味道好普通。

開左係深水埗好耐嘅生龍清湯腩.. 茶餐廳嘅格局.. 晚飯時段滿座幸好剛有人離座埋單.. 我地簡單點左兩碗麵食加醉雞.. 招牌清湯腩米: 牛腩肥瘦適中.. 清淡中帶出牛肉嘅鮮.. 蘿白夠入味.. 一咬就索晒湯水.. 米粉就沒太大分別.. 牛坑腩河: 感覺同食清湯腩嘅部分一樣.. 同埋啲牛似肉絲咁好腍易入口.. 再配上一杯咸檸7就無敵.. 麻辣牛肚: 少少麻少少辣.. 哈哈.. 大部分人都食到.. 再加少少醬汁落個湯麵度.. 就更好味.. 牛肚食落感覺似食酒樓金錢肚一樣.. 杞子醉雞: 第一啖入口都唔多覺酒味.. 但食落雞肉好嫩.. 仲有好香杞子味.. 而且半隻雞都係一百蚊有找.. 大件雞啖啖肉都幾抵食.. 杞子桂花糕: 食飽飽當然要整返個中式甜品喇.. 夠足料.. 好喜歡杞子嘅口感.. 而且夠大件..

清湯腩乃我最愛的美食之一來到庶民美食區深水埗就來試試坑腩爽腩崩沙腩傻傻分不清楚就點了清湯崩沙腩伊麵呷一口湯味道清甜蘿蔔爽口多汁感覺清新牛腩味濃肥瘦相間配上伊麵就最好不過一碗好的沙腩伊就該如此朋友點了巴基斯坦咖哩牛坑腩飯咖哩香氣撲鼻令人口水直流香料味濃味道相當有層次牛腩和薯仔的份量很多絕對要碗白飯來痛快吃小食點了酥炸雲吞三十八元有接近十件即叫即炸相當惹味再點了香煎墨魚餅煎得香口惹味充滿鮮甜味要吃新鮮牛腩這裡是不錯的選擇

同朋友喺深水埗買完野就周街搵嘢食，見到呢間野食清湯腩就入咗嚟！入嚟見到菜牌有好多選擇，選擇困難症發作加上樣樣都好想食，所以就決定淨係叫一碗清湯腩麵再加大量小食！我哋要咗清湯腩幼麵，麵底似雲吞麵，高質好味，牛腩鬆化份量足，所以我地勁快清哂！見小食價錢唔貴所以我地瘋狂叫左勁多！首先嚟咗醉雞，40零蚊咁嘅份量算係咁！雞肉真心嫩滑加上個汁好香酒味，所以一件不漏！煎尖椒$28 蚊有6件，上枱夠新鮮熱辣辣，好怕一早煎定果d 淋哂勁難食！避風塘雞翼好惹味，外皮脆卜卜，入面就好嫩滑，$24 三隻，抵！蘿白豬紅加左蒜頭辣椒，所以辣辣地好好味！平時出去食好少機會食到菜，所以叫左碟西洋菜，但無諗過＄16可以咁大碗，而且西洋菜爽甜無渣，真心驚喜！總結，呢度選擇多，而且大件夾抵食，加上味道又唔差，推介！

生龍清湯腩 (深水埗褔榮街店)之前已經聽過生龍清湯腩呢個名，早幾晚經過深水埗，當苦惱緊食乜好嘅時候，見到呢度有間「生龍」，就一於食牛腩做晚餐吧!生龍的四大名物:  最吸引我注意嘅，就係左下角嘅巴基斯坦咖哩!!餐牌選擇甚多~ 簡直令人花多眼亂，心 大心細唔知揀邊樣好。不過目測當晚大部分食客(特別係男士)都普遍鍾意叫牛腩飯!咖哩爽腩飯($76)巴基斯坦咖喱，據聞係由英國軍隊同警察局內嘅巴籍廚子傳來香港，呢種咖喱嘅特色係唔落椰漿，再加入大量洋葱，加水將洋葱煮爛為止，所以咖喱汁有特別的甜味。呢度嘅咖哩有香味有辣勁，可以自選大、中、小辣，同白飯非常配! 新鮮爽腩有咬口，帶有薄薄筋膜，煙煙韌韌，爽而脆。絕對推介咖哩牛腩(記得叫新鮮牛腩呀!)清湯坑腩伊麵($57)清湯以牛骨、豬骨等熬成，湯頭夠鮮甜；坑腩係骨腩之間嘅肉，肉味香濃，連着牛骨的軟膏，不同於肥膏，入口非常軟滑。伊麵比起河粉或米粉更索湯!釀尖椒($28)即叫即製，尖椒嘅甜辣同魚肉非常搭配!香煎墨魚餅($38)墨魚餅夠新鮮，自家製作有誠意!鹹檸7(特飲跟餐+$15)7喜汽水+鹹檸檬，化痰潤喉，正!

是日收工又到深水埗會合好友食好西~~~生龍清湯腩在元朗食過好幾次，今次第一次到深水埗食~~~我地首先點咗檸樂和咸檸七~~~清湯配生菜，食起來感覺不錯~~~極品坑腩，個湯咸得來都不錯，我和好友叫了瘦和半肥瘦各一半，D肉食落夠晒味~~~香煎墨魚餅，一上碟熱辣辣，食落去好有口感~~~避風塘雞中翼，原來幾辣吓，我個人唔食得辣，所以叫好友代我食晒~~~奶油豬仔飽，呢餐最好食係佢，食落好軟熟，好想叫多份，但自己又怕肥，唯有等下次再去食~~~馬豆糕係好友食的甜品，我本身想食芒果糕，可惜因為未合時，所以冇得食~~~

生龍清湯腩做到出哂名，今日係電腦廣場行咗成日，咁攰當然要食牛腩補充體力😁！唔知道點解，條街好多客人，但係生龍清湯牛腩今日反而比較少，所以就益左我同朋友都唔使排隊就即刻入到😏✌🏻巴基斯坦咖哩牛腩🍛🥩（$70）咖喱汁，當然係首選巴基斯坦咖哩牛腩！因為巴基斯坦版本嘅咖喱汁，有獨特香料，並唔係一般出邊餐廳可以食到嘅味道，香味非常令人上癮！肉方面，牛腩肥瘦剛剛好，煮到好淋好入味。雖然叫左中辣，唔岩岩好亦算太辣🤤。成碗好多件牛腩，咖哩又惹味，送飯、酥皮薄餅一流！酥皮薄餅（+$8）酥皮薄餅加＄8就有得食， 非常煙銀，又香口，唔使成日食白飯咁寡。清湯肥牛坑腩飯（$73）牛的油脂甘香無比，反映了在清湯中，因此不要放過湯汁！白蘿蔔煮得軟淋淋，可以用筷子切開🥢，清爽香甜多汁💦！一個真正喜歡邪惡肥腩的人，絕對要一試😈！嚇人的肥白膏腩, 入口並非滿口的油膩。口中有爽彈的質感效果, 用牙咬下才慢慢溶開。口中有一口溶化的油脂甘香，令牛味延長🤤, 感覺難忘。另外仲有嘢飲埋單每人唔使一舊水🤩，食靚牛腩、小菜，非常抵玩！

I met up with an old friend of mine for dinner and he suggested to meet up at Sham Shui Po as he have a cafe in mind. When we reached,  he brought me to 生龍清湯腩 for dinner. It was located at Fuk Wing Street, around 2 minute walk from Sham Shui Po MTR.Their menu have a wide range of selection, from noodles, curry dishes, Cantonese dishes, side dishes and drinks etc. They even provided dinner set as well.Citrus honey with preserved plum - It was sweet and clear, with slight sour taste from preserved

放工去了黃金買野，之後行過這間生龍清湯腩，被它的咖哩香味吸引，所以入去試試。餐廳主要是食咖哩牛腩、清湯腩及雲吞為主，而且還有番茄湯底配粉麵，價錢由幾十蚊起。鎮店雙寶河牛腩改了爽腩位置，河粉雖然貴，但是外面的雙倍份量，牛腩似是坑腩多過爽腩，肉質嫩腍，油脂較多，牛肉味重，雲吞細細粒但蝦肉爽口，蝦肉多豬肉少，河粉爽滑不易腍。咖哩坑腩飯點了中辣，咖哩香料十足，還有些洋蔥蓉在咖哩汁內，既香且辣，送飯一流，坑腩炆得很腍又入味。腩汁蘿蔔蘿蔔清甜無渣，有淡淡的牛肉味，湯底既鮮且甜，是必食之一。咖哩角大大隻，外面炸得香脆，裏面一大包的咖哩牛肉，非常惹味的小食。香煎墨魚餅墨魚餅內有點墨魚粒，爽口彈牙。

於長沙灣深水埗上班多年一直都只是上班下班都沒有好好地於深水埗食好西其實深水埗暗藏很多出名食店只要細心留意 梗有一間係左近 這天收工後相約妹妹來到深水埗福榮街一條街就已經滿佈不同種類食店各色各樣令人花多眼亂最後比呢間生龍清湯腩所吸引決定一試味道 雖然舖面不算大可是容納人數也不少算是可以坐得舒適自在相議後決定一試其馳名既坑腩爽腩另外還點了自家製墨魚餅、雲吞蝦子撈面、上湯西洋菜 首先上枱的是咖哩中辣坑腩以巴基斯旦咖哩為賣點咖哩辣度有層次令人一試愛上咖哩汁內還可以吃得出有洋蔥口感味道一併提升 坑腩有咬口而且肥瘦恰到好處相信如果配埋薄餅會好味 上湯西洋菜味道清淡適中不愛吃菜的也可一試相信定必改觀 自家製墨魚餅真的是必食推介吃得到啖啖墨魚粒配上酸辣醬味道更為突出因為不好飯氣 於是一嚐雲吞蝦子撈面雲吞蝦子分量也不少不過略嫌面有點太乾但面質彈牙爽口實在值得一試 眼見鄰枱都叫咸檸七於是來一杯試試味道甜中帶酸 開胃消滯中場來喝一口實在爽丫丫 最後蘿蔔爽腩上枱 味道跟坑腩又有點不同了爽腩肉質真的如其名般爽口彈牙咬落感到肉嫩多汁配上淡口既白蘿蔔可以中和重味既爽腩 坑腩跟爽腩真的是必食推介

這集團已經聞名很久,  不過不知如何, 好像提不起興趣去試. 但妹妹郤極力推薦, 說很好吃. 早前也懶得理她, 愛理不理.今天下午因為坐駕要續牌前驗車, 之後便取回, 因為離約定的時間還未到, 又有少少餓了, 為食蟲亂鑽. 下午五時, 剛好經過這店, 以往提不起的興趣郤忽然提起來, 於是決意闖它一闖.店內毫不光鮮, 也沒甚麼裝璜, 普通茶記的格局, 客人只有一位, 阿姐懶散在一旁談笑, 自己找一個位坐下, 拿起菜單看看, 阿姐給破壞了雅興, 行過來問在下吃甚麼, 本想仔細看清楚菜單的我也給她不耐煩的身體語言影響了,  其實心中也是只想試一試這裡的清湯腩, 於是扑椎. 叫清湯腩河. 34 大元.五分鐘有得吃, 只見份量也不少, 牛腩之外還有三幾件白蘿蔔, 先試一件, 並不欣賞, 只因味道普通, 但郤有筋, 只可勉強嚥下, 湯底嘛, 有淡淡的牛味, 不太濃, 沒有味精, 河粉方面, 切得比較幼, 不滑溜, 不符牆壁上標榜的那麼好. 到主角的牛腩了, 腍度剛好, 有咬口, 不黐牙, 有牛騷味, 似是雪貨. 算啦! 咁既價錢,  也沒有太大的期望, 不會再來了.

先前在元朗，也試過這間麵店，今次只是吃到有點兒悶，其他東西有很多人排隊，所以唯有再試一試這間分店。人們總是往人群那邊被吸去，即使三間「文記」，都有10多人在排隊，大家還是會硬着頭皮在門口排隊等位。還好，原來吃麵也可以配合叫餐。於是，點了一個最普通的清湯腩，清湯腩看來不是太多，好像有五六件，以及下面的麵餅也不算太大個。幼麵沒有特別，而幸好沒有磨牙的感覺。湯底有輕微微味，但只是淡淡的甜味，牛骨味不算非常香濃。湯入面還有一件蘿蔔，雖然蘿蔔大大件，已經算是小確幸，但是蘿蔔這種低價食品來說，不用限量配給到，一碗麵只有一件蘿蔔那麼吝嗇吧。蘿蔔鮮甜多汁，吸湯後味道也不錯。幾件牛腩，有大有細，好像有被在中間隔開，但是也有點韌，因為有幾件都是大大舊瘦肉，另外又有幾件，好像全部都是肥膏，不算是肥瘦相間間，入口溶化的那種牛坑腩但是這個超過半百元一碗麵條的價錢來說，大埔群記當然會比它精彩得多，但是沒法子，你在深水埗，沒有選擇的時候，也只能捱貴價，吃低質麵。因此，以價錢來說，在深水埗區，其他清湯腩麵，也是吃一次便足夠了。

舖頭入面有侍應唔多，其中一位應該係新人，老闆娘每次望過黎佢都有啲緊張，重覆左兩次先記得我地係叫牛腩飯同埋牛腩麵。每枱浄係坐兩三個客人，大家都好有默契甘唔出聲，浄係耷低食野，樓面都好靜，靜到我地都唔係好敢傾計，驚打破呢度難得一致嘅沉默。牛腩清湯係少咸嘅，但用黎送飯就岩岩好，個人特別喜歡清湯入面嘅蘿蔔，好入味。牛腩就偏瘦，鐘意肥啲嘅可以叫牛坑腩飯。蕃茄牛腩麵嘅蕃茄足料，麵都👌🏻比較驚喜嘅係個腩汁菜芯，腩汁濃郁，菜呢響深水埗區黎講算係高質。總體黎講不過不失,晚飯揾唔到位又想静下嘅可以黎呢度一試。

相約小朋友去黃金電腦商場買手機用品，所以來這附近找找有什麼好吃。經過很多地方，都是被這裡的餐牌所吸引，因有小朋友愛吃的蕃茄湯底。地方雖然是細，但坐得很舒服。那裡的招哹也很細心，他們會逐樣的介紹。先來的是咖喱牛坑腩飯中辣，祇覺得有少許辣而矣。那牛坑腩很好吃，薯仔也很入味。用那些汁撈飯很是一流。小朋友的什菌蕃茄湯米粉，那個湯很清甜。而最後來的，腩汁芥蘭很是爽脆。小朋友總是讚那裡的食物很好吃，由其是那咖喱薯仔，差不多是小朋友全部吃掉。