生龍清湯腩 (褔榮街)

營業中

休息中

我外賣走, 返屋企打開, 係全部肥羔, 離晒大譜！當我今次冇指名係要瘦腩, 都唔好比九分肥, 一分瘦咁離譜丫！你地咁樣點做生意, 牛腩得中間部分有一少點肉, 同呃人有乜嘢分別？等執！

六款湯麵任選一/ 加五款小食任選一 ，只需$50, 供應時間10:00am至6:00pm河粉配安格斯牛肉粒，感覺立即升level，加$9配熱飲，$12配凍飲，$15配特飲，超值 ~秘製安格斯牛腩河~安格斯牛柳粒份量都不算小，牛味香濃， 肉質淋熟，用花椒八角等調味料去淆製，非常入味， 河粉香滑，湯底也有香濃牛味，還送生菜兩片，再加葱粒CP值超高~蒜子豬紅~豬紅一大碗， 蒜頭湯底，好味~鯪魚肉釀尖椒~忍唔住口，再叫多一客，魚肉尖椒，魚肉彈牙，微辣的尖椒，再配甜鼓油

粉麵套餐，麵加飲品，逢星期六，日，公眾假期只加多$1，尚算抵食。牛利麵套餐~$49港式奶茶唔夠香濃,尚可接受牛脷口感香淋，嫩滑，新鮮，份量也不算小，非常好味，再加送入味蘿白，雲吞麵底，口感彈牙。食後感 : 估佢唔到咁好味

特別牛腩部位，叫完一款轉頭話賣曬。最後叫我要沙腩，仲話唔知夠唔夠一碗，所以份量比較少?河粉質地算好，軟硬適中。牛腩係入味既，但味道無乜野特別，只係普通牛腩味道。湯底更犀利，唔知係米普通味精清湯，仲要好重胡椒，食完牛腩味道都唔見曬。唔知其他食物如何啦，但單單以牛腩河粉而言，唔計甘樣價錢或者性價比，附近深水埗普通粉面檔，都同你比下去。就當係比入場費，未黎過入黎參觀下。下次?不了。其實今次入黎，都係因為附近餐廳多人，點知開心大發現…

要食碗靚牛腩其實真係唔容易，一係呢就貴得冇道理，一係呢就韌過條命，一係就冇牛味，就算係所謂出名嘅牛腩都強差人意，但係呢間荃灣嘅生龍清湯腩就真係好味啦，佢嘅牛腩真係好出色。🐮咖喱清湯腩🐂🥘因為想食咖喱飯，所以就揀咗咖喱清湯腩飯，唔好諗住咖喱會埋沒左牛腩嘅清香，兩者可以話係配合得天衣無縫，牛腩本身好香牛味，而且軟腍度適中，咖喱都唔錯，辣辣地，唔會好辣。薯仔都炆得夠淋。清湯腩河粉🍜都係同一樣嘅清湯腩，就咁食就可以獨享牛腩嘅味道，如果怕重口味嘅就可以唔要咖喱揀呢個湯麵一齊食。口水雞🌶🐔口水雞唔算好特別，亦唔麻辣。而且雞肉比較少，用咗比較多背部嘅位置，下次反而可以試吓炸雲吞。生龍嘅牛腩絕對係冇得挑剔，想食碗靚牛腩嘅朋友記得去食，絕對唔會失望。

又嚟深水埗喇，支持完香港填飽個肚仔先，求期入左間餐廳食返個咖喱飯醫肚！！深水埗嚟講價錢唔算平，試下佢好唔好味先。汁就夠曬多喇，有大。中。小辣可以叫，試左中辣，同大家樂果隻辣差不多，有2塊大大塊豬扒，味道可以，不過未至於話好正宗印度咖哩，香港人口味，都ok既。豬扒好淋，不過就薄切嚟既，可以接受啦，不過貴左少少。

叫左牛尾河！家人都有齊晒啦，食到都見底，為有請阿姐跟跟未來到食品，回覆係唔係我落單，跟住真係唔跟！係咪要人客三吹四請啦，你店有幾大，跟都要找回下單的人處理！火火地，無得食，為有走人！

如果不是朋友是一個無牛🐂不歡，我就不會入去，因為我以為只得牛吃，在門外看，原來還有其他牛以外的食物😀愛吃牛的朋友，慕名來這裡吃呢間店的招牌清湯腩，我就當然係食牛以外既食物啦😂😂朋友吃清湯牛腩牛脷麵，當然是讚不絕口，不過我吳食牛望落去都覺得好靚，而且一拎埋黎，我都聞到好香牛腩的香味，吳食牛既我都可以聞下😂😂😂😂😂我就鐘意食🐟，所以我就食魚蛋米粉，昵度既🐠蛋係自制，原來隨左牛係呢間鋪主打外，🐠蛋都甘好味，又彈牙，又爽囗，又夠🐟味，魚片頭都一樣甘好食👍👍👍👍👍仲有呢到既出名係金魚尾雲吞，成個雲吞條尾就好似金魚條尾，所以有甘既稱號😂雲吞入面既🦐同🐷肉，爽口彈牙又好食，雲吞仲包得薄薄既皮，又夠功夫，又整得好食👍👍👍👍👍呢個🐠肉釀尖椒，又係整得好好，魚肉又香又夠味，尖椒味又夠，食物真係果然名不虛傳，好食👏👏👏👏👏灼西洋菜，又嫩口，又不會過火，又清甜，好味😋😋😋😋😋睇左餐牌都仲有好多款式既食物😊呢度既食物味道認真吳錯👏👏👏

三條友都鍾意食牛腩,一人點一款唔同嘅麵食,然後大家一齊開心分享,清湯腩米~牛腩重牛味,牛尾米~有骨落地,安格斯牛腩米~湯味濃郁,有別於清湯咁清。夠大碗,鍾意食牛又鍾意飲湯就覺得唔錯,食完唔會口渴,可以一試。

新鮮牛坑腩河粉,牛坑腩好少呀，得六小件，唔夠喉，河粉眼見好少，但是其實入面好多，五十五元好貴呀，再叫了一碗招牌清湯腩雙併，原來是牛腩拼雲吞，太失望了，我仲以為雙併是牛牛相併，粒雲吞有d 怪味，牛腩不鮮不滑再加一罐雪碧，七十元太dry 了，加多一碟魚皮，脆卜卜。此餐河粉貴貴貴

可能係隨著年紀漸長，口味由小時喜愛食濃味嘅港式炆牛腩變為清湯腩。其實為食走遍全港各區，每次有機會都會整番一碗熱騰騰的清湯腩解解饞。～ 坑腩河粉先呷一口湯，平平淡淡無驚喜，不過坑腩咬落鬆化有肉味，尚算可以。蘿蔔合格，成碗嘢唯一最可取嘅係夠熱辣辣，其它嘅可以㗕係～可以啦。～ 咖哩牛腩飯老實講以 $70 蚊嘅價錢真係足哂料奉客，要挑剔的話D咖哩牛腩同白飯都係唔熱的，白飯食落有飯焦，呢個真係要打煮飯師傅佢嘅屁股！～ 西洋菜合格，要挑剔的活湯頭遍咸其實今次係 N 次幫襯生龍了，綜合嚟講無論出品，樓面伙計表現感覺最近每況愈下。。。真心希望老闆，員工都唔好 hea 住做，加油！

叫左個蒜香雞中翼飯 , 一打開個飯一粒蒜都搵唔到 , 淨係得3隻炸翼+2條生菜+白飯我本身都要求唔高 , 只係唔好成日買完外賣又要返落去問點解 , 已經唔係成日幫襯 , 一幫襯我就已經想x深水埗咁多食店 , 各位無乜必要都可以唔洗入呢間食!!!

本人忍不住要寫人生第一次的食評，因為要告誡想入內食清湯腩的人唔好去食，真係難食到飛起🤦🏼‍♀️食完一定會超級非常後悔!!!😒本人叫左一碗清湯腩麵，但牛腩起碼四分三係肥膏，根本無肉食，又搞到成個湯底都油淋淋🤦🏼‍♀️！而湯底就鹼水味勁重，另到成碗麵都好難食！根本唔值$48🙄🙄👎🏽👎🏽👎🏽食完得一個結論：差到爆！！！永遠唔會再去依間店食野！！！😑😑😑想入內食野的人請三思而行～

呢次係第二次食，上次食金牌咖哩薯仔牛腩飯，誠惠港幣七十大元！！牛腩少，如果好食唔緊要，以為有咁好食咩？sorry no 諗多左！牛腩係黐牙既！金牌咖哩薯仔喎，成碟飯得一舊！？仲要入面係生既！ 食到一肚火！今晚諗唔到食乜，諗住上次會唔會係失準？OK, 比多次機會你，叫返 standard 嘢囉！清湯牛腩河！$52 一碗清湯腩，自己睇相，得兩舊食得，其餘都係果d 白色邊同肥膏！燥左！掉哂喺枱！蘿蔔祗係剛好食得！仲要有渣！生龍永久 BLACKLIST!!!! 唔會再有下一次！

深水埗的美食種類絕對不容小覷，這天到黃金電腦商場買東西後，在附近走走，就讓我發現這間「生龍清湯腩」。「生龍清湯腩」的招牌除了牛腩外，亦有提供咖哩菜式、冷盤小食等，選擇不少呢。來到清湯腩專門店，不得不點的就是牛腩吧。我很喜歡吃爽腩河，皆因河粉軟滑之餘，沾到湯汁會變得超級好吃，爽腩位置雖然脂肪較厚，但入口不會太膩，還充滿油香，肉質也夠爽口。蝦子撈麵不算罕見，但滿滿的蝦子則是較為少有，我不超歡麵質太乾，所以會澆上少許雲吞的湯濕潤一下，還能讓撈麵更易撈起來。雲吞也是我喜歡的菜餚之一，除了圖它爽口的鮮蝦之外，雲吞的獨特香味更是令人想一口把它給吃了！除了吃雪糕和喝凍飲可以消暑外，個人挺推介嚐點冷盤。香軟的金錢肚配上麻辣醬亦是不錯的搭配，麻訓醬香麻而辣味不重，金錢肚貞炆得軟熟易咬，只可怕整道菜就只是金錢肚外加麻辣醬，沒能入味喜歡吃牛腩的人都一定聽過崩沙或者坑腩，我也點了一份坑腩來慢嚐坑腩部位肉質鬆軟，帶點筋和油花，口感是相當好，而且肉香味也比較濃郁，大口大口的咬還真是很滿足呢光是吃肉，營養會不均衡，也對身體不好，所以我也點了一份芥蘭，便宜又健康，咬起來「索索」聲，爽脆得很～就連菜葉位置也很翠綠有菜味