生記菜館

營業中

休息中

第一次嚟，本身諗住去街中個間，但個間條隊太長，所以Google搵到呢間試下啦，出乎意料地好，價錢尚可，食物好食😋，咕嚕肉同鵝腸好好食，花螺好新鮮，值得帶屋企人嚟試下，下次多啲人可以試多啲野食。

晚上同朋友去廟街行吓，見到有間新開菜館-生記菜館，於是抱著一試的心態，果然有驚喜，小炒鑊氣十足，我們叫左腰果炒牛柳粒，牛肉好嫩滑，火候十足。還有蠔餅，蠔餅同一般的潮式蠔餅不同，係福建的煎蠔餅模式。總之就是正！最意外就是經理好友善，可以同你飲吓啤酒吹吓水，又會推介下的菜式，服務態度真係幾好。👍🏻另外 食到中途，廚師大佬又會出來問下你今晚的野好吾好食啊，又同你飲吓講吓，整體氣氛好好咯。下次都要來吓先。

有朋友既Friend 生日，人數夠就緊係揾地方包房，食得開心又可以點嘈點玩都得，今次朋友就揀左依間新開張既生記菜館好耐無食過高水準既中式小菜，因為唔係我點菜所以都唔記得d餸名，但今次佢地隨便叫既款式全部都非常不錯， 尤其推介大蝦煎米粉，菠蘿咕嚕肉，羊腩煲，瑤柱蛋白炒飯同椒鹽九肚魚，非常惹味好食，尤其蠔餅更係比人秒殺，要即時再叫多一份先夠，侍應服務亦有禮有求必應，樓上又有包房夠晒私隱度，朋友聚餐攪生日飯局一流