生生市場 (永德大廈)

營業中

休息中

呢間位於灣仔街市旁邊嘅韓式外賣店，用上正宗韓式醬料，即叫即制而且出餐速度極快，賣相吸引而價錢仲好抵，喺附近返工絕對會成為回頭客😂除左外賣，店內仲有賣唔少韓式醃製冷凍食物同醬料，應有盡有！韓式牛肉炒粉絲 $60炒粉絲口感煙韌，配料好足加上營養豐富，牛肉唔差柴而蔬菜吸咗麻油香，份量都唔少，非常惹味！蜜糖蒜容無骨炸雞 $88一打開包裝，香氣撲鼻而來，粒粒炸雞好似黃金咁，包裹住濃郁嘅醬汁，以及粒粒原粒香口大蒜，做到真正嘅外脆內嫩，超juicy！辣豬肉紫菜飯捲 $53紫菜飯卷薄薄嘅一層飯包住滿滿嘅配料，每一口嘅層次都好豐富，唔好睇佢盒仔細細，真係足料兼一整飯卷排滿，飽肚感十足！

成日帶飯返工食到悶悶地，今日同同事約埋一齊唔帶飯，試吓附近間韓式外賣店🤤 估唔到幾有驚喜❗️❤️‍🔥雜菜煎蛋卷一打開包裝已經陣陣熱氣，勁新鮮又夠厚，有滿滿既蛋香，口感軟嫩，簡單但好滿足🥚 健康之選👍🏻❤️‍🔥韓式炒粉絲e個炒粉絲真係不得了，彈牙又入味，仲有好多配料好惹味🤩 ，炒得超香唔油😗❤️‍🔥蜜糖蒜蓉無骨炸雞外皮酥脆，雞肉嫩滑juicy，無骨食落去啖啖肉🍗 配甜甜既蜜糖蒜蓉汁好惹味，份量仲要好足，抵食😋❤️‍🔥烤牛肉紫菜飯卷最後到My favourite 飯卷😍，入面有烤牛肉，青瓜絲、蘿蔔絲同蛋，再加醃蘿蔔微酸開胃🍙 ，一啖咬落去滿滿幸福感，下次要再encore🥳

🇰🇷✨【灣仔隱世韓式外賣！自家工場×地道韓味】✨ 📍 生生市場 @灣仔永德大廈 🚗 地下G13號舖, 15號 Canal Rd W 最近發現呢間超低調嘅韓國外賣小店，由韓國人主理＋自家工場即製，連韓國Oppa都排隊買！外賣盒全封口處理💯，乾淨到連紫菜飯捲都唔會漏餡，一盒盒拎返屋企超安心～ 🔥 必食清單 🔥 ▫️ K6芝士紫菜飯捲 $50 爆餡拉絲芝士！紫菜脆到咬落「咔嚓」聲～ ▫️ K3韓式火腿紫菜飯捲 $45 經典韓式風味，火腿鹹香夾住麻油香👍 ▫️ B2新鮮辣泡菜（細）$38 酸辣爽脆！配飯捲食超解膩🌶️ ▫️ B3辣蘿蔔粒泡菜（細）$40 微甜辣醬，重口味必試！ ▫️ B17涼拌蒜心（細）$30 蒜香清爽，夏天食超開胃～ ▫️ B21韓式炒魚糕（細）$40 魚糕軟嫩吸滿辣汁，韓劇同款啊😭 💡 小貼士：外賣單號記得對清楚，佢哋生意超好，建議先電話訂免等！ 📸 食物相：飯捲擺到靚靚，泡菜紅通通超上鏡！ 🏷️ #灣仔美食 #韓國外賣 #香港韓食 #紫菜飯捲 #隱世小店 #外賣推薦 👉 地址：灣仔聖拿道西15號永德大廈地下G13（近修頓球場） 💰 人均：$100-150（抵食大份！） P.S. 經理話泡

位於灣仔堅拿道西的「生生市場」，係一間供應韓國菜外賣店的店舖。餐廳專營外賣，不設堂食。餐牌上供應各式各樣的韓式小食、紫菜飯卷、熱鍋及炸雞等等，定價適中親民烤牛肉紫菜飯卷 & 辣豬肉紫菜飯卷餡料超級豐富，仲多過飯～配料有韓式烤牛肉、雞蛋、牛蒡絲、青瓜絲、甘荀絲及醃蘿蔔，口感清新，健康滋味辣牛肉京蔥湯配白飯熱騰騰的辣牛肉京蔥湯，香氣撲鼻，微辣惹味，當中有唔少京蔥、牛肉同粉絲，佐飯一流原味無骨炸雞(大份)無骨炸雞整成雞球形狀，炸得金黃香脆，外脆內軟啖啖肉，好Juicy，勁好食

我收工嘅時候途經灣仔鵝頸橋，見到生生市場，裏面好多外賣的韓式食品，我就順便買啲返屋企做晚餐🍲生生市場嘅位置係一間凍肉公司嘅裏面，由幾位韓國媽媽主理，保證所有食品都係韓國🇰🇷原味道🍲🍛由於所有食品都係即叫即整，所以麻煩大家要耐心等候🫰🏻✨今次選左以下食品：🌟韓式牛肋排湯韓式牛肋排煮到肉質鮮嫩多汁，湯汁濃郁且充滿肉香，湯中的牛肉散發著誘人的香氣，每一口都讓人感受到肉的鮮美。🌟甜辣無骨炸雞將炸雞炸完之後，再將秘製的甜酸醬拌勻，最後灑上芝麻粒，味道酸酸甜甜滋味又開胃🥰🌟烤牛肉紫菜飯卷用紫菜包住薄薄嘅飯，裏面嘅餡料包括：蘿蔔絲、青瓜絲、醃蘿蔔、炒蛋同烤牛肉，飯捲的份量好足👍🌟雜菜煎蛋捲蛋味同雜菜味香濃，中間夾住一塊海苔，件件都厚身又大件，食2件都已經覺得好飽😆

📍生生市場 (永德大廈) (灣仔)📍灣仔堅拿道西15號永德大廈地下G13號舖🟡韓式炒魚糕（細）$40🟡新鮮辣泡菜（細）$38🟡生醃八爪魚（細）$70🟡生醃魷魚（細）$70🟡甜酸漬蘿蔔（細）$30走進灣仔街頭，意外地發現這間小巧但味道十足的韓式小店——生生市場，主打多款韓式家常小菜及生醃系列，令人一試難忘。韓式炒魚糕口感彈牙，放咗幾日食都仲係咁好味！新鮮辣泡菜酸辣平衡，唔會過鹹，菜芯爽脆，明顯係自家製，入口有層次感，唔係一般現成貨。最驚喜係生醃八爪魚同生醃魷魚，兩者都有陣陣麻油香氣滲出，八爪魚柔軟而富咬口，魷魚則偏爽身，醬汁鹹甜適中、唔會搶味，反而帶出海鮮嘅鮮味。甜酸漬蘿蔔好清新，解膩之餘亦提味，正！小店用心做小菜，份量適中，價錢合理，一盒盒買黎食都好方便！

識我嘅都知我成日買開呢間嘅紫菜飯卷🍙同🌶️泡菜，因為真係好足料味道又正宗。呢間舖頭係由韓國媽媽主理嘅韓式外賣店。🐓人蔘雞湯半隻$68 （跟飯）呢個人蔘雞湯真係好鮮甜，未食之前打開已經聞到人蔘嘅香味，湯底鮮甜完全冇落味精。雞肉好嫩滑，而且仲有好多糯米煲到好腍，養生之選呀！🐂韓式牛肋排湯（跟飯）$110本身想試吓韓式炆牛肋骨，不過店員話而家已經冇賣，於是點左牛肋排湯，個湯底少少咸得來但係濃郁嘅牛骨味，牛肋排肉質煙靭。最後屋企人話個泡菜🌶️真係太正，所以我特登買返三Pack慢慢食。

已經N 遍到生生市場買韓式外賣，無論自肥還提到朋友家作客都會買，因為香港韓式外賣實在小有🤭重點是這家食物就算打包回家放置一段時間食，仍然美味。🍯🍗蜜糖蒜香炸雞（大）大份價錢只係88蚊，啖啖肉，無骨無煩惱。蜜糖甜，原粒炸蒜。建議炸雞到手後馬上偷食2舊，因為新鮮炸起最香脆。回家品嚐炸皮輕微回潮，但絕不影響味道。🍕海鮮煎餅魷魚、蝦仁、韭菜和香蔥煎成，煎餅口感彈牙。一定要倒入店家標配的煎餅醬油，美味指數翻倍。🫔吞拿魚飯卷&泡菜豬肉飯卷飯卷乃貓太太的摯愛❤️一點也不油膩。新鮮即包即切即封口，乾淨衛生又企理。除指定肉餡，一卷包含7種材料，塞到爆😍重點是多菜卻夠味。無限回購，Yeah!

今朝忙咗成朝，收工經過鵝頸橋，醒起同事推介過附近嘅「生生市場 (Raw Mart)」，就買咗啲韓式外賣返屋企同媽咪開心share！🥰烤牛肉紫菜飯捲 ($53): 勁足料！啲牛肉好多，飯捲又包得好實，一啲都唔會散，正！辣豬肉紫菜飯捲 ($53): 辣豬肉好惹味，啱晒鍾意食辣嘅朋友！🌶️韓式炒粉絲 ($52): 嘩！超大盒！兩個人食都食唔晒！仲要好香麻油味，好正！🤤 我哋食咗一半，留返下午茶再食！😋生醃八爪魚 ($70): 我最鍾意食韓式小菜！呢盒八爪魚好新鮮，好足料，好入味！🐙 雖然係細盒，但份量都唔少！由韓國師傅主理，真係好有韓國傳統風味！🇰🇷 價錢又唔貴，真係好抵食！抵讚！💯推介俾附近返工嘅朋友仔！OL必備！👩‍💼 下次想試吓買佢哋啲小菜返屋企自己整個韓式拌飯！🍚📍 生生市場 (Raw Mart) - 永德大廈

經過港島然後路過呢間韓國店，除咗有唔少冷凍肉，仲有得熟食嘅外賣😮 價錢又唔貴💖 所以決定買啲返屋企食下😻🔸 韓式烤雞拌飯 ($65)個拌飯係將配菜同飯分開，所以可以返到屋企先撈埋一齊食，有心思❤️ 配菜超級豐富，色彩繽紛🌈 而且烤雞都好香，肉質嫩✨ 🔸 韓式豆腐紫菜飯捲 ($48)、韓式炒魚仔紫菜飯捲 ($53)飯捲一盒裡面居然有超過10件😳❤️ 飯捲嘅配料好豐富，有蘿蔔絲、雞蛋、青瓜、筍等等，好足料✨🥰 豆腐平時較少見，係一個好好嘅素食選擇👍🏻 炒魚仔呢個配搭我都未見過，但係出奇地夾😆 口感脆脆地，加埋其他配料同飯，唔錯唔錯💕🔸 小食：新鮮辣泡菜 ($38)、炒海帶絲 ($40)泡菜都幾辣，但非常香❤️ 老闆話係每日新鮮製造🤩 而我自己本來好鍾意食海帶，佢哋一份海帶絲裡面除咗海帶，仲有蘿蔔、洋蔥、芝麻，所以口感又爽，味道又香🤤整體而言，食物嘅味道全部都好食✨ 價錢亦非常抵😻 店員都好nice去介紹佢哋嘅食物😆 平時經過都不妨可以試試✨

#20250328 📝📍 #生生市場 @rawmarthk 灣仔堅拿道西15號永德大廈地下G13號舖 🍽️元朗教育路2-6號捷榮樓地下C號舖➖➖➖➖➖➖➖➖➖➖➖➖➖➖➖➖➖#涼拌蒜心 #S $30#韓式炒魚糕 #S $40💭 欣賞呢度啲小食有S同M揀，雖則話叫左S但都比想像中要大份，個蒜心其實係泡菜既味道，唔太辣不過酸味十足，係開胃既好選擇😛魚糕有用醬油炒過，涼拌既魚糕比起浸湯果啲有咬口得多，更加好味👍🏼.#吞拿魚紫菜飯捲 $53💭 本身想叫豆腐飯捲，好似係出面其他餐廳都無呢個配搭丫嘛，可惜佢賣晒🥲於是揀左同樣都係唔常見既吞拿魚，食落有種住家既感覺，連埋啲青瓜絲、紅蘿蔔絲、醃蘿蔔等等既基本配料，清新得尼又飽肚🍙.#韓式海鮮嫩豆腐湯 $68💭 呢個會跟一碗白飯，個湯就咁飲會有少少辣，不過用尼撈飯就完全唔覺🍚入面有連殼既蜆同八爪魚粒做海鮮既代表，另外佢仲有好多翠肉瓜、豆腐、洋蔥等等用尼送飯一流🥘.#韓式炒粉絲 $52💭 一打開已經聞到麻油既香味☺️都係有一貫既洋蔥、紅蘿蔔絲、韭菜、菠菜、雲耳呢啲餸撈埋一齊食，最特別既係佢唔似平時係餐廳食熱辣辣咁，而係涼拌既形式，夏天食都幾清爽☀️.#韓國梨汁

生生是我想食韓式料理時的外賣首選～前菜到主菜到小食的選擇很多，又包裝完整，已經吃過好幾次，每次同家人都是好評🙌🏻🙌🏻👉🏻 韓式蜆肉大醬湯 $68湯好大碗～仲要好足料，除左蜆肉外仲有節瓜等，大醬味道不像辣醬刺激～偏又溫和～一啖湯一啖飲，大愛❤️👉🏻炸醬麵 $68醬汁同麵會分開～麵質超Q又彈牙，撈埋炸醬食一流～炸醬都有好多肉粒，調味剛好～推🙌🏻👉🏻韓式甜辣炸雞（S） $58口痕想食炸雞～店家釨貼心有細份可以選～雖說細份，其實都幾多，仲要完全無骨啖啖肉，讚👍🏻 👉🏻辣豬肉紫菜飯卷 $53飲卷真係每次必點～就算點左幾多野都好，都一定會買一盒～吃過佢幾個口味都好正🥰最喜歡佢裡面滿滿蔬菜料，超有口感又好味😋 🎈總歸一句： 真心推介呢間韓式外賣小店～食物都很不錯☺️價錢又合理👍🏻

餐廳有多款韓式小吃 即叫即製 除左韓食 仲可以購買打邊爐/韓燒牛肉等急凍食品 款式多多🥳✨烤牛肉紫菜飯捲 ($53)✨辣豬肉紫菜飯捲 ($53)✨芝士紫菜飯捲 ($50)今次分別叫左分款飯卷 一盒有12件 每款都勁足料 本身配料固定有紅蘿蔔、青瓜、酸黃蘿蔔及蛋 再加埋叫既口味 超豐富🥰首先烤牛肉烤得好香口 肉質幾嫩 而辣豬肉款式係我最鍾意既口味 辣辣地好惹味 最後芝士飯捲 芝士令飯捲充滿鹹香味！✨泡菜炒飯 ($68)呢款超正！即叫即炒 拎到反屋企仲熱辣辣🔥 泡菜炒飯好入味 每粒飯粒都沾滿醬汁 食落酸酸辣辣好開胃 另外仲有煎蛋同紫菜碎✨雜菜煎蛋捲 ($55)煎蛋捲有10件 每件都好厚身 加熱後好香蛋香 中間仲有雜菜粒😜✨新鮮辣泡菜 ($38)好少食新鮮泡菜 出奇地咁爽口 而且有鮮甜味🥰

咁啱OPENRICE有$20P，經開灣仔生生市場，顺便買D外賣返屋企。點咗幾樣嘢返屋企食，海鮮煎餅啱啱出爐，一上手已經聞到香味，外脆內嫩，點上醬油非常好味。泡菜炒飯炒得唔油膩，泡菜嘅酸味為飯增添咗層次感，食落去好開胃。烤牛肉紫菜飯卷就更加唔使講，牛肉熟得剛好，配上甘荀絲、青瓜絲、紫菜，又爽又脆，口感一流。推薦韓色牛肋排湯，湯底濃郁，牛肋排肉質軟腍，配碗米飯，簡直係溫暖人心嘅搭配。水冷麵拎到返屋企，麵條雖然吸左好多湯汁，依然Q彈，味道一流。生生市場係值得推薦嘅韓食店，價錢合理，味道又好！如果你係韓食迷，記得去試下。

突然間想食韓國嘢，就去咗呢間買外賣返公司食😆 呢間店舖仲有其他雪藏嘢買！實在太多嘢想食，一個人嗌咗咁多嘢，真係要分開兩餐食😂 個外賣包裝都幾穩陣！個年糕拉麵有好多多汁，啲魚片好好食，味道都幾辣，鍾意食辣嘅人可以叫呢個！仲食咗個牛肉拌飯，呢個有好多餸，打開個蓋見到仲有隻蛋喺入面，食完呢個都好飽啦！蛋捲份量好多，呢個都好飽肚，素食者可以嗌呢個！仲叫咗個芝士飯卷，呢個好好食，夠晒大嚿，又好方便食，做小食或者拎去野餐一流！