甜點

營業中

休息中

呢個糖水有(小丸子，西米，芒果，芒冰，雪糕)雪糕口味有(抹茶，曲奇，朱古力，芒果)我揀咗曲奇味個糖水個底係芒冰( 超級之凍)小丸子都有少少煙韌西米唔多希望可以多啲整體嚟講都唔錯

同朋友食完飯唔夠喉, 搵多間甜品鋪繼續傾, 呢間環境都幾開揚就是但入左去.冷熱甜品幾多選擇, 見佢有埋窩夫, 所以最後我揀左黃布甸窩夫, 等左一陣就有.賣相唔差既, 有窩夫, 有雪糕, 有布甸, 加D朱古力醬, 幾種口感一次過食到.先食個窩夫, 一切已知硬既, 入口係微暖, 唔夠熱, 所以食落又硬又乾, 似係一早整定加熱就算, 一D都唔鬆軟, 失左窩夫原有既感覺.朱古力雪糕無朱古力味, 布甸唔知咩味.小食店既格仔餅即整仲好食D.

荃灣不嬲都多好野食，同友人shopping完就去左搵野食落肚，經過呢間叫甜點， 一於黎試下佢，原來仲有唔同既咸食叫． 卡邦尼煙肉忌廉意粉($47) 芝士味好濃而且意粉唔會太乾 卡邦尼汁都幾夠 仲好多煙肉 真係唔慳成本 友人就叫左呢個日式叉燒拉面($40) 啲湯唔會太咸而且啲拉面都好彈牙 唔會太冧，份量都夠多 最緊要係$40炸 ，性價比超高 阿華田沙冰 味道都唔錯 都唔會勁甜 不過可能我擺左段時間先飲 啲冰溝淡左啲阿華田味 鮮果窩夫($48) 啲人話食甜品係有第二個胃 我見到呢個窩夫真係確信係真 佢份量size比相中大 而且啲水果都好新鮮 而窩夫都熱熱地 唔會凍晒 但要及時食晒 唔係凍左硬晒就唔好食 友人叫多個益力多雪花冰 益力多味好濃 而且佢既配料都好多 一啲都唔似慳成本 可以啖啖都有其他配料食 有機會真係好想再去

第一次黎食，fd話之前食過一次回味無窮，所以跟佢黎試真心講呢個價錢食到都算合理，呢間12:00至6:00有優惠時間，d甜品便d😚先講野食方面，d芒果好足料，有好多舊相比其他甜品店份量多好多👍👍好入味👍呢間野有provide免費英式花茶，好濃好掂💌d窩夫好脆，我覺得最正係個朱古力(吾知叫奶凍or布丁😹)看似製作簡單，但好入味賣相好令環境吾錯，d staff好nice, 值得再去既gathering好地方👍👍

晚上約了朋友在荃灣一起做運動，出了一身汗水當然是要好好的吃一餐吧在附近尋找晚餐和甜品吃什麼的時侯，我們不自覺地就被一間餐廳招牌上亮了燈的心形吸引了，這餐廳就是<甜點>，是一間有甜品的西式餐廳，正好滿足了我們的要求，所以二話不說便決定嘗試夏威夷薄餅正方形的薄餅焗至香脆上枱，香味十足，薄餅配料醬汁及芝士的味道大分配合，非常惹味，而且薄餅上枱時已經切開了四片，十分方便意式肉丸長通粉 長通粉配上蕃茄醬汁肉丸是穩健的配搭，蕃茄醬酸酸的十分開胃，肉丸的口感也很好焗薯角薯角是焗的，較炸薯角健康也不會太多油，味道也適中不會太咸榴槤豆腐花榴槤豆腐花十分罕見，作為喜歡榴槤的人立即便點了香濃的榴槤味配上味道清淡的豆腐花，口感和味道出奇地配合，這甜品一定要推介給喜歡榴槤的人芒果脆方磚 脆方磚由焗至酥脆的麵包粒堆砌而成配上芒果和，忌廉和雪糕佈置，視覺效果一流麵包粒沾上雪糕及忌廉一起吃，滋味十足! 甜甜的芒果則為這個甜品錦上添花燕窩燉甜椰最後是燕窩燉甜椰，燉蛋配上燕窩的點綴不失高貴，和椰肉一起吃又是另一種風味，為整個晚餐劃上完美的句號總結來說，餐廳的價錢相宜而且份量十足，甜品也做得非常出色，無論是

有時候食飯，又想食中式西式甜品，意間位荃灣既甜點都係不錯選擇。我地行過見店鋪門口，展示左好多食物相。賣相吸引，令我地停低睇下就知道有中式傳統甜品同西式新穎甜品。仲有意粉麵食飲品。選擇十多，所以就入去試下。價錢大眾化，性格比高，算幾抵食。地方大舒適，座位算寬，不會太逼。同朋友傾下幾都幾舒服。夏威夷薄餅，小食講幾好，熱騰騰香草帆立貝蜆肉意粉，份量不會太多，作為輕食不錯，仲可以加幾蚊有特式飲品。阿華田沙冰，有驚喜，幾好味啵！夠濃味同細滑。鮮果窩夫，即製脆到口，讚！仲有熱既甜品都不錯，天氣涼涼食，食完暖身，正！

呢間甜品店位於大窩口呢個地方，平日好少經過，仲以為會無咩人知添，點知到晚上9:00幾時分，店裡店外都已經人頭湧湧，就決定要試一試。首先講下，小店門口貼上各式各樣精美既糖水圖片，好吸睛！有中式、西式，任君選擇！如果你想食飽d,鋪頭都幫到你，佢地提供日式拉麵、西式意粉俾你揀，價錢都份40幾50蚊就有一份，其實都幾低食呀！但今次我同朋友主要係來試甜品既，所以叫左兩樣野，一個係芋圓紫米露$32，一個係海底椰燉甜椰$47。呢到既價錢都好親民，唔會好貴！先講芋圓紫米露，份量一d都唔少，又唔會太甜，除左紫米仲有西米。口感都好豐富! 芋圓都好彈牙，唔錯！海底椰燉鮮奶一樣都好正，原個椰皇燉出來既鮮奶好滑好清甜，加上海底椰夠Kim，冬天食真係不錯👍🏻👍🏻夠滋潤。店內環境簡約，值得一讚仲有自助既免費英式花茶飲☺️有機會下次再試下其他甜品😋😋

意式肉丸長通粉 $47上面是開胃的蕃茄醬汁配juicy肉丸，下層是白汁長通粉，醬汁好美味。芝士汁海鮮意粉 $47芝士汁不足，味道較為淡，至於海鮮太多魷魚，而且質感有點韌。套餐包2杯飲品好抵，熱柚子蜜不太甜，即磨咖啡水準也不錯焗薯角熱騰騰上檯，雖然沒有炸的金黃色賣相，但相對比較健康。這裡好多中式、西式糖水，不過太飽只可點一款，下次就會專程來品嚐中式傳統糖水及waffle榴槤班戟 $38 ，還以爲是配同味雪糕，原來是曲奇味。外皮好鮮綠色，一切開已散發出陣陣榴槤香味，忌廉比想飲中多，但是當中是D24榴槤肉，所以味道好濃郁，忌廉與榴槤肉比例剛好，至於外皮有點兒厚。

其實行過Hearts已經好幾次，成日都話想試但無機會，今晚又黎呢度附近做野，一於黎試下佢。唔講唔知，原來有咸食叫，價錢大眾化，咁晚飯同甜品一次過食哂佢先。日式叉燒拉麵（$40）自己叫左碗拉麵，份量幾大碗，賣相都唔錯喎。叉燒係圓形個種，半肥瘦口感不錯。麵無鹼水味，湯底雖不算濃厚，但有豬骨味亦不假，非正式拉麵舖的小店而言收貨有餘了。意大利香草醬蜆肉意粉（$50）朋友叫左呢樣，份量極大，蜆肉勁多，滿滿一碟都係蜆肉，香草醬亦下得重手，味道對胃。熱咖啡＆熱鮮奶原來叫咸食仲有飲品送，天氣凍齊齊叫熱飲。朋友杯咖啡很香，夠哂熱好飲喎。自己要左杯熱鮮奶，真係煲熱唔係微波喎，有誠意。榴槤班戟配雪糕（$38）跟住梗係食甜品啦，本來都係為左食甜品而來。同朋友一人一件榴槤班戟，上枱時已榴槤飄香啦～好多榴槤同cream，正，軟綿綿又香甜，爆餡㗎！雪糕要左曲奇味，無乜特別啦。芝麻湯丸燉甜椰（$47）再來就係滋潤系列，燉奶加埋椰子水十分清甜香滑，好正。熱辣辣，又香又滑好好味。芝麻湯丸煙煙韌韌，餡料很多，芝麻香正呀。燕窩燉甜椰（$69）本來自己都係揀左要芝麻湯丸甜椰㗎，廢事同朋友一樣就轉左試下燕窩，見隔離枱食得好正咁嘛

星期六又去荃灣，朋友話荃灣好大，仲有好多地方可以行，所以我們這天行了很遠很遠，來到這裡。餐廳提供免費花茶，真的十分體貼。我們點了一份意大利香草醬蜆肉意粉 $50 連一杯飲品。蜆肉份量很多，意粉軟硬程度剛好，可惜醬汁略為多了一點，不過味道還不錯。飲品我選了蜂蜜紅棗茶，天氣太凍，紅棗茶是暖笠笠的好選擇。我們還點了焗薯角，當然焗的，沒有炸的香口，但會比較健康。最後，我們還點了一份甜品-士多啤梨方磚。雖然方磚是一座山，但份量其實只是一片厚麵包。麵包有香濃的牛油味，而且很香脆，我很喜歡。

呢日下午茶時間 黎到荃灣大窩口呢邊附近有d餓又想食甜品 就黎左呢到叫左個香草帆立貝蜆肉意粉蜆肉意外地有好多 而且冇雪味👍🏻👍🏻😋😋之後再加多個小食 焗蜜糖雞尾腸配蛋沙律粒粒腸都有好香嘅蜜糖味 正❤️ 沙律都唔錯 蛋下面仲有少少生菜同粟米甜品就叫左個士多啤梨脆方磚麵包磚烘得外脆內軟 仲好香牛油味 連埋d cream 同士多啤梨一齊食 正呀😋😋😋食左咁多野都飽飽地啦 飲埋杯野飲就岩岩好熱朱古力同韓國蜂蜜紅棗茶紅棗茶好滋潤 好岩冬天飲👍🏻👍🏻而且埋單完全唔貴 兩個人都係每人80蚊呢到仲有好多其他甜品 下次會再想黎試下其他❤️

之前黎食過Lunch，今晚晚飯後附近行左過黎轉戰甜品，一諗起甜品突然間胃口返哂黎。🍴🥚焗蜜糖雞尾腸配蛋沙律 $36雞尾腸非常脆身，帶甜味，旁邊嘅沙律係蛋黃醬加上雞蛋、粟米、椰果。🥄（熱）桂花酒釀丸子 $29桂花清香，丸子煙韌軟綿綿，酒香味較淡，但也很好味。🥄（熱）燕窩燉甜椰 $69蛋白口感軟滑帶椰香味，加上表層燕窩，女人都難以招架。🍴（暖）鮮果窩夫（綠茶雪糕）$48窩夫外脆內軟，伴碟水果新鮮，難得食到芒果同士多啤梨都係清甜。🥄（凍）榴槤豆腐花 $38榴槤肉甘香微甜超好味😋，豆腐花口感细腻。🥄（凍）豆腐花芒果金露 $36呢個果然係推介美食，芒果清甜，豆腐花帶豆奶香味，西米煮得剛好，連同芒果汁食非常滋味。

今日喺城門水塘行完山落返嚟 就見到有間甜品舖 原來都有下午茶食喎 仲有做緊特價添於是就叫咗個 吞拿魚蘑菇意粉 意粉用咗忌廉汁去做 上面再加上罐頭吞拿魚 吞拿魚同忌廉汁本身已經好夾 好香忌廉同埋鮮奶嘅味道 吞拿魚好好咬口 不過就較為油膩 好快就已經半飽跟餐加七蚊仲可以轉為黑牛 黑牛啫係可口可樂加朱古力雪糕 呢個傳統飲品已經好耐冇飲過 而且只係加七蚊 雪糕加上有二氧化碳汽水就會炸d泡出嚟 啲泡泡好口感好可愛 雖然食完個意粉好濟 但係都冇減我對甜品嘅慾望叫咗個雪糕小丸子 小丸子係用咗芒果汁底去做 且上面仲有芒果肉 同埋煙韌小丸子 芒果同芒果汁底好甜 好有生果嘅甜味 完全唔係假嘅香精味 加上小丸子夠曬煙韌 正

呢間店平時係天橋行過時見到,佢個名叫甜點以為只係賣甜品,係網上揾下呢間的資料先發現原來都有正餐食,而且幾平,於是揾日放工就走去試下.佢地的鹹食有意粉,拉麵,多士同牛角包,而價錢都大約係$50,包一杯熱飲,凍欴或特飲就再加少少錢,價錢好合理.我地叫左一碟黑松露蘑菇意粉同一份芝士煙肉厚多士.意粉可以話係性價比高,一上枱就已經聞到好香的黑松露味.原本我對佢無咩期望,一來呢間主要係食甜品,二來係出面的西餐都試過幾次食到啲無香味的黑松露,所以自然對呢間平價的街坊甜品店無咩期望.但無期望下就食出個驚喜來.黑松露cream sauce好香好creamy,意粉的軟硬度啱啱好,而且份量都好足夠,兩個人share都唔會覺太少另外一樣厚多士雖然無驚喜,但都幾好食.麵包烘得外脆內軟,加上絶配的芝士同煙肉,一定唔會死.餐飲我叫左杯雪糕紅豆冰,朋友就要左杯木瓜奶.紅豆冰椰汁味好重,加埋曲奇雪糕,飲落都幾甜下.同紅豆冰相反,木瓜奶就唔太甜,有淡淡的木瓜味,幾好飲食完晚飯坐係度傾陣計,等啲野食落左格後就到甜品時間了.我地叫左榴槤pancake同埋三味窩夫share黎食.榴槤pancake本身係配班蘭皮的,但staff

今日同老公拍拖去到荃灣，係人都知荃灣出晒名多平靚正嘅嘢食，今日就嚟到呢間商場嘅地舖甜品店🍮叫甜點的餐廳食甜品😆餐廳好窩心免費提供英式花茶比我哋飲，我都飲咗幾杯😆因為好好飲😋我叫咗椰皇凍，加左小丸子，芋圓和芒果，椰皇凍超級清新，口感好似啫喱，但係充滿椰子香味，小丸子和芋圓好煙韌，芒果好甜，呢個甜品超級有驚喜😻我都係第一次食椰皇凍，嚟到呢度必食推介😋👍🏻我哋仲叫咗榴槤班戟配綠茶雪糕，榴槤班戟好大件，切開一半入面有勁多榴槤肉，榴槤仲要超甜，啲忌廉唔會太甜，班戟皮好軟熟，一啖放入口好有層次，口感非常豐富，綠茶雪糕充滿香濃嘅綠茶味非常好味😻👍🏻見到餐牌寫住即叫即製蛋白杏仁露，咁梗係要試吓啦，蛋白杏仁露超滑超香濃杏仁味，食得出絕對冇落人造杏仁精，蛋白勁多，真係真材實料👍🏻👍🏻燕窩燉甜椰一嚟到見到勁多燕窩，超級開心，蛋白好滑仲充滿椰香，椰皇啲肉仲好容易整出來食，超正，食完成個人暖曬😋老公最鍾意食心太軟，嚟到梗係要試吓啦😆仲可以配埋朱古力雪糕，超級正啊😋心太軟一切開流曬啲朱古力醬出嚟，見到真係好興奮啊🤣🤣心太軟蛋糕好軟熟，充滿朱古力味，朱古力雪糕都好香濃幼滑，雪糕入面仲有朱古力，真係好好食👍🏻👍🏻甜點