甜記餃子

營業中

休息中

🥟甜記餃子🥟而家有三間分店啦，本身長沙灣嗰間搬咗嚟麗新商業中心，呢度係一個寵物友善商場，幾乎頂層嘅每一間舖都可以比毛孩入座，所以今日就帶咗🐶細佬過嚟試食吓先呢間分店都係全新裝修，另外分咗一個寵物區域，基本上落地都冇問題，餐廳嘅面積都算大，比較簡約，有個自助區可以自己加配料，呢度嘅餃子都相當特別，有出邊食唔到嘅洋蔥薯仔牛肉餃，同埋呢款必食嘅南瓜忌廉雞肉餃😍，呢兩款我都冇見到，試返佢哋嘅基本嘢先，呢度除咗餃子之外，仲有麵食同埋小食等，另外仲有生餃子，可以買返去自己煮嚟食，餃子套餐方面可以有8隻或者10隻叫，仲可以揀兩個味添👍🏻🥟香芹芫荽豬肉餃 (湯) $48 :我總共嗌咗30隻餃子，而湯款佢可以有蕃茄薯仔湯或者雞湯揀，呢一款香芹芫荽豬肉餃就配咗雞湯，每一隻都脹卜卜，餡料豐富，肉多菜少，食落味道唔錯😋，皮薄餡靚，雞湯嘅感覺有啲清，又唔會去到無味👍🏻🥟韭菜豬肉餃 (湯) $48 :另外呢款韭菜豬肉餃就配咗薯仔蕃茄湯，佢哋嘅湯底有蕃茄薯仔粒，味道雖然唔會好濃，但如果淨係浸住啲餃子等佢冇咁乾嘅算OK，韭菜嘅餡料基本上好多餃子店都會有，呢度嘅韭菜餃都幾香，每一隻嘅size大小相同，口感豐富😆🥟京蔥羊

朋友提議過黎依到食LUNCH, 地方都幾大，餃子店黎講裝修得幾好諗住試多幾款就叫左湯餃、煎餃SHARE 食10隻湯餃套餐 ，可以選雞湯或蕃茄薯仔湯雞湯比較清，有淡淡雞味，冇咩油，但唔夠香餃子叫韭菜豬肉、椰菜冬菇雲耳豬肉餃其實正常SIZE，冇啲人講到咁大隻，不過係幾飽滿，皮算薄，帶少少煙韌煎餃雙拼10隻，就叫京葱羊餡、粟米芝士雞肉煎餃 餃子皮煎得金黃，但食起唔夠酥脆香口羊肉比較上juicy，咬開都有少少肉汁，溫度暖暖地，都唔似其他咁一出爐熱啦啦後者粟米芝士雞肉係有失望，芝士味好淡，基本上食唔出，粟米份量仲多過雞肉口味係幾健康，但呢個價同呢個質素無需要咁棒起

出發往機場前，拖著行李喼找地方吃晚餐，伴侶帶了我來甜記餃子。店面企理乾淨夠寬闊，而且是平日晚上9點半，店內食客不多，有足夠空間容納我的行李喼。天冷的想吃湯餃，於是點了兩份10隻湯餃套餐 ($48/10隻)，那總共可吃到4款餃子🥟湯餃套餐可選雞湯或蕃茄薯仔湯，比較推薦蕃茄薯仔湯，像家中煲湯的味道。4款餃子分別是韭菜豬肉餃、韭黃雞肉餃、椰菜冬菇雲耳豬肉餃及南瓜忌廉雞肉餃，餃子粒粒大隻飽滿，皮薄餡足！韭黃雞肉餃及南瓜忌廉雞肉餃較為特別，尤其喜歡後者。一咬開就見到內裡滿滿南瓜蓉，香甜綿密，帶淡淡忌廉香，雞肉軟稔得來有咬口，好吃！椰菜冬菇雲耳豬肉餃，椰菜和雲耳的組合令餃子增加爽脆口感，椰菜清甜，冬菇味不會濃得遮蓋其他餡料的味道，都是一款不錯的餃子。另外加了份滷水牛𦟌 ($50)及雞湯蛋麵 ($16)，蛋麵普通。牛𦟌作為一份小食，價錢比10隻湯餃還要貴，幸好份量足。牛𦟌大塊，夠香夠稔，帶滷水汁的甜味，味道不錯。單吃餃子的話，餃子的質素著實不錯，下次會想試試煎餃啊！

今日我試咗一份特色煎餃雙拼，其中有兩款口味：京葱羊餡同椰菜冬菇木耳豬肉餡。首先講下京葱羊餡煎餃，真係令人驚艷！餃子皮煎得金黃酥脆，一咬入口就傳出濃郁嘅羊肉香氣，配埋京葱嘅清爽味道，味道層次豐富，令人回味無窮。而另一款椰菜冬菇木耳豬肉餡煎餃亦都好出色。餡料中的椰菜、冬菇同木耳質感豐富，加埋豬肉餡，味道更加豐富多元。餃子底部煎得香脆，內裡餡料鮮嫩多汁，每一口都帶來滿滿的滿足感。你都可以拎一小碟醋，醋的酸味並不會過於濃烈，而是恰到好處地平衡了餃子的口感。當你享受著煎餃的香脆和餡料的豐富口感時，醋的酸味能夠提供一種清新的感覺，讓你的味蕾得到解膩。它並不會蓋過餃子本身的香味，而是為整體的味道增添了一絲亮點。8顆煎餃的份量剛好適合一個女生享用。

1) 京蔥羊肉煎餃x 粟米芝士雞肉煎餃 10隻 hkd52個人好鍾意佢地既京蔥羊肉煎餃 餃子偏juicy 一咬開就噴曬汁咁🤤煎餃好難做到 羊肉亦都唔會有騷味 整體above expectation❣️🤰🏻：8.5/10而粟米芝士雞肉煎餃就有少少失望 本身expect係可以拉到絲既芝士餃子 但係原來係加左芝士粉 所以整體芝士味都唔係好突出💀而且唔知係咪煎得太過火 餃子內部都結埋一舊 食咗兩嚿就好漏🤌🏻🤰🏻：6/10overall有讚有彈 呢個價錢做到呢個質素真係唔錯 不過略嫌服務態度真係差咗啲 當日喺門口等緊叫號入去 門口個姐姐叫漏咗我哋個Number仲好唔耐煩地質問我哋點解仲唔入去🥹🤌🏻下次可能試吓其他分店服務態度會唔會好啲

🧆麻辣雞腎$38份量多，但無咩味，雞腎還雞腎，醬還醬，雖然叫左小辣但都咩味，建議唔洗浪費錢叫雞腎🥹🥟10隻湯餃$48叫左椰菜冬菇雲耳肉同西洋菜豬肉湯餃🥟湯底揀左雞湯，本人較鍾意西洋菜餃多啲🤩入面有滿滿既西洋菜👍🏻🥟10隻煎餃子$52叫左菜心豬肉同韭菜豬肉煎餃🥟以前細個比較愛食韭菜，但越大反而覺得一般😂相較之下，菜心個味會出色啲🥴菜心豬肉煎餃必試必試🤤🥛豆漿$12🥤冬瓜茶$18荔枝角依間分店面積較大，環境都不錯，雖自助攞水、碗但反而無筷子、匙羹攞🤔要問店員先有，btw淨係食5隻餃都好飽😂唔好睇少餃子既威力，其實2個人可以唔洗叫雞腎😂

之前喺旺角食過一次都覺得好鬼好食, 估唔到呢到都有分店既然樓下xx 郎鬼死咁多人就上嚟食啦我哋一行三人一共就嗌咗兩碗湯餃一碟煎餃一共就試咗五款餃子首先十分絕對值得推介大家食嘅 - 香葉豆角豬肉餃呢一款餃子我煎餃、湯餃都嗌咗, 佢有一股濃郁好特別嘅香葉味, 好香會好吸引你食完一啖再食一啖。第二款會推介大家試嘅就係 - 粟米芝士雞肉餃粟米嘅香甜, 芝士嘅鹹香, 兩者配搭適度好處。鍾意食芝士嘅可以叫嚟試吓。第三款就會推介 - 京蔥羊肉餃即使外表分唔出佢係咩餃子, 一啖咬落去你就會知道係羊肉餃嘅味道, 好味。最尾仲嗌咗兩款經典啲, 穩穩陣陣普普通通嘅餃子(菜芯豬肉餃、韭菜豬肉餃), 就唔多講喇, 有興趣就自己嚟試啦

餃子完全沒味急凍餃子仲好食過佢店員態度奇差講問多兩句好似想沖出嚟打人咁貼錢買難受 真心唔建議大家幫襯 未試過食一間餐廳咁鬼難食，服務又勁差。好後悔入咗去希望大家唔好中伏

😍真正皮薄餡大又靚，一d都唔厚皮，咬落去直頭嘩一聲，餡勁多呀！ 咬落去每一啖都覺得好滿足，多餡到咬極都有😊😊超開心🥳🥳😋😋餃子種類好多，任君選擇，除咗有平時韮菜、西洋菜等外，仲有好多新奇選擇。煎餃一嚟到，薄皮來到卜卜脆，咬落去加埋爆爆餡料嘅汁，好好味🥰🌟湯餃亦都感覺大大隻，好滿足好飽滿。非常滿足的一餐👍🏻👍🏻👍🏻今次喺店舖買咗一盒生餃返屋企試，自己煮嚟食，都好好味😋😊

一直都係甜記fans由佢搬舖嘅時候都成日食試業初頭聽幾個朋友講都好差 Eg 啲餃未煮熟, 俾錯牛肉餃俾唔食牛肉嘅朋友…..到佢而家開咗一段時間 相信穩定啲就俾多次機會佢結果係回復正常！同埋個場大咗好多 容納到多啲人 有個寵物友善區可以帶埋動物嚟食辣菜脯依然都係辣得過癮菜餃依然好足料蕃茄湯依然好味

別於外面馳名的餃子店都是老街老店，長沙灣甜記餃子店落於商場有利位置，裝修以工業風為主，簡簡單單，乾乾淨淨。藤椒魚皮🌶️魚皮爽口，底更有青瓜片。魚皮挺鮮味，吸了芫荽和麻油醬料，藤椒味在後襯托着，少少麻，停不住口。手拍青瓜🥒醬汁的味道有點像口水汁，但蒜蓉味更突出。蕃茄湯底 🍅餃子的湯底選用蕃茄薯仔湯，有蕃茄薯仔蓉，另有洋蔥片，不算濃湯，不會搶了主角風頭，飲起來像祖母煲的蕃茄湯，很有家的感覺。香芹芫荽豬肉餃🥟芹菜味道先拔頭籌，芫荽味後來居上，夾着豬肉的鮮味，味道上不錯，可是幾隻餃子皮表面有裂開，應該是包餃子時上粉不太足夠。椰菜冬菇雲耳豬肉餃椰菜和雲耳爽口，咬起來很有口感。餃子份量很足，大大隻，皮薄餡多。-辣菜譜值得一試

平日午餐除了粥、粉、麵、飯，有時食碗餃子也是個不錯的選擇呢，是日就幫襯了甜記餃子。湯餃10隻 $48餃子口味：可以選擇1款或2款湯底選擇：雞湯或蕃茄薯仔湯是日小妹我就選擇了香芹芫荽豬肉餃，韭菜豬肉餃2款口味，跟蕃茄薯仔湯，而同事們就選擇了煎餃，餃子大大隻，皮薄多餡有湯汁，整體不錯。

其實因為見朋友社交媒體story 介紹， 又見甜記其他分店評分係高嘅。 我又好鍾意食餃子， 可能期望越大失望越大。 閒日的下就2點後入坐不用等位。 QR自助點餐，叫左個西洋菜煎餃麵。 都等左20-25分鐘才上餃子及麵， 餃子是大隻 脹卜卜的。 但 ！好！很！難！食！ 餃子餡料好似沒有醃過， 西洋菜亦沒有菜味， 完全唔知食緊乜。 好彩只有5隻， 要捱住咁食。 麵係大碗 夠飽， 但番茄湯底不是濃湯，係就係冇味精， 似自家煮但唔買唔夠材料咁，味道不夠。 總結： 非常之伏及非常之失望， 不會再幫襯。

甜記餃子喺長沙灣呢度都有分店！今次試吓佢嘅湯餃。我揀咗蕃茄湯，湯底裏面仲有薯仔，煮得非常腍身，入口即溶，配上辣菜譜，好似酸辣蕃茄湯咁，超級好食！而餃子我哋就揀咗最common嘅韭菜餃😛😛 非常足料夠多餡！

從前舊舖細小但食物美味，現在新舖須寬敞，但……食物倒退，服務倒退🙈一）湯餃子上枱已煮到爛晒；二）以前濃郁蕃茄湯，現變茄膏開水，只有顏色，沒有味道；三）堂食外賣都要等好耐，趕時間就唔好試；四）開張時標榜竉物可入內進食，當帶竉物去食時又話食環處問題，要指定時段才可進入，跟住又話門口有寫，何時改的沒人知，如是食環處問題應該全天唔入得啦，唔清唔清楚的店，空喜歡一場，點解對面的餐廳又可以竉物內進？總結：唔會再試，同區還有其它選擇🙊