甜記餃子

營業中

休息中

昨天晚上特登過去買餃子返屋企食，點知返到屋企打開個外賣發現只有湯冇咗啲主角-餃子！立刻打返去餐廳，店員給我的回覆是同事較新，唔好意思。冇退款服務，叫我下次嚟食返！講真，嘢食係好食嘅，但係已經再冇信心喺呢度叫外賣！周旋一輪之後，有另一個同事打俾我，一開始仲問我，有啲乜嘢比漏咗？其實你哋店舖之間唔係應該溝通好，亦都諗好咗對應方法先至打俾個客嘅咩？點解係個客火上心頭嘅時候，仲要個客講俾你知你哋做錯啲乜嘢？周旋一輪之後，才說退款給我！但係我唔係要退款，我係想食嘢！嗰一刻我最需要嘅係食物！返到屋企已經好晏，又冇嘢食真係好痛苦！整件事下來，最不滿意就是店舖同事之間的溝通十分有問題還有他們對待客人的態度。

係將軍澳出去專登買你地外賣，叫左2個湯餃同一個醉雞。反到屋企只係得醉雞同碗湯但冇餃子。打反去只係話退錢，一心準備好反屋企食飯點知冇得食，宜家仲要揾過另一啲野食。叫你送反黎又話唔得，冇呢樣野。個問題係你漏左俾我，點解你地唔check好先出單呢？你地一句退錢就算，但我就要suffer呢個問題。

喺紅日嘅下午茶時間，突然心血來潮想試吓，食一直都好出名嘅甜記餃子🥟下晝兩點幾三點嚟到，即使都已經過咗食飯時間，都依然仲有人排隊，令我更加期待呢間餃子店嘅餃子，到底係幾咁受歡迎🙈今次我就嗌咗$48 10隻湯餃子🥟（5隻椰子冬菇雲耳豬肉餃子+5隻粟米芝士雞肉餃子）嚟試吓😜🥔蕃茄薯仔湯味道清淡，而且餃子上面放左啲仲有啲薯仔蓉，飲落去感覺好清新，好有自家湯水嘅感覺👍🏻🥟椰子冬菇雲耳豬肉餃子🥟椰菜同埋雲耳口感爽脆，食落去索索聲，加上冬菇同埋豬肉碎，令口感更加豐富☺️🥟粟米芝士雞肉餃子🥟咬落去，啲芝士都已經溶晒，所以有好濃嘅芝士味，再加上甜嘅粟米同埋鬆軟嘅雞肉，令到個味道更加豐富，食五隻都唔覺得膩😛🌶️辣菜脯仲有就係免費嘅辣菜脯！每一台都有一樽辣嘅菜脯，可以俾我哋揀想食幾多☺️大大粒菜脯，無論係單食，定配埋餃子食，都係令人咁開胃🤤$48可以食到10隻大大粒餃子，都令人幾滿足😚

今日心血來潮，突然間想食餃子，行過旺角就試下呢間甜記餃子😛😛身為餃子控嘅我， 點左一份湯餃同煎餃， 一碗麵同涼拌魚皮😝😝😝😝湯餃同麵仲可以揀雞湯同茄湯，今次試下個茄湯🤤1. 香芹芫荽豬肉餃子好香既芹菜味，都幾足芹菜，係入面，所以豬肉同芹菜比例，似係一半半， 但都唔影響味道，都有肉汁又夠香，鍾意芹菜同想健康既朋友可以一試🤪茄湯 都充滿蕃茄味同有蔥花都幾甜，同餃子都好甲😚2. 煎京蔥羊肉餃子呢款煎餃子3面都有香煎過， 好脆口， 皮唔想厚都唔粉，煎過都仲有肉汁， 而且都幾足料😛 好食！3. 涼拌魚皮係四川酸辣風味個款， 麻辣既味道，但都唔算好辣，魚皮爽口，份量都幾多墊底嘅青瓜都幾多，味道都好食！ 推介🤪🤪

每次去食甜記餃子都一定會嗌佢嘅蕃茄湯底，近排聽到好多朋友講甜記餃子退步咗，上星期終於有時間去一探究竟啦！🥸😎真！係！退！步！了！湯底稀過平時好多，之前係又甜又濃，會忍唔住一啖接一啖咁飲🤤🥟但係而家已經淡茂茂！不過！佢嘅餃子都仲係好好食嘅，之前聽朋友話啲菜有啲梅，冇咁新鮮，但係我覺得又OK喎👍🏻👍🏻👍🏻煎餃就略嫌煎有少少太硬，個皮有少少乾！不過起碼唔係油冧冧咁！叫做合格啦！但係嚟緊如果突然間想食餃子，甜記就未必係我bucket list了☹️☹️☹️

去到等左5 mins 左右整體衛生都幾好。叫咗一碗雙拼蕃茄湯餃子。有啲味我都未食過。好快佢都到咗。 碗番茄湯算係好有味。啲餃子粒粒都好飽滿。今次係第二次去幫襯。啲店員好友善。

去左朋友仔屋企玩不過他屋企附近無咩好食於是我地就叫左外賣天氣熱到🌞我地唔想食d粥粉麵飯所以我地叫左餃子🥟❤️雙併湯餃我叫左韮菜豬肉餃同韮黃雞肉餃本身以為韮菜餃一定無得輸點知韮黃雞肉仲好食😲韮黃香雞肉滑反而顯得韮菜豬肉失色左不過都唔差🤭餃子皮薄包得又唔鬆散令到隻餃更加生色除咗餃子之外甜記既蕃茄薯仔魚湯都好好飲🤩好飲在鮮味十足唔似街個d味精湯值得一飲👍聽聞舖頭長期排隊天氣咁熱可以考慮下外賣咁就可以舒服地食到☺️

甜記已經食過無數咁多次了🫡無論幾點食都係要排隊🚶🏻‍♀️🚶🏽🚶🏻‍♂️🚶🏻‍♀️🚶🏽🚶🏻‍♂️但都阻止唔到我去食宜宜打打下caption既我都好想食了…✿ 甜記秘製辣菜脯 ✿枱面有支秘製辣菜脯菜脯爽脆 少少辣 好過癮🔥🤤✿ 粟米芝士雞肉煎餃子 連雞湯米線 $50 ✿餃子片好脆 似炸餃子多過煎餃子熱辣辣 脆卜卜 唔算好多油餡料方面 粟米好甜🌽雞肉好嫩🍗仲有溶晒嘅芝士🧀岩岩好唔會好膩👍👍✿ 韭菜豬肉煎餃子 連雞湯米線 $50 ✿餃子最基本嘅餡料(oˆ罒ˆo)餡料好多好飽滿 韭菜份量比例較多始終成餐煎餃比較乾 另外嗌左雞湯米線個湯比較清感覺唔係味精湯我個人就加咗菜脯落去 好似譚仔炸醬咁撈住食😆平日晚飯時間大概排半個鐘 鋪面比較迫如果可以就早啲去 因為有啲口味可能會賣晒🥹建議2-4人去食喔( ˊᗜˋ)(ˊᗜˋ)(ˊᗜˋ )

.#foodie #hk #hkfoodie #HTB美食推介【旺角驚喜秘製菜脯 ｜🥟粒粒足料性價比高餃子】無街坊或網上講到咁驚喜，整體我覺得中規中矩，以哩個價錢大大粒，味道就真係唔可以太高要求～如果再去，建議揀全部豬肉餃，可能會穩陣啲🤣.🐨椰菜冬菇雲耳豬肉餃 湯餃雙拼$46/10PCS推薦度：⭐️⭐️⭐️⭐️餃子皮好薄，啲餡料超多，椰菜同冬菇甜甜地，雲耳就爽口偏淡，有口感得黎，味道又唔會好怪😋.🐨洋蔥薯仔牛肉餃 推薦度：⭐️⭐️️️第一次食牛肉餃子，洋蔥好甜，唔係好食到薯仔，亦無咩牛味🫣唔係難食，但又唔會再試....🐨韭菜豬肉餃 煎餃雙拼$50/10PCS推薦度：⭐️⭐️️️⭐️煎得香脆唔會油冧冧咁，煎過嘅韭菜有香味，韭菜同豬肉比例都幾平衡～.🐨粟米芝士雞肉餃 推薦度：⭐️⭐️食到粒粒粟米餡甜甜地幾特別，不過芝士味有啲太搶，我就唔係咁鍾意😢.🐨甜記秘製菜脯 免費推薦度：⭐️⭐️️️⭐️⭐️每張枱都有一樽秘製菜脯，菜脯大大粒偏辣，帶點花椒味道，有口感🌶️唯一一樣想不停食嘅野🤣-----☼-----☼-----☼-----☼-----☼-----甜記餃子📍地址：旺角通菜街2Q-2Z號鴻輝大廈地下2號舖🐨推薦度：😋😋😋/5💰人均價格

又係試網上爆紅餃子店嘅時候🥟今次係旺角嘅甜記，可惜呢日臨閂門嘅時候先嚟，已經唔可以叫煎餃，同埋好多味都冇，不過照試！ 我哋兩個人嗌咗兩碗雙拼，口味揀咗椰菜冬菇雲耳豬肉、韮菜豬肉、西洋菜豬肉同埋韮黃雞肉。另外加咗小食麻辣雞腎同手拍青瓜。 我揀咗蕃茄薯仔湯底，飲落唔算好濃但甜甜地，一啲味精都冇，有啲家的感覺☺️餃子唔係特別大隻，但粒粒飽滿，皮非常透薄，菜肉比例好適中。個人比較鍾意傳統嘅椰菜同韭菜豬肉味，尤其是椰菜餃有菜嘅清甜味，反而好似特別啲嘅西洋菜同韭黃食落就普普通通。感覺呢度嘅湯餃係行清新路線，食完一啲負擔都冇，但味道仍然滿足又感覺健康😋佢哋都有提供辣菜甫，推介要食，爽口又唔死辣👍🏻 另外加嘅小食質素都唔錯，以佢嘅價錢嚟講份量都唔少，蒜落得超慷慨，少少酸辣惹味，夏天食啱晒😎今次嘅網上爆紅店體驗係成功嘅😁下次一定會嚟試埋煎餃🥟*****多quota評價：😋Quota花得值(🤮<☹️<😐<😋<🤤)

今日出開旺角嚟咗呢間好受歡迎嘅餃子店，「甜記餃子」。平日夜晚未到7點已經有啲人排緊隊，好彩唔洗等好耐就有位！☄️韮菜豬肉餃（$48 /8隻）餃子飽滿餡多，皮薄脆口！韮菜比例較重，食落唔會太鹹，一個人食哂八隻都冇問題！☄️粟米芝士雞肉餃（$48/8隻）芝士味濃郁，餡料足夠。啖啖都食到清甜嘅粟米，一咬就爆汁！食落會有種錯覺係食緊粟米餅。☄️加多碗麵（$16/碗）今次我哋叫咗「茄湯」同「雞湯」配台灣麵，除咗台灣麵外仲有米粉、米線揀。台灣麵食落比較腍身，冇米線嗰種彈牙嘅感覺，反而有啲似幼身烏冬。「茄湯」清甜，似屋企煲嘅蕃茄湯，飲落都唔會口渴。「雞湯」比較清淡帶少少胡椒香味。鍾意重口味嘅朋友可以試下落辣菜脯，大大粒嘅菜脯食落爽口，一秒變蕃茄辣湯！☄️凍洛神花茶（$10/杯）洛神花茶雖然賣相一般，甜度亦都係固定，不過飲落都唔會太甜，冇台式飲品店嗰種死甜。酸酸哋開胃得嚟又解油！個人覺得女仔嘅話8隻餃子1碗麵就啱啱好，性價比都幾高。舖頭人流雖然高，但換枱都算快，唔洗等好耐就有位。唔想等嘅朋友平日夜晚7點前到會比較易有位！

今日試下呢間幾多好評的餃子店因為要在中午番工，準時11:30到店門口已有人在等候，但到了11:40才開門其實都可以接受，於是我趕快落單，因為驚遲到，一開電話落單，嚇死10款有6款都無，唯有選擇10隻白菜，落完單先聽到隔離檯話要reload，我即reload,全部款式都出現了，立即跟職員講我頭先落單無得選南瓜雞肉，我想改雙併。一個就話已落，另一個就即刻入廚房（唔知是否跟廚房講改單）當我以為佢地已更改。來到仍是10隻白菜，趕時間就唔再講，吃完我反映番無同我改單就算。真係無下次

好鍾意食餃子，今日黎到屋企人推薦嘅甜記餃子🥟試下。黎到門口已經見到好多人排隊，甜記餃子係門口擺左個板，黎到可以寫低名同電話號碼排隊，店員有位就會叫人入去我地今次叫左幾款試下1️⃣煎餃子🥟（京蔥羊肉餃）💰58煎餃子粒粒都好飽滿。煎到外皮金黃酥脆、京蔥羊肉餃由於加左好多京蔥，食落好香，京蔥同羊肉真係好夾❤️2️⃣湯餃子、雞湯湯底（5隻粟米芝士雞肉餃、5隻洋蔥薯仔牛肉餃）💰48湯餃子我地叫左雞湯湯底，湯底好似住家飯咁，唔會好濃味精味。另外餃子餡料好多，真係皮薄餡靚。粟米芝士雞肉餃咬開，滿滿都係芝士流出嚟，好正。洋蔥🧅薯仔🥔牛肉餃就好甜，好香牛肉味，👍另外，甜記餃子可以任食辣菜脯，配餃子一流😍消費價錢：2人💰116，人均💰58結論：（10分為滿分）味道：7/10性價比：8/10回頭指數：7.5/10餐廳名稱：甜記餃子餐廳地址：旺角通菜街2Q-2Z號鴻輝大廈地下2號舖

第一次聽甜記以為是甜品店😆，後來得知係「甜記餃子」，原來是餃子店來的，以港式餃子，由小店做到宜家3間分店，人氣絕對不容忽視，今次就去左旺角店幫襯店內地方唔算好大，裝修簡潔整齊，牆上有幅眾人在吃餃子既手繪畫係出自本地插畫家Onion Peterman，色彩繽紛好搶眼煎餃子8隻韭菜豬肉餃：個皮厚度適中，煎得香脆唔會油冧冧咁，煎過後既韭菜更加香，入面仲好juicy 椰菜冬菇雲耳豬肉餃：可能食完韭菜之後先食椰菜，味道感覺較淡，相比下佢既味道較為失色湯餃子8隻茄湯：看似好稀但就有著番茄既味道洋蔥薯仔牛肉餃：呢款餃子餡都幾特別，洋蔥好甜同牛肉既味道好夾，薯仔只係稍作點綴，份量唔會太多，配茄湯亦都好夾西洋菜豬肉餃：西洋菜食得出好新鮮，個比例亦都岩岩好，好好食醉雞酒味幾香，但肉既比例較少，整體骨較多，有點失望好彩6點到到，食食下出面已經見到一堆人在排隊，另外不得不提佢既辣菜脯，辣得黎帶點甜，配餃子食真係好正，價錢又親民，唔掛得咁多人幫襯

今晚毒獨食，但對食野有要求嘅我就算一個人都唔會hea👀所以就去咗旺角呢間餃子店 🥟- 甜記🫶🏻 平時食開長沙灣總店，今日就嚟試下旺角呢間keep唔keep 到水準啦😎甜記秘製菜脯 免費🤑每張枱都會有一支佢地秘製嘅菜脯，每次嚟到都必食，雖然係有啲辣，但辣得好過癮，食下食下就食咗好多😜番茄湯餃子(10 隻) $4810 隻餃子都只係$48，性價比極高🥹而且可以揀雙拼，咁食哂10 隻都唔會悶。如果食湯餃🥟就建議叫佢個番茄湯🍅湯底清甜，我次次食完都會飲埋啲湯佢😋椰菜冬菇雲耳豬肉餃第一款叫左椰菜冬菇雲耳豬肉餃，餃子皮好薄，啲餡料超多，椰菜同冬菇甜甜地，配埋豬肉，味道好match😗粟米芝士雞肉餃🌽第二款係我每次嚟都必叫嘅粟米芝士雞肉餃，之前都係叫煎，但今次發現湯餃都唔輸蝕，粟米每一粒都好甜，加埋溶咗嘅芝士，每一啖都係享受🥹🥹.如果想食性價比高嘅餐廳，就一定唔可以錯過甜記🫶🏻💗