甜言蜜語糖水小食

大家支持下有水準嘅小店啦！！😄推介呢度嘅餃子、芒果系列飲品糖水，仲有芋泥，全部由老闆娘用心製作，足料好味又唔貴，等外賣期間都見唔少街坊嚟買糖水同小食，識貨😆～栗米煎餃煎餃餡有韭菜/粟米兩款選擇，我揀咗粟米。個皮煎得夠脆，唔會稔晒，咬落有脆卜卜嘅聲，而且唔會煎到燶晒。粟米爽甜，肉都扎實，餃子皮唔算太簿亦唔太厚，啱啱好，食落冇乜粉感。一盒10隻脹卜卜爆餡夠飽肚，正餐食一盒當食飯絕對冇問題。炸燒賣炸得香脆，夠熱，影完相食嗰時都仲係暖暖地，加啲椒鹽百吃不厭😂多芒小丸子好大嘅一兜👍真係幾多芒果🥭🤩小丸子煙韌有咬口綠豆沙湯圓想清熱叫咗綠豆沙，唔錯喎唔係水汪汪得個甜字嗰種湯圓大大粒，皮夠薄，一咬入面嘅芝麻餡即刻漏出嚟，芝麻餡亦夠香。…查看更多

今晚同朋友電單車飛咗轉大尾篤，之後有少少肚餓想食宵夜同糖水，兜咗去大埔中心附近，見到呢間小店就入去試下！1.外皮煎得金脆，咬開滿是粟米甜香，肉粒鮮嫩多汁，熱食時鹹甜平衡，一口一個好過癮！2.外皮夠脆唔會黐牙，韭菜鮮香夠味，肉餡juicy，熱辣辣食落超惹味，停唔到口！3.芋泥綿滑、紅豆夠腍，仙草清涼，芋圓彈牙，一口落齋甜唔膩，解暑一流！4.仙草冰涼滑溜，芋圓嚼落勁彈牙，配料滿到爆，甜度岩岩好，夏日解暑至愛！會再來。…查看更多

這家叫 「甜言蜜語糖水小食」的外賣店，成日路肻終於的起心肝試返次😋 吃過一次之後，真係又驚喜又深刻❤️ ——老闆娘用心製作，自家製餃子、芋泥、芒果蓉都好足料，性價比極高😚   先說煎餃，皮煎得香脆，咬下去還會有點「咔滋」的感覺，裡頭的肉餡多汁但不油膩，調味剛好，不會重口到膩😋 份量十足，當正餐食一樣夠曬飽😚 即包粢飯也是必叫嘅😚 熱乎乎的拿在手上，糯米軟中帶黏，裡面包著酥脆的油條和肉鬆，咬下去又香又滿足，很有「早餐能量棒」的感覺🤭 甜品方面就更是小店特色❤️ 多芒楊枝甘露不會太甜，芒果新鮮順口，大塊果肉咬起來很實在；配上椰奶和西米，冰涼滑順，特別適合消暑🥰 至於養生桃膠雪燕，口感特別柔順，很清淡舒服，不是重甜路線，喝完反而覺得清清潤潤的，適合想要養生或不想吃太甜的人✅ …查看更多

香港的糖水小食店以其多樣化的甜品而聞名，這裡的糖水不僅美味，還具有獨特的風味。粟米餃是一道經典的小吃，外皮酥脆，內餡則是香甜的粟米，吃上一口令人回味無窮。炸燒賣以其金黃酥脆的外層和鮮美的肉餡而著稱，是好多人的最愛。芋泥西米桃膠芋圓則是一道色香味俱全的甜品，綿滑的芋泥搭配彈牙的西米和桃膠，口感層次豐富。綜合芋圓仙草則是另一款受歡迎的選擇，搭配清爽的仙草，讓人感到清涼可口。這些美味的小食不僅滿足了味蕾，也讓人沉浸在香港的甜品文化中。…查看更多

甜品小吃｜老闆娘良心製作！芋圓餃子手工製之用心，隱世糖水小店，平平無奇，背後是美味老闆娘誠意親手製之芋泥，芒果蓉和餃子心機和誠意！隱藏飽肚之選，幸福滿滿～🌈🍠 綜合芋圓燒仙草澎湃之作，自家製芋圓！芋圓咬落煙韌有嚼勁，淡淡芋香蕃薯甜味，非普通工廠質素！仙草滑溜清香，配料滿滿，紅豆，珍珠，份量滿瀉～高質～芒果好椰自家製芒果蓉，椰香爆棚，用新鮮芒果打成蓉。芒果蓉香甜，大大舊芒果肉，啖啖果肉！椰奶濃郁，西米口感彈牙，透心涼！炸栗米餃老闆娘每日新鮮包製！爆汁驚喜，驚喜之作！餃子是老闆娘自己包，皮薄餡多點多少少甜辣醬，風味提升重點：餡料滿，價錢親民分量十足，用料真心，自家製餃子，芋泥，芒果蓉，吃得出誠意～店面乾淨光猛，老闆娘和店員友善👉 支持用心製作小店，值得一再回頭🫶…查看更多

今次嚟到甜品小店，裝修橙紅色好sharp好青春，一入門就聞到陣陣芒果香～其實係朋友強力推薦先嚟～今次叫咗芒果西米桃膠芋圓。材料超級足份，鮮甜芒果粒、晶瑩西米、養顏桃膠，配埋煙韌芋圓！桃膠口感似啫喱，light得嚟有啲膠質感，清爽又唔膩。西米細細粒好彈牙，加埋冰涼椰漿，成杯甜品超有夏天feel～每一啖都食到芒果香同椰香！份量足，芋圓煙韌夠咬口，紫薯味鹹香，食到最後都唔膩。至於綜合芋圓燒仙草，仙草滑嘟嘟又清涼，唔會過甜。芋圓有三款，一啖芋圓一啖仙草好夾～加啲黑糖係面，帶焦香味，特別解暑！鹹食方面炸韭菜餃子，外皮超脆，入面韭菜餡香噴噴，非常多汁。炸花枝大粒彈牙，炸到金黃香口，完全唔油膩。兩款都好適合同朋友一齊share食，墊一墊肚再食甜品！外賣店爽手快靚，價錢親民，份量足又實在，下次會再嚟encore其他芒果新口味！…查看更多

好耐無返娘家啦唔到昌運麥當勞呢個位開咗間性價比超高嘅小食店$15有八粒炸燒賣，30幾蚊就有一大碗糖水！韭菜炸餃子 $40/12粒熱辣辣新鮮炸出嚟一拎上手嗰陣已經香噴噴好想食，但係熱得滯要忍住😂😂佢哋嘅餃子都係老闆每日親手製造，口哋偏甜，亦都唔會好厚皮，炸到金黃酥脆邪惡到爆炸！而且好足料食一盒都好夠飽椒鹽炸燒賣 $15/8粒通常其他舖頭炸燒賣可能價錢就會貴幾蚊，但係佢哋呢個價錢都好實惠！燒賣炸到外脆內軟仲落咗好多椒鹽粉🤤就算肚餓買一盒都得!多芒楊枝甘露 $34舖頭入邊有好多新鮮嘅芒果，即叫即切！成碗糖水都好足料好多西米裏面仲會有芋圓，超級煙靭！平時喺出邊呢個價錢嘅話可能都唔係好多料佢哋先至$34就成碗都咁足料CP值真係超高！芋泥紅豆仙草芋圓 $33芋泥老闆娘話係佢自己每日親手製造，唔會加入其他香嘅材料，裏面亦都好多仙草同埋芋泥絕對冇Hea你👏🏻👏🏻呢個環境有一間咁平嘅小食店大埔嘅朋友真係好幸福…查看更多

掃街小食店真係買少見少，香港人嘅飲食特色文化嚟架嘛，今次比我捐窿捐罅搵到呢間外賣小店真係唔係講笑，樣樣嘢都勁足料，佢地嘅自家製餃子、芋泥、芒果蓉等等都係爆哂餡料😍等外賣期間，同老闆傾開計，知道老闆娘精心用心製作，性價比高，仲有….價錢親民貼地煎餃子（韮菜/粟米）雙併$40/12粒餃子外皮金黃酥脆，咬落去香脆嘅口感，韮菜/粟米餡搭配豬肉，口感juicy，粒粒都爆哂餡炸燒賣$15/8粒大大粒，佔滿淮鹽粉，香脆惹味多芒仙草小丸子$32份量好大，外賣盒非常之落本，一定唔會倒瀉味道調得岩岩好，唔會過甜，芒果份量好多，而且好甜，小丸子煙煙韌韌，好有口感多芒楊枝甘露$34份量驚人，呢個價錢真係好抵食，份量多，味道好，芒果好夠甜，配上西柚帶微酸，配合得天衣無縫呢餐我當正餐咁食，夠飽好味，經濟實惠，小店真係要多多支持，絕對值得回頭…查看更多

最近喺大埔昌運中心發現一間新開嘅外賣小店「甜言蜜語糖水小食」，主打手工餃子同養生糖水。餃子、芋泥、芒果蓉都係自家製，份量仲要超慷慨！ $100左右已經可以食到超豐富一餐！  🥟 粟米煎餃（$40/12粒） 一打開盒就聞到香噴噴！餃子煎得金黃香脆，咬落去爆汁，餡料塞到滿滿粟米同豬肉。12粒份量岩岩好，食一盒已經夠飽！  🦑 香口炸花枝（$20/5件）即叫即炸熱辣辣，外皮酥脆唔油膩，加上胡椒粉好惹味。花枝彈牙有嚼勁。🍧 養生桃膠雪燕（$30）女士們一定要試！膠質滿滿嘅桃膠同雪燕煮到好濃稠，入口滑溜溜，甜度適中，仲有淡淡奶香，食完成個人都滋潤晒～  🍨 綜合芋圓燒仙草（$40）料多到差啲瀉出嚟！紅豆煮到起沙、仙草滑嫩解暑，加上煙韌芋圓、珍珠同西米，口感層次爆燈！芋圓係台灣入貨，夠曬正宗。特別中意蕃薯圓，食到淡淡蕃薯香。【甜言蜜語糖水小食】📌香港大埔安慈路4號昌運中心地下A10號舖    …查看更多

即包粢飯 $25最鍾意食即包粢飯，攞上手熱辣辣，糯米夠軟熟，勁多榨菜，油炸鬼仲超級脆，同朋友分甘同味，老闆娘超級好幫我哋切開一半，好味😋炸燒賣 $15第一次食炸燒賣，Q Q彈彈，勁香口綠豆沙湯圓 $25熱到爆嘅天氣，食綠豆沙至啱，煲到開哂花，唔算太甜，仲配埋芝麻湯圓👍🏻珍珠拿鐵 $30估唔到小食店竟然有latte，仲要係加咗珍珠嘅latte，珍珠煮得剛剛好，唔會過腍，估唔到個咖啡都唔錯👍🏻食物種類都算多，舖頭好乾淨，老闆娘超級好人，仲介紹餃子係自己包嘅，芋泥、芒果蓉全部自己都係老闆娘親手做嘅，夠哂誠意👍🏻下次食晏試吓餃子🥟先😉…查看更多

而家少左許留山後，就無再飲過「芒椰系列」、「粒粒芒果系列」……今日經過係大埔市中心見到有間糖水小食店——門口已經擺滿大大隻芒果，好似係同我講：「入嚟啦～芒果控天堂喺度！」🥭芒果好椰第一口已經令人眼前一亮，椰香濃到爆，芒果甜而不膩，啖啖都食到果肉，西米煙韌得嚟又唔會太實。夏天飲一杯，簡直係人間清涼。🥟 手工韮菜煎餃皮薄餡靚，韮菜香氣十足，仲有啲肉汁滲出嚟，好滿足～煎到脆卜卜，唔會太油，啖啖都食到功夫🍢椒鹽炸燒賣想食啲香口啲嘅小食，就揀左炸燒賣，炸到外脆內煙韌，再灑上椒鹽，正…查看更多

大埔昌運中心新開嘅一間糖水舖，專做外賣，幫襯下支持下。嗌咗兩個甜品盛惠65蚊價錢正常啦，外賣嘅包裝都好認真，個膠盒嘅蓋係好似螺絲咁樣扭實嘅，仲有一塊細嘅膠蓋喺入面，真係好難會倒瀉。我哋叫咗2號嘅多芒仙草小丸子同埋4號嘅芋泥西米桃膠芋圓，整體味道唔錯，材料都幾新鮮，芋圓比較煙韌有彈性，佢嘅芋泥都幾香芋頭味，但係又唔會好滯，桃膠嘅份量都唔少，啲芒果都算靚，冇酸味，最欣賞佢個甜度控制得唔錯，唔會太甜，食完唔會瓊住嘅喉嚨。…查看更多