甜西施研究所

甜西施研究所新分店位於荃灣，主打芒果和招牌芋圓燒。只有外賣的糖水鋪。買左2個最多人買嘅招牌糖水返去試下。楊枝甘露超多芒果，口感綿滑，芒果新鮮好甜味香濃，配上Q彈雪小芋圓，椰奶，西柚肉粒，口感層次豐富，甜而不膩，椰奶味突出，帶來清新感。招牌芋圓燒則有淡淡芋頭香氣，芋圓煙韌，配上爽滑的仙草和滑嫩牛奶，冰涼中帶點微甜，芋圓和仙草比例剛好，非常適合喜歡濃郁芋香的人。因為唔係住附近，如果經過會再去食，可惜無得堂食。…查看更多

这家甜西施研究所甜品真的非常好吃，我的儿子非常喜欢吃这家的芋泥桃胶小丸子，芋泥非常香浓，跟一般市面上的芋泥不太一样，而且不会太甜，即使我给儿子吃完一整碗，也不怕他摄取过多糖分。他裏面那个椰汁鲜奶桃胶也是非常好吃，椰奶味充足，桃胶好吃，是非常健康的选择。看见店1内放了很多芒果，可惜我儿子湿疹不能吃芒果，他看到是非常想吃的，在场也有很多人都是点这个芒果甜品吃，相信味道也不差。下次经过这家店一定会再吃。👍…查看更多

路德圍本身就係甜品聚集地，估唔到而家又有一間新嘅甜品加入😍呢間舖頭細晒，可以揀嘅款式唔係好多，有芒果系列，芋泥系列，仙草系列同埋榴槤系列。見到10個有9個都係揀芒果系列，咁我都唔執輸，揀咗一個多芒小丸子。本身以為入面冇西米，點知原來係西米、柚子同埋小丸子都有齊!!! OMG好足料，每一啖都食到芒果同埋西米，小丸子好煙韌好彈，好幸福，性價比超高!!!😍唔怪得知咁多人排隊，今次我就等咗大概10分鐘就拎到，唔算太耐😁…查看更多

今日同屋企人經過路德圍，見到有間新開嘅甜品店，包裝好吸引，門口放住一箱箱芒果，超級大隻，就買咗兩碗試吓。試咗多芒仙草同多芒小丸子，兩碗都超級多芒果，芒果好大粒好甜，好香芒果味。個人更加鍾意多芒仙草，仙草本身唔係好甜，加埋香甜嘅芒果，同埋椰奶，中和返，味道啱啱好。一路等緊甜品，一路見到入面有人切緊芒果，感覺好新鮮，即切即用。總括呢間值得一試，夜晚人多雖然要等耐啲，不過見佢即叫即整，要等一陣都合理嘅。…查看更多

今日經過荃灣試咗「甜西施研究所」嘅外賣多芒小丸子芒果味道香甜自然，唔似假甜，口感順滑小丸子數量適中，口感煙韌有咬口整體甜度適中，分量足夠雖然未算有太大驚喜，但作為外賣甜品質素算唔錯。如果想外賣甜品，呢度係一個唔錯既選擇…查看更多