甜聚雪花冰甜品屋

營業中

休息中

昨晚我們二人去此間糖水舖吃糖水，我碗是芝麻糊個碗內外有破裂痕，我先生同店員講可否換過，她說又不是滲漏冇問題，最後都有換過另外一個碗，其實塑膠裂縫可釋放塑化劑及致癌物質，第一次幫襯沒有下次的。

今次第一次來食 真係覺得好差 間鋪明明冇人 我同個同事見冇乜人所以坐張8人枱 坐埋同一邊 有個阿婆兇神惡殺走來話「你兩個人坐哂我成張8人枱 我點做生意啊 你哋打對坐！！」我同個同事心諗 間鋪就得3-5個人 而且我哋隔離仲有成4個位 真係好無語 我同事掉位嘅時候 唔小心撞到後面嗰個人 就講咗聲對唔住 個阿婆突然望住我個同事話「算你醒目 」糖水啲料又唔多 得少少 仲好大陣工業糖精味 味道真係講唔上好食 食咗咁多間糖水舖 呢間真係好差 環境已經唔算好 衛生更加唔使講 真係無下次 叫所有朋友唔好來

叫咗一個楊枝甘露，西米難食，芒果酸，成個糖水好冇層次，份量正常偏少，價值40幾蚊，等咗10分鐘，出餐比較慢🫨附近仲有其他糖水舖，下次會考慮其他，所以唔建議或者推薦

喺香港，一餐完美嘅晚餐，又點少得甜品呢！特別係成班朋友雖然食飽飽，但又意猶未盡，甜品自然係最佳嘅選擇。位於太子嘅甜聚雪花冰甜品屋，除咗傳統嘅甜品，亦有新潮嘅選擇，好味之餘又可以打卡，第二個胃即刻啟動。芝麻糊加配湯圓芝麻糊好滑，完全無起沙嘅感覺。天氣熱，所以叫咗凍芝麻糊，雖然無咗熱辣辣香噴噴嘅感覺，但口感味道仍然香濃綿滑。芝麻糊另外加咗湯圓，湯圓餡料都係芝麻味，啱啱煮好嘅湯圓煙韌燙熱，加喺凍冰冰嘅芝麻糊入邊有冰火雙重嘅感覺。芒果椰汁西米露芒果椰汁西米露係甜品舖最穩陣嘅選擇！切粒嘅芒果，非常香甜，加上椰香十足嘅西米露，非常清新。雙雄呢碗係老闆娘推薦嘅甜品，雙雄包括芋圓同紅豆。芋圓煙煙韌韌，紅豆香綿，加上淡淡嘅芋頭味同鮮奶，口感同味道同樣兼備。雜果椰汁仙草呢碗雜果椰汁仙草成座山咁高！仙草上面鋪滿晒新鮮生果，全部都係消暑解渴之選。由於仙草本身冇乜味道，所以配上鮮甜嘅生果就啱啱好。

同朋友去太子花園街食晚飯，食到人地舖頭關門都意猶未盡，當然去搵糖水食繼續傾啦，我哋去咗比較多人嘅甜聚叫幾款甜品share，共享滋味。芒果班戟 $48班戟上到枱，脹卜卜觀感都贏咗！ 用叉𠝹開幾件， 每𠝹一下，啲芒果都肥嘟嘟爆出嚟，食落去又甜又香，讚👍🏻榴槤椰汁仙草 $56問咗店員係榴槤肉定係榴槤雪糕，真係榴槤肉啊🤩 我自己鐘意淋身濕少少嘅榴槤，呢幾年果啲貓山皇 D24都唔係我杯茶， 呢個甜品榴槤肉十足，仙草涼涼哋溝返暖胃啲嘅榴槤肉，Perfecto!黃金戰士 $65好耐冇食過依啲綿綿冰，佢有好多口味，例如朱古力，綠茶，椰汁就算連七彩嘅佢都有，夏日將至，當然揀當做嘅芒果啦，佢嘅芒果綿綿冰唔算太甜，入口即溶，有大大粒嘅芒果果肉同火龍果果肉，十分新鮮，另外仲有一點小方果，好有咬口，有點似野果。另外加了三粒芝麻湯圓，煙煙韌韌，芝麻香口，放落綿綿冰度食，增加口感。雪糕藍莓奶凍 $45呢一個係店主推介嘅，佢話叫我哋留意，依個奶凍係用雲呢拿籽做成，只得個滑字，仲有重重嘅雲呢拿香味，加上藍莓醬一起食，減輕平時只有牛奶香的單調感，另外配有自選味道嘅雪糕，我哋揀咗士多啤梨味，與藍莓醬會夾一啲。依度坐得都算O

今晚經過太子站，諗住嚟食碗糖水，一入間店就聞到好大浸味，初頭唔知係咩味，本來諗住走，但諗住支持一下本土小店。我和老婆兩個人，一個要芝麻合桃糊，而我就叫咗個椰汁仙草，甜品本身係傳統款式應該比較穩陣，味道還可接受，芝麻合桃糊應該唔係即磨，椰汁仙草就係普通涼粉加椰汁，整體環境衛生味道好普通。我哋差唔多食完嘅時候，突然間响部天花冷氣機跌咗隻曱甴落隔離張枱，嚇到嗰枱客人即刻跳起，之後我終於知道嗰陣味原來係曱甴屎味，我以後一定唔會再來

18/6/2024～ 23點住附近嘅，一貫路線同家人食完晚飯食甜品，我記得上一次松記食完就blacklist係顛覆咗咁多年我松記嘅印象。因為上星期食咗海記嗰碗合桃糊已經淡咗同稀水咗。所以去咗松隔離呢間。嚟呢度記得好耐之前嚟過都有成年前，今日再嚟都要blacklist，我都唔要求d乜嘢，坐低傾下甜下個嘴啫，冇坐耐食完即走的。食物～個椰皇冰死未解凍哂，嗰d雪嘅皺皮仲喺度咬落去仲要係半雪嘅口感😖😖仲要係即食搣膠袋嘅椰皇凍，嗰d透明椰肉仲要係罐頭切條“利申我本人好討厭食糖水食到糖罐頭嘢” 舊榴槤聞到香，但食落去冇乜榴槤味，榴槤味略淡，雖然佢冇標榜係貓山王或者什麼，價錢就一般糖水舖嘅價錢啦！不過我都會同身邊人以後唔再去，返返過嚟屋企附近瘋同辛好過，因為諗住嗰2間成日去，就過嚟呢邊啦，點知咁嘅😔😔

我同友人都係榴槤愛好者，選擇了 [ 雪糕榴槤奶凍 $48 ] 奶凍上放咗大大球榴槤雪糕，濃濃郁郁的榴槤味，底層的奶凍食落口感香滑，連同榴槤雪糕一齊食就更味道另一款就是 [ 海燕椰皇榴槤凍 $78 ] 原個椰皇大大個，頂層放有滿滿榴槤蓉，內裡有很大塊爽口海燕及椰果粒，椰子水口感清甜，椰肉刮出嚟就食得，撈埋一齊食好味道[ 紫薯芋圓西米露 $40 ] 紫薯芋圓口感煙煙韌韌，西米露細細粒，食落口感軟腍，味道又唔會太甜[ 巧克力法式千層蛋糕 $38 ] 每層口感幼滑鬆軟，層次豐富，可可香氣，味道啱啱好[ 仙草黑糖豆腐花 $30 ] 爽滑切粒仙草，黑糖味又唔太甜，豆腐花幾滑[ 薑汁燉鮮奶 $38 ] 香濃嘅薑味，燉鮮奶口感香滑，味道微辣又唔甜

太子街坊甜品小店，主要都係店主一家落手落腳去做，非常有人情味，夏天就係要食榴槤！海燕椰皇榴槤凍$78大大個原個椰皇上放滿滿既榴槤蓉，入面有非常大塊海燕食落口清甜舒服，滿滿既椰青水飲落完美解渴消暑呀，另外榴槤蓉再撈埋一齊食都好正呀，而且椰肉都非常容易刮出黎食～心太軟$60即叫即整，一切開朱古力漿爆流心，睇落已經好邪惡了，食落不會太甜非常濃郁朱古力味好正。仲有一球曲奇雪糕伴碟哦！雪糕榴槤奶凍$48奶凍上放左一球榴槤雪糕，非常重榴槤味，另外奶凍非常香滑又嫩稠加上又勁重榴槤味，令🐰忍不住一啖接一啖甘食呢～

試咗呢間甜品店嘅幾款甜品，覺得佢嘅中式甜品好出色，當然西式甜品亦都好好食！👍🌟🌟🌟蛋白杏仁茶係我人生中飲過最好味嘅蛋白杏仁茶的頭三名！杏仁茶係用石磨盤去手工即磨，所以杏仁茶好順滑！！而且好足料，豐富杏仁味，唔苦，好清香！！🌟🌟🌟大良燉鮮奶係我食過奶味最濃郁的燉鮮奶😭😭會再嚟食！！🌟芒果腸粉外層香滑，皮薄肉厚，啖啖香甜芒果肉。芒果醬唔會過份甜膩，食得開心！🌟心太軟配雲呢拿雪糕切開心太軟的一刻，朱古力醬好似火山熔岩流出嚟，真係好治癒❤️❤️朱古力心太軟的微苦，同雲呢拿雪糕的甜，口感豐富濃郁，冷熱結合，好有層次感！🌟楊枝甘露滿滿既西米露、芒果粒同柚子，足料嘅甜品！所有比例啱啱好，甜度適中。⭐️蜂蜜冬瓜茶天然嘅蜂蜜味道，帶一點甜，如果有多啲飲品選擇就更好😝

琴日落左一整天黃雨，今日天氣陰陰涼涼但停左雨，便同朋友出街行下。到左花園街買左盆香草，見時間尚早未夠鐘食晚飯，就去左甜品舖。先望了隔離的松x，唔太吸引就到了甜聚😆甜聚外觀有點老舊，甜品款式也是傳統型。朋友話幫襯小店點都有驚喜過連鎖店，又啱喎，一於試下佢。⭐雪糕榴蓮奶凍先來的榴蓮奶凍，外觀簡潔，就是榴蓮奶凍上放了榴蓮雪糕。入口有驚喜，奶凍香滑散發著淡淡榴蓮味，勁好食喎😍⭐海燕椰皇榴蓮凍作為一個榴蓮同椰皇控，二話不說就揀呢樣🤤睇餐牌已經好吸引，上到枱更甚，好香榴蓮味呀。榴蓮肉勁正，下層的椰子水清潤，仲有甜甜地嘅椰果粒同爽口的海燕，海燕吸左椰子水咬落爆汁，成個椰皇甜品都勁好食😍⭐芒果班㦸仲有芒果班㦸，煙韌的班㦸皮包著香甜芒果肉，仲有勁多忌廉，朋友話食得好滿足，佢至愛忌廉🤭⭐心太軟最後係心太軟，即叫即焗熱辣辣，雖然唔爆漿但都好流心呀，朱古力味極濃，微甜唔膩，旁邊仲有雲呢拿雪糕，又係勁好食喎🤤賣相雖然唔算係吸睛打卡類型，但味道真係無敵，全部都係勁好食！實力派甜品店😆唔怪得不斷有食客入黎啦，好受歡迎喎。

甜聚雪花冰甜品屋 (太子)太子花園街211A號地舖1. 海燕椰皇曲奇味雪糕凍糖： 海燕椰皇曲奇味雪糕凍糖是一種獨特的甜點，結合了曲奇餅乾、雪糕和凍糖的美味。這款甜點有著濃郁的椰子香氣和香脆的曲奇口感，讓人一口咬下就能感受到豐富的層次感。雪糕的口感柔滑，與曲奇的酥脆形成了絕妙的對比，而凍糖的甜度則為整個甜點增添了一絲獨特的風味。綜合來說，海燕椰皇曲奇味雪糕凍糖是一款令人愉悅的甜品，適合在炎炎夏日享用。2. 紅豆黑糖豆腐花： 紅豆黑糖豆腐花是一道傳統的中式甜品，結合了豆腐花、紅豆和黑糖的口味。這道甜品的豆腐花口感滑嫩，帶有淡淡的豆香，豆腐花的質感極為細膩。紅豆加入了一絲口感，同時為整個甜品增添了一抹豐富的顏色。而黑糖的香甜則為這道甜品帶來了濃郁的味道。3. 楊枝甘露： 楊枝甘露是一款流行於港式茶餐廳的冰品，以其清爽的口感和豐富的果味而受到喜愛。這道甜品主要由椰漿、芒果、西米和糖水組成。椰漿為甜品帶來了濃郁的椰香，而芒果則帶來了鮮甜的果味。西米的加入增添了甜品的口感層次，使其更加有趣。

一碗糖水外賣，等左15分鐘 ，一拎上手就知唔對路，個外賣碗咁迷你，居然得1／3碗！姐係2淡湯！即刻拎返入去同呀姐講，佢居然話不漏左d薑水，叫我係出面再等。然後等多陣拎出黎，今次勉強有2／3。。。費是再同佢晒口水。。。冇下次ps. d番薯有2舊黑黑地...

用餐日期：2023/11/29用餐時段：下午茶用餐費用(每人）：$59餐廳環境：環境整潔乾淨 冷氣足 室內檯與檯之間較近 人多時可能要搭檯 服務：服務員服務態度好 點菜上菜都快味道：點了宇治金時棉花冰+黑馬王子綿花冰1: 宇治金時棉花冰$60- 抹茶味綿花冰+紅豆椰果配料 綿冰頂有煉奶醬 綿花冰份量足 綿冰刨得一片片綿密細緻 外觀似一片片薄片層層疊疊在一起 賣相好 抹茶味足 不甜 和紅豆甜味很配 椰果也爽脆 綿花冰入口即溶 味道好 食到最後一口都沒怎溶 推薦 2: 黑馬王子綿花冰$58-朱古力味綿花冰+香蕉椰果啫喱配料 綿冰頂有細小綿花糖粒+朱古力醬 綿冰刨得一片片綿密細緻 外觀似一片片薄片層層疊疊疊在一起 賣相好 朱古力味道濃郁 不過甜 同香蕉椰果啫喱一齊食味道好 綿花冰入口即溶 食到最後一口都沒怎溶 推薦總結：這家老闆娘人品很好 我們大約3點到 2個人本想坐門口2人位 但她叫我們坐入邊較大座位 也可坐下點餐 點餐上餐速度快 綿花冰做的綿密細緻 賣相好 份量足 味道好 是值得推薦的好綿花冰店。提示：這家是下午3時才開門 我們沒注意開門時間早到了只好在附近走了幾圈等😆

叫左個糖不甩點知上到黎係咁嘅樣都真係第一次見。Menu 上嘅圖完全唔係呢個樣。雖然話圖片只供參考啫，但都唔係咁樣呃人嘅。仲同我講出面啲糖不甩都係咁。真係想問佢到底知唔知咩係糖不甩🙄