影片
港鐵旺角站 E2 出口, 步行約5分鐘
繼續閱讀
電話號碼
26828928
營業時間
今日營業
12:00 - 00:30
星期一至四
12:00 - 00:30
星期五至六
12:00 - 01:00
星期日
12:00 - 00:30
公眾假期
12:00 - 01:00
以上資料只供參考, 請與餐廳確認詳情
📍 甜悅食完飯之後當然要食埋甜品，第二個胃黎架嘛🥳行到門口已經勁多人排隊，跟大隊試試佢先😎甜品既種類都算多，中式糖水同西式甜品都有齊，椰皇燉蛋更加係枱枱都叫添！🥥榴槤椰皇燉蛋白配小丸子（凍）（+桃膠） $72滿滿既榴槤肉鋪喺面，榴槤嘅質地好綿密，每啖都食到一絲絲嘅榴槤😌配料有小丸子，口感煙韌，幾Q彈～嚟到戲肉係燉蛋，蛋白香濃而且勁順滑！另外，加左份桃膠，滋補一下🥳 🥣杏仁露椰皇燉蛋白配湯圓芋圓（熱） （芝麻） $64想養生既大家都可以試呢個！熱既椰皇燉蛋白奶味更加重🤩而杏仁露帶有淡淡既堅果香味，配合椰皇既椰香味，味道好夾！而湯圓同芋圓咬落Q彈，值得一讚既係芋圓真係好好食😋咬落會有甜味～🗻雪山奶凍 $42聽到個名咁得意即刻叫返過嚟試吓😍一上枱嘅時候就係一個富士山既造型🤩奶凍既奶味好香，個質地都係有彈性，唔係果啲好結實嘅質地～最出色既係最上面既奶蓋，仲加咗啲紫薯碎同餅乾，令味道冇咁膩⭐️好味指數： 8.6/10
繼續閱讀
旺角新開甜品店- 甜悅 顧名思義 食完甜品就會令人感到喜悅☺️歌仔都有得唱啦🎶「甜品使我心癢 亦期待你共我愉快分享」⍥ 楊枝甘露椰皇燉蛋 ❙ $52第一次見呢個配搭！見到個燉蛋水汪汪 賣相麻麻地？🫢問過店員原來係為左令燉蛋更滑溜 所以做法有啲唔同的確 食落係幾滑溜輕盈😆我覺得倒啲楊枝甘露落去 食落唔算太融洽但唔難食 芒果份量幾多 好彩甜度唔高😂⍥ 香蕉雪糕窩夫 ❙ $54最愛食waffle😙如果係厚身啲就更開心啦！慶幸烘得外脆內軟 幾香口 雪糕只有雲呢拿味 仲有好大pat cream🤣呢個組合實無死😌！⍥ 火灸芝士蛋糕 ❙ $46史生最愛cheesecake 🤤奶味香濃 幼滑細緻餅底雖然唔脆 但都增添左口感而且唔會好甜 食完氣脷唔會鞋颯颯🥰我地都鍾意！！⍥ 雪山奶凍 ❙ $42又勾起我既日本癮🥲奶凍賣相一百分 打卡冇得輸質地方面 我就鍾意實淨多少少😂用力啲都驚整爛呢座山面頭既「雪山」其實係奶蓋如果鹹多少少去balance下奶凍既甜就更好
繼續閱讀
♥ 招牌椰皇燉蛋白！🥥旺角創新、種類繁多甜品店♥若你已經厭倦了常見的糖水舖，不妨試下旺角的甜悅 Joyful Dessert Lab ！😽菜單上有傳統與創新甜，種類多樣，必有一款啱你口味～而招牌椰皇燉蛋白基乎每枱必叫～🥥① 椰皇燉蛋白配椰汁雪燕芋圓 $69🥥
燉蛋白的蛋白味及椰汁味好balanced～👍🏻上面鋪滿了雪燕，再加上芋圓和蕃薯圓，口感豐富～我們還加了兩粒湯圓😽② 焦糖巴斯克開心果芝士蛋糕 $58
蛋糕表面用火槍燒過，賣相吸引🔥蛋糕的焦糖味比開心果味重，整體比較甜，螞蟻人一定喜歡～中心位置比較軟和creamy，一個人吃一件會有點膩，適合與朋友分享！③ 鮮藍莓火龍果乳酪 $48🫐
由鮮藍莓和紅肉火龍果果汁組成，搭配乳酪，既解渴又健康～📍 甜悅 Joyful Dessert Lab
旺角花園街11A號地舖
.・。.・゜✭・♥・✫・゜・。.#旺角 #甜悅 #甜品 #椰皇燉蛋白 #芝士蛋糕 #旺角甜品 #旺角餐廳 #旺角美食 #旺角甜品
繼續閱讀
餐廳：甜悅地址：旺角旺角花園街四海大廈超級推介焦糖巴斯克原味芝士蛋糕配雪糕！超好食大家可以去試吓！！！！！今次試咗呢款焦糖巴斯克芝士蛋糕配雪糕，一上枱就覺得好吸引！面頭嗰層焦糖燒得金黃脆口，輕輕一敲就有「咔嚓」聲，下面係厚實嘅巴斯克芝士蛋糕，旁邊仲有一球雲呢拿雪糕，冰火交融，睇見都流口水！ 味道同口感芝士蛋糕質地好滑，唔會太實又唔會太散，入口濃郁但唔膩。焦糖層脆脆哋，帶少少焦香苦味，同芝士嘅甜味好夾，食落層次好豐富。雪糕係經典雲呢拿味，奶香十足，一啖熱蛋糕加一啖凍雪糕，冷熱交替，口感超正！ 整體評價呢個配搭真係冇得輸，焦糖嘅脆、芝士嘅濃、雪糕嘅冰涼，三樣嘢夾埋一齊食，味道平衡得剛剛好，唔會太甜漏。如果鍾意食芝士蛋糕，一定要試吓呢個版本，比普通嘅巴斯克蛋糕多咗份驚喜！
繼續閱讀
今日行經波鞋街見到有間玻璃櫥窗放滿左多款蛋糕、班戟同糯米糍，真係好吸引🤩再睇埋餐牌甜品種類有好多，真係你諗到既都有～有人氣補身椰皇系列、豆腐花、台式仙草、夏日必食刨冰系列、中式糖水、西米露等等，如果你係榴槤控呢度更加岩晒你，佢有多款榴槤主打甜品，特別推薦D24 榴槤水晶珠珠冰👍🏻另外佢有招牌雪糕窩夫賣相又靚好味🤭最有特色甜品一定要提蝶豆花富士山奶凍，賣相夠晒夢幻可以用黎打卡呃like😍而家新出左雪糕糯米糍係即叫即包，雪糕味道仲可以揀豆腐、芝麻、開心果同D24榴槤味😋座位方面唔好見佢出面得咁少位，實則內有乾坤行入少少有更多位，就算你推住一件二件行李或者嬰兒手推車都唔緊要，可以安排坐入面闊落啲😊而且地點鄰近波鞋街、家樂坊、兆萬中心，好適合同朋友係附近食完晚餐再過黎糖水直落～—————————————————————————————♦️冰糖雪耳燉木瓜（熱）：特別叫左碗中式糖水試下，木瓜同雪耳份量幾多，木瓜每舊都大大粒，另外加左南北杏味道都幾出，重點係一啲都唔甜岩岩好，絕對夠晒足料♦️鮮芒果益力多芒果味綿綿冰：夏天咁熱又點少得食綿綿冰消暑☀️本身想叫茘枝龍眼雪山，但後尾見佢係益力多綿綿冰所以試下，而家已經愈來愈少見有益力多味綿綿冰，芒果肉大大粒仲有好多舊，綿綿冰份量都唔少而且芒果味道非常濃郁，益力多既酸甜平衡芒果既甜味，令整體口感更加清新～綿綿冰質地非常細膩，入口即化🥰♦️多芒布甸小丸子（+花生湯圓2粒）：賣相幾靚芒果布甸好大個有成個碟咁大，布甸係芒果布甸入面都有芒果餡超滑溜，真係超足料💖另有花奶可以因應需要自己加，小丸子外層皮薄，口感好煙韌Q彈，食落每啖都好滿足🙈想試埋佢既湯圓所以加左花生湯圓，花生餡香味十足，湯圓外皮軟糯有彈性，不過就唔算好大粒～評分🖍️(滿分為5個🌕)抵食指數：🌕🌕🌕🌕🌑服務質素：🌕🌕🌕🌕🌕環境：🌕🌕🌕🌕🌑味道：🌕🌕🌕🌕🌗
繼續閱讀