甜品莊

營業中

休息中

陳生同朋友食完飯, 介紹佢去呢間甜品舖食甜品, 試過覺得好好食, 所以外賣買左一件 <朱古加松露餅>返黎俾我食!!WOW, 又真係好好食喎, 拍得住好多高檔甜品店!頂部亦加上一粒果仁, 外層舖上朱古力粉!食落口不單香軟嫰滑, 仲要超級有朱古力味!! 真係好好味!有機會一定要落舖一試!!

食完一個令人激氣嘅 lunch，經過甜品莊，雖然鋪面細細，但卻張貼咗好多傳媒雜誌嘅報導，一諗起頭先嘅 lunch就一肚火喇，決定點都要對自己好啲，食一個甜品安慰下自己！入到去，其實都心大心細，確實佢地有好多招牌甜品，睇落去都幾吸引，但我揀咗一個同我當時心情一樣嘅火焰雪山 希望可以幫我降一降火啦！等咗都有２０分鐘，期間好多街坊都外賣糖水，門口嘅人龍都開始出現，都幾受歡迎喎！突然燈變暗 雪山端出即點火，火焰隨之出現，不斷燒燒燒，發現有時視覺享受都幾重要 火焰停下之後就立即開動，暖暖嘅棉花糖包住冰凍嘅雲呢拿雪糕，一熱一凍，除咗好食就係好食！火焰雪山食落唔係想像中嘅甜到漏，淡淡嘅甜，令人有美好同幸福嘅感覺 相信呢個亦都係噤多女仔鐘意食甜品嘅原因，真係可以令人忘記唔開心嘅人同事 當一匙「畢」起棉花糖、雪糕同酒，因為酒精經火焰燃燒後已揮發走，留下酒香及酒味！所以食落有甜有回甘，層似都 ok，但如果酒味小啲會更好！用心的甜品店，值得我地下次再去，自己都要 bookmark低

同女朋友係青衣城食完lunch 之後，就沿住青衣海旁行下消化下，去到去翠怡商場，見到係1個咁細ge 屋村商場，居然有間小店鋪要排隊，原來係一間糖水鋪，見到門口貼晒報紙ge 宣傳，好似勁野咁wo，睇埋餐牌，完全係平民價錢，於是就排隊試下。由於內裡坐位不多，只有10個左右，但好彩流量都好快，等左15-20 分鐘左右就入得。由於lunch 都食得幾飽下，所以我地2個諗住叫1個share 就算，呢間甜品都好多選擇，搞到我地都好苦惱，最後揀左個士多啤莉白朱古力奶凍。等左一陣，個甜品黎喇，嘩..好多士多啤莉呀，Overall 份量都好足，只係"相對"奶凍比較小，因為配料太多^^， 味道岩岩好，有奶味得黎又唔會太濃，食完都好refresh 下，加埋小小士多啤莉醬，味道更加豐富，絕對值得試下下次會再encore 呢間，但可能試下其他，因為見到隔離table 食緊柚子沙冰同法式燉梨，沙冰好大份..而燉梨好鬼香，仲有下次要1個人食1個甜品先!!  

其實我是經常來甜品莊買外賣的，店家很近我的家。近來又口淡淡走去買外賣，不如一次過把我吃過的甜點寫出來。法式焦糖燉蛋焦糖皮很薄很脆，燉蛋很香濃很滑，甜度準繩。這個我吃了起碼3次。就是因為這裡的燉蛋太好吃，令我愛上了這個甜品，我還專登買噴火槍，在家跟著網上的食譜弄了幾次法式焦糖燉蛋。椰汁西米露夠凍夠甜，西米份量爆多，清心滋潤。紅豆揶汁西米露紅豆不夠綿，份量不多，但紅豆香佈滿整碗西米露。鮮芒果牛奶布丁芒果份量足，看著也會高興，布丁味道不太特出。3.6牛奶焦糖布丁奶香濃郁，焦糖份量剛好，不會蓋了布丁的蛋香。賣相很漂亮啊。藍莓芝士餅芝士餅口感結實，十分喜歡。芝士味道夠清香，藍莓醬可以用爆多來形容，十份抵吃。個人喜歡三角形的蛋糕賣相，多於四方形。找機會再多試其他五六款，之後又再寫食評，yeah~

飯後和男友結伴到青衣海滂散步 秋意漸濃的晚上 微風迎面吹來 好不寫意 一路走著 不知不覺走到翠怡 就吃一碗甜的才折返吧走進翠怡商場 始知小店位子才不過十餘個 加上周六的關係 難怪店外出現一條小人龍 我們排隊的期間看見一對夫婦氣沖沖的離開 事情大概是門口下單的姨姨語帶教訓地告訴他們某些產品不作外賣我猜姨姨是沒有惡意的 但那咄咄逼人的說話的方式確是讓人卻步當我們面前還有四、五人 她已"告訴"我們「諗好食嘜喇/依家要即刻落單架喇」etc其實只要稍稍的改變她的態度 也就大家開心吧說到底在這地段 做的主要還是街坊生意 口硬是很重要的排了大約十五分鐘才能內進點了心太軟伴綠茶雪糕($40)和呍喱拿雪糕杏仁豆腐($22)因不是很多地方會做杏仁豆腐 所以有的話我多數會點這兒的杏仁豆腐 滑是滑 但幾乎嚐不到杏仁味 吃下只像一個甜度十足的豆腐布甸 頗令人失望 等了又等心太軟終於上場 急不及待弄穿蛋糕 見流心度對版 吃一口發現朱古力味濃郁 味道不會過甜 讓人一口一口吃過不停可是伴來的綠茶/呍喱拿雪糕卻不爭氣 除了味道十分平庸 還有些冰粒在內 實在扣分快快吃完之後就讓坐給外面的人了如果有天我非常想吃甜品 我會回

左鄰右里,幫襯下鋪頭仔.叫左個焦糖香蕉班戟雪糕.焦糖有苦味同怪味(塑膠味),班戟有四,五塊,size同味道同豆沙餅塊皮一樣,重要又硬又實.果一球雪糕球明顯係牛奶公司出品.除了香蕉正常,其他都五星難食.盛為$40元

今天午飯時間仍然放晴，可是下午卻突變風雲下起大雨來，時晴時雨兼且掛上了三號風球。縱使如此，在下還是去吃個甜品再算吧！今趟又來到甜品莊，再試過它的屋苑甜品。其實在青衣區裡沒有很多甜品店，上次試過都ＯＫ，不妨再試一次吧！今次試卻是另一甜品，從牆上甜品海報加上桌上的甜品餐牌，款式都不少的，可是還是要研究一下，最終都要在桌上餐牌揀選。抹茶雪糕配綠茶味奶凍，基本上是同一味道的，抹茶味雪糕散發著微微的抹茶味道，但不太濃亦有點甜，而綠茶奶凍卻牛奶味道十分之重，掩蓋了綠茶的味道，只有輕輕的和微微的綠茶散發著，沒有太強的綠茶味道，而紅豆可算是煮得很腍，也見粒粒分明。倘若抹茶及綠茶可以強一點的話，整體都是不錯的，可是兩者卻只有微微的味道。

7-6-2013(五）是日晚上，在媽媽家吃過晚飯後，一個人外出想找些甜品吃，只想到 甜品莊 ； 想到三月時曾吃過不太好，有點卻步，但這些又不想離開青衣區，噢！沒法子，再來一次甜品莊，希望它有所進步吧！點叫了一客朱古力心太軟配芒果雪糕。心太軟焗得剛好，用叉子把它分成兩份，看見其流心程度理想，吃下一口，熱燙燙的朱古力漿，夠濃郁；而雪糕則是普通貨色，但口內一䁔一甜的感覺，真的很暢快！吃完心太軟後，覺得還未夠喉，於是再點叫一客芒果沙冰。這個真的很棒，大大的一杯，份量可說多得深不見底；芒果味濃郁，鮮甜可口，沙冰有點像雪糕的質感，冰冰涼涼，消暑第一！比上次進步！

食完晚飯經過，同男朋友諗住望下有咩食，諗住買個糖水返屋企邊睇電視邊食，我男朋友入去點左個芒果西米露，25蚊，比左100蚊佢找，我男朋友得24蚊，答佢話無，我就話我好似有，10秒內我已經拎左出黎同佢講話有，個女人黑晒口面一句＂得＂埋黎話；唔洗啦！跟住由於間鋪好細，佢想行過我地企緊個位，唔該借借都無聲，剩係用手勢示意！已經覺得佢好不知所謂！咁我同男朋友出門口等，野食好快有，個女人拎出黎，啤左我一下，再一個黑面隊比我男朋友，多謝都無句！食糖水本來係件開心事，雖然好少事，但成個經歷超級不滿，我地都覺得就算幾好食都唔會再幫襯！何況麻麻地！我回家路上話我會開個戶口幫佢寫個食評！！！

回家後休息一會兒，上回吃吃過 Brunch 之後，有點肚餓，卻又不想吃得太飽，於是在青衣尋找一間可以吃小小東西的地方，後來找到這間甜品店。這間甜品店標榜是五星級甜品，或許會好一點吧，就來試試看。這裡的精選有凍檸檬汁梳乎厘和凍杏仁豆腐，於是在下點了一客紅豆杏仁豆腐不一會豆腐已經來到，紅豆在雪白的豆腐上像是白裡透紅一樣，而紅豆亦粒粒軟硬適中而有嚼勁，豆腐非常幼滑，而不需咀嚼，唯豆腐裡杏仁味道較薄弱。然而倘若加上椰汁，相信會較香濃。店子小小，卻只能坐上約十名顧客，而服務就一般而言。

最近又去甜品莊食甜品，已幫襯咗2年，一向都好好食，但近幾個月去食發覺不但service差，連食物水準都下降。先講service，以前老細會親自安排座位和落單，仲會跟食客傾幾句，睇下有咩要改善。如要食熱梳乎里，會叫食客半個鐘前打電話去預訂，去到時就即刻有得食。可是上個月打電話去落order，佢地話煩忙時段唔做，只係下午無乜人嘅時候至做。其實呢款甜品好多人食，都係因為好食至黎，有啲人仲係山長水遠黎食。當職員咁講時我已覺得呢度換咗老細，既然食唔倒梳乎里就食第二樣。去到時好多人排隊，職員好似好有系統咁喺門口安排座位(當時職員有幾個，全部未見過)，當輪到我地有位時就安排坐低和落單，但態度有啲差，唔似以前啲咁有禮貌。呢次之後到前幾日再去幫襯，不但service差，連食物味道都不知所謂！一向食開嘅蛋白杏仁茶係我食過最好食嘅，好香杏仁味，落order時即刻加蛋白煮，真係好好食。但今日再食時簡直似一碗加咗少少杏仁味嘅熱水，淡而無味，清澈見底。另外order咗焦糖香蕉pancake，啲pancake太硬，似餅乾，焦糖有苦味，連舊雪糕都唔夠creamy。換咗老細後越來越差，對呢度好失望，唔會再幫襯！

18-3-2013(一）上星期三，因休克暈倒在地上，弄至左臉脥撞瘀了點；肚子又再度發作疼痛，又屙又嘔，於是在家閉關數天，每天都是上網吃粥睡覺，心情極度低落，看來真的要吃點抗抑鬱藥才能排解。是日晚上，見面色稍好，於是返回媽媽青衣家吃晩飯。吃罷，一個人去了翠怡商場吃甜品，希望吃些甜品，能甜入心扉吧! 今晚門外有很多人，要等候入座！此店在青衣頗受歡迎，因其標榜是五星級酒店的甜品，夜晚的人流很旺呢! 等了20 分鐘才入座 我叫了一個檸檬汁凍梳乎厘。在一般甜品店，吃的梳乎厘，外層多烘烘得杰身，而內裡則軟綿綿。這個顯然是想玩新款，加入檸檬汁，但賣相及味道卻是不文不類。當店員把它端上桌子後，看見它的外貌，感覺像布甸多於梳乎厘，其個子不大，不夠十口便可把它吃完；用匙子把上層撥開，整體質感都算軟綿，但吃下一口，卻是怪怪的，又說是凍梳乎厘，莫說是冰凍感，就說一點涼意也沒有；沒有蛋味，應與平常吃慣的梳乎厘不同，但它取巧叫梳乎厘而已；平常我喝慣熱檸茶或熱檸水也無需放糖，因本身能抵得一定的酸度，可是，這個檸檬汁的酸度真的非一般，入口非常、非常、非常酸，我真的喝慣酸飲品也抵不住，為甚麼他們不多放少許糖，而

由於相約朋友在青衣敘舊，晚飯後朋友想吃甜品，於是便特意去光顧！本人由它開張光顧很多次，認為它雖然店子小，但勝在有誠意及有人情味！不過現在今非昔比，我沒有光顧四個月，不但水準下降，而且誠意及服務態度也消失了！由於我是心太軟迷，便選擇心太軟。不知道是因為有八個心太軟order ，所以水準下降？？我看到隔離枱的四個心太軟及自己和朋友的心太軟都是穿左，整到爆左已經賣相欠佳，不但如此外層的朱古力蛋糕是很難切開和唔熱，內裏更是沒朱古力獎，我一度懷疑我是在吃心太軟，這是我吃過最不能接受的。另外，我和朋友一開始坐下便被“吹落單“，我們很有禮貌說被些時間，不過不消一分鍾又“吹“！最後，吃完又立即明示我們結賬。唉！心淡，我想我不會再光顧了……

絕對同意那一個劣評！態度真係超級差！！而野食都只係普通！可能我冇食其他食家寫個D大堆頭DESSERT， 我只係叫左芒果奶凍，法式燉蛋同黑糯米芒果腸粉。（我唔係好記得D名係咪完全正確！）初初發現呢間野時好開心！因為佢門口貼晒雜誌報導，以為有間隱世甜品店咁近屋企可以成日幫襯 （本人岩岩搬屋），點知！！我之前外賣過個木糠布甸，勁多木糠， 食到成口都係完全冇布甸我都諗住畀多次機會佢！點知今次堂食之後我決定以後都唔會再幫襯！首先， 我地坐得好近收銀， 點知張“鄧”係咁俾D職員踢到！踢到直頭要坐過隔離位避佢地！間鋪咁細我地坐得佢地咁近當然有出聲話，做咩事成日踢張“鄧”， 佢地無一個人有講聲唔好意思，係零反應！ 直到我地寧願逼埋一邊坐， 掉空個位佢地都冇人有反應！！之後落單， 因為MENU有相， 我地就指住張相話：要呢個唔該。個女人眼都冇望一下就係咁問， “要咩野？”我地再指， 佢再唔望又問“要咩野” 重要態度愈來愈差。但我想話佢地D 相冇字寫係下面，又唔係有條線痴住個名！！我地想食芒果見到咪點， 都唔知係芒果布甸，芒果奶凍，定咩野即！！！！駛唔駛咁？好！講下D野食個芒果奶凍只係合格， 如果佢話自己

由於係附近上班既關係，放工經常去呢度食甜品呢度甜品既選擇不多，但有誠意而且價錢合理每次我都會ORDER呢度既朱古力松露餅，習慣了一小份一小份很珍而重之地品嚐，放入口先品嚐到面層苦澀可可粉既味道，然後係濃郁既松露朱古力，幼滑的，係口腔慢慢溶化掉，心也跟著溶化了，實在超級美味 推介!!!但有一點要留意，由於太濃郁既關係，最好係兩人share，獨食就會太漏啦