甜品工房

與老友飯聚後，甜品作完結係必然的。行過厚福街，見到甜品工房，走入去試一試。紫醉之迷是我選的，最喜歡粟米脆脆片與雪糕一起吃！有甜有咸！正朋友S吃的是芒之仲夏，有點中伏，太甜，雪糕很快溶。而朋友E吃的是朱古力窩夫，窩夫熱熱的！好味！加上cream 一起吃，該是食窩夫的最享受方式！不過不失是對甜品工房的評價，下次...或許再幫襯的。…查看更多

我發現一樣好奇怪既事情..每次我回泰國時... 我都好似有10個胃..一日可以食到好多餐... 我親戚陪我食到中段都頂唔順.. 之後... 佢就會帶我去食... 但佢地只會做陪坐睇住我食...今次..佢地黎香港... 情況亦都一樣...但係調返轉..佢地有10個胃... 我做陪坐話說... 泰國人既打邊爐係唔好食既~~所以佢地每次黎香港... 都一定要打邊爐...每一個人食到反哂艇...咁我就送佢地返酒店...係路程期間... 我呀姨同我講....我好餓... 但差緊D野..... 食埋糖水就岩岩好.. (其實差唔多已經12點鐘)咁我就搵係酒店附近有無咩糖水店..見到甜品工房收1點...所以就帶左佢地過去試試...我地睇左餐牌好多次...其實呢到甜品款式唔係話好多種類但心諗.. 款式唔多~但中左樣好食都ok la~葡萄之戀巨峰提子為題既甜品一上枱望左眼已經覺得好好食有琉璃珠、香芋雪米糍、小丸子、美國提子、鉋冰巨峰提子琉璃珠好有口感鉋冰淋滿濃濃既巨峰提子醬.. 每口好似飲緊巨峰提子汁咁樣小丸子"in in" "un un" 好有口感Rose Tea呢個茶正常...但唔係好明點解配oreo 餅乾..感覺有點格格不入而呢個綿綿冰我就覺得味道一般..唔太大驚喜…查看更多

今晚突然勁想食甜品，咁啱經過厚福街，咁就順便睇吓有冇甜品食，咁啱就見到哩間「甜品工房」座無虛席咁，即刻 OpenRice 吓有咩好西食。睇咗輪Post 就決定排！隊！先！講！ - 葡萄之戀（$54）試咗啖，真係好葡萄，好巨峰㗎！啲水晶珠勁重巨峰味咯，好似飲緊支巨峰提子汁咁；啲葡萄都幾甜吓𠻹；小丸子好煙韌咯；仲有香芋味雪糕嘅丸子。推薦！必食！ - 芒果西米露（$36）芒果西米露都好正咯！基本上成碗都係芒果，啲芒果仲勁甜，唔咪普通嘅芒果西米露。…查看更多

香港嘅甜品舖開到成行成市，而且一個甜品嘅價錢分分鐘拍得住一個lunch，甜品通常好多堂，其實唔太健康，對我來講食甜品可能係一個同朋友繼續傾計嘅落腳點，或者係真係有啲好特色嘅甜品要去試。係尖沙咀食飯，好多餐廳都會入咗起計時，食完之後唯有再去甜品店傾計，朋友話去食甜品工房，天氣凍凍地，就叫左熱嘅中式甜品食。腐竹銀杏薏米配心型蛋＄32一上枱見到碗野起泡嘅，真係驚驚地，食落去我覺得過甜，好少腐竹薏米，唔係好足料，個味道有啲artificial ，而且隻心型蛋一啲都唔似心型，而係俾人夾硬窩左一拳咁😑而且煲得好熟，個蛋黃太老。日式紅豆豆腐花＄39朋友叫嘅，仲要冇得揀熱嘅，天寒地凍真係冇乜選擇，都係過甜，啲丸子比想像中冇咁煙韌太粉。…查看更多

Happy friday night食完dinner緊係要食埋甜品啦。去咗依間食。8點幾啱啱夠早唔使等位。甜品花款都多。有軟雪糕新地奶凍中式糖水綿綿冰同什麼什麼之戀之吻系列。。。因為係得獎系列。所以揀咗依個藍莓味。賣相不錯。面頭有啲好似膠膠哋嘅粒粒。無乜味。有少少芋頭味糯米糍有啲巨蜂味啫喱同廿粒藍莓仲有一大舊冰淋咗啲巨蜂味汁。夏天食應該一流。但因為冬天關係。越食越凍同舊冰佔得太多另外叫咗個抹茶味。都係有芋頭糯米糍。有丸子。紅豆配抹茶冰(Mingorr唔鐘意依個配搭。唔好default咗啲人鐘意抹茶就接受到紅豆)但佢依個甜品無錯抹茶配紅豆應該有中和作用。所以唔會太甜食到好漏。同樣舊冰都係太大舊。總結依個系列唔係道道食倒。雖然覺得一般但係都可以一試的。份量都算多。環境都係同大部分糖水鋪一樣啦。逼到爆炸明白做生意講求成本效益但仍然希望有坐得舒適嘅甜品店。…查看更多