甜匠

營業中

休息中

仙草芋圓完全唔掂☄️伏到爆！！！🔥🔥🔥comment好似講到好都幾好咁就諗住試吓叫咗仙草系列嘅其中一個裏面有仙草，芋圓，白玉，紅豆用涼粉扮仙草（呢個真係唔得）擺明求其放咗幾舊涼粉落去用涼粉嚟墊底扮多芋圓成嚿粉同冇味番薯芋圓冇番薯味白玉又未煮熟又細碗 放又放得衰返到屋企成碗水流晒出嚟咁就$42離晒大譜 唔好求其比幾個comment呃咗仲咁多人去買買完見個兜野咁嘅款真係喊出嚟馬鞍山冇嘢食 都千祈唔好食呢間：（

甜匠芒果千層拿破崙玉桂蘋果金寶桂圓白雪 桂花愛玉價錢💲: $48/ $50/ $48好味程度😋: 4/5服務🍴: 3.7/5環境🗾: 3.4/5 (得好小枱)性價比🥢: 3.4/5回頭率😚: 3.7/5-上幾篇介紹過馬鞍山的平民高質燒味茶餐廳，今次就講下係附近的甜品店，都係馬鞍山頗出名的小店來，入面得幾張枱，上次星期日晚去都等左多過30分鐘🧐 證明美食沙漠幾需要一間甜品店。-✅芒果千層拿破崙。正常發揮的一道: 拿破崙鬆化酥脆，一吉就會散的蓬鬆度。舖左的吉士唔會好甜，🥭清甜，唔洗呂宋芒個D的感覺，但一啲都唔酸😌 加埋新鮮的芒果汁，成件事更加芒果😂 旁邊仲有舊芒果雪芭，天然的芒果味，真材實料的感覺🥰-✅玉桂蘋果金寶。鐵pan上碟，確保可以保持溫度😬 下面係切粒的肉桂粉蘋果，味道好淋甜，而蘋果同肉桂絕對係perfect match!上面的金寶碎碎好多，充滿牛油香，帶脆脆口感。最頂仲有一球雲尼拿雪糕，雪到號冰，唔會好易溶，撈埋一齊食就會有冰火交融的感覺啦😝 呢個甜品要好食，最緊要夠熱，呢到就做到啦😆-✅✅桂圓白雪 桂花愛玉。呢個最驚喜！底下的桂花愛玉好清新，滑嘟嘟🤓 有煙韌的小丸子係愛玉中增加

甜匠 (馬鞍山)烤海鹽玉米片$55玉米片上面有好多棉花糖，再加埋朱古力醬，好好食，仲有個雪糕球，一冷一熱，入口即溶，正!😚😚海鹽牛奶拖肥伴香蕉$68窩夫好香脆，仲配埋香甜的香蕉及雪糕，好惹味，上面仲有脆脆粒❤️❤️下午茶 蜜桃冰果茶 +$10夏天飲係消暑解渴，推介🥰🥰整體評分：5/5味道：5/5抵食：5/5環境：4/5地址：馬鞍山鞍祿街18號MOSTown Street 新港城中心大街(2期)地下12-13號舖

又黎食我最喜歡的💚·京都宇治林青川🍵入面超多餡抹茶蒟蒻 紅豆粒 小丸子 手工白玉 西米樣樣都好有咬口 包你樂而忘返如果你係煙韌鐵粉 你一定要食呢個💚💚💚💚💚💚💚

今日去咗馬鞍山搵朋友，然後行過見到呢間甜品舖非常吸引！！同朋友叫咗一個玉桂蘋果金寶同埋朱古力窩夫👍🏻👍🏻🤩呢個玉桂蘋果金寶一上枱已經覺得非常吸引，而且呢個雪糕都做得非常好食！至於朱古力窩夫亦都冇得輸，脆脆嘅窩夫，再加埋朱古力醬同埋朱古力雪糕！！真係會食上癮！

朱古力味好濃唔假 窩夫幾特別 似穀物麵包既感覺 但係我唔太識分係發酵味定其他味 唔係普遍蛋香味個種 食落唔錯 醬唔會擠好多落窩夫上面 唔洗怕太甜 士多啤梨同藍莓都唔酸 下次再黎會食店員好nice聽到隔黎枱話芝麻糊好食 唔係用粉溝 我冇得食就唔知啦 淨係知好香

美食沙漠的一間隱世新式甜品店店舖雖小，但五臟俱全。一入到去充斥著甜甜的味道，是文青打卡的好地方。下午四點的人流不算多，是吹水一流的好地方。已經食過兩次，有機會都會再黎。第一次食甜蜜烙印 可可（$52）內有巧克力黑棒〰️棉花糖〰️布朗尼.〰️雲石脆片〰️巧克力雪糕非常多的層次，食落每次都有新的口感。相信朱古力迷一定會喜歡🍫。整個甜品的甜度適中，唔會太甜，亦唔會太苦。食完一個都唔會太膩，岩岩好。薑湯紫薯 雙圓（$40）內有芋圓〰️地瓜圓〰️紫薯〰️小丸子〰️紅豆粒 整碗都非常有口感。非常喜歡到處食芋圓的我。呢間的芋圓、地瓜圓唔錯，煙煙韌韌唔會太淋，唔會中間太硬。整體來說，是一間唔錯的甜品店，有機會再試試其他甜品。

依間位處美食沙漠馬鞍山嘅甜品，算係我喺馬鞍山最鍾意嘅甜品舖。疫情前大約2-3星期就會食一次，只係疫情關係，已經好耐無去過食，難得今晚心血來潮，想去回味下，點知食外賣就出事😰叫咗焦糖香蕉窩夫，用外賣糖水碗分開窩夫 同 雪糕+香蕉🍌，依點都幾好，起碼雪糕無咁快融… 但發現2塊窩夫都燶咗，比以前食深色好多，無小麥香仲有燶味(懷疑係果3個店員掛住傾計無睇時間😢) 而且食落仲見到粒粒未融晒嘅白糖，咬到一粒粒咁..最後佢有2塊窩夫，而得上面果塊有醬，啲醬又唔係多，所以下面果塊係乾啃，又燶又乾，最後都食唔晒😕不過佢啲香蕉同雪糕仲係正常味，係件窩夫出晒事囉😟 可能有排都唔會想去再食喇…

費城奶酪半熟口感，桂花雪梨清新零罪惡感😛——現烤半熟費城奶酪 ($55)奶酪嘅口感似芝士撻入面嘅餡。味道濃郁，好香😋加埋酸酸地嘅紅莓乾/粉，食落唔會太甜！牛奶雪糕都好食！半融嘅狀態加買奶酪一齊食，正👏🏻不過食食吓會覺得有啲膩。🈯️推介指數: 🐥🐥🐥🐥 (4/5).冰糖雪梨桂花雙圓 ($38?)芋圓同地瓜圓兩樣齊嗮，仲有啲小丸子😋不夠我覺得個主角唔係佢哋，而係雪梨同桂花！冰糖水充滿住桂花嘅幽香🥰加上雪梨嘅清新😉咬落仲係爽脆的！如果糖水再減多啲啲甜度就perfect！🈯️推介指數: 🐥🐥🐥🐥🐣 (4.5/5).‼️終極之評分‼️✍🏻味道: 4.3/5✍🏻抵食: 4/5✍🏻環境/服務: 3.7/5——📍甜匠馬鞍山鞍祿街18號MOSTown Street 新港城中心大街(2期)地下12-13號舖

食完飯要去食個甜品先開心今次去左呢間餐廳食我揀左朱古力，朋友食抹茶甜品份量岩哂食飽飯去食而且口感豐富入面有好多材料，例如棉花糖、脆脆、雪糕等整體評分：4/5味道：4/5環境：4/5

🏜沙漠下午甜品🏜️推介指數 ❤️❤️❤️❤️🤍小店於新港中心外，行3分鐘左右到達，位置方便。打開menu最深刻說明不限用餐時間，要知道香港唔少食肆限時60-90分鐘，甚至40分鐘呢！點解呢？咁有無最低消費？一齊源於人情味：明白食客們相聚嘅重要性，應該享受同被尊重；300呎只有18個座位，希望食客支持小店付出同努力，人均消費僅HKD30；不可進食外來食物好好享受店舖食品。🧇午後。花果茶 HKD68 ✨窩夫仲夏野莓：外觀都幾豐富，有野草莓、草莓汁、紅桑子碎、鮮奶油同乳酸雪糕。窩夫食落內軟，配上雪糕或者奶油甜度剛好，而奶油質感滑溜，草莓同藍莓亦鮮甜。如果窩夫外層脆一啲更好！✨玫瑰花草本茶：食完窩夫飲返杯紅茶花茶感覺消膩。✨下午茶時段任何窩夫配花茶都係HKD68，加HKD10可以選擇冰果茶，價錢親民！🍵京都「宇治林」青川 HKD45✨甜點內有西米、小丸子、抺茶蒟弱、紅豆粒同手工白玉。糖水底抹茶味濃郁但無丁點苦澀，加埋配料一齊食有咬口又煙韌，整體甜度適中。食物 ❤️❤️❤️❣️🤍環境 ❤️❤️❤️❤️🤍服務 ❤️❤️❤️❤️🤍.··🏠 甜匠 (馬鞍山)📍馬鞍山鞍祿街18號MOSTown Street 新港城中心大街(2期)地下1

又黎最愛既芋圓日🍡•黑糖仙草 雙圓 [ 芋圓 地瓜圓 仙草 小丸子 紅豆粒 ]芋圓 地瓜圓 小丸子成碗都煙煙韌韌 好有口感 仲有埋一塊塊爽身仙草我都好鍾意食紅豆粒配埋黑糖糖水底 成碗都好好味好滿足呀♥️

喺馬鞍山有間良心甜品小店，裏面有個窩夫餐🧇幾抵食，60蚊就有一個窩夫🧇同埋一杯花草茶☕️。於是我同朋友去試咗左兩個口味！-⚠️不過大家要注意，餐廳位置唔多😗，餐枱只係得八個位，如果唔係就要坐Bar枱高椅。-🍴巧克力窩夫餐🍫🧇($60) - 包括左棉花糖、杏仁片、巧克力汁、鮮奶油、巧克力雪糕。雪糕嘅朱古力味幾濃🤤，而且唔會太甜，配埋窩夫食幾好食😋！-🍴宇治金時窩夫餐🍵🧇($60) - 包括有紅豆粒、燒白玉、玉米片、鮮奶油、抹茶雪糕。雪糕🍦一入口比較Creamy，慢慢食到抹茶🍵嘅甘味！燒白玉🍡甜甜哋，煙煙韌韌，幾好食👍🏻！可惜紅豆粒偏硬🤭，如果可以軟身啲會好啲。 -🍴蜜桃冰果茶🍑(+$10) - 因為依兩杯嘢飲係冰果茶系，所以要加$10。依杯果茶有真嘅蜜桃🍑，可以見到係真材實料💛！而且飲落蜜桃味亦都好出🤤，茶味亦唔會被覆蓋，好飲👍🏻！-🍴冰匠烏龍茶🥤(+$10) - 烏龍茶味道好出，而且超級回甘🤩，都好好飲👍🏻！

介紹過不止一次既·京都宇治林青川🍵成碗爆哂料 : 抹茶蒟蒻 紅豆粒 小丸子 手工白玉 西米如果你同我一樣都好鍾意食啲有咬口又煙韌而又唔想太甜既話絕對要試試呢個💚🍵🍵

甜蜜烙印 可可🍫如果你係朱古力鐵粉請點呢個試下綿密綿花糖上有濃濃朱古力雪糕🍧中間有我鍾意既布朗尼寶物尋歸底 底層有巧克力慕絲同棉花糖仲有雲石脆片多重口感朱古力迷你會好鍾意🤎🍫