甜之戀

營業中

休息中

三色芋圓西米露同芒芋2號，椰汁香濃、芋圓煙韌，加埋新鮮芒果同爆爆珠，口感層次豐富。窩夫外脆內軟，配焦糖醬甜而不膩，幾有水準。價錢合理，有中、大size揀，啱晒放工後醫肚。隔離有少少位置可以坐低食。

今日同屋企人食飽飯之後突然之間又口痕行經秦石街市既甜品舖買咗佢嘅焦糖窩夫食佢個焦糖醬同埋忌廉好好食佢個忌廉夠滑，夠甜真係幾好食可惜嘅係今日個窩夫有啲淋咗可能因為整完焗住咗但係個窩夫本身個蛋香都好食如果佢脆身多小小更加好

夜媽媽想食糖水，就去附近街市嘅甜之戀買2碗外賣試下。呢度嘅價錢唔算話特別平或者特別貴，正正路路咁，而品質都算唔錯。手工三色芋圓西米露西米露嘅西米爽口淋滑，唔會一pat pat又唔會太硬，椰汁嘅味道香濃，芋圓口感軟糯有咬口。，整體配合十分之好。多芒芋圓系列嘅芒果1號其實就即係手工三色芋圓西米露之上加上芒果同埋爆爆珠，芒果夠甜，唔會熟到爛又唔會生到硬。另外西米露同芒果夾我知，但原來配埋爆爆珠係咁過癮。咁樣配埋一齊都幾好食。呢度嘅糖水分左兩個size，有中同大，價錢相距大概6蚊左右為食嘅我當然係叫個大啦。🤣🤣🤣

正呢個天氣啱曬，即刻解熱，原來可以改用杯裝住用飲管啜，味道酸酸甜甜我仲意，價錢都唔貴，好過飲奶茶，下次試吓桑寄生蛋茶同番薯糖水，見都好多人食熱野，夠曬健康😄😄

幫襯幾次，初初啲凍食唔凍，近期已經有改善。不過對食材既認識比較差：叫密瓜涼粉，密瓜變哈密瓜，大佬顏色口感都唔同；涼粉就俾仙草，幾次都係咁，係唔識分涼粉同仙草，定係仙草當涼粉？

收工買左芒芋2號食，個底就揀咗仙草底，啲芋圓係鋪頭自己人手搓，夠哂煙靭好食啲仙草好滑，入面啲芒果夠哂甜好新鮮，不過中碗吾夠食，建議買大碗都係加$7下次再黎試其他糖水食

食過幾次，凍食嘅糖水全部都唔凍，連檸檬愛玉都係唔凍，要自己返去雪多兩個鐘先夠凍。佢賣到好似車仔糖水咁，但配料款式選擇唔多，凍食嘅芋圓糖水，佢永遠都係冇凍嘅，幫你倒啲暖或者熱紅豆/芝麻糊嗰啲落去。其實佢接手上一檔糖水店嘅舖位，齊晒架罉，唔明點解大熱天時唔雪凍糖水。冇凍糖水，情願去七仔買汽水lu