甜一點

營業中

休息中

琴日同女朋友喺旺角食嘢，行過女人街， 新開咗間粉紅色店 裝修都幾靚， 中午可能好早， 得三枱客，同女朋友入左去食中午， 仲可以坐打卡位影下相 ，原來開咗三日， 啲嘢都幾好食仲有all day breakfast, 我哋叫咗兩個 ，我叫咗個Angus beef burger， 我女朋友叫咗個smoke salmon， 到嘅時候超級壯觀， 隻碟已經好大， 爆碟咁多全full， 有9款嘢食， 食完女朋友話想試下啲甜品 再食埋最出名嘅窩夫， 新鮮做出嚟仲熱辣辣， 超靚 超級好食

星期六，約咗阿女出嚟食飯，食完飯嚟咗呢間新開嘅糖水舖食嘢，見佢環境幾靚， 係我最鍾意嘅粉紅色 ， 環境舒服，裝修應該花咗啲心機 。都好耐冇食過糖水， 睇下餐牌， 都係鍾意食返啲傳統糖水 ， 簡簡單單就叫咗雪耳木瓜紅棗糖水同埋綠豆沙，味道都幾好。同阿女傾下偈，食下嘢， 配有少少音樂，都幾舒服。食物簡簡單單， 難得坐得舒服， 下次會同朋友再嚟食下野傾下計。就快冬天 ， 仲同老闆吹水建議如果可以有更多熱食嘅糖水會更加之正， 老闆都好好傾。