甜一刻

營業中

休息中

約Friend食完個飯就梗係要直落食埋個甜品，滿足埋身為女仔既第二個胃，同埋分享啲沒完沒了既八婆野架啦。正餐要黃，甜品都一樣要黃💛，走左去深水埗福榮街依間甜一刻，舖頭咩甜品都有，有傳統嘅中式糖水，薑水湯圓，又有啲細路仔野，香蕉船，綿綿冰咁，佢個招牌係心太軟，但因為同朋友都麻麻朱古力，所以我就叫左個木瓜燉雪耳，朋友就叫左個法式焦糖燉蛋配雪糕。本身以為係普通野，點知送到黎真係好驚喜，佢畫左幅畫出黎啊！！！（不會忘記！）跟住再睇埋人地隔離枱個啲，原來幅幅畫都唔同架，會唔會太勁啊！野食有質素，心地又善良，唔係唔幫襯啊💛

同朋友食完飯一齊黎個甜品時間,最後黎左甜一刻閒日黎唔洗等位,職員好快拎左餐牌比我地,我地都好快咁睇下餐牌,好快咁揀好左幾樣甜品第一道黎到係糯米糍細細粒咁,裏面包住芝麻餡,唔太甜,外皮口感煙煙韌韌咁,幾好食朋友個香蕉船都到埋,賣相好精緻!!雪糕同香蕉味道都好夾!超好食!之後係益力多雪花冰出場,個賣相都唔錯,食落唔太甜都幾順口,有陣陣益力多味最後紫薯芋圓西米露都黎埋,我揀左凍ge,好大碗,有成球紫薯薯蓉係到,好抵食,椰奶味好香,西米就林左少少,整體幾好!

💛被飲食業影響發展既藝術家💛深黃食店😌榴槤天堂😂好多唔同既種類揀，而且味道超濃☺️為咗佢個3萬thx 等咗半個鐘🥱 不過本身冇expect 佢咁靚，所以等幾耐都有賺😂餐廳入面又會冇啦啦有人大叫口號🥰所以係入面食野都係食得好舒服😝-🍍 #榴槤脆𥖁杯 🍍 ($58)有個超濃既榴槤球係上面🤤全部都係D24榴連🤤仲有d小丸子比你溝淡少少榴連😝仲有新鮮焗起既正方形麵包🍞好脆口🥰.🍫 #心太軟 🍫 （$48）我最中意既甜品😛 一凍一熱無敵口感🥱而且超流心，一切就流晒出嚟😝比起坊間既心太軟好食🖐🏻加埋幅畫,真係收過百都抵玩☺️總結來說 大家有機會去教訓下😌-🎈 長沙灣福榮街218號美居中心62號舖地下平均傷害：$50好味值：6.5/10...

今時今日要食甜品，比以前要行多一步，諗深一層，一定要搵一間Yellow-Heart的「良💛甜品」係手足們FC過嘅，先好去食！呢一間「甜一刻」 嘅門面同埋餐廳裏面嘅裝修都夠曬yellow，信得過。芋圓配湯圓西米露，溫度唔係好高，容易入口，湯圓係芝麻餡個皮煙煙靱靭，一咬個湯圓芝麻就洶湧而出，芝麻味道好濃郁，芋圓都幾好味，西米都好滑。芒果沙冰，芒果係用呂宋芒果，個沙冰打得好細滑，飲落口好凍，味道天然純正， 有芒果味又唔會係好甜嗰種，飲完唔會話口渴。各有各做，大家都要加油！

晚飯過後總要食甜品先算係有個完美既句號，睇一睇黃店指南就俾佢顏色豐富既餐牌吸引左。可能時間尚早既關係，一去到不用等位，但甜品種類眾多，最後點了一個雪糕雞蛋仔系列的曲奇天地及榴槤系列的榴槤紫米露。等左一陣，榴槤紫米露率先上台，有一大球榴槤肉在椰汁紫米露中間，配料還有小丸子，荔枝肉等。紫米露同榴槤肉味道幾夾而且榴槤非常香甜，足料，小丸子煙韌彈牙，荔枝肉亦新鮮，整體口感豐富。雪糕雞蛋仔係即叫即整，所以都等了１５—２０分鐘。雞蛋仔外脆內軟粒粒飽滿配曲奇雪糕球口感冷熱交集，面有朱古力醬、ＯＲＥＯ曲奇及曲奇餅碎，非常美味。離開時已出現人龍排隊，頗受歡迎的甜品店，而且製作非常用心，極力推薦！

本身去開康瑞，不過實在太多人等位，所以轉去都係深水埗嘅甜一刻，相信呢間都唔使多介紹🌟-法式焦糖燉蛋配雪糕 $46店員係碟上面畫嘅朱古力畫應該落左好多心機而且好有意義❤️用匙羹敲開咗面頭嗰層焦糖，下面嘅燉蛋好好好滑溜，而且好香甜好重蛋味🤩擺d焦糖係面頭食仲正，焦糖嘅脆同滑溜嘅蛋成對比，估唔到咁高質🙈-腐竹蛋薏米糖水 $26熱辣辣仲出緊煙♨️好香腐竹味，不過腐竹稍微有少少碎，如果有一兩塊完整腐竹會更好🖖🏻個底好多薏米，仲有成隻蛋，呢個價錢都幾抵食👍🏻不過驚喜度唔及個燉蛋-強烈建議大家懲罰佢個燉蛋😂😂🖖🏻

法式燉蛋配曲奇雪糕周圍都有得食，但店員親手畫上「自由萬歲」嘅朱古力小豬，手工精美誠意十足，不禁嘩了一聲😱👍🏻另外點了「最佳拍檔」，有雪糕、芒果、水晶珠、紅豆，涼粉等，椰底味很清新又不太甜，很適合作飯後甜品👍🏻店內充滿藝術氣息由餐牌至牆身都是自家創作的圖畫，十分精彩👍🏻店舖設於內街，感覺遠離繁囂，但離地鐵站又不太遠。晚飯後，散散步再撐小店，甜一刻是個不錯的選擇！下次想試格仔餅和雞蛋仔雪糕

食完飯過嚟食糖水仲諗住啲咁新式嘅糖水鋪 傳統糖水會好一般點知佢個蕃薯糖水超薑 好好味 蕃薯嘅味去曬糖水度 一齊食好正 為食妹仲加咗湯圓 餡同皮比例剛剛好唔會太甜 唔似超市買嗰啲皮又厚 餡又超甜 飯後甜品剛剛好朋友嗌綠豆沙 就係正常綠豆沙😂員工都好後生 好好人 感覺好用心返工 服務又好 態度又好 鋪頭入面好多手畫畫 我十一月尾去 好多聖誕主題嘅畫 應該好常更新 有心又有創意嘅小店連menu封面都係逐本逐本自己畫 食得好開心嘅一餐☺️ 會再幫襯!

今日喺九龍區食完晚餐，覺得有少少唔夠飽，決定去食一個糖水。因為得自己一個，所以都想搵一間同聲同氣嘅糖水舖，就去咗呢間非常香港嘅甜一刻。店舖入面非常熱鬧，唔選擇亦都好多。除咗常見嘅中式糖水，同埋港式嘅水果糖水，亦有下面呢啲比較日式嘅冰品。不過到最後我都係心繫香港，揀咗本土嘅代表，最佳拍檔。最佳拍檔入面基本上係有黑白珍珠，椰果，芒果，涼粉，椰奶同埋一球雪糕，都係常見係糖水店會出現既配搭。都好大碗，所以一個人食都唔係好食得哂。芒果夠甜，汁底配珍珠食好清新，正！希望大家可以多D支持小店啦！

同朋友食甜品，坐低見到隔黎枱隻碟畫左公仔，所以order心太軟個時請姐姐幫我地畫兩隻連豬係上面。連豬畫得非常靚，手持黃傘，兩碟口號夾埋係五大訴求，缺一不可，好有心思💓心太軟相當唔錯，外脆內流心，朱古力味非常濃，配上綠茶雪糕味道好夾。雪糕可以揀唔同嘅口味，不過選擇唔太多。成間餐廳都掛滿唔同嘅畫、公仔同口號，服務亦好好。

早前新聞報導小店免費派發糖水後被人滋擾，不齒惡勢力恃勢凌人，即使地點不就腳都決意光顧，支持同路人。周六晚上八時多到達，店有大半滿，以糖水店來說也頗受歡迎。 最佳拍檔 $43 Menu印得密密麻麻，另有一些只寫在牆上的期間限定沒標示價錢，看得人有點眼花繚亂。隨便點個港式配搭，有雪糕、芒果、水晶珠、紅豆等，涼粉比一般吃到質感更好，其餘的都各在其位，口味較甜。 芒果芋圓冰 $43 天氣熱，另一款選來個冰凍的選擇，千呼萬喚等了近大半小時才上桌，配料有芒果、芋圓、小丸子、水晶珠及芒果冰底；芋圓較實不軟糯，冰底芒果味濃，感覺真材實料但過甜，小丸子是整頓唯一較為滿意的。 小店價錢比附近同類型的店舖進取，不論環境或味道也一般般，支持的是其理念和不畏強權的精神，其餘各方面也有進步空間，期待再臨可以樂見其改變。

香港人加油！<甜一刻 想食就即刻>😂呢間想懲罸佢好耐 黃到出名到俾人攪既甜品店 , 成個牆身掛哂 figure畫哂香港人加油既圖案 平時晚飯後勁多人 . 今日早 左 d 9點幾到 就排一陣入得 餐廳幾細同迫 食物主要都係一般糖水 但竟然仲有小食 麵飯等等😂不過我地今日主要係食甜品 大家要留意番 佢個吐司磚塊要等好耐 但好味 而且可以寫字 有時間等值得試下👍🏻🍴楊枝甘露 39 蚊🍡呢個楊枝甘露其實係落足料 有哂西米粒粒 芒果等等 但可能芒果品種問題 唔夠甜 如果可以甜番 d就好🥭🍴秘製雞翼尖 26 蚊🐤26 蚊黎講足料 雞翼尖數量唔少但偏細隻 佢個辣椒似用黃辣椒醃 但唔知點解唔太辣 如果辣 d更好 翼尖個口感唔錯 幾軟滑 ok 👍🏻🍴香芒吐司磚塊 88 蚊🥭🍞講定俾大家先 有時間先好點 88 蚊一 d都唔貴 好大個 有三塊幾厚既多士 夠哂香脆 中間切成一細細磚塊 放左喺入面 芒果肉都唔少🥭 加埋軟滑既 cream 同芒果醬 撈撈香脆既多士 而多士上面帶 d 牛油香 個味幾 match 👍🏻 雪糕既芒果味香濃 🍦如果我知甘正 我會加錢 加多舊雪糕😈#多士 #吐司 #芒果 #

ot完十一點幾又渴又餓，想一次過滿足兩個願望當然係食個靚糖水。行過松x都見到人唔多反而呢間好旺場，出於香港人心態寧願排下隊都試間人氣高嘅。試一試又冇失望wor見到menu有一版特別推薦榴蓮，我對榴蓮唔但冇抗拒仲有好感，畢竟佢個味其實係天然的。於是就叫左一份。榴蓮肉壓得好結實，份量好多。其餘配料有西米，沙冰之類，都係糖水常見嘅配料。每一啖配少少榴蓮肉，香氣滲滿口腔，十分滿足。佢係用左d24榴蓮，味道濃郁，獨特嘅苦味介乎金枕頭同青泥之間。值得一試再試。menu度仲有其他配搭。食完十二點，仲繼續有人排隊，想食就要早d到了。

幾十歲都要去training今日放學喺深水埗附近食完嘢諗住搭巴士返屋企 喺九龍工業學校隔離見到有間甜品店 出面有pepe同連豬好有共同回憶所以就走咗入去食 因為本身lunch係食咗好少嘢所以嗌咗朱古力脆磚杯其實即係脆多士配雪糕多士磚超好食勁脆 係用厚身多士正好滿足撈埋啲雪糕夾埋一齊食勁好食超推薦👍脆卜卜又香 啱曬鍾意食朱古力嘅人食野有大玩性價比極高見到隔離小朋友食宇治抹茶刨冰好想食 可惜我已經好飽喇下次會再來試因為又大碗又好食☺️🎀甜一刻Sweet Moment🎀九龍長沙灣福榮街218 號美居中心62號舖地下Shop 62

作為一個黃絲梗係要去支持下良心小店今日一個人收工見得閒冇約人 決定自己一個人嚟撐香港人 梗係齊加油啦一丁友去到我以為好快就有得坐點知原來畀連登呃咗都好多人去食我叫咗一個宇治城堡係用抹茶雞蛋仔家抹茶雪糕上面有幾粒麻薯 紅豆蓉 加蛋捲仔宇治抹茶雞蛋仔 即叫即整脆卜卜 綠茶味好足食得出佢係整完之後等佢凍咗先放雪糕 因為雞蛋仔一整完係林嘅要等佢凍咁啲先會脆卜卜宇治抹茶雪糕 好滑好香攞埋個雞蛋仔一齊食 真心好邪惡紅豆蓉少少甜 撈埋雞蛋仔食啱啱好食完呢個飽到晚餐都食唔到性價比好高 員工全部都好友善請大家多多支持幾十歲都要去training今日放學喺深水埗附近食完嘢諗住搭巴士返屋企 喺九龍工業學校隔離見到有間甜品店 出面有pepe同連豬好有共同回憶所以就走咗入去食 因為本身lunch係食咗好少嘢所以嗌咗朱古力脆磚杯其實即係脆多士配雪糕多士磚超好食勁脆 係用厚身多士正好滿足撈埋啲雪糕夾埋一齊食勁好食超推薦👍脆卜卜又香 啱曬鍾意食朱古力嘅人食野有大玩性價比極高見到隔離小朋友食宇治抹茶刨冰好想食 可惜我已經好飽喇下次會再來試因為又大碗又好食☺️