甘棠燒鵝

營業中

休息中

位於跑馬地南華會內的甘棠燒鵝, 主打是港式燒味，好耐之前食過一次都唔記得咩味道了。終於決定再試一試，不過今次體驗真係麻麻，甘一刀叉燒又肥又燶太肥膩，食兩舊就好膩滯，唔夠甘香，不過送飯就冇乜問題嘅燒鵝比較一般，撈麵啲麵有啲霖，食落口感麻麻，啲湯偏鹹

鏞記分支的名字, 都是以主理家族甘姓作開頭, 分別是甘牌, 甘棠和甘饕, 當中的甘棠並不是開設在大街大巷之中, 而是在銅鑼灣山頭的南華會內, 好友是南華會會員, 可以一路在隔離的保齡球場碌保齡球, 一路吃其最出名的燒鵝和甘一刀叉燒, 可不快哉?相比起燒鵝, 我更加喜歡甘一刀叉燒, 取材自梅頭第一刀的豬肉, 比腩美更肥美, 完全沒有筋, 烤起來油香澎湃, 燶邊焦香十足, 沒有花巧的技巧和昂貴的食材, 就是單純的美味和邪惡. 燒鵝今日次做得不錯, 剛剛烤起身夠燙口, 肉汁豐富而肉質平衡, 醬汁甘甜鹹香, 鏞記燒鵝就是淋醬型, 外皮浸過汁醬, 偏向腍身也是正常. 鵝油撈麵沒有苦澀的鹼水味, 鵝油令麵食更香更亮身, 水準同樣不錯.Kam Centre Roost Goose is one of the restaurants rooted from Yung Kee so you can expect the roasted goose is the most famous dish. The best dish is the roasted pork collar meat and the

燒鵝成日食，今次嚟本來想試下甘棠啲叉燒，不過夥計話我哋嚟遲咗已經賣晒，下次要提早預訂，好唔開心。冇辦法，人地話嚟嚟去去食飯幾味真係冇講錯，最尾都係食返燒鵝，試唔到佢地叉燒真係好遺憾臨食完老豆話想食豉油雞，所以特登埋單果時打包咗一例走，有啲小貴

南華會保齡球場隔離有間餐廳 — 甘棠燒鵝，做完運動就過黎試試。《香妃雞髀瀨粉》$138呢碗野黎到嘅時候，已經覺得好香，食左一啖瀨粉就驚艷左！瀨粉完全索曬湯汁嘅味，而湯底系好熟悉嘅雲吞麵湯底味，但就更濃更鮮，鮮甜嘅湯底加埋順滑嘅瀨粉，超級夾！雞方面系好有雞味，質感有d似慢煮雞，唔會柴系嫩滑嘅，都值138蚊。《燒鵝叉燒飯》$85燒鵝系餐廳嘅名物，燒鵝皮好香脆，肉質鮮嫩，值得一提嘅系酸梅醬，唔系出面街個d假甜酸梅醬，而系真酸梅醬，點完醬嘅燒鵝唔會比醬汁搶走陣味，反而系再帶出鵝味同減低油膩感。另外，叉燒比想中好食，好鬆化，而且肥瘦適中，滿足到食燒味嘅心！《蛋白杏仁茶》$40飯後叫左個養顏蛋白杏仁茶，睇落去平平無奇，但食落好有驚喜，系好濃郁嘅杏仁味，唔系沖粉嘅味道，而系新鮮即磨，又香又滑，系好飲的！

酸姜皮蛋，作為最推薦嘅前菜，一定要試一試，因為我真係頂唔順酸姜陣味，所以冇夾埋啲皮蛋一齊食，齋食皮蛋唔覺得有乜特別燒鵝雙拼，我揀咗拼叉燒，事前冇特別交帶，所以拼埋嘅都係肥叉，兩舊落肚就已經好滯食唔落，例湯就偏鹹咗少少，後味問夥計先知原來拼嘅唔係招牌叉燒，要預訂先有

好友極力推薦，隔離冇幾遠就係保齡球館，本來以為呢度係member only，不過問咗夥計話冇嘢可以照食就坐低咗點咗份燒鵝下莊，感覺同之前食過嘅燒鵝都差唔到味道，你話十分驚艷好味果種感覺又真係冇乜，仲有一碗綠色嘅湯好特別，叫乜名唔記得了，不過味道就令我印象深刻，好難形容脆皮燒腩唔係咁好食囖，有肉腥味

同朋友食飯洗塵，燒鵝皮唔脆，肉質偏鞋。叉燒都叫做好食。 鵝油撈麵，個面勁淋，仲衰過呢個自己煮。環境超級唔得，勁大隻曱甴周圍走，搞到成餐飯我都唔敢擺隻腳落地下。好想快啲離開，坐到好唔自在。埋單1500，我寧願俾錢一樂。

我喺5月18號 下晝 幫老闆買咗鵝肝再幫自己屋企買豉油雞1隻， 我係今晚 5月19號 先至打開盒雞， 點不知呢一盒豉油雞， 少咗一邊雞髀！一邊雞腳！幾嚿雞胸！我發現咗之後，即刻打電話去舖頭同佢哋理論，個女人叫我要即刻影相去佢whatsapp，等佢睇下， 於是我影咗相，再影埋張單畀佢睇， 我再喺whatsapp嗰度鬧佢哋，有冇搞錯呀打斧頭打到咁過份！！個女人睇完相 ，打反電話畀我，話同個師傅了解咗，話佢個師傅一定冇打斧頭， 再講其他廢話， 點解遲一日先食？ 同埋一定唔係少咗半邊，因為係用黑色盒裝，黑色盒就係裝一隻雞，半邊雞我哋係用發泡膠盒裝，但係個問題係你可以用一隻雞嘅雞盒去裝半隻雞嘅嘢去呃人嘅啫！ 又話自己開門口做生意淨係做開心嘅生意， 我太太就繼續喺電話側邊度鬧， 「如果冇呃人嘅話點解冇咗半邊雞髀？ 咁樣打斧頭要報東張啦！」舖頭個女人竟然話： 我哋開門口做生意我哋唔呃人，如果你真係咁想要返嗰半隻雞咁你咪嚟攞 囉，不過唔係咁樣呃人囉！ 我哋係講緊雞髀，我地講嚟講去都係講緊雞髀無左，老婆同仔無得食雞髀，佢就不停講，我信師父無咁樣呃半邊雞 我同我老婆就即刻好激動話返佢轉頭啦，我而家係用四百

環境：就在南華會保齡球館的旁邊，地方雖然不大，但係坐起身都算闊落，有房，下晝唔會休息，早啲過嚟可以錯開晚市高峰期食物：叉燒唔錯，好餸飯，燒鵝有啲肥膩，懷舊菜式就一般水準服務：好熱情，不過就一味叫我們點貴價嘢，其實本身已經點咗好多餸了，搞到最後仲要打包

難得五一放假，老豆話想嚟南華會打保齡，作為孝順仔嘅我肯定冇托手掙。運動完當然係要搵嘢食祭下個五臟廟先得，嚟到南華會梗係要試下近年享負盛名嘅甘棠燒鵝。因為得兩個人就費事點太多餸了，我哋就簡簡單單叫咗碟燒鵝加兩晚齋粉，感覺啲燒鵝完全不在水準，啲鵝肉有啲鞋，食落一啲都唔入味，見唔對路霖住加其他餸，佢又話午市呢樣冇果樣賣晒，即刻冇晒mood，拿拿聲埋單走人算數。

尋晚同兩個朋友去食，燒鵝半隻，非常之普通，失望！金錢雞，保持水準，好味👍🏼豉椒鵝腸，爽脆夠味，火候十足👍🏼重有碟菜冇影相。招呼一般，可能因為爆場，我都係平時去食下午茶好啲。

之前都係食開一樂，睇到蔡瀾嘅文章今日專程嚟試嚟到食燒鵝就當然係點我最鐘意嘅燒鵝比瀨，成碗嘢色水唔錯，鵝皮夠脆，但係肥油太多，係碗湯度好清晰咁見到好多油飄係碗面，真係好肥膩，如果可以撇埋油再上台會好啲囖，其他小菜都同例湯就係正常水平冇乜特別之處

排隊排咗好耐終於有機會試到傳說中嘅甘棠燒鵝，係朋友嘅建議之下就點咗份下裝。試食完真心唔多掂，燒鵝肉好鞋，雖然切得好大舊，但係唔知點解啲醬汁就硬係唔入味，第一啖趙落口除咗成口肥膏就得返啲鞋到痺嘅鵝肉，唔知換成燒鵝瀨有湯浸住會唔會好少少

裝修唔算好豪華，不過整體嚟講都算整潔，枱枱櫈櫈望落都幾乾淨，唔會有油漬，不過啲位坐落逼夾咗少少，位置唔算太多服務員感覺人少好似唔係好夠，明顯會覺得好多位有甩漏，個人建議如果對餐廳服務好高要求嘅話就唔好嚟啦食物整體嚟講OK，燒鵝同埋叉燒絕對係有驚喜，手工菜精緻，價錢偏貴，感覺人多嚟食有啲唔抵

好耐冇嚟甘棠燒鵝，今日難得湊完細蚊仔霖住同老婆過嚟食下燒鵝。最喜愛嘅甘一刀叉燒好好彩仲有最後一份，因為係限量供應，嚟遲啲都賣晒。叉燒超正，食幾多次都唔會厭，肥而不漏，齒頰留香，有少少好似東坡肉嘅口感，冇得頂。有叉燒就當然唔會唔叫燒鵝啦，點咗半隻，不過今次啲燒鵝反而冇以前咁好食，可能係師傅水準唔穩定，不過整體嚟講都係OK嘅。溫馨提示，大家想食叉燒記得一定要提前預定好。