瓏庭

營業中

休息中

以前一直都有去名都飲茶同埋食晚飯，見佢而家改咗名做瓏庭，唔知係轉咗名定係轉埋老闆，但都嚟試吓啦，食咗一次晚飯同埋飲咗一次茶，完全唔掂！食物水準：食物水準比起以前差咗，食晚飯送嘅紅豆沙，嚟到竟然係凍（室溫）嘅（講緊本身係熱紅豆沙黎），飲茶啲茶就無味，腸粉淋到爛晒，係個芝麻卷好食少少。衛生環境：衛生環境都比起以前差，啲碗筷黐住啲食物都拎俾客用。服務態度：服務態度喺幾個範疇之中，更加係最差！食完掛住傾偈，叫極都冇反應。未食完就收嘢好似趕客走咁。問少少嘢都好似唔耐煩咁。呢間嘢試咗兩次之後都係咁，決定以後都唔會再嚟食……

平日放早同屋企人飲下午茶，之前屋苑收到宣傳單張有呢個商場有新食店，咁就過嚟試吓呢間酒樓。嚟到嘅時候睇張餐字原來係富豪酒店集團嘅。跟住見佢有點心任食平日下午茶每位$98 ，計落三個人同散叫差唔多咁就食任食。任食嘅好處就係一次過試好多嘢，下次就可以專注散叫一啲好食嘅。整體嚟講炒嘢係好過蒸嘅點心嘅。餐前小吃就試咗胡椒豬肚湯，略嫌胡椒味唔夠重，但係份量都足嘅。青瓜海蜇都唔弱，係正常份量。個南乳雞翼就唔太鍾意佢咁厚粉但係味道都可接受，唔會太鹹。蒸嘢嚟講比較失望係個牛肉，個肉質比較削啲，但係鯪魚球同埋蝦餃都唔錯。鯪魚球冇腥味，仲有少少蝦米碎。蝦餃都好爽口。炸嘢方面，最出色係個沙律明蝦角，但係佢冇沙律醬俾我哋用泰式甜酸醬，不過個蝦角真係爆蝦肉脆卜卜熱辣辣好好食個脆奶都處理得唔錯，麵包位唔會吸太多油有溢味。炒粉麵以為佢位上所以嗌咗三款，點知嚟到嘅時候佢疊上我寫一位佢都炒咗碟出嚟實在太誇張，不過三碟炒嘢都好食，配料都夠多，唔會放題就hea。珍珠雞嘅話都唔會好似出邊啲大酒樓剩係得d醬俾你，都叫做有資料影吓相。反而甜品值得要改善一下芝麻卷同紅棗無咩甜味。桂花糕啲黃色液體染到成隻碟都係呢個可以skip。反而個

好耐冇寫食評，今次都冇預備寫，所以冇影相。只因覺得這間不錯，可以簡單介紹一下，大家可以試試。新年有套餐，但仍有散叫，叫了：羅白牛腩： 牛腩夠林，份量足，百多元抵食。羅白則稍嫌未夠林。發財豬手： 夠入味海鮮雜菜煲：足料黃金鯪魚球：熱辣辣、好味生炒骨：皮薄、夠脆、唔肥。糯米飯。不錯。價錢不算貴，每碟百多元，但份量足。地方新，乾淨舒服。侍應服務一般都不錯。埋單一千鬆啲。不過可能地點關係，人客不算多。有機會可以一試。

今日下午行過馬鞍山 Wego Mall 換咗間新酒樓，啱啱上星期五開張，望下門口以為係食中菜，問問侍應原來有點心，咁就入去試吓先！酒樓門面、大廳同以前差不多，可能真係新開，唔太多人，坐得好舒服。叫左兩個$118套餐，今日點左老火湯、菜、前菜魷魚、四個點心，仲有一碟福建炒飯，食物上枱要d時間，不過都係熱既，味道👌🏼唔太大食，份量都夠3個人食啦！侍應同經理都有禮貌，講解d餐同見到處理隔離枱一d錯漏都幾好，感覺唔錯，可以再去！