瓊芳冰廳

紅假都要返工，lunch time揀左呢間野！兩個人去到，俾左一張好窄既兩人檯我地，都冇咩野既，lunch time吖嘛！點知手機落單冇耐嚟左被凍茶之後，足足等左大半個鐘先上菜！13:15等到13:50😅😅黎到碟返絲毫配菜都冇，得塊雞排同個飯同堆汁🙄🙄Rush hour明白出菜要時間既但唔係一個碟頭飯大半個鐘囉，嚟到仲要係一碟就咁雞排and飯咁，就收$81蚊，我對面個同事叫咖哩牛飯，份量少到好似餵貓咁，都收$75！出菜慢、冇誠意既碟頭飯又貴，你話去到圓方食環境咩？我地只係坐一張好似食糖水咁窄既檯咋喎！冇下次了唔該曬。…查看更多

今日同老婆去西九龍，由柯士甸站行過去，諗住食少少嘢跟住去咗圓方，如果去過圓方嘅話都知道嗰度餐廳大部份都中價價錢，我哋3:00左右過去唔想食咁飽，所以揀咗間最平嘅茶餐廳。雖然話平，但係已經比一般茶餐廳至少貴一成。三文治同埋薯條雞翼下午茶，兩個蛋撻同埋兩杯嘢飲．加埋$130。三文治同埋雞翼薯條正常發揮，但係個酥皮蛋撻真係唔掂，應該擺咗好耐，用個保溫櫃去保溫，蛋撻皮已經腍晒。雖然係咁，但係在這個商場已經係最經濟實惠呢間，冇得揀。…查看更多

廚房超級慢，早餐點個通粉等成半個鐘。趕高鐵千祈唔好嚟食。咁係咪應該好好檢討下，加人手。仲要開在高鐵站附近。開玩笑的嗎。其實80字好難寫，都唔明咩規則。廚房超級慢，真係好慢好慢。…查看更多

喺圓方諗住快快手食個飯，點知中大伏上菜好慢常餐叉燒通一上枱好似食剩咁成碗食晒都未嚟常餐嘅包、滑蛋同腸仔另一個咖哩飯等得仲耐跟咖哩飯嘅餐湯，搵兩個staff各催咗一次，到埋單都冇嚟到…查看更多

太興旗下高價茶仔，食物質素OK的。價格稍貴，但圓方底下能理解主要問題是廚房效率太太太低，中午11:30am-2:30pm曾經多次幫襯，平均下單后，30分鐘飲品才上枱，食物更往往超40+分鐘。所以經常發現門外長期排隊，其實主因並非因為特別好食，而是作為一間港式茶餐廳，流轉速度太慢，食客等候時間過長，返枱率就減少，食客和餐廳雙輸。樓面服務員稍為不足，以平均$100的午餐來說，膠板併台已經是基本，有極大優化空間。中午如果趕時間千祈唔好嚟，因為下單後平均等候時間是30分鐘。…查看更多

食物正常，服務態度好，圓方既講性價比一流，好食過其他快餐，早餐算係抵食又好食，午餐正常水平，下午茶蛋撻好好食，晚餐選擇比午餐多，都係正常食物水平，員工服務態度好好👍…查看更多

服務十分差，作為一間茶餐廳應該要有效率！叫了一個叉燒飯，點歺後等了足足55分鐘也沒有來！職員只說嚟緊嚟緊，之後就走開再唔理你！ 無言，只可以說到一肚火！一定不會再來…查看更多

太興集團旗下的一個品牌，真是好能夠代表香港飲食業今時今日淪落景況的代表之作！作為一個香港👎餐廳所謂香港「優質Q嘜」認證品牌，好失望，好愤怒、感概萬分！歸根究底是集團無heart無用心去做好食物質素，一心只想賺到盡賺到最後一蚊一毫的企業。食物味道不好，菜單首先都是垃圾食品如午餐肉呀公仔麵呀罐頭食品。熱食如炸薯條和炸雞翼送上枱已經完全凍晒不熱！雞扒撈公仔麵好似雪櫃啱啱攞岀嚟擺到室温拎出嚟給客人。招牌黯然销魂饭（叉燒蛋飯）都可以做到如此難吃，敢賣100元。侍應不用說態度和水平都唔得，無服務甩甩漏漏。真是非不得已不要來！勿丟人現眼有辱國體、香港🇭🇰餐飲你為恥！…查看更多

第一次過嚟呢間舖頭食，感覺麻麻哋。佢哋招呼唔太主動，但係當時唔算太多人。另外覺得質素都唔係話太過好，性價比唔係高。佢哋招牌蛋撻啲人話一定要試吓食，但係蛋撻係凍。呢樣就失望咗。亦都唔算多，而且又冇話特別好好食。終結黎講冇下次。…查看更多

因為住樓上，加上自己唔識煮飯，退咗休之後就日日都一定會嚟幫襯呢間餐廳，有時早餐有時下午茶有時食夜晚。幫襯咗足足兩年。以前食得好開心，價錢雖然中上但服務水平好食物質素有保證。好可惜，自從呢個幾月新嚟咗兩位藍色衫經理，對人客非常無禮態度囂張，簡直係趕客！而且整體服務水平嚴重下降，嘢飲或者嘢食成日都要催先嚟。更嚴重嘅係，今日我實在太餓喺嗰度食中午，點知隔籬枱有位老婆婆要飲熱檸茶，不過個藍衫經理落錯單，俾咗佢熱奶茶，老婆婆同佢講比賽嘢飲嘅時候，佢居然鬧返阿婆轉頭！今日嘅事件令我以後唔會再幫襯呢間嘢！佢哋呢啲服務水平實在對不起$98一個叉燒蛋飯的價錢。非常失望，冇咗個飯堂，以後不會再去了。…查看更多

晚上7:00點了吉烈豬扒意粉，等了60分鐘仍未送來，身旁有人等到不耐烦取消order。追了三、四次仍沒反應，有些人等饮品好耐都未有，所以去大快活好過。最後意粉是凍的，咖喱汁沒味道，份量亦少。…查看更多

服務態度好差！！好似欠左佢哋咁！！不需要妳笑住招呼，但係都唔好咁差。叫個午餐。等了30分鐘！！趕時間真心不要去！上餐慢！！極冇禮貌！！不會再去！！價錢亦不平！！食完一肚氣！！…查看更多

真系從來未試過有咁差的餐廳。等候太耐，入臺慢，上餐慢，買單慢。追左十幾次都冇人理。我地大概5:43分趕到。係出邊等左好耐眼見其他食客都充滿怨言時臺都系冇一個人理我地。到最後終於安排我地入座結果張臺根本冇清潔乾淨。之後等到50分鐘！十個字！先有個餐上到來。d員工全部見到我地舉手全部無視，一直到最後叫經理親自去煮先搞好。次次都話人手不足人手不足，但人手不足唔系顧客無緣無故接受差等服務的理由人生第一次係茶餐廳等成個鐘食飯，希望唔好來!唔好來…查看更多

平時我都好少對餐廳有咁多意見提出因為工作關係，所以想食個快嘅早餐，圓方冇乜選擇情況下，就手快快去咗呢間我當日落單，嗌咗個潮式沙茶牛肉公仔麵，同埋一個咖啡同朋友坐低咗之後，發現都係自助選餐，冇為意見到好多人喺度不停催促服務員，驟眼數一數，接待客戶的服務員其實得兩三個熱咖啡過咗冇耐，佢就攞咗杯咖啡俾我，不過杯咖啡一啲都唔熱，甚至乎可以話係常溫.要一杯熱嘅咖啡放到常溫，我諗都起碼擺咗超過半個鐘我有反映，不過佢都冇理所以我就冇飲杯咖啡啦潮式沙茶牛肉公仔麵公仔麵都正常，不過不失歐式軟多士配雙蛋不過呢份又係等咗好耐，差不多等咗20分鐘先有，最後我哋都係嗱嗱臨食完就走…查看更多

收銀處呀姐，態度勁西勁無禮貌。好無言，我依家得罪你咩……一嚟到就好似已經踩親佢條尾咁，俾錢買難受☹️貴又貴過出面茶記，但態度仲衰過出面茶記……水準正常，普普通通。…查看更多