瓊天 (已結業)

都市人生活繁忙，有時可以坐低好好享用暖身滋補燉湯，都已經好滿足😌 這家在銅鑼灣鬧市中，提供原盅燉湯及無激素雞飯，好啱打工仔！ 凡惠顧還可免費借用power bank! 食滿$200 仲送蠔油生菜一碟，好體貼呀！餐廳大慨有6款燉湯選擇，配飯餐會更優惠！原盅燉湯，材料豐富，好似人蔘紅棗枸杞玉竹燉烏雞咁，有半枝人蔘在湯內，藥材味較重，好暖胃！至於飯餐，推介招牌脫骨海南雞飯及醉香花雕雞飯。 兩款雞都做得好出色，皮薄爽脆，雞肉嫩滑，但唔會太肥，而醉香花雕雞加添淡淡酒香！ 雞飯可轉雞油飯，油飯粒粒分明，香濃有口感。 值得一提，這裡還有好多小食，必試香煎蓮藕餅，即叫即煎，外酥內軟😍

瓊天海南雞用上無激素海南雞有SGS認證食得安心。睇吓餐牌皇牌燉湯飯餐$99。足料燉湯燉到8小時。即刻叫咗兩個餐食。花膠螺頭桂圓燉湯。真係勁足料有螺頭花膠，食落好鮮甜燉到夠哂火喉。招牌脫骨海南雞飯無激素海南雞配咗油飯雞味香濃，雞肉好滑溜，脫骨食落啖啖雞肉。真係好滿足。除咗海南雞餐廳仲有好多精選小食店長就推介咗香煎蓮藕餅即叫即煎熱辣辣。香脆彈牙仲食到粒粒蓮藕，口感豐富。果然無介紹錯。泰式豬頸肉肉質爽口，豬味濃。點埋個泰式辣醬仲惹味。泰式鳳爪無骨食得好爽口，酸辣開胃。原來食滿$200仲有油菜送。兩款烏龍茶各有風味桂花味清香，白桃味鮮。茶味更濃。

夏天炎炎唔洗食咁複雜，簡單清爽的海南雞已經很對胃口。第一次去銅鑼灣的瓊天海南雞海南雞比我想像還要出色啊～海南雞皮滑肉嫩，雞肉鮮甜多汁，搭配的醬料也很美味。想再涼快一點十分推薦醉香花雕鴨-鴨肉香氣十足，肉質軟嫩，配上花雕酒的香氣，讓人回味無窮。-餐廳的燉湯也很足料，-揀了一款對皮膚美美的花膠螺頭桂圓湯，湯頭清澈鮮美，花膠和螺頭的口感都很棒，桂圓的甜味與螺頭的鮮甜也恰到好處。-除了招牌海南雞之外，其他也做得不錯，黯然銷魂飯、酸辣鳳爪和香煎蓮藕餅。黯然銷魂飯叉燒肉肥而不膩，叉燒和蛋汁撈飯正好-酸辣鳳爪酸辣夠味，鳳爪的口感也很Q彈。小食十分推薦香煎蓮藕餅外酥內軟，蓮藕的香脆超好食。。瓊天海南雞銅鑼灣軒尼詩道#銅鑼灣 #海南雞 #花雕鴨 #黯然銷魂飯 #港式料理

之前晚市食過兩次，覺得海南雞飯都幾好食！近排搬咗嚟銅鑼灣返工，lunch叫佢哋海南雞外賣，見只係俾得一個海南雞醬🥲 我問職員可唔可以拎多一個，佢話要加錢買😪甘我問係咪外賣兜嘅問題？如果係嘅話可唔可以打開個外賣幫我淋少少落去，佢竟然話唔得😨公司規定咗外賣只係跟一個醬，如果要額外嘅醬就一定要買🥲但係明明堂食係可以唔夠再拎架嘛🥲為左少少醬都同個客計，小器咗啲吧…. 下次唔叫了，好多間外賣都可以多額外醬汁🥲🥲拜拜

💪🏻 招牌脫骨海南雞飯+燉湯 ($99)餐廳係用無激素雞製作海南雞，海南雞髀位肉質嫩滑，有陣陣雞油香😋 而醬汁就係偏泰式嘅酸辣汁同薑蓉。而油飯都好香椰香味😝！燉湯都有好多款，全部都係真材實料原盅燉製，原汁原味！我就試咗黑瑪珈壯腰強筋補腎湯，男士補身之選🤪💪🏻 燉湯有藥材香，但唔至於過濃難入口！飲落好滋潤！💪🏻 醉香花雕雞飯 ($75)醉雞係有成隻雞髀！上枱時都有滿滿嘅玫瑰露酒浸滿，酒香撲鼻！雞肉食落嫩滑，酒香主要集中係雞肉表面。💪🏻 馬來黑叉燒 ($32)叉燒沾滿蜜汁，食落香甜。味道：7/10 性價比：7/10 食住瘦指數：💪🏻💪🏻💪🏻💪🏻💪🏻/5 (Gym Friendly)

瓊天主打新鮮到港靚雞🐓💯每次來都必點招牌無激素海南雞🐓同足料招牌養生燉湯🍲👍🏻 性價比高😆又好味雞肉用上無激素雞～做到滑嫩可口～雞皮Q彈🐓招牌脫骨海南雞用上三黃雞食落更有雞油香🐓醉香花雕雞飯 ～夏天新出菜品花雕酒香～嫩滑又鮮味🐖醬香梅菜扣肉飯 肥瘦相間豬腩位製成扣肉～梅菜扣肉汁撈飯一流🍲燉足8小時燉湯🔥足料又養生五指毛桃海底椰北菇燉唐排用上海底椰、冬菇、五指毛桃等材料清肝降火 潤肺止咳 益氣生律人蔘紅棗杞子玉竹燉烏雞用上原條人蔘、紅棗、枸杞、玉竹、烏雞等補肺益氣 增強免疫力仲叫左蠔油菜心、花雕醉鴨舌泰式鳳爪沙律食左禁多野埋單都係三百零蚊瓊天 (銅鑼灣) 📍銅鑼灣軒尼詩道475-481號東南大廈地下E號舖

🐔招牌脫骨海南雞飯+燉湯餐 $99無骨海南雞肉質好滑，就算有啲雞胸位都好夠嫩m啲都唔鞋，雞皮好有有雞味又唔會有肥膏啖啖肉🐚花膠螺頭桂圓湯跟餐仲有個燉足八個鐘嘅靚湯，飲得出無味精仲好入味，而且真係足料，有花膠、螺頭、瑤柱、桂圓肉，滋陰補氣補腎養顏🥃醉香花雕雞飯 $75呢個花雕雞雖然有骨，但係啲雞一樣咁滑溜，酒味亦好香濃，涼涼地夏天食一流，呢個餐仲會送一杯冷熱飲品，好抵🥣五指毛桃海底椰北菇燉唐排 跟餐+$60另外今餐叫多咗個燉湯，呢個湯有海底椰、冬菇、五指毛桃，飲落好清甜，岩晒清肝降火潤肺止咳🦆花雕醉鴨舌 $32最鴨舌同花雕雞一樣好入味，好夠腍🥗泰式鳳爪沙律 $32鳳爪係無骨方便食，酸酸辣辣好開胃🐖馬來黑叉燒 $32開頭見到個樣以為會好乾，點知食落勁軟腍腍，蜜汁味又夠🥒手拍青瓜 $32勁大碟嘅拍青瓜，兩個人都食唔晒🥬油菜 跟餐 +$12

同同事係銅鑼灣見完客, 順道係附近搵間餐廳食個Dinner, 經過呢間門面有如快餐店格局嘅餐廳, 就被平民價錢+標榜全店選用無激素海南雞而吸引入去。餐廳地方乾淨企理, 店員嘅熱情有禮招待, 現今香港確實少有。供應多款套餐, 而散點價錢亦唔貴, 仲係全日免加一, 確係良心小店。【招牌脫骨海南雞(全隻)】HK$238海南雞雞皮色澤鮮黃, 除雞翼位, 全隻已被去骨, 原隻擺盤上檯盡顯足料。海南雞沒有多餘皮下脂肪, 肉質嫩滑 (只係雞胸位稍為冇咁滑, 但不至於柴), 配上薑蓉同埋泰式汁醬, 更加提鮮。另+$10追加---油飯飯粒粒粒分明, 有雞油香, 質地軟熟不會太油。 再+$12追加特飲---港式香滑奶茶紅豆冰茶味香濃, 口感順滑, 紅豆夠林, 甜甜地, 奶茶、紅豆同埋練奶調教比例剛剛好, perfect match! 【醉香花雕雞飯】HK$75 (配白飯/油飯)去骨雞件放於花雕酒中, 雞件肉質超嫩, 而且入味, 滲出淡淡花雕嘅香醇。 套餐加$4追加特飲---港式經典紅豆冰紅豆好林, 整體甜度剛剛好。$20加配泰式鳳爪   去骨鳳爪連帶筋絡, 口感爽又有層次, 加咗醋調味, 酸尾尾好開胃。 

行開銅鑼灣見到呢間餐6點前入座幾抵食。1.燉湯套餐 $65招牌脫骨海南雞飯 + 人蔘紅棗玉竹燉烏雞湯有肉厚嫩滑可以脫骨啖啖肉的「招牌海南雞」，係招牌菜。泰式鳳抓沙律 跟餐+20🫶🏻呢間的無骨鳳爪勁爽口又超入味，有嚼勁醬汁酸酸甜甜，推薦！🫶🏻燉左好多個鐘的人蔘紅棗玉竹燉烏雞湯，湯味濃而不膩外，烏雞肉食落好鮮美，仲有大大條人蔘架，絕對足料。+$8 特飲紅豆冰2.燉湯套餐 香辣咖哩牛腩飯 $60牛腩都好有6-8大舊，而且好入味又軟熟，老人家食都輕而易舉。花旗參鮑魚紅棗燉唐排花旗參味濃郁，個湯有滿滿嘅豬骨、鳳爪，竟然仲有鮑魚！湯好甜好滋補，推薦！花雕醉鴨舌 $32鴨舌好重花雞味，有6件鴨舌左右，鍾意酒味嘅朋友可以一試。+$8 特飲紅豆冰瓊天銅鑼灣軒尼詩道475-481號東南大廈地下E號舖

路過銅鑼灣搵食，見到呢間賣海南雞飯銅鑼灣黎講又唔算貴，即管試下佢個醉雞。店員服務真係好熱情殷勤，好少見咁好服務嘅女店員。醉雞算係最貴，比左雞髀我，好開心。但醉雞汁好淡，唔濃唔香唔甜，覺得個醉雞汁唔太好食⋯⋯⋯佢明明寫花雕雞，但又話用玫瑰露，即係兩溝？定唔係花雕雞？我都一頭霧水。雞就好肥，不過煮得好嫩，衰在無乜花雕味，當食普通海南雞咁。雞嘅份量好多，飯極少，圖中個飯碗係一個小飯碗仔！問佢飯太少可唔可以多d飯，佢就比多碗飯我，真好服務。不過個雞油飯真係有雞油味，唔係淨係得黃薑粉嘅色，無味、係真係好油潤好香，碗飯成功過d花雕汁。路過可以一試，特登去就不必。

瓊天餐廳座落在軒尼詩道。人流當旺的地區。是一家主打新加坡菜的餐廳.以其美味的海南雞文昌雞和滋補養生燉湯而聞名。有多款套餐.一人餐。二人餐。四人餐。及外賣斬料。價錢都係大衆化。六款出名招牌滋補燉湯。足料燉足八小時。//五指毛桃海底椰北菇燉唐排//黑瑪珈壯腰強筋補腎湯//人蔘紅棗枸杷玉竹燉烏雞//花旗參鮑魚紅棗燉唐排//花膠螺頭桂圆湯//石斛太子參無花果湯各款套餐可以加配小食價錢實惠//加配 泰式鳳爪沙律+$20Add on Thai-style Chicken Feet Salad//加配 手拍青瓜+$15Smashed Cucumber Salad//加配 椰汁西米糕（2件）+$12Add on Thai-style Coconut Sago Pudding (2 pieces)//加配 油菜+$12Add on Blanched Vegetables今次來 飲 靚湯 吃 靚雞

平時都有食開海南雞，今日我嚟到呢間餐廳除咗海南雞之外，仲有文昌雞。文昌雞皮就較薄，亦冇咁多肥膏。海南雞就用三黃雞，油香咁重啲。但係今次都唔係食呢兩樣，而係佢哋嘅醉香花雕雞飯食咗花雕之外，佢哋仲加咗玫瑰露酒，令到酒香更加濃郁，而雞肉嫩滑，配埋油飯真係冇得彈。除咗雞飯佢哋另一主打就係燉湯，係真正一盅盅嘅燉湯。總共有六款，我就飲花膠螺頭桂圓湯。原盅上枱，燉湯紙都未搣，一打開香氣就飄出嚟，燉湯都幾足料。如果想味道再濃啲可以將醉雞汁到埋入個燉湯裏面一齊飲，呢個係我極度推介嘅飲法。

餐廳主打海南雞飯、文昌雞，還有足料養生燉湯， 價錢非常親民抵食。醉香花雕雞飯醉雞肉質軟嫩富有彈性，皮和肉中間還有晶凍，雞肉與酒香融合入味，亦不過於濃烈。雞油飯吸收了雞油雞湯，飯粒飽滿，糯軟中帶些嚼勁。醬香梅菜扣肉飯梅菜入口濃香，吸飽了醬汁，非常適合拌飯。腩肉糜爛酥香，吸盡梅菜的香氣，而且油脂又能融進梅菜與醬汁裏。花旗參鮑魚紅棗燉唐排花膠螺頭桂圓湯兩款湯品非常足料，不添加任何味精，鮮甜滋潤。馬來黑叉燒黑油醃製令叉燒味道比港式更香濃，口感比較爽脆。惹味雞扒雞扒大大塊，烤焗令肉嫩滑且保留肉汁，咬起來非常有口感。

瓊天除咗提供招牌脫骨海南雞外，仲提供各款燉湯， 好滋潤呢😁😁😁😛🤩🤩🥢皇牌燉湯飯餐🥢 $99🐥招牌脫骨海南雞飯🐥經典嘅海南雞就梗係配油飯， 海南雞雞味香濃， 肉質嫩滑，雞皮滑溜；油飯夠味，黃薑，香油等比例適中， 香而不膩， 不愧為招牌菜🐷黑瑪珈壯腰強筋補腎湯🐷湯料份量畀得大方，壯腰強筋，補腎健肝，係男士嘅恩物🐥醉香花雕雞飯🐥 $75玫瑰露酒味極香，味道温醇，有別要坊間以花雕酒主導嘅味道，每一塊雞沾上酒香， 雞肉嫩滑，份量都幾多， 抵食🐷五指毛桃海底椰北菇燉唐排🐷 加配$60五指毛桃自帶特別嘅香氣，呢個湯可以清肝降火，潤肺止咳， 滋潤之選🥒手拍青瓜🥒 加配$15預設加咗口水雞醬， 香濃惹味🥬油菜🥬加配$12足料嘅燉湯唔係隨處見到， 瓊天不單提供，仲要係做得好，的確唔易😋😋😆😆😄瓊天地址：銅鑼灣軒尼詩道475號東南大廈地下E鋪

平時做開CD-ROM 但係今鋪真係唔po唔得 有圖有真相明明見佢零負評應該都幾穩陣入到去枱面已經有小昆蟲爬爬 不過我都覺得冇咩問題 見慣哂7點坐低想叫雞飯佢話賣哂🙃唯有叫肉骨茶飯啦 反正都入左黎 隔離個叔叔職員就見佢係咁粗口橫飛 都明白佢既燥底既 見隔離個小姐叫好似係叉燒面？ （冇睇真個小姐食完即刻吐左出黎 懷疑人生咁望住d叉燒？ （唔知係咪我望住個碟紅色勁碎濕濕勁似人地橙色魷魚絲既肉條表示深深既同情 跟住佢同個職員講左之後換過碟野 跟住我就唔知劇情發展啦😅講番我個單咁大個仔都未見過咁肥既豬肉可以俾客食 我初初以為自己叫左扣肉 點知望望張單 肉骨茶喎其實佢係咪好憎我？😢你俾一舊我都覺得ok啦 吊下味啫 大佬 你俾3舊喎？😩唯一有好評既哥哥就係俾完錢講多謝支持囉 🫡但係我寧願你俾d正正常常有少少好味既食物俾我 跟住同我講多銀謝囉🥲