瑪寶鮮

營業中

休息中

- 本人在10月19日打電話訂了枱, 訂25號晚7:30 pm 5位。並且在當天 send WhatsApp message & re-confirm了瑪寶鮮經理 『開瓶和切蛋糕費』都不另收費。- 接着, 我在10月22日 又 send WhatsApp message to 瑪寶鮮經理  & 訂餸 : 『乳豬一隻，乳鴿三隻，姬松茸燉响螺，古法生炆龍躉背翅』。我問他我要去落訂嗎? 他回覆『不用落訂。無問題!』那我心想一切經已confirm好了。訂了枱, 訂了餸, 這一頓生日飯, 應該會食得高興。- 點知....昨晚的經驗『非常差』!!!- 竟然『冇留餸，服務差』，枱安排在廁所走廊位，要換枱他們就吾高興。冇留餸，所以無乳鴿。乳豬只有肥油，無肉，投訴佢就話會同師傅講。其實師傅切時應該知道隻豬好肥。- 我們年頭訂過兩次晚飯, 訂了VIP房, 服務態度和食物質素都比水平好, 但跟昨晚的經驗簡直是『天壤之別』, 原來酒席跟堂食甘大分別。- 原本在Openrice見到不少負評，以為係個別事件，竟然先至係事實。昨晚的一頓生日晚飯, 簡直是掃興，原本開開心心的去瑪寶鮮, 點知他們的服務及食物質素其差,

相約一班同生共死的好同期慶祝4週年，4年來，大家的生活都有不同的改變，唯獨不變是大家也會在工作上互相支持，鼓勵和加油！同期安排了這個海鮮酒家，朋友評價很高，我也有點心動哦~~ 這次人數剛好一圍有多，可以吃多多不同的餸菜，YEAHHH~~~片皮鴨一鴨兩食~~~ 好好味~~因為鴨皮很香脆，而且脂肪和肉分得均衡！ 在這瑪寶鮮唯一不用擔心是沒有蔬菜吃，因為蔬菜不少，而且煮得入味！但某些炒菜比較油，所以都要注意。 這個是炸豬仔肶~~好香，而且炸蒜可以用來伴飯吃。 這裡是海鮮坊MA，當然會有海鮮！這個是龍躉，連平時不是太吃魚的小M我也吃了很多！不止鮮味，也是處理很剛剛好的原固！ 但想不到有生菜包~~生菜少左D，但其實已經好飽！ 照顧清少少的朋友的口味，也有叫上湯，真材實料，不是細細粒的小蝦米~~ 這一餐真的非常滿足！值得推介！ 這個冬瓜盤要叫哦~~~齒夾流香！ 一大班好似家人的朋友聚首一堂實在難得，過程中大家都不停讚餸菜的美味~~令這個聚首增添美意！

咖哩魷魚 、牛肉球、 藥膳鳳爪、 燒賣 、櫻花蝦 龍肉炒飯， 點咗一個午市優惠其實都冇分午市㗎喇 。因為佢哋十一點開門，就已經可以order呢一個108蚊， 2個點心加一個炒飯或者炒麵 。 睇到openrice嘅評論話，招呼服務差，又覺得冇問題囉！因為我嘅要求就係 互相尊重你對人客氣對方都唔會同你惡言惡語 。 點心中規中矩 ，值得一試 。 知道佢哋好多時都主打菜式有龍躉， 下次一定會試下用龍躉煮嘅 菜式 。 藥膳煮鳳爪，鳳爪外型就好肉酸，太過細隻 ，藥膳湯味道就真係唔錯， 我都飲曬 。 所有菜式食完之後都唔會話好口渴 。 炒飯炒得好乾身味道唔錯 。 茶位只係十蚊位，茶葉普通， 一分錢一分貨都係覺得值 。 佢哋嘅大點30元，中點24元 。

晏就同同事一齊飲茶，呢度可以食到點心之餘又唔會太貴。客人大部份都係上咗年紀，點心款式真係唔太多，而且白灼菜心都要三十八🙂 不過，要推薦一下呢度既套餐！因為係最抵食既💁🏻.2款點心+1個飯/麵 $108 .菜苗餃 好大粒！餃入面有滿滿鮮甜既菜苗，唔係一口可以食得哂個隻，極力推薦！.牛仔骨好大塊！！好濃黑椒味，唔會太靭，煮得剛剛好，係肥膏多咗啲咁。.燒賣味道正正常常唔算好大粒，好普通。.咖哩魷魚魷魚好爽口😂咖哩味唔辣但係味道十足。.奶皇包超級流心！打開之後濃濃既黃漿流哂出黎，流到無手拍片🤣食得出有咸蛋黃係入面！高質奶皇包‼️推薦‼️.千層馬拉糕千層馬拉糕普普通通，淡淡地既甜味。如果係原籠馬拉糕就完美喇！.炒飯炒烏冬..最後碌卡有技術上問題，請咗我地食個紫米露添☺️☺️..茶介$10 收加一服務費

最近識咗個成日出去食好嘢嘅新朋友，仲要係訂成圍枱的飯局，不過原來價錢平均除開其實又唔係太貴，相比出去食一個貴少少的西餐仲要抵食，今次朋友就俾咗一個幾千蚊budget 人數12位瑪寶鮮，咁就設計左一個菜單出嚟啦，包括堂剪妙齡乳豬、姖松茸燉螺頭、金沙大虎蝦、蟹肉粉絲煲、古法炆龍躉背翅、燒汁百花琵琶豆腐、金瑤扒時菜、秘製脆皮芝麻雞、龍肉西施泡飯、合時糖水。由堂剪的乳豬、幾款不同的海鮮、時菜糖水都好有份量！

環境中階🤔食物水準中上😋（午市套餐*$108自選一款炒粉麵或飯+兩款點心）。我別㖭加了三款點心㖭。飽飽😋。結賬合理價$220😂環境中階。食品水準中上。價格合理。

第一次去真係喜出望外, 所以相隔兩星期, 再次來臨這間餐廳, 但今次就冇第一次做得咁好啦, 第一叉燒王有根有渣, 第二芝士大蝦個蝦有啲發霉, 芝士太鹹, 再叫九轉大腸, 練習牙力時候到嘞, 真係要用好耐嘅時間先可以咬開, 直頭好似擦子膠一樣, 令到我已經唔再想叫其他嘢啦, 付款走人, 臨走時反映給經理知他亦沒有反應, 可是佢亦心知, 但一間餐廳食物質素不是一次可以定輸贏, 繼續努力吧!

屋企人早排同朋友去過呢間酒家，話好食，今晚一於全家去 encore 一次 😊比較地方細，坐得比較迫夾，想靜靜地傾計冇咩可能，不過同屋企人食飯最緊要就開心，係呢度大聲講大聲笑都冇問題，因為環境真係嘈 🤣食物唔錯，都有D特色菜式。鮮蟹肉扒時蔬 --- 鮮蟹肉超正， 如果今晚嗰時蔬唔係菜心會仲正囉😋花竹蝦乾薑汁炒芥蘭 --- 隻蝦乾好正，不過芥蘭炒得唔夠林🙄脆皮牛坑腩 --- 第一次食脆皮嘅牛腩，牛腩本身好林，個皮脆脆哋幾得意🤗鮮果咕嚕肉 --- 炸排骨酥得嚟好林，個汁 酸酸甜甜，好味👍晶瑩貴妃雞 --- 吾點薑蓉都夠入味，好滑😁佢嘅叉燒好出名，我哋都想點返一份，點知經理話一早就賣曬了 😢呢餐食得滿足，傾得盡情，夠貼地 😊

新年我地三圍人搵個地方又要就腳，又要好食，我推薦呢間。尖沙咀，唔駛講，地點方便。亦唔難搵，有𨋢可以直上，如果有長者或行動不便嘅，可以考慮。首先多謝統籌人搵到呢度，餐廳好好，雖然話我地早book，好多時都要收deposit，呢間完全無收。老闆亦親力親為，佢滿場飛，周圍幫手。環境舒適，又夠開揚，唔迫，我地無book房，三圍都好近，叫做有個小小空間俾我地傾下計行下而又唔騷擾到其他人。睇睇個餐牌，要有嘅都有，都算齊，諗得到想食嘅都有（賣哂除外，新年真係好快無）流沙包熱上，好勁嘅流沙，整體包類唔錯; 粉飯都ok，炒得夠鑊氣，料都足，一人都有兩碗;點心類好味，其他小食都ok。我地一圍全大人，9女3男，每人88元落樓又飽，性價比高！

好耐無見又識飲識食既舊同事請食飯，約左係瑪寶鮮食～ 舊同事一早就訂定菜，我地又有食神食到d時令既海鮮，大滿足呀😍依道出名係飲湯，上次同其他人黎食無預先訂湯，無緣一試。圖上中：睇下張圖就知，個個都分到咁大舊花膠，除左阿媽煲既湯重有邊個會俾咁大舊俾你？！個湯鮮味、唔肥膩，正😍圖中左右：分別係淮山姑飯同炒粉絲，落足食材而又惹味，料重多過飯，吸引😋圖下左中：上湯浸龍躉🐟新鮮夠滑/鮮，我連湯都飲左幾啖，'Soak'左魚個鮮味果個湯都變埋精華❤️圖下右：舊同事屋企賣🐔，想食靚🐔無難度，但佢都讚依道d🐔出面如果雪過/無咁新鮮既雞佢會整色整水用調味/炸左佢令你覺得香口，但依道個簡單蒸大家食左都讚好呀👍🏼圖上右：依個係全晚我覺得正既一個餸。蒸蝴蝶蚌。。。我咁大個人第一次食乍！！部長話🦋蚌一定要天然養，無得人養，好珍貴唔係時時捉/食到架！！！依批蚌個殼雖然唔大（同平時食既蚌大少相近），但蚌肉明顯多，肉重肥到出蚌外，食落去唔會'蟹'口、鮮又Juicy, 我地勁like!!!咁就問部長點整，佢就話就咁清蒸😱所以話呢，如果食材夠鮮根本唔洗咩煮法，無添加已經好夠！真心勁like🦋蚌❤️❤️❤️❤️❤️同事萬歲，唔知會唔會好貴

朋友外國返尼聚頭見面...去嘆中式點心都係其中一個好好選擇尼!!...經常選擇集團式經營o既酒樓…咁班朋友仔佢地未聽過【瑪寶鮮】一個較為陌生o既名子…就同意齊齊尼試吓無妨啊!!...計落自己首次光顧都有年多前耶!!...初之體驗係吾錯架…希望今勻水準依舊吖!!尼度吾會係爆滿場…環境靜靜地咁…感覺自自在在又吾洗劈大個喉講嘢…選擇左個近200 元o既點心套餐…包小炒及粉麵飯類…先上黃金苦瓜…咸蛋黃濕左D, 炒得吾夠乾, 吾夠香口, 未達標!!潮式炒米粉一上桌就聞到香噴噴…好吸引!!!...食落又真係鑊氣十足, 麵夠乾爽, 雖然吾係用上好豐富材料的, 但著實好可口!! 全體應同俾LIKE!! 黑松露炸春卷…一咬就隔開個位都聽到有幾脆!! 黑松露味就吾會點突出, 但作為春卷, 都可值一試!!蝦餃味美、算做得皮薄晶螢蝦肉鮮…奶黄包、咸水角都合格之選…今日最....最失敗就係….蝦籽燒賣!!!...肉”鞋”怪怪o既質感同埋輕輕帶點酸…感覺吾多新鮮!!!...我地都吾敢食落去…最尾會送每人一客…紅豆莎糖水…果皮好香而且料子十足真做到起晒沙啊!!!

今晚同朋友去瑪寶鮮食晚飯，叫了蜜汁叉燒皇，叉燒不肥配蜜汁好可口，令人食多兩口飯，秘製話梅猪手是我食過的猪手中最好味因汁料有話梅味令人感覺特別開胃，再飲一個生碎杏汁燉白肺湯，非常清潤，又可以同食猪肺等配料的湯渣

呢間瑪寶海鮮，成日聽朋友嚟食圍飯，講到好好味，今日終於有機會試一試😎😎其實它只得一張紙嘅menu，後來問番友人，原來好多好味嘅菜，例如：乳豬、姬松響螺湯....等等都係需要預訂，所以多人食圍菜就方便dd，咩好嘢都食到哂😏我地乜都無預訂到，唯有點上面嘅菜蒜蓉蒸帶子見到人地上枱果碟好正，就叫咗☺️原來四隻要$200幾，好貴！不過帶子真係勁大隻👍🏻👍🏻而且蒜蓉蒸，無得輸！蕃茄黑木耳魚湯浸時菜菜芯好淋，大大條，但魚湯好削，完全唔覺呢個奶白色液體有味，所以菜芯都係無乜味。瑤柱蛋白海皇炒飯飯粒炒得乾身，而且好香噴噴，亦好足料，好味道！值得一讚係呢度嘅例牌都十分之大碟，夠5、6人食👏🏻👏🏻得兩個人，食到好飽，都係食唔哂d飯.....

爸爸七十壽宴 訂了一圍六千元嘅菜單 竟然填不飽 九個成人兩個11歲以下嘅小童 碟子大 餸菜少 (我仲以為自己食緊法國餐) 味道一般 鮑魚只有五蚊硬幣大小 花膠 只有6cm大小 最怒氣嘅 同經理反應d餸菜同之前唔同 貨不對版 之前食一模一樣都唔使六千蚊 佢竟然答我 "怕你哋食唔曬" 乜你可以對客人講呢番話 如果怕我哋食唔曬都唔關你事 我可以打包 我畀咗錢你哋就要畀食品我 一間咁有問題嘅餐廳 我絕對唔會幫襯下一次 最大問題就係我朋友請過我食過好多次 都冇發生咁嘅事。 最怒氣嘅....!就係令到爸爸媽媽唔開心食過 生日飯 幾冇癮呢

很喜歡瑪寶鮮這個名字，給人一種精緻、新鮮的感覺。今天又是三個女子的飯聚，吃什麼好呢？燉湯是這裏的招牌菜，最受歡迎的是鮮杏汁燉豬肺和姬松茸燉響螺，我們一致同意order 白肺湯，喜歡杏仁的香味和平時一定不會做這個湯😁😁有些酒樓的杏汁豬肺湯會很杰，這個就是湯水的質感，充滿杏仁的香味，湯底是來自豬肉和雞腳的甜味，看那大大碟的湯渣就會知道這個湯是真材實料。每人可分到兩小碗。小菜點了叉燒頭、黑醋骨、杞子蝦仁菜粒蛋白蒸豆腐和梅菜蒸菜心。叉燒頭是經理推介，其實一舊叉燒會有幾多個頭？我就鍾意叉燒頭那燒到微黑的部分，但這碟好像沒有很多燶的地方，就像普通的厚切叉燒，但勝在熱辣辣，好林，不算是十分出色，外面實在有太多叉燒王啦 ！黑醋骨，上碟很漂亮，有個綠色的巢，紅黃綠三色椒，但D骨是炸到很乾那種，味道一般般。杞香蛋白豆腐 ： 也是賣相一流的小菜，這個很不錯，底部是蒸蛋白，舖面有豆腐粒、杞子、蝦仁、菜頭，清清地，不會有肥膩的感覺，吃多多都不怕。梅菜蒸菜心 ：這兩種食材是很夾的，因為是蒸，不會像炒的那様多油，這個菜很多地方也有，普普通通，沒什麼特別。飯後贈送黑糯米糖水。今天是星期五，全埸滿座。咁啱隔離有一大枱人