瑪寶鮮

營業中

休息中

門徒畢業各散東西, 今晚八人江湖飯局, 交換情報, 選址 “瑪寶鮮”.🥰 前傳: 老友 “村井” 認識 “瑪寶鮮” 老闆, 幾個月前帶隊親征, 一試難忘. 幾星期前同 “傻路” 傾起攪飯局, 心裡已經敲定 “瑪寶鮮”.🥢 “瑪寶鮮” 屬傳統中式酒樓, 地方光猛闊落, 坐位舒服. 今餐做足功課, 一早預訂鎮店名菜, 包括乳鴿, 乳豬, 蝦兵蟹將腸粉煲.🐖 蜜汁叉燒頭, $138. 熱辣辣, 肉質OK, 焦糖味不俗, 食到陳皮味, 哈.📖 翻查資料: 叉燒頭即係叉燒焦黑嘅部份, 聽講叉燒頭尾因為燒嘅時候離火源較近, 產生梅納反應和焦糖化反應, 特別好食. 試過幾次叉燒頭, 肉質其實冇其他位置咁鬆化咁腍, 主要食焦糖蜜味, 魚與熊掌, 不可兼得.🕊 紅燒乳鴿皇, 兩隻, $256. 肉質嫩滑, 味道甘香, 一致讚好, 每人四份一隻已經好夠.✂️ 堂剪妙齡乳豬, 半隻, $418. 乳豬皮超級鬆脆, 味道出色, 今日脂肪略厚.🐚 姬松茸燉響螺, $328. 正常發揮, 好味道.🤗 金米鮮淮山爆花膠, $348. 用熱鍋上, 淮山花膠冬菇絲非常入味, 唔錯!🦞 蝦兵蟹將腸粉煲, $644. 蝦球按

在6月份揾食肥華累多位政府同事，在老街坊吃了一餐大失所望晚餐，肥華心感有愧，决定日後會補會一餐瑪寶鮮乳鴿餐給當晚賞面出席的同事以作謝罪，8月15日原班人馬齊到瑪寶鮮去食呢餐肥華謝罪宴，肥華首先在此多謝各位賞面出席同事，事晚此店菜色沒有令肥華及各同事失望，招牌乳鴿依然出色肉嫩汁多，杏汁白肺湯真材實料，生炆龍翅熱辣味美，蟹肉炒粉絲味濃出色，蟹粉蟹肉扒時菜清新可口，當晚除咗呢五樣主菜圽有A++評分外，餐前兩款送酒小吃避風塘百花釀茄子及蜜汁义燒頭，亦獲同事高度評價給與A+級評語亦不為過，加上肥華當晚自備嘅紅，白兩款餐酒亦啱各人口味，總知呢餐佳餚美酒宴，令揾食美華重現笑臉继續揾食😁💯👍🤪👍🤪👍👍👍👍

很久沒有來這裡了，最近因為和親友一聚所以又來了兩次，雖然很久沒有來但仍然很親切，而且餐牌沒有太大變化～我們也是第一時間點了蜜汁叉燒皇⋯仍然水準一樣很好吃👍🏻另外又叫咗：椒鹽九肚魚、沙薑大雞腳、脆皮牛坑腩、脆盞馳名陳醋骨、生炒蟹肉粉絲煲、龍肉西施泡飯、原籠荷香梅菜蒸菜心、壽桃包、瑤池貴妃雞、另外兩個菜忘記了名字（一個是蚌炒苦瓜、一個是粉絲素菜煲）每一款食物都有水準，所以平日也是蠻多客人，服務也不錯👍🏻值得一來！

今日約咗跨部門同事飯聚，其中一位同事推薦呢間響寶勒巷嘅瑪寶鮮中菜館，一入門口已經有好多名人合照，心諗應該水準唔錯。一坐低大家就傾吓計先！叫左兩個小食分別有金沙涼瓜同埋黃金脆豆腐，個豆腐炸得好脆，涼瓜我就唔食不過啲同事個個都話好好味！之後有呢度出名嘅脆皮燒乳鴿，因為好受歡迎所以之前要預訂，另外經理推薦龍躉翅，有一味有蝦加蟹肉及炒腸粉但唔知叫咩名😂呢兩味餸好少喺出邊有得食，味道都非常之好！另外再嗌左炸蟹鉗，炒通菜，粉絲蟹肉煲等等，佢哋大部份都用砂鍋上菜所以啲熱力可以keep到啲食物唔會咁快凍哂，最後再叫做一個泡飯同埋臨尾叫咗碗楊枝甘露，個楊枝甘露剩係得一碗仔要$28但係味道普通，反而呢個就唔係咁值，總括嚟講呢一餐中菜水準的確唔錯！

朋友推薦位於尖沙咀傳統茶樓格局嘅中菜館✨ 話燒味唔錯 一心嚟試吓 可惜嚟到發現招牌乳鴿同燒鵝都要提早預訂🥲 惟有下次再試🤓  對今次叫嘅菜式都幾滿意🤗  hahshahha1️⃣ 蜜汁叉燒頭 ($138) 2️⃣ 脆皮燒雞 ($168/半隻) 3️⃣ 原龍荷香梅菜遊菜芯 ($138) 4️⃣ 砂窩薑蔥生啫龍躉腩 ($248)

我最愛嘅 “高流灣” 搬咗去尖沙咀寶勒巷盈豐大廈二樓. 好幾次同行朋友係地下大堂等𨋢嘅時候, 都話三樓嘅 “瑪寶鮮” 好食.老友 “村井” 識人, 今日帶隊約埋 ”長介” 和 “一清” 嚟食午飯. 長介遲到一小時, 搞到大家都好肚餓, 罰佢請飲酒.🍽 “瑪寶鮮” 屬傳統中式酒樓, 地方光猛闊落, 坐位舒服. 今日唔食點心, 主攻出名嘅菜式.🐖 蜜汁叉燒頭. 半肥瘦偏肥. 熱辣辣, 香口肉嫩, 好食. 乜嘢係叉燒頭? 即係叉燒焦黑嘅部份, 聽講叉燒頭尾因為燒嘅時候離火源較近, 產生梅納反應和焦糖化反應, 特別好食.🕊 脆皮鮮乳鴿. 香脆肉嫩. 鴿肉非常甘香. 🐟 豉汁盤龍鱔. “村井” 一早預訂. 嘩! 出場有氣勢喎. 鱔肉質地OK, 唔特別 “脆”. 豉椒汁一流, 撈飯吧!🦀 蟹肉粉絲煲. 超級多蟹肉, 粉絲保持到濕度.🤗 總結: 廚師完全表現出實力, 食物水準一流. 坐位闊落, 服務周到, 性價比甚高, 今餐大鑊全勝! “長介” 即時再訂枱, 約咗飯局, 期待下次光臨.

最近初嘗瑪寶鮮，個人覺得絕對穩佔食肆琳瑯滿目的寶勒巷一帶粵菜出色代表。四人午聚，朋友拍板點菜，點了叉燒、燒乳鴿、蟹肉粉絲煲及盤龍蒸鱔，各自發揮有水準。叉燒格外焦脆、肥瘦均秤、溫度控制得宜、肉味濃郁。乳鴿皮脆肉暖，幾個西裝友動動手指，用最old school方法品嚐，一咬爆汁、齒頰留香實在過癮。蟹肉粉絲煲蟹肉雪白份量慷慨，粉絲入味微焦，在熱鍋裏攪拌食材，陣陣醬、鮮、濃味交融撲鼻，按耐不住要馬上起動。盤龍蒸鱔賣絕對相攞分，肉質鮮甜肥美，蹭一口熱飯飯最好不過。配以自帶紅白餐酒（Bordeaux St Emilion 及 “犀牛”牌Vermentino），恰似一場完美的相體，為下月約會做好鋪墊。

去到12點未有客人，但但1230已經滿啦！系樓上鋪來講應該吾錯。朋友話食過晚飯仲好，如果包房一台最低消費$5000。優點-味道吾錯-樣樣熱辣辣，改善點- 可以考慮炒野細碟D便D，或者有半賣，咁兩個人來食方便D。鴦炒飯（$168）3分- 蝦吾多，肉絲吾算滑，系份量超大同味道吾錯，當然168吾算便。蒜蓉炒菜心- 又系碟頭大，味道OK，菜心幾嫩燒肉（$88）- 今天系特價，所以一定要叫，好大碟，皮系鬆脆,肉肥瘦比例4/6，吾系死鹹。燒賣- 話系手剁，但食吾出有乜特別，肉味亦吾系太香牛柏葉（3分）- 正正常常奶黃包（4分）- 有金泊，賣相幾好，奶皇好流心好香韭菜餃（4分）- 個皮真系好“淋”同滑，菜都好信心。3個人埋單$560，主要係叫多左同炒野碟頭大，5個人都應該夠。

第一次黎食，要證明下好評是否真確，果然，不負眾望。其實幾年前已想黎但因疫情少飯局就忘了。知道呢道好多熟客所以即使食lunch都一早訂位，4人叫左套餐，因想試小菜多過點心（評語話點心麻麻）。餐有燒味雙拼，經理話多數係腩仔叉燒，有燉湯，點心小菜各2款，濃湯浸時菜及白飯，$538非常超值。湯係姬松茸響螺雞腳瘦肉，飲落非常鮮甜，家人以為係味精作怪但我覺得係真鮮味因響螺又甜又林，事後無人有口渴問題，證明我是對的，每人起碼有2大碗。燒味真係燒肉（皮脆）叉燒（夠厚）但因份量不多所以吾覺太特別。個粉絲蟹肉煲賣相非常好，鋪滿甜美的鮮蟹肉，粉絲好乾身加上微辣，我估係胡椒粉，個味超好。我其中一樣致愛咕嚕肉粉吾厚，甜酸味剛好，汁食到尾都無結埋一pat, 亦無太多肥肉，浸菜係菜心，好大碟又甜。點心有鮮蝦菜苗餃及咖喱魷魚，同樣好食。食到好飽所以要左2碗飯都有剩。埋單$6xx, 超值，有機會再去會試其他小菜。呢道服務亦貼心，店員客氣有禮，讚！

之前都提及過這家老友飯堂，每次在這裏用膳，都是充滿歡樂! 🏡 🎊雖然我不太認識他的歷史，但我相信這家是一間歷史悠久的海鮮酒家。🏅🏆👨‍🍳這裡美味菜式太多，不能盡列。 可推介一些預訂菜式：例如燒鵝、乳鴿或特定海鮮。🦀🦞🦐🦑餐牌上還有多種美味佐酒小食前菜，海、陸、空撚手小菜，豐儉由人!🥢🥢🥂☝✨ 脆皮乳鴿(須預訂)皮脆肉嫩，味道剛剛好， 四個人預訂了兩隻，每人半邊已很足夠，留肚食其他美味菜式!☝✨ 脆皮燒腩仔名副其實，脆皮肉嫩燒腩仔， 這家調味一流，肉味濃郁，不會過鹹，恰到好處!☝✨ 蜜汁叉燒皇點個“叉燒頭”，侍應就明白! 因為是必吃菜式，丁方切割，啖啖肉有咬口，面面焦香， 不試是你損失!☝✨ 金沙涼瓜令你從始改變對涼瓜苦澀的看法，鹹蛋黃配涼瓜，一濃一淡，一拍即合，一試愛上！☝✨ 椒鹽大魷魚鬚肥美魷魚鬚，新鮮熱辣辣， 鮮香味道，欲罷不能!☝✨ 瑪寶鮮小炒皇藝高人膽大，芽菜、韭菜花生熟度剛剛好，帶點微辣。 大大隻蝦乾，魷魚，鮮甜香口，鬆脆腰果，佐酒一流!🎉🎉 助助興! 帶了一支普通甜餐酒，請女侍應幫忙開瓶及提供冰桶。🥂🍷🍷二話不說，手起蓋落，冰桶馬上送到!又豪氣又親切，重點是不收分毫開瓶費!

讌請濶別四十多年的同學晚宴，亦係我揾食肥華將會在OPenRiCe，發表嘅第50篇食評，為隆重其事，一於用我肥華食評榜，排名五名之内嘅瑪寶鮮紅燒乳鴿皇來奉客，希望各同學都有一個愉快的飯局，果然不負所望，在10月30日的同學敍舊的飯局内，瑪寶鮮嘅出品仍然有水準表現，紅燒乳鴿皇固然無得輸，堂剪乳豬更是超水準之作，個人認為無咗D豬騷味，好食好多，個杏汁白肺湯味道濃郁，份量又足可以令個個都添飲，再加上其他精美小菜，都無令人失望，使到賞面出席呢個飯局嘅同學及我都有一個愉快的晚上，僅在此多謝各位當晚賞面出席飯局的同學和她的人見人愛的，乖孫仔，及瑪寶鮮侍應門到位的服務，才能夠打造到呢個成功嘅飯局

去到先嗌左個生炒蟹肉粉絲煲先, 再嚟多個古法炆龍躉背翅.望下個啲蟹肉多到笑, 真係啖啖食到蟹肉, 好似話係每日新鮮起肉，好鮮甜彈牙古法炆龍躉背翅, 果層龍躉皮, 咬落去果陣感覺爆緊啲骨膠源出嚟原先係叫蒸班, 但見隔離枱上呢碟, 香到不得了, 即改食龍躉.黑毛豬叉燒味道甜左少少但佢舊肉好靚, 咬落口軟硬剛好, 肥瘦適中, 加分.其他小菜都好出色, 好多野都仲想叫, 但得幾個人, 唯有下次.乳豬好抵食，皮脆肉嫩，敢唔會好肥鴛鴦炒飯份量十足，炒飯底好正

8月9号是大仔仔的生日，一早便約咗佢個晚去食乳鴿慶祝，食乳鴿梗係去瑪寶鲜啦，所以在8月8号便和靚媽特登去此店飲早茶，順便訂埋9号晚的枱和乳鸽，從未在此店飲過早茶，試過之後先知此店早茶真係厤厤，點心選擇少，味道又平平無奇，與晚飯相比真係有，蚊脾同牛脾嘅感覺，講番9号餐晚飯，主角乳鸽當然無令人失望，另外再叫的幾個小菜，都非常美味令我們一家四口都有一個愉快的晚宴，此点值得一讚是，不收自來酒水開瓶费外，並會提供紅，白酒杯給顧客應用，待應服務亦很到位，以咁嘅價錢在尖沙咀食晚飯，此店係我嘅首選

有時候約不同朋友聚餐，也會考慮不同環境。如果係家庭聚會，朋友敍舊，當然揾飯堂都想揾一間坐得舒適，食物質素穩穩陣陣，價錢合理，最緊要係冇時限，傾幾粒鐘都唔會比人趕。撞正呢類情況，我就會不其然諗起尖沙咀嘅瑪寶鮮。老店舖，雖然唔係裝置得金碧輝煌，但係足夠坐得舒適；老伙計，招呼温文有禮，好有親切感。食物穩陣，第一時間諗起佢嘅"王牌"蜜汁叉燒頭、仲有金沙涼瓜、黄金豆腐粒，椒鹽鮮尤等佐酒美食，佢哋仲係免收開瓶費，啱曬一班舊朋友摸吓酒杯底，慢慢笑談惜日往事。話時話，嗰度真係好有良朋敍舊feel, 因為不時傳來哄堂大笑，很有氣氛。😄😄😄🥂🥂🍷🍷咪以為我哋咁慳家，淨係吃小食。😅其實因為我哋多數都係玩即興，佢哋啲好嘢食又要預訂，例如乳豬、燒鵝皇、片皮鴨、乳鴿都好快售罄，所以最好訂位時預訂心頭好。其實揾食有時係享受環境，有時真係想享受美食，瑪寶鮮就係後者。我哋一班朋友都幫襯咗佢十年八戴，總之適逢週末，過時過節，你唔預先訂枱，都唔好諗住會有位。所以一間老牌食肆，食物無返咁上下，又點會留到一班熟客喇!👍👍👍😋😋😋瑪寶鮮燒鵝皇😋😋😋😋😋椒鹽鮮尤😋😋😋😋麻醬淮山😋😋😋😋蜜汁叉燒頭😋😋😋😋😋陳醋雲耳青瓜😋😋😋😋油鹽老

冇嚟呢間酒樓一排，始終念念不忘佢個叉燒頭，總係想一個人食晒一碟。冇來一段日子叉燒頭改咗用黑毛豬，價錢貴咗，但依然好味。本來我最喜歡食嘅係佢哋嘅上湯虎蝦煎米粉底，佢落錯單變咗伊麵，算啦都幾好食。虎蝦夠彈牙，炸完之後更顯乾身，加埋濃郁嘅上湯就好好味。呢度其中一個我最鍾意嘅特色菜係炒花膠。平時花膠都係用嚟煲湯或者炆， 呢個花膠用瓦煲炒，有特色又夠香口。另外驚上湯時蔬同陳醋排骨一啲都冇揸流攤，用料都好好。呢度座位都擺得好寬鬆，坐得好舒服，係同朋友食飯嘅好選擇。