瑪寶鮮

營業中

休息中

瑪寶鮮海鮮酒家 飮茶點心套餐又係星期日飲茶食點心時間，叫咗$138午市套餐，兩籠點心加碟牛肉炒麵，再贈送多籠甜品，連茶費再加一，實付$191，以尖沙咀地段，屬於優惠街坊價。食物質素就一般般，牛肉炒麵賣相雖然睇得下，但上枱時唔係熱氣騰騰嗰種溫度，似乎唔係頭鑊親自下廚，牛肉及炒麵份量都可以，牛肉較為煙靭，有少少咬口，食物溫度唔夠，立即大打折扣。三籠點心溫度就正常，蝦餃皮唔夠煙韌，一夾就散，唔知係唔係冇咗竹筍餡，蝦餃缺乏口感。至於蒸排骨份量就真係唔多夠，只係有排骨加蒜蓉，味道還可以，排骨有一半腍一半韌，而紅棗糕就可以唔使多講啦！茶樓衛生整體算合格，枱與枱之間位置較為相近，服務態度有禮親切，比一般酒樓更好。

一行五人食生日飯，好耐冇食中菜仲要酒樓，生日話要食中菜，佢揀咗呢間喺尖沙咀寶勒巷搭電梯上樓！枱同枱之間都尚算寬敞，加上唔會太嘈，完全可以傾到計，因為未人齊先叫咗一碟燒腩仔食住先，鬆化，肥瘦均勻入口即溶，好味呢度有啲手工啤酒，老公話想試，幾乎每台客都叫呢個蟹肉粉絲煲、味道淡咗少少，另外叫咗椒鹽鮮魷，正常發揮我哋女仔多，所以叫咗一個菜，啫啫蝦乾芥蘭煲，好夠味讚至於攬角骨啖啖肉好好味，一碟大概六條一有一條剛好咁我哋有買蛋糕嘅，酒樓一般都唔收切餅費，所以感覺良好❤️

又找到一間不錯的中菜☺️不過上菜時間非常快 很適合速食的香港人？😂金沙涼瓜最愛的送酒小菜之一 金沙非常香口，配以苦苦地嘅涼瓜出奇地夾 停唔到係咁食鮮果咕嚕肉送飯必備 咕嚕肉肉質鮮甜冇臊味，炸皮好薄 ，酸甜汁沒有過酸，又一個令人一口接一口的菜式燒腩仔皮脆而且燒得好香，但仍能保持肉汁豉椒牛肉煎脆米粉豉椒牛肉醬汁略鹹，牛肉入口嫩滑，米粉煎得都幾香，唯獨感覺不是很熱原籠荷香梅菜蒸菜心梅菜嘅鹹香加埋菜心嘅甜，入口豐富 生炒鮮蟹肉粉絲煲蟹肉係新鮮嘅生拆蟹肉，好鮮甜，粉絲索埋啲蟹汁一齊食好香椒鹽魷魚鬚脆漿好薄，魷魚鬚炸得不會過老，送酒良伴龍躉煲龍躉肉質鮮甜啖啖肉，配以煲仔一齊上 香氣十足蜜汁叉燒頭真係冇乜地方有一碟叉燒頭上，叉燒頭煙靭有𡁻頭，但一啲都唔嚡口，正小炒王同樣係送酒涼拌，配料十足 ，蝦乾魷魚，鮮味無比

唔係第一次食瑪寶鮮，亦經常介紹朋友去，但今次嘅經驗實在係不吐不快。訂枱嘅時候留左半隻乳豬，訂枱八點，我地七點五十五分去到，去到櫈都未坐，佢就已經話「咁我幫你上左豬先」，非常急趕。 明白佢係無得整半隻豬，一定係有另一枱同我地share每枱半隻，所以另外果半隻已經上左另一枱，佢想快啲上埋呢半隻，但係安排同談吐上係有好多值得改善嘅地方。寫好菜，一路食飯，每隔三兩分鐘就嚟收碟，就走嚟問呢碟仲要唔要，果碟仲要唔要，「不如食埋佢我收左佢」，等等。 枱唔夠位上菜，叫佢換隻細碟，又唔得喎，係要我地夾晒啲餸佢佢可以成碟拎走，莫名奇妙。最癲係，食食下飯，仲有幾枱客喺度，亦未到收鋪時間，佢熄燈。 在場食緊飯嘅客全部都打左個突，咁咪唯有全部起身走囉，唔係可以點。食物方面，以佢嘅價錢嚟講質素係OK（$400人頭），同佢可以自帶酒，仲要喺尖沙咀，其實係幾好 。 但服務方面無可否認係每下愈況，近年大家都好喜歡比較香港同其他地方嘅食肆，其他不談純講服務的話，香港食肆的確係非常令人擔憂 。

奶奶生日 想食中菜 姑拉book左瑪寶鮮 第一次黎 晚飯時間都幾full 我地叫左好多野食下 份量同味道都恰到好處［椒鹽龍躉皮］出面比較少食到 煙煙韌韌幾有趣 ［杏汁燉花膠潤肺］飲落香甜 花膠又養顏 岩哂我［蟹肉粉絲煲］鋪喺面嘅蟹肉都幾多 同埋幾大梳同新鮮［百花釀蟹鉗］好彈牙 好食 食一個都開始飽飽地［堂剪妙齡乳豬］上檯時係未切 唔知點解望落覺得有d不安😅 不過味道ok 皮都夠脆［安格斯牛仔骨煲］呢個好香口 煲仔菜d配菜係精髓 爆到勁香既配料 係我至愛 當然主角牛仔骨都好唔錯［小炒王］呢個同坊間一般小炒王有啲唔同 魷魚鬚係有粉漿包住炸過 仲有油炸鬼同大量綠豆芽 韮菜份量反而好少 呢個反而我鍾意食返最傳統既個種炒法多d［羊腩煲］味道ok 但上枱時 羊腩煮得唔夠時間仲係比較靱 有點失色［糯米飯］味道唔錯 軟硬適中👍🏻［馬拉糕］滑順綿密 唔會好甜 唔錯［自家製楊枝甘露］呢個超推介 非常多料 好正整體水準平均 性價比幾高 可以encore老人家一定食得開心😃

星期一“小犬”過後，下午返咗半日工，晚上約咗朋友去瑪寶鮮晚餐。瑪寶鮮係其中一位食家朋友介紹，睇佢臉書就知佢識飲識食，佢介紹得一定有返咁上下水準。我哋11人，以小菜主，記住傾計唔記得為美食留影，不過幾款精選仍然有影低：《牛仔骨》牛骨仔，有黑椒味，不柴口，我同朋友最鍾意食啲料頭蔥蒜，完煲上，食得出鑊氣十足。《炭燒蜜汁叉燒》睇圖畫已經覺得好靚，圖文相符，叉燒屬於厚切，少少燶邊，肉質鬆軟，肥瘦均勻，加埋個蜜汁，果然係招牌。《咕嚕肉》前面有好多咕嚕肉好厚粉，但係呢度外殼夠薄，同埋真係咕嚕肉，唔係生炒排骨，啖啖肉，加上個汁亦都唔會太酸，好好味。《脆皮雞》朋友點名叫，隻唔算好大，但係真係皮脆肉嫩，好juicy，感覺好似細個去飲食嘅炸子雞。《避風塘釀茄子》朋友話呢一款係小食，真係大大件嘅小食🤣茄子釀嘩花膠，炸得香酥，加上炸香蒜，好有驚喜。《太極鴛鴦飯》又係另一個兒時回憶，以前家酒樓先有呢味。一邊白汁雞皇，另一邊係蕃茄底，記得一碗飯要兩樣味道有哂，大大碟，味道剛剛好，醬汁誤會過杰，好滿足。#瑪寶鮮 #中菜 #酒樓 #良朋歡聚#牛仔骨 #炭燒蜜汁叉燒 #咕嚕肉#脆皮雞 #避風塘釀茄子 #太極鴛鴦飯#foo

一班人、想飲酒、又想傾計傾耐D，梗係要揀一間地點就腳唔難搵，自己帶酒免開瓶費，有齊冰桶酒杯，而且不限時坐到尾。一坐低就點咗雞煲翅，每碗都好足料，夠火喉，唔油膩，$498已經夠6-7人份量，太期待，相都吾記得影。果然，好食嘅嘢吾係淨係睇賣相。

行尖沙咀見到呢間中菜館，我睇番open rice D介紹，所以決定嚟試吓！叫咗幾個我鐘意嘅餸，生炒蟹肉🦀️粉絲煲，金銀蛋莧菜，陳皮蒸班頭腩。佢哋煮嘅餸味道偏淡，不過唔緊要，我食得健康，只要加D豉油就得！生炒蟹肉幾好食，粉絲勁多，唔洗叫白飯！莧菜新鮮，個湯可以飲埋，好好味。仲有班腩啖啖肉，味道淡，加番D豉油更好味！伙記服務態度熱心，廿五分鐘就上晒三個菜，地方闊落好座！全場都爆滿，所以必須要訂位！😊😊😊

又到母親大人生日，呀妹知呀媽喜歡中菜，所以揀了這中菜館慶㊗️。我們點了：🥢蜜汁义燒🥢脆皮燒煵仔🥢金皮鹽香鷄🥢蟹肉粉絲煲🥢原籠荷香梅菜蒸菜心🥢砵酒焗酥蠔🥢上湯龍蝦伊面🥢陳皮蒸龍躉🥢花竹蝦干通菜煲🥢金銀蛋蜆菜🥢咕嚕肉🥢懷舊馬拉糕／壽包整體菜式水準平均，兩老很滿意，本人比較喜歡酥蠔，外層酥皮夠薄脆，內層蠔肉軟而多汁，另外蟹肉粉絲也抄得很乾身和惹味，义燒也煮得很腍身和醬汁夠入味，反而我覺得壽包麻麻，無乜蓮容香味，所以沒吃完 。

星國家人回港探親指定要食燒鵝，尋找一輪選咗瑪寶鮮訂位講明不限時正好一家人談天說地開開心心啦瑪寶鮮燒鵝皇上枱熱辣辣，皮脆肉滑，鵝油超香。有一點點肥但還好的蜜汁叉燒皇非常軟腍✅應該要配碗白飯，可惜成家都戒左澱粉生炒鮮蟹肉粉絲煲乾身非常，帶辣但惹味，濃湯杞子雲耳浸時蔬 清清地店員都十分Nice，所以長輩都食得開心再有飯局都會再來，大枱可以18-22人一流好味度：✅✅✅✅抵食度：✅✅✅回頭度：✅✅✅✅舒適度：✅✅✅✅

今次與舊朋友聚會及慶祝生日，舊朋友選了一間酒家，這間酒家我很喜歡，地方雖然唔大，食物質素很高，真係覺得是舊朋友，舊同事聚會嘅好地方，朋友之前已在酒家預先點了菜，因為有啲食物需要提前兩三天預訂，朋友點了四款餸，雖然唔太多，但每一碟都分量十足。堂剪妙齡乳豬，乳豬皮很脆，皮與肉中間沒有肥膏。翡翠功夫大海斑，這條魚真是考刀工，將全條魚起晒骨，然後砌返成條魚，魚肉又滑，勁！！蝦兵蟹將腸粉煲，蝦不是一般的，又彈牙又大舊。另外，就是壽桃包，朋友生日梗係要慶祝一下啦！整體這間酒家食物一流

中學同學生日飯🎉，我地差不多每個月都有生日🎂飯食，每次都非常丰盛，今次搵左瑪寶鮮海鮮酒家係尖沙咀寶勒巷。每次去邊食我都唔擔心唔好食，因為佢地揀的未未衰過，今次都唔例外。妙齡乳豬塊皮好脆好香👍，紅燒乳鴿每人半隻超好味，龍躉球都好好味平時食果啲會好漏，唔知點解呢個食左幾舊都唔覺，炸蟹鉗都唔錯啖啖肉，不過有啲同學就話一般😅，咕嚕肉、魷魚鬚….都有水準，最後的壽包好好味，我平時麻麻地唔鍾意食壽包，但今次比面試下，點知食落好好味我成個都食晒😋，仲打包一個返屋企添🤣

爸爸鐘情中菜，今次一於搵間朋友都推介嘅海鮮酒家豪食一餐！作為魚控嘅爸爸餐餐都一定要有魚，特地叫左砂鍋薑蔥生啫龍躉腩比佢，一嚟少食龍躉，二嚟砂鍋薑蔥加龍躉要走油都花功夫媽媽一定唔會整~ 估唔到第一碟餸已經令我地驚喜萬分~砵酒酥炸大桶蠔都好有驚喜，炸漿超薄，外脆內juicy，桶蠔真材實料，完全冇縮水勁大隻又有鮮味，簡直係享受！跟住上嘅生磨杏汁燉花膠係特登order比媽媽嘅，訂檯時已經預訂。奶白杏汁超香，加養顏花膠，而且熬湯嘅雞腳、雞件、豬肉等配料一d都唔少，個湯超滋潤，正！再嚟嘅特大蘇格蘭聖子皇都係令我地回味嘅菜色，食材新鮮而且火喉控制得好好，略加鼓油熟油蒜蓉粉絲蔥已經令聖子皇嘅鮮味逼出來，聖子皇mega size至餘又彈牙，食過翻尋味~難得有百花炸釀大蟹拑當然一人一隻try try，釀蟹拑特大，皮脆蝦膠爽口，食完都飽飽地。 比起蜜汁叉燒頭，我覺得砂鍋鮑魚汁海皇炒飯更惹味，夠鑊氣而且炒飯粒粒分明。最後食埋紫薯流心煎堆仔，香口的骰又唔太甜，perfect~瑪寶鮮果然係出色嘅海鮮酒家，海鮮類嘅菜餚尤其高質，人多可以食多幾款，係宴客或同長輩們食飯嘅不二之選。Menu –茶介 $18/位 ; 小食

。生炒鮮蟹肉粉絲煲 ($188) - 就是被這個粉絲煲吸引而來，上枱好香蒜香味，蟹肉大大梳又夠鮮，粉絲就烘得較乾身。。蜜汁叉燒頭 ($138) - 其實成碟好似得3舊叉燒頭，朋友講解後先知叉燒頭係邊邊位置，燒得燶啲，食落香口啲，食完後我都係中意中間半肥瘦嘅部份多啲😆，又嫩又入味，個汁就偏甜咗少少。。豉椒牛肉煎脆米 ($168) - 未話好大驚喜，有點似平時食嘅豉椒炒牛，係牛肉份量多又夠大塊，個脆米又真係煎得幾香脆。。瑪寶鮮小炒皇 ($158) - 小炒皇不錯，有好多材料，特別講一講啲蝦米好大隻，差唔多手指尾咁長，好有鮮味，同埋佢加咗油炸鬼，食落幾有趣。

瑪寶鮮很久沒有到來，朋友突然提起這個酒聚的地方，一於舉腳贊成。蒜蓉粉絲蒸聖子~朋友帶來Smith 2009 白，打開餐牌，便點了蒜蓉粉絲蒸蟶子王，在這有個好處，就是帶咩酒，再在餐牌內點咩菜。椒鹽豆腐~皮脆內軟，喜歡脆皮外的點點黑芝麻，下酒小吃好拍檔。薑蔥煲仔羊膝蓋:由於今晚酒友有主題，所以點菜交給友人負責，薑蔥蒜爆得香口，大大塊骨頭連著點點肉嘅騷香，配紅酒份外惹味。乳豬半隻~店員推介，乳豬剛剛燒起無法抗拒，影完全相，斬件即食，美味甘香。梅菜蒸菜心~梅菜帶點點薑汁味道，筆者很喜歡。整體來說每道菜式都熱騰騰，食店免開瓶，而且在尖沙咀區，所以吸引了不少酒友到來坐上客。但注意的是，我們當晚是星期五晚，未知是否因為疫情，食店九點多已是Last order ，所以唔會收得太晏。