琛仔小廚

營業中

休息中

我哋喺炎熱嘅天氣下等左10分鐘先至有位，我都唔明點解會咁多人等，我係佢未搬大鋪之前我都一直食開嘅。喺舊舖嗰時呢，啲價錢都係好合理嘅，一搬咗去大鋪呢，嘩貴到媽媽聲，係每一樣野貴左＄10至＄15不等，雖然之前細舖佢係唔包嘢飲而家就包野飲，但我覺得都唔需要每個餐加幾成咁樣囉，佢又加價幅度實在太大。你話佢嘅選擇非常多同埋好好食就話姐，都唔係。佢嘅餐牌由舊舖都新鋪，都係冇咩大變化，來來去去都係果幾樣，完全冇新意。仲有，之前喺舊舖食過佢啲牛扒，堅韌到刀都切唔到，所以妮到新鋪同我一樣都唔夠膽嗌。我地試過咁多樣之後，我哋通常都叫乾酪雞扒同埋青檸汁軟殼蟹，我哋覺得係最好食嘅。但我哋每次叫親都要等10分鐘，我哋就懷疑等嘅原因唔係佢精心製作囉，等嘅原因係因為有其他客嗌同我地同一樣嘅餐，佢就兩個餐一齊整，因為每次出餐都係兩份或者以上一齊出。我都明白兩份一齊做係比較有效率比較方便，但都冇理由叫個客等咁耐掛。兩個人埋單叫凍飲，98蚊，又唔覺得佢咁好食，但因為佢位置方便，所以就成日揀佢。

第一次試，亦都最後一次諗住雞扒意粉唔會太差啦，雞扒普通，意粉又一般，咖啡冇味，換左一次都仲係冇味，唉算，快快趣食完走人，$49 食完唔飽嗰下谷氣,........

大埔以前係呢頭讀書叫做食過好多間餐廳 但黎到新街市既另外一邊都係第一次原來呢頭都好多好野食今次朋友帶我黎呢間西餐廳仔真係極度高質價錢又抵 一定會再番黎食！我地嗌左d set lunch 每種主菜都可以跟意粉/飯/薯薯仔有好多款可以揀煎/烚薯粒、薯條、薯蓉都得唔會好似其他規定左薯菜都唔知係薯條定薯蓉咁好正⠀朋友話上次食過羊架就食過番尋味一定要嗌番所以嗌左呢個⠀ 香蒜羊架 ($68)羊架唔會酥 肉質好林 仲要68蚊有兩大舊d脂肪會大陣羊味多d 薯條炸得熱辣辣又脆 點個白色醬真係好正仲要會配正式西餐先有ge 薄荷醬仲會跟埋d沙律 唔怕食到好肥膩！朋友仲加錢跟左是日餐湯⠀ 蘑菇忌廉湯 (+$5)絕對唔係平時出面hea ge忌廉湯入面仲要有蘑菇蓉 抵讚我就嗌左⠀ 乾酪雞扒 ($46)我就揀左配煎薯粒 每一舊都灑左d香草煮得非常林非常香個雞扒都煮得好嫩滑雞扒同薯仔再配埋個奶酪醬真係一流⠀講真西餐黎講真係好高汁同好好味而且午餐呢個價錢仲性價比好高下次再黎試埋其他！⠀午餐餐牌比大家參考下：

黎過兩次，水準不俗。呢個價錢，真係無得投訴，皆因出面食嘢樣樣貴。質素好，你又like既，只會越食越貴，難得搵到間經濟實惠，食落喜歡既就多些幫趁。兩公婆叫三個餐，試多份口味，仍覺便宜！

平時經過呢間餐廳成日見到有人等位由於我對排隊係0耐性，所以一直無試過但今日行經餐廳，竟然無人等即刻入去試下先😋🍽我係晚上入去既，所以有dinner set同朋友一人嗌左一個set有個叫乳酪雞扒，另一個叫牛扒可以配薯菜，飯或意粉仲有餐湯跟想講個牛扒好出色，食落唔會好老好鞋火喉控制得好好，仲有個薯菜！我揀左薯仔粒👍🏿👍🏿👍🏿好好味😭強烈推薦揀薯仔粒😍另外個雞扒，我本來都無乜期望因為雞扒都係差不多，但係食完之後完全改觀，好滑！！配埋個汁！好好味！一定會返黎再食👍🏿👍🏿👍🏿

我記得呢間鋪頭有好細間鋪，變咗而家自己獨立一間舖，初頭係細舖食佢啲嘢都覺得好好食， 今次起碼第四次過嚟森仔小廚食，佢啲價錢比出面平少少，我覺得好合理，而且佢啲款式都算多，於是我哋就叫咗兩個套餐，一個係羊架，一個係牛扒，牛扒仲做緊優惠價＄99，好抵食。 個餐湯都幾好飲，好濃嘅蘑菇味。個牛扒夠薄，好容易切，而且我哋叫咗七成，啱啱好，加配以蘑菇汁，食落去好惹味。但係個蘑菇汁唔夠，我哋再要添。另外一個係羊架，我最鍾意佢有唔同嘅薯菜、薯條、薯蓉揀，出面好少西餐廳有炸薯餅，所以我欣賞佢呢一樣野有好多選擇。相信嚟緊嘅日子都會再繼續幫襯！

好耐之前食過幾次, 個次仲係舊鋪, 得唔夠10 個位, 以前要企係門口等位, 落雨就好麻煩, 個時已經覺得好好食, 即叫即望住老闆整野食, 之後間鋪唔見左, 一路以為執左, 前排行過見到原來佢地搬大左, 所以白色情人節夜晚特登走去食間鋪搬大左, 由得10個位變左10 幾檯, 位都唔使等, 仲有得book位, 野食仲好食左, 係冇得望住老闆整野食感覺冇以前咁friendly煎豬扒超好食, 有日式吉列豬扒嘅感覺, 牛扒都好食, 但冇豬扒咁有驚喜, 揀配菜都勁, 唔係就咁得飯意粉薯菜, 薯都好多choice, 薯條薯餅薯蓉, 仲有唔記得乜野, 多到數唔晒真係冇投訴, 大埔真係好多好野食, 呢個價錢呢個品質, 出去食椰林花園第尾個D 都比唔到呢個感覺你呀

大埔 係星期六日 有好多人 會來揾食的 如 去大埔街市豬排面 ，豆腐花 ，清湯腩河等美食 揾食另一選擇:琛仔小廚 由父子檔 組成的一間餐廳 小小歷史 由細鋪 做到大鋪 住大埔既好多人都認識 是日午餐 :我 撰擇了 "水牛芝士肉餅 " 配 埋煎薯仔 做配菜 絕對 美味 而肉餅 煎得剛剛好 裡面切香啖啖 芝士 亦唔覺 太滯 另一好味選擇:乳酪雞扒溫馨提示 :享受美食 要給點耐性 制作需時誠意小店

叫No.3 號牛扒餐,我媽叫7成. 比個件9,10 成黎既因我都係7 成, 比例差好遠跟住同佢講. 佢就話d 肉唔同, 初頭唔肯換, 後尾換件得3成黎玩咩, 我阿媽點食呢仲同我講話要生d 啊嗎一句講哂無下次

琛仔係黎一次就會上癮既地方XDD 黎完一次後就注定會成為呢度既常客!! 呢度既午餐會定期更換 不過最出名既都係佢既雞扒, 肉丸, 蝦多士同煎薯! 今日竟然見到有新選擇--軟殼蟹 身為軟殼蟹愛好者既我緊係要試試佢 XDD 酥炸軟殼蟹配青檸汁, 配意粉 (可選飯,意粉,煎薯,薯蓉,薯條同薯餅...好多薯>v<") $46連飲品 (味道:9/10, 份量:9/10) 個件軟殼蟹既好味程度....我諗真係要有食過既人先會明白!!! 好大隻不在話下..每一啖蟹肉都食到濃濃既肉汁同鮮味....!!新鮮既感覺就好似係岩岩係海水游上黎咁....@@炸得香脆而不膩 乾脆唔會覺得油估唔到會係呢度食到我食過最好味既軟殼蟹(good!!) 黎個closeup~~~♥♥♥另外, 仲叫左個餐牌上面無既款式~~係瑞典肉餅配煎薯粒!! $65 (味道: 9/10, 份量:8/10)1)點解餐牌無我又會識叫?因為曾經有一段時間呢個款式出現過係午餐menu~ 而而家轉左之後就連normal menu上都無左呢款喇2)又點解明明今日午餐menu有瑞典肉丸我唔叫, 要比貴D叫肉餅?呢度既肉丸好味就好多人都

在旧店试过，感觉好用心。来到新店，店员推介肉眼扒，好吧。上菜很快，可目测並非五成熟，果然肉眼入口感觉过火，调味亦比较淡，有点失望。新店枱距比较小，坐的不太舒服。

多次午飯時間因為等唔到鈞一居而轉去食琛仔小廚，食物其實也不錯~午市一個主菜+餐飲$46不用加一，價錢ok，令人喜出望外係豬扒係用新鮮豬扒，非雪藏豬扒; 醬汁亦都有驚喜，唔係平時常見嘅燒汁/洋蔥汁/黑椒汁，味道很好，很西式的味道，但未能指出係點mix出來。感覺食緊平民fusion 午餐Remark :乳酪雞扒都好特別好正~~如果跟餐沙律菜份量可增多更好~近門口的座位的落地玻璃應加窗簾阻擋陽光，不然食客就要在烈日下進餐

I came with a colleague for lunch. The menu looks extremely attractive. We were sit in an attic which you need to pass through the kitchen and up the stairs.I ordered a mozzarella meat loaf (水牛芝士肉餅) served with rice. The meat is purely beef and the cheese is hardly tasted. The sauce is too oily and the rice had absorbed the oil which made it even harder to swollen. If you want to have soup, you will need to pay extra HK$5.00. It was a cream of pumpkin soup. If you asked me, I didn't find it as a

琛仔小廚可以話我係大埔encore得最多次既餐廳XD身為一個薯仔控 我真係好鍾意依度既薯仔Lunch Set 叫左乾酪雞排配煎薯～～望落好似好少，實際上有兩大塊雞排，塊塊都皮脆肉嫩，好juicy!!加埋隔離有d似sour cream既汁，好新鮮既配搭！仲有d煎薯 外脆內軟，煎得好香，點埋d醬一齊食亦得！旁邊有d蔬菜，令依餐無咁肥膩同熱氣跟餐叫既熱檸水～

經過見到幾多人，餐牌啲嘢食都啱食，就入去試下！食到一半先影😛個湯味道好濃蕃茄味👍(比較多蕃茄皮)捷克豬扒豬扒味道較羶，對我嚟講好臭豬味😂所以呢個一般家鄉炆豬手睇到豬手兩個字以為係出面啲德國豬手，中左伏但豬手好林好入味，係配意粉怪左啲😂所以呢個整體都ok