班蘭葉印尼餐廳

營業中

休息中

印尼嘢一向俾我嘅感覺繫好整齊，同埋分明。對其他人可能冇乜特別， 但係對於有強迫症既我，就係好舒服嘅用餐體驗。你可以話用餐盤都可以分清楚一格格，但係佢哋就做到同一隻碟，都非常有序。 🍖表表者就係什錦黃姜飯，金字塔形嘅黃薑飯，放係中心，四邊沙律菜，豆腐，巴東牛肉同埋炸雞髀，清楚分明，有空間感，但係份量又足。而且汁醬亦都唔會互相交叉，因為佢哋巧妙咁用咗葉去盛載。薑黃飯夠曬乾身，配合配菜好夾。咁多樣我最鐘意系巴東牛肉，佢屬於嗰種唔會炆得好腍，有咬感，但繫好容易咬開。而且少少辣，唔會過分，適合香港人口味。雞髀都好大隻，同樣炸得乾身，所以皮好脆，但係裏邊保持嫩滑。 🍖食咗一個好特別嘅牛丸河，拳頭咁大嘅牛丸，入面包住5粒小牛丸，同埋牛肉碎。咁就巧妙咁做咗好靚嘅視覺效果，同時間，貫徹佢分明有調理嘅處理。而且非常有牛肉味，我講緊嘅係包括埋個湯底。 🍖甜品系多到滿寫嘅刨冰，除咗顏色豐富嘅珍多，涼粉，仲有牛油果，荔枝肉，各有各口感，夏天食完嘢食一杯最爽。而佢嘅排列， 喂，又繫好工整咖！ 🍺飲品我想推介斑蘭煉奶梳打，材料出奇地夾，然後我想講，杯嘢飲都係分開三層，蘇打仲係俾你自己加，等你影相嘅時候摞到最好嘅效果

本來見門面以為只是印尼食品士多誰知入面別有洞天有間有心經營的小店店員會熱情招待一樣樣詳細介紹食品令客人感覺受到非常禮遇的對待未點餐前已經有很好的感覺本來不喜歡太濃味的食物聽店員介紹點了花膠湯粉皮+斑蘭雞花膠湯的花膠很大條很好味吃得出的真材實料斑蘭雞就很滑完全顛覆對印尼菜濃味好鹹的印象另外亦點了杯非常綠的斑蘭檸檬特飲味道幾特別雞湯麵最後食唔曬70幾蚊價錢在銅鑼灣算很抵晚市埋單100蚊有找午市有套餐 大約60幾？10分滿分會給9分有1分係後悔自己點解咁遲先發現它

特色印尼雜錦黃薑飯班蘭葉印尼餐廳 銅鑼灣 糖街 銅鑼灣商業大廈地下 B2號舖坐港鐵銅鑼灣E出口 步行三至四分鐘門掂是買美味外賣食物，裏面優雅，細緻空間帶着柔和光線，而店長滿有笑臉介紹食物燒牛仔骨： 香甜蜜糖燒牛肉， 配上甜甜青檸味醬汁，入口牛肉好像黏門蜜糖牛肉多汁，煙煙韌韌。牛肉整啲醬汁好有新鮮感覺印尼炒貴刁：配菜炒雞肉入口柔軟，配搭得好😁貴刁炒得爽有彈性，入口食出香滑😋。 雜錦黃薑飯： 埋相非常之吸引😋炸雞腿炸得非常之美味，切開裏面雞汁滿溢，入口香滑柔軟，另外，在面上鋪滿特色椰絲粉。另一邊，巴東牛肉，入口濃鬱香味加上香甜滑溜黃薑飯柔軟煙韌😋 有沙律和粟米餅伴着。 檸檬紅茶：喜愛這杯紅茶，裏面自動加糖非常之清涼，滿足我口味，完滿一餐😄

中午唔知食咩同事帶我去吃呢間印尼菜，比較少食外國菜第一次食味道唔錯，我哋點咗印尼四大天王飯因為好多都想試下所以就點咗呢個裡面食材豐富距個巴東牛肉醬汁好開胃肉質比較厚，微微辣可以接受，雞肉沙嗲三串雞肉嫩滑多汁，好入味沙嗲醬汁口感好豐富，下次又來。

成日都行經呢間鋪頭，但一直以為只係一間普通賣印尼蛋糕/小食嘅地方，原來入面幾別緻😳仲要啲嘢超好食！當日見到除咗印尼姐姐，仲有好多香港人食，聽得出唔少係回頭客😜Tips: 見到有台係慶祝生日，有個大盤擺靚靚花同生日牌，我諗帶朋友黎呢度慶祝生日會好特別😙🍀是日點餐🍀炸魚三色飯(💰178）(+0% 🛎️)擺盤色彩繽紛嘅係椰汁飯、班蘭飯同黃薑飯😍一次過滿足三個願望😌我最鍾意黃薑飯，我本身唔會食薑，但呢個飯好香好暖胃又唔會食太重薑味又估唔到魚肉可以keep住嫩滑多汁，搭配埋獨特嘅香料，味道好出眾，好食到停唔到口，十分推薦，正！同埋有新鮮黃豆餅做配菜，口感豐富｜👅: 5/5瑪瑯大粒包細粒白鬚牛丸湯麵(💰88）(+0% 🛎️)未見過咁大粒嘅肉丸，簡直就係巨大化咗嘅牛肉球，肉丸入面包住一粒鵪鶉蛋、幾粒細肉丸，有啲大腸包小腸嘅感覺。湯底有啲胡椒味，好夾｜👅: 4.6/5印尼咖啡涼粉冰(💰38）(+0% 🛎️)非常足料又大杯，打卡之選～涼粉真係食出咖啡味，苦苦哋，我鍾意偏苦味的咖啡😂成杯overall 係香甜，好易入口，啲涼粉好好𡁻｜👅: /5班蘭雪芳蛋糕(💰25）(+0% 🛎️)必點招牌蛋糕，好新鮮又香軟｜👅:

見網上介紹這間印尼特色餐廳，經開銅鑼灣在維園附近非常方便，就去試一試，見前舖賣印尼小食已經好吸引，裡面是餐廳，環境都幾雅緻，牆上介紹許多特色招牌美食，最後揀了幾個招牌菜：1. 班蘭雞飯 $78見到有個綠色塔飯好似幾特別想試一試，同埋見牆上介紹招牌雞，應該無點錯，食落雞的確好嫩滑juicy, 綠色塔飯應該是班蘭，好香口。2. 牛仔骨花膠湯粉皮 $82有牛仔骨又有花膠滿足兩個願望，夠哂養顏，（見下面相片就知），都有3大舊花膠，好抵食，牛仔骨個味都唔錯好惹味，有點BBQ嘅風味。3. 加多加多沙律 $78呢個沙律有驚喜，上枱時睇落唔似平時食開的沙律有d擔心，可能是印尼特色，醬汁似串燒的沙爹醬，少少辣好香口開胃，有菜，青瓜，豆腐，旦，好似有d肉, 最特別有幾件好似飯糰餅，加埋d汁好好味，如果淨食這款沙律都夠飽肚。4. 涼粉椰汁冰 $28 5. 柑桔青瓜冰 $28這個青瓜冰都幾特別未見過，有班蘭味道+青瓜，好清新，班蘭味香，如果喜歡班蘭一定要試

今次已經係二訪因為對上一次同朋友食過一次 心念念又想再返黎試多次而且只係相隔左兩個星期😋印尼黃金飯 $88Indonesia Golden Rice 朋友係非常鍾意食烤雞既食物呢隻雞腿炸得非常可口，而且絕對無油淋淋既感覺另外仲有巴東牛肉，口感煮得非常合適如果你鍾意椰香味，黃色既飯係加左椰漿去煮，椰香好出。燒牛仔骨 $148Grilled Short Beef Ribs 係用左一個醬汁去醃，個汁係非常好味，另外將佢煎香，所以個汁係會食到有焦糖味，如果牛肉易咬口會比較好。今次係第二次叫仍然保持到水準炸蝦卷 $58 💫Shrimp Roll呢個我覺得係必點！因為個腐皮炸得非常脆口，而且蝦肉超級新鮮，超級驚艷☺️柑桔青瓜冰 $28如果你鍾意斑蘭係必點呢杯，因為青瓜味唔太出，反而斑蘭味先係重點。呢間印尼餐廳雖然細細間，但每樣既菜式都令你唔會失望，而且裡面既員工笑容都非常之好。

喺銅鑼灣好出名嘅一間印尼嘢，有啲難搵，成個鋪面唔係好大細細地，不過啲嘢食都幾正宗下。不過依間嘢只可以收現金，唔接受俾信用卡同埋八達通🥹所以要去呢間舖嘅朋友記得帶現金啊同friend嗌咗一碗花膠面😋一個炸髀🍗同埋一舊牛肉🍖，都幾抵食吓。個花椒湯河粉好有鮮味，可以試得出係精心熬製嘅嗰啲湯底～^ ^印象最深嘅係佢哋嘅奶茶🥤都唔算話好甜啱啱合適。最重要嘅係都幾有特色嘅，因為好多嘢都係綠色，但係食起上嚟又幾有食慾嘅😆😙😙

銅鑼灣班蘭葉印尼餐廳，除左傳统印尼地道菜式外，仲提供一系列東南亞食品，包括多款小食、沙嗲串燒、蔬菜、飯麵、飲品、甜品。班蘭雞飯：賣相唔錯，綠悠悠顏色既班蘭飯，鷄肉嫩滑，黃油油咁，鷄皮爽口唔肥膩，配上一碗清雞湯，加左蒜粒，散發著獨特既香料風味。爪哇炒麵：炒麵用左印尼甜醬油炒，味道有D似沙嗲醬，配料有牛丸、芽菜、九菜、香蔥、仲有隻煎蛋鋪在上面，擺盤有心思，炒得夠鑊氣，滋味無窮。咸魚炒怡保芽菜：怡保芽菜每條都水份充足，肥嘟嘟脹卜卜，咬起嚟清甜爽口，加上用左惹味咸魚炒，簡單好食。熱黑糯米糖水：椰香味濃，帶來營養豐富既口感，係一道滋補又美味既飯後甜品。總結，食物即叫即整，味道充滿驚喜，而且份量十足，銅鑼灣區抵食推介。

這天朋友突然提議在銅鑼灣吃飯我就選了較少吃的印尼菜🇮🇩這家餐廳開業已有七、八年幾年前也已吃過食物款式和食材都不錯價格也親民看看這次能不能像以往一樣保持水準😉✩‧₊印尼花膠湯斑蘭雞粉皮($88)ʀᴀᴛɪɴɢ: 𝟽.𝟻/𝟷𝟶斑蘭雞和湯粉皮是分開上菜的🐓花膠有兩三塊口感緊實爽口杞子湯粉皮順滑頗具養生的感覺雞肉不乾柴但稱不上很嫩滑但很厚實沒有點綠色的醬汁(推斷是斑蘭醬😂)味道都很夠這個價錢來說已是頗有誠意🫶✩‧₊印尼四大天王飯($88)ʀᴀᴛɪɴɢ: 𝟽.𝟻/𝟷𝟶既然什麼都想嘗試就點了這份雜錦飯配料種類豐富💫巴東牛肉醬汁開胃不太辣肉質偏厚實🐮海南雞與上述的斑蘭雞是一樣的香辣小魚乾較辣幾香口🐟更有一些沙嗲配菜另外可加$5升級至椰漿飯🥥✩‧₊羊肉沙嗲($48)ʀᴀᴛɪɴɢ: 𝟽.𝟻/𝟷𝟶羊肉無臊味🐑沾上沙嗲醬更滋味✩‧₊士多啤梨沙冰($48)ʀᴀᴛɪɴɢ: 𝟽.𝟻/𝟷𝟶沙冰很大杯🍓炎炎夏日點一杯夠清涼✩‧₊箭葉果混柑橘蜜($33)ʀᴀᴛɪɴɢ: 𝟽.𝟻/𝟷𝟶第一次見有箭葉果幾有趣上網搜才知道原來是青檸的意思🍋‍🟩喜歡飲青檸冰、柚子蜜的朋友不可錯過🧊

東南亞風味，讓人垂涎欲滴巴東班蘭尖塔飯這道巴東風味的尖塔飯是一道香氣撲鼻的美食，散發著獨特的香料風味，青綠色的飯粒配上牛肉濃烈的味道，絕對是一次美味的探險之旅。蝦卷鮮嫩多汁的蝦卷應該是一道讓人驚艷的美味小吃，搭配著酥脆外皮和鮮美的蝦肉，絕對是下酒佳品。印尼花膠湯班蘭雞粉皮這款湯是濃厚的印尼花膠湯，搭配班蘭雞及粉皮，帶來獨特的香料風味，溫暖身心，令人食指大動。香茅可樂 結合香茅的香氣和可樂的氣泡，是一款消暑解渴的好選擇。柑桔青瓜冰這款結合了柑桔和青瓜的冰沙清爽酸甜的甜點，讓人在夏日享受一絲清涼。黑糯米及綠豆糖水 濃稠甜美的黑糯米糖水搭配綠豆，帶來營養豐富的口感，是一道滋補又美味的點心。這些菜色充滿了異國風情，每道菜都散發著獨特的魅力，絕對能讓您享受一場充滿驚喜和美味的餐飲體驗。讓您的味蕾在這些美食中得到極致的享受！

話說同朋友都好掛住印尼有個菜式叫加多加多，於是就試吓搜尋港島區嘅印尼餐廳，原來喺維園附近一條街，可能平時太多工人姐姐聚集，都聚集咗一堆印尼餐廳。餐廳細細間，堂食大約20個位。一嚟當然就一定要食加多加多沙律，加多加多其實係印尼嘅一個沙律汁，花生醬加沙嗲，配有印尼豆餅(天貝)，雜菜，豆腐，同埋四舊糯米飯，雖然佢叫沙律但係其實已經係一個主食咁大份😆好彩呢間餐廳配合返香港人嘅口味，個醬汁一啲都唔辣。然後叫咗個巴東牛肉飯，牛肉飯份量相對細份，牛肉大概有五至六舊，咬落去似係好腍嘅牛脷，不過都係唔辣嘅，相當配合到香港人。因為好想試吓嗰個白鬚牛丸，於是叫咗一個面，碗面只係$68但係勁足料，牛丸足足有五大粒。其實冇諗過印尼嘅牛丸都會咁好食，佢係咬落去好Juicy會有少少爆汁嘅效果，而且同時都食到牛味，好驚喜🥰印尼餐廳又點少得串燒？餐廳推介燒豆卜，我哋都叫咗，佢淋咗印尼特有嘅辣味黑豉油一齊燒，唔使點沙嗲醬都已經夠味，而且仲有淡淡嘅辣味好過癮。最後我哋叫咗一個香茅可樂，同埋一杯斑斕椰汁珍多冰，珍多冰係用椰糖做底，飲落勁香椰子味超開心🤩整體上嚟講可以encore，但係作為鍾意食辣嘅我希望佢啲菜式可以辣少少，不

💜💚🩷抵食銅鑼灣印尼菜🇮🇩銅鑼灣除咗cafe，其實都有好多唔同嘅菜式！😚印尼菜真係好少會接觸到，每次行到糖街都會聞到令人食慾大增嘅味道，今次決定一探究竟😆💜班蘭葉上海刨冰💜 $58依杯刨冰份量十足又消暑🍧，一坐低就嗌啦！🤣刨冰嘅份量足夠2-3人share食，配料色彩繽紛又豐富，入面有牛油果🥑、荔枝、仙草、珍珠、果凍、綠豆等等！🍧口感十足，甜甜又消暑嘅感覺，真係好啱依個天氣食呀！💚淨巴東牛肉💚 $148 講到印尼菜，當然唔少得巴東牛肉！🥩牛肉配以椰漿、辛香料同埋辣椒等整成🌶️味道帶辛辣，開胃又好味！❤️烤柚子雞翼❤️ $58雞翼鮮嫩多汁，配埋柚子醬一齊食，酸甜又滋味！🍊💛芝士炸碎雞💛 $58芝士控必食啦！炸雞唔會太乾身，外層薄脆，內層依然咁juicy，仲有芝士碎🧀食落更「芝」味！🧡印尼花膠湯斑蘭雞粉皮🧡 $88依度嘅招牌菜必嗌！花膠係大大塊，有彈性又軟糯，每一啖都充滿膠原蛋白！😚 斑蘭雞好鮮嫩，因為料理嘅過程加入咗斑蘭葉，所以唔會有雞嘅腥味，保留雞肉嘅鮮味同埋滑嫩！🐥粉皮係好似薄版嘅水晶腸粉咁，軟糯有口感，每一條粉皮都掛住花膠湯汁，越食越滿足！🍲🤍鮮奶薑蜜🤍 $28呢杯熱飲真係有驚喜，因為佢嘅

今日食啲特別啲嘅嘢印尼菜 。每次weekend都會見到好多工人姐姐喺呢一邊食嘢，有本地人幫襯亦都係令我放心嘅其中一樣因素。雜菜燒魚飯魚肉的鮮美,完美融合在一起,令整道菜品味道豐富層次分明。適量淋上誘人的酱汁,而且份量非常之大，有成條魚咁多，一個字香！Super Star 印尼四大天王飯集結了印尼四大經典主食及配菜,真可謂匯集了印尼美食的精華。其中最爽就係巴東牛肉同埋海南雞非常之餸飯，而且每一樣嘢都有特別嘅醬汁。 可以話一次過滿足四個願望。🔥🔥印尼即磨咖啡（凍）香醇的咖啡味,搭配上冰鎮的涼爽口感！配搭佢哋帶一點辣嘅食物就啱啱好

我最近試了啲印尼嘅經典食物，包括炒米粉、巴東牛肉飯、印尼雞肉串燒，再加上龍眼冰同青檸梳打。真係太好味啦！炒米粉先話，個米粉好有嚼勁，仲有好多新鮮嘅蔬菜同海鮮，個味道好香好開胃。最吸引我嘅係佢嘅辣味，真係叫人唔停口。然後嚟緊係巴東牛肉飯，個牛肉好嫩，好多汁，真係個口感好正。啲飯香香嘅，再加埋啲蔬菜同醬汁，簡直係完美組合。每一口都係濃郁嘅牛肉味，我真係忍唔住一直食。印尼雞肉串燒真係好好食，啲雞肉好滑，外面烤到香脆，裡面仲係多汁。加埋啲特別嘅印尼香料，味道更突出。每一口都好香好多汁，真係好享受。最後，龍眼冰同青檸梳打係我用嚟消暑嘅最佳選擇。龍眼冰清甜好好食，龍眼嘅鮮味加上凍凍嘅口感，真係好爽。青檸梳打有啲酸酸甜甜嘅味道，好開胃。不論係炎熱嘅夏天定係飯後飲都好正。總括嚟講，呢次試印尼美食留係我心頭。炒米粉、巴東牛肉飯、印尼雞肉串燒加埋龍眼冰同青檸梳打，每一樣都有佢獨特嘅味道同魅力。我好推薦大家試下呢啲美食，你一定會愛上佢哋！