珍珀雅集

侍應態度友善細心，比盤水我地洗餐具，啱晒怕污糟嘅我。而落單時亦主動提咗煲仔飯係即叫即做，要等一陣，慢工出細火，所以耐心等候。最後佢見到我哋食完嘅時候都主動俾牙籤我哋。食野方面，飯一到，打開蓋熱氣騰騰，最驚喜係成個煲底都係金黃色嘅飯焦，又多又脆，食落好滿足，淋上佢哋特製嘅芝麻醬豉油，香味即刻昇華。另外叫左碟餸，碟肥豬肉都掛咗層芝麻香，食落一啲都唔覺膩，反而更加香口。簡單一煲飯，由服務到味道都令人覺得好細心，係一次好滿足嘅晚餐。…查看更多

意想不到客家飯館入面竟然有好好食嘅煲仔飯臘味煲仔飯煲仔飯油香味十足臘腸臘肉晶瑩剔透精華滲晒入煲飯入面有飯焦伽豉汁白鱔煲仔飯睇張相就知道白鱔非常足料而且非常新鮮咬落去非常爽口絕對唔係隔夜魚煲仔飯的配料豉油汁經過調味配搭落去煲仔飯度非常夾芫荽蔥非常新鮮豬油渣炒菜心呢個絕對係意想不到嘅驚喜豬油渣炸得剛剛好唔會太乾亦唔會油膩加上菜心嘅調味成碟菜非常好食花膠雞湯呢個湯原汁原味花膠嫩滑各種食材份量配搭得剛好石斛龍眼利賓納飲品清爽不太甜龍眼可口連小朋友都爭住飲餐廳環境舒適有家的感覺座位亦都相當闊落服務員服務超好值得嘉許仲有同小朋友一齊玩吓…查看更多

看到「懷舊客家菜」招牌被吸引而來，這間位於粉嶺聯和道的「珍珀雅集」，店舖麻雀雖小，卻充滿到客人家中作客的溫馨感。這次點了兩道小菜加一煲飯，體驗有驚喜也有失望。先來臘味煲仔飯（$78），即叫即製需等20分鐘，但絕對值得。老闆大方鋪滿臘味，秘製煲仔飯豉油更是靈魂所在，鹹香倍增，畫龍點睛！飯焦金黃脆口，毫無焦苦味，火候恰到好處。接著是面醬蒸魚嘴（$138），份量有6-7件，大大件且新鮮無腥味，面醬鹹香惹味，性價比不錯。壓軸的客家鹹雞（例牌$138）卻令人失望：雞肉毫無鹹香，名不副實；肉質偏韌，似「做了一輩子運動」，咀嚼艱難，牙力挑戰者請慎點。整體而言，煲仔飯和魚嘴值得一試，但鹹雞需改善。懷舊氛圍搭夠，適合想念家常風味的人。珍珀雅集粉嶺聯和道75A號地舖…查看更多

餐廳位於粉嶺聯和墟，店內環境乾淨企理，坐得舒適，老闆娘會親切介紹食法～店家堅持明火煲飯、手剁肉餅等傳統做法，讓人感受到那份對客家風味的執著! 餐廳價錢合理，是品嚐家常客家風味的不錯選擇😛.🍚 鹹魚肉餅煲仔飯 煲仔飯係即點即做，米飯粒粒分明，吸飽了醬汁和食材既精華，肉餅採用手剁豬肉，厚實多汁。鹹魚的鹹香充分融入肉餅中，味道層次豐富，最令人驚喜的是那金黃焦脆的飯焦（鍋巴），吃起來香口無比！.🦢 馳名淡水客家咸鵝 咸鵝是店家的馳名菜式～鵝肉醃得非常入味，鹹香濃郁，無論是鵝肉還是骨頭都充滿風味。鵝肉咬落軟嫩之餘又帶點咬口，搭配附上的醬汁！.🍲 淡水豬骨粥 豬骨粥真材實料，經過長時間熬製，豬骨的鮮甜融入粥中，綿滑順口😆.🍹 柑橘檸檬蜜 & 石硖龍眼利賓納 飲品份量十足，用上500ml的啤酒杯裝盛，CP值高！柑橘檸檬蜜酸甜比例調得剛好，柑橘和檸檬的清新風味結合蜜糖的溫潤，清新解膩～石硖龍眼利賓納龍眼肉的清甜與利賓納的獨特風味結合，帶來豐富的層次感，夏天飲用尤其消暑解渴！…查看更多

路過試一試，點知超驚喜最後叫菜式每一樣都用心精炒聽埋老闆嘅分享，我簡直覺得係一份傳統精神嘅傳承。好值得大家過唻支持咁有心嘅鋪頭～有歷史使命嘅老闆，一定要加油。阿Sam點啊？發生咩事？煲仔飯，食咗三個好食到不得了～～《馳名淡水客家鹹雞》及《馳名淡水客家鹹鴨》超級好食～，新鮮不得了《客家釀豆腐》叫完再叫～～《紫金椒醬蒸魚嘴》有啲辣，但食唔停《珍柏小炒王》又係叫完又叫《豬油渣炒菜蓮》《新鮮雞雜炒酸菜》《秘製酒局砵仔肉》一定要同洋葱夾埋食，超好食《梅菜蒸鯇魚》《南乳豬手》其他未試下次試埋…查看更多

珍珀雅集真係好有特色，環境雅致又舒適，入到去就感受到一種淡淡嘅復古氣息，配合暖色木質裝修，好有質感又唔失親切感。餐廳燈光柔和，氣氛寧靜，非常適合朋友聚餐或者慢慢享受美食。菜式選擇豐富，中西合璧又有創意，每道都用料講究，味道層次分明，特別係招牌菜令人回味無窮。服務貼心細緻，員工親切又專業，令整體用餐體驗十分愉快。整體嚟講，珍珀雅集係一間集美味、環境與服務於一身嘅好地方，絕對值得一試！✨下次都要再嚟😄…查看更多

同學仔係客家妹佢帶咗我食客家菜，成日聽就聽得多啦，我都係第一次食，呢家新開嘅客家菜菜館最出名就係煲仔飯所有用料都係佢哋自己自家農場保證原材料新鮮，我哋就點咗佢哋最出名嘅白鱔豆豉煲仔飯❤️家鄉臘味煲仔飯真係粒粒都食到飯焦，食得出食材係非常之鮮味配上呢個嘅豉油食到舔舔脷，平時成日食菜心，第一次見到批好晒個頭咁靚嘅菜心都係第一次真係見得出店舖嘅用心，而且價格親民真係啱晒一家大細好好享受。…查看更多

冬菇滑雞煲仔飯裡嘅香菇滑嫩入味，雞肉鮮美多汁，米飯吸滿醬汁粒粒分明，超有家鄉味！鹹魚肉餅煲仔飯嘅肉餅厚實Juicy，配上特製醬油，味道層次豐富，飽肚又滿足。客家涼瓜釀肉苦中帶甘，肉餡鮮香嫩滑，清熱解膩，味道清新又有營養，係傳統客家菜嘅經典之選。三者各有特色，食完回味無窮！🍚🍄 …查看更多

🪑一坐低朋友仔就點咗個🍲即叫即煲嘅臘味煲仔飯，之後仲點咗🪿馳名淡水客家咸鵝+🍽客家釀苦瓜添🪿馳名淡水客家咸鵝鹹香濃郁嘅咸鵝，醃得非常入味，無論係鵝肉定骨頭都入哂味，而且鵝肉咬落軟嫩得嚟帶點咬口，搭配埋佢哋附上嘅醬汁，口感豐富又有層次🍽客家釀苦瓜苦中帶甜嘅苦瓜，煮得夠哂淋，中間嘅釀肉亦吸哂苦瓜嘅香味，咬落仲好juicy，用嚟撈飯真係一流🍲臘味煲仔飯上枱個陣老闆娘話焗一焗會再香啲，果然如此呀，臘腸同埋臘肉肥瘦適中，當中嘅油脂喺煲煮嘅過程中滲哂入飯裡面，令成個飯都變得香甜惹味，而煲仔飯精髓--鍋巴亦焦香脆口，好快就比我哋清咗嚕…查看更多

點了數道菜，每道客家菜原來都超有特色，首先是客家鹹鵝，香濃鵝油味入口爆開，一整隻鹹鵝髀原隻上，加上豬骨扎肉濃湯，食材簡單但質素好食。然後是海味三寶煲仔飯，香氣撲鼻，海味包括原隻瀨尿蝦乾，原隻小鹹魚，原隻小魷魚，原隻大蝦乾 ，簡直是整碗咸香的精髓放入口般多元化。之後是小時候麥荳飯，第一次見，主要有臘味，大量邪惡好食的豬油渣及蔬菜顆造成的煲仔飯，口感與味道也很不錯，豬油渣脆脆的，令人胃口大開。再來是煎蘿蔔粄，煎得外脆內軟居然拉到絲，感覺就像中式咸水牛芝士新奇又好食。然後是石硖龍眼利賓納，超多龍眼肉又大杯，夏日塔配最能涼快。整體而言，每道菜都都有獨特性，要愛上客家菜了。…查看更多

 聯和墟客家菜🎋珍珀雅集🏡每道菜都充滿家鄉風味😋😍身為北區街坊，好推介大家黎粉嶺輕鬆郊遊+食飯，聯和墟其實有好多好野食㗎，最近新開呢間客家菜，選擇多而且價錢合理，餐牌圖文並茂好吸引，好多款我都想食🤤今次食咗呢幾款都好啱口味～🩷🍚臘味煲仔飯明火即叫即煮🔥飯焦香脆可口，淋上豉油食好夠味🐷豬油渣炒菜薳🥬菜心大棵不過咬落好爽好鮮嫩豬油渣質地酥脆，大小剛剛好一口一粒🐤淡水客家鹹雞用鹽帶起雞味，皮香肉滑雞腿大大隻好厚肉👅新鮮雞雜炒酸菜好食到停唔到口😋酸酸辣辣好開胃🥤飲品超超超級大杯～清甜解渴🍋柚子檸檬💛石硤龍眼利賓納💜好多龍眼肉店內亦有提供溪黃茶🍵健脾袪濕😋今餐整體都唔錯，食物唔會太過咸，每道菜各有特色👍🏻每碟份量都幾多，留待下次再去食其他菜式，最想試客家茶果😆餐廳位置係近街市對面馬路，個門口好易認，有大大個中式牌扁，粉嶺港鐵站坐巴士/小巴去到聯和墟好方便🚍…查看更多

嚟呢度食飯，不禁想起灶頭前忙碌嘅媽媽身影😌
堅持用明火煲飯、手剁肉餅、自炸豬油渣，每一道都係時光醞釀嘅古早味，用最樸實的食材，煮出最動人的家鄉情懷。🔸 家鄉臘味煲仔飯 $78
主打❗️打開蓋那刻，臘腸的油脂已完全滲入米飯，金黃的飯焦脆而不硬，重點✨搭配每日現切的蔥花和特調豬油醬油，米飯同精華完美融合🤤🔸梅菜肉餅煲仔飯 $78
師傅堅持用🔪手工剁碎豬肉，完全冇嗰種死實實嘅口感，肥瘦👍🏻完美分佈
梅菜先泡再炒逼出琥珀色油香，肉汁與梅菜香二重奏係舌尖綻放🤭🔸豬油渣炒菜蓮 $68
看得見的用心同細心🫂食菜都可以好講究。每棵菜蓮都經過精心挑選🥬 ，去除老根後用現炸豬油渣快炒。菜心翠綠爽脆，豬油渣香氣撲鼻，簡單卻讓人回味無窮🤭🔸 黃燜豬肉 $138
燜製6小時，豬肉爛而不散，入口即化。忍不住連汁撈飯食哂😂🔸 客家茶果 $15/件
推介❗️每日新鮮手工包製，外皮軟糯有嚼勁。內餡有豬肉蝦米，充滿客家特色😃🔸柚子檸檬蜜 $28
用500ml啤酒杯裝盛，酸甜清爽的柚子香與檸檬🍋解膩又開胃，CP值超高！…查看更多

招牌菜：客家鹹鵝鹹香味十足 肉質啱啱好 外皮彈牙配搭2️⃣款醬汁非常夾！酥丸湯個湯非常之清甜配埋魚片真係一流！招牌菜：客家釀豆腐醬汁非常掛汁 豆腐表面煎香但仍疑滑嫩豬肉滑到好似布甸一樣仍然保持到豬肉嘅鮮味必食：梅菜扣肉梅菜鹹香味十足唔會太鹹但係又入味豬肉肥瘦分布平均 而且入味必食招牌菜：家鄉臘味煲仔飯臘腸非常大片 食得出係靚嘅臘腸油脂非常飽滿臘肉好甘香米飯煮得啱啱好唔會太乾亦都唔會太濕底下仲有飯焦😋非常之香！石硤龍眼利賓納飲落去有好大陣龍眼茶嘅味道飲到底會feel到好大陣利賓納夏天飲落去好消暑解膩鹹檸七鹹檸勁大個🥹同埋雪碧真係好Fresh！ …查看更多

屋企附近揾野食，呢間家鄉臘味煲仔飯熱辣辣上枱，臘味香氣撲鼻，臘腸臘肉切薄片，入口肥香滲飯，粒粒分明，鍋巴脆卜卜，超滿足！但腊味略少，食慾大嘅我稍為唔夠喉😌南乳豬手飯係心頭好！豬手炆到軟腍，入口即化，南乳嘅獨特甜香滲入每塊肉同筋，配白飯一啖啖好正！加多一兩件豬手會更滿足😆豬油渣炒菜芯好驚喜，菜芯爽脆，炒得啱啱好，保留清甜。豬油渣香口，咬落陣陣豬油香，點綴得宜👍🏻飲品試咗柑桔檸檬蜜，酸甜清新，比例調得靚，解膩一流！超大杯！石硤龍眼利賓納好特別，龍眼甜香配氣泡，層次豐富，似甜品咁過癮😃…查看更多

港鐵粉嶺站落車 搭52K 分段收費 搭一個站行幾分鐘就到左呢間客家餐廳，非常方便！帶左同樣係客家人既朋友試下客家餐廳，一打開個餐牌非常有親切感，住家菜感覺。餐廳入面有自助茶區比你任飲溪黃茶，坐立都舒服乾淨企理👍鹹檸七味道：⭐️⭐️⭐️⭐️⭐️賣相：⭐️⭐️⭐️⭐️有原粒鹹檸檬俾你真係唔多餐廳咁做🥹粒鹹檸檬夠鹹酸，我鍾意！飲完好開胃😍石硤龍眼利賓納味道：⭐️⭐️⭐️⭐️賣相 ：⭐️⭐️⭐️⭐️杯野飲真係超大杯，非常解暑，飲完仲有好多粒龍眼食，利賓納唔會過甜，性價比高～客家鹹雞味道：⭐️⭐️⭐️⭐️⭐️賣相：⭐️⭐️⭐️⭐️醃咸左既走地雞，雞肉有嚼口，食得出雞肉味，肉質唔會霉、咸咸香香送飯一流，配埋薑蔥油同埋蔥頭豉油，夠正宗。臘味煲仔飯味道：⭐️⭐️⭐️⭐️⭐️賣相：⭐️⭐️⭐️⭐️⭐️要焗一焗先食，配埋蔥頭豉油同埋芫荽。臘腸肥瘦均勻、臘肉唔會好硬，肥膏分布得好平均，咬落去有油香，唔會覺得好肥膩。有飯焦脆卜卜，唔會焦黑。客家釀苦瓜味道：⭐️⭐️⭐️⭐️⭐️賣相：⭐️⭐️⭐️⭐️苦瓜煮得淋甜，釀肉口感唔會實，好juicy，入口甘甘甜甜，連苦瓜湯都可以飲埋，好解暑呀😋酥丸湯每個餐都會附送高湯，煲得夠味，令到成個餐完整了😌❣️個人嚟講鍾意食飯焦，但又唔鍾意硬到咬得好辛苦嗰啲，所以我大推佢嘅🔥煲仔飯🍚，佢餐廳有足夠冷氣食熱辣辣嘅煲仔飯✨✨❣️…查看更多