珍姐餐室

黃店選擇已經少 可以買早餐嘅黃店就更少😅😩 （點解早餐店全部都係藍.. 我都知麥記$20 包+咖啡好吸引.. ) 今日就係屋企無食早餐 就專登黎試下公司附近嘅黃店早餐😚9點去到大約有5個人排緊隊～ $28早餐選擇有三款 兩款麵餐or 腸粉加燒賣 再連熱飲！今次試咗腸粉燒賣再加熱奶茶😚 腸粉有驚喜 好滑～再加埋d 醬汁都幾gurr 哈哈水準之作值得推介！燒賣同奶茶就正常啦。份量都幾多 d 腸粉食唔完（食曬的話做野應該會想訓覺😅）係附近返工既朋友 既黃店早餐之選！…查看更多

有日碌fb見到佢中環店既post講海南雞飯因為知道上環呢間店都有 決定去買黎試下～去到大概點零 好好彩地買左佢最後一個油飯😭$40一大盒海南雞飯（雞同飯既份量都好足）仲有得揀雞胸定雞脾 仲送雞湯 真係超抵食👍老實講 買果下都無咩期望 純粹因為佢幾抵😂但食落真係超 級 驚 喜！唔知係咪因為我要左雞脾 雞好嫩滑又有雞味😍油飯係熱既唔會凍冰冰 鹹香得黎又夠味 相信佢真係用雞油煲 我仲食到條香茅😂真材實料😂真係好驚喜😍我覺得佢仲好食過專食海南雞既餐廳🙈🤣（因為我果日唔餓 所以張相已經係少飯😂）…查看更多

夜晚跑完步經過珍姐 - 原本打算用app order, 咁就唔洗 cash, 之後問老闆先知原來佢哋用app係收唔到order! 我身上又冇現金，老闆就堅持下次先黎比! 十分唔好意思下最後要左個大海南雞飯(平時好快賣晒，記得要早啲去)，佢哋個雞飯十分足料 - 老闆話一煲飯係用咗八個雞殼嘅雞湯，再加芫荽，檸檬葉，香茅等香料，時間同心機煮出嚟。佢哋嘅秘製醬汁令到雞飯提升到另一個層次。第二日我返去比錢，佢哋嘅早餐腸粉都好正!…查看更多

呢間位於上環近石塘咀嘅珍姐餐室主力係外賣 賣地道街邊小食 魚蛋腸粉炸物今次就係午餐時段試左海南雞飯（小）$30本來諗住$30一個飯 仲要係上環區無咩期望點知 勁有驚喜首先啲飯好重雞油味 每一口都好香細飯唔可以揀雞嘅部位 我就食左雞胸而個雞胸勁滑勁嫩 感覺係慢煮咁 好食！味道都岩岩好 最畫龍點睛嘅就係個汁有辣同唔辣揀 少少甜嘅醬油同一般新加坡馬來西亞果種好結嘅汁有啲唔同但配飯食好食！唔夠食嘅朋友可以選$40（大）可揀雞胸/雞髀 另附雞湯！佢嘅其他食都好食！ 一定會再幫襯支持！…查看更多

喺上環返工又鍾意食腸粉嘅話，呢間店冇介紹錯☺呢間係開鋪初期係出名石磨腸粉，點知佢越做越過界，出埋海南雞飯😂😂1⃣傳統米磨腸粉配陳皮魚蛋及魚肉燒賣 $25(淨腸粉$15)角落評分：🌕🌕🌕🌕🌗啲腸粉夠晒滑又夠香😍加埋啲醬真係好邪惡😋份量又夠多，做早餐/下午茶係夠晒飽😚另外加咗魚蛋同燒賣，魚蛋好香陳皮味🤩燒賣就普普通通，不過兩樣野配埋腸粉嘅醬一齊食會好惹味👍🏻2⃣鮮茄免治牛肉湯通粉 $28角落評分：🌕🌕🌕🌕🌑個鮮茄湯係酸酸甜甜好開胃🥰一試就知個湯底係真材實料😍可惜牛肉唔係鮮牛肉而係肉碎😭但係會連埋湯一齊熬，所以會入晒味😋提下大家平時未夠9點半就已經賣晒😢3⃣拔道腩雞飯 $30/$40角落評分：🌕🌕🌕🌕🌕其實唔明點解一間賣腸粉嘅鋪會賣海南雞🤔但又可以整得好好食先抵死😂佢哋啲雞唔係話好嫩滑果種，好彩勝在有秘製醬汁搭救番😋有辣同唔辣揀，試咗個辣覺得好惹口，配飯食係一流🤩個飯總要係油飯真心呢個價錢好抵食👍🏻👍🏻 不過揀雞髀位其實係幾滑🤫同埋價錢唔同係因為個飯大小唔同，一般OL揀細已經好夠食☺…查看更多

係上環要食到50蚊以下既午餐真係好難，仲要放得入口既就更難，上網睇到珍姐，雖然比較格攝(都距離地鐵站一小段路)，但因為疫情都買外賣，所以行去試下。揀左個大既海南雞飯配油飯（原本仲有青瓜仲配菜但我唔食，所以叫佢唔好比廢事哂），我覺得佢寫就揀一個部位，但我盒飯似乜都有😂😂😂，仲肯比我多飯，加埋個雞湯，40蚊可以食到飽，質素唔係差，完全喜出望外！雞夠滑加埋豉油就更正！😝😋只係食到尾個油飯真係有少少太油，但係香既！同場望到有慢煮牛腩飯都係40蚊，下次真係要試！！！…查看更多

珍姐餐室小食店利潤小 要靠賣得多先可以必須推介上環高質小食店 上環打公仔恩物 珍姐餐室無論早餐 午餐 下午茶都絕對高質 值得一試再試特別推介 泰式雞飯 炸燒賣 陳皮魚蛋.炸燒賣 (3點後先有)👍唔油益 夠干身 香脆好味 有少少椒鹽吊味👍炸得好 有個酸酸甜甜的秘制醬汁都好好食架👉佢係我地公司食唔嚴既下午茶小食店推介指數: ⭐⭐⭐⭐/5.泰式雞飯 $40👉一大盒份量 大大份好抵食 一D都唔麻呼👍油飯正宗 唔係只係得雞油加黃薑個種 係落足料香茅 薑 班蘭葉個種 香而不膩 但有點濕淋👍雞仲可以揀胸/脾 而且2樣都係好滑好食 皮薄肉嫩 去骨既👍泰汁係秘製汁 味道甜甜地 感覺有D薑 蒜頭 醬油 魚露 青檸 幾特別 如果辣多少少更好👍成日番Call 認真推介 小食店如此質素值得讚賞 上環必食推介指數: ⭐⭐⭐⭐⭐/5.⛲環境: 雖然叫餐室 但其實可以叫小食店 冇位坐 專買小食簡單飯類 但接不麻呼…查看更多

有間小店 <珍姐餐室> 一年前在上環西港城及馬會附近一個位置不起眼的小路角落舖位開業，印象中，大約半年前睇電視節目介紹這間小店，得知老闆並非女人，又不是叫珍姐，原來是老闆的童年回憶！又推薦小店的腸粉！自始之後，我就開始幫襯，每個月都會支持小店！懷舊的招牌好 sharp！ 單看招牌，以為這是一間懷舊冰室，其實是一間外賣店！繼上年年中開始的社會事件，直至今年初至今的新冠狀肺炎病毒疫情；首當其衝影響香港的零售業、旅遊業及飲食業...，其後，為了令疫情有改善及減退，香港政府採取措施，更推出「限聚令」，當中的飲食業更大受打擊！除了初期的 4人一枱及距離 1.5米之外，入座的食客亦要配合先量體溫，食物送上後，才可除口罩！ 加上，有不少上班一族在家工作 Home office，不受「限聚令」影響的外賣店及超市...等，生意額反而逆市上升！ 造就了有危才有商機！這間外賣店亦不例外，平日早上及午市，也見排隊人龍，中午人龍更多達十多人呀！ 簡直是疫市奇葩！店內有好幾個男女店員，有禮貌又快手！就算是外賣小食卻不馬虎！值得一讚！店子主打香港街頭小食、福字麵、泰式雞飯、還有港式飲品...，以外賣店來說，算是多元化！ 而且價錢貼地，絕對是食客福音！用上可以入微波爐的環保外賣食物盒，耐熱保溫，比發泡膠盒環保又賣相更吸引、 不會受熱後釋放有毒物質，不會有害健康！令食客食得安心！早餐：石磨腸粉 + 燒賣或魚蛋 配熱飲 $28份量比較散叫大約少一半！ 石磨腸粉 $15/5 條小店選用石磨腸粉，熱辣辣、軟熟又滑溜！就算蒸熱及切開後仍不鬆散！加上香滑的花生醬、惹味不死鹹的豉油及甜醬及炒過的芝麻，醬汁很多！以環保外賣盒盛載，可保暖及保留醬汁，多汁不欺客！ 坊間多數用紙盛載，外賣返去相對醬汁會被紙吸收而顯得杰身，影響質感！陳皮魚蛋 $10/10 粒魚蛋 size 中等，混合健脾胃的陳皮，散發陣陣幽香，陳皮味突出，口味獨特帶甘，並非只得粉糰，質感密度高，真材實料！口感爽彈有點結實！魚蛋醬汁可選擇：沙嗲汁及辣汁；淋上沙嗲汁，香濃不辣，又好夾得來！午餐：泰式海南雞飯 $30 (細) & 熱奶茶 $13細份量的飯及一杯熱飲，我已經好飽嘞！泰式海南雞飯 $30細/ $40大 雞飯份量：大 $40~可選擇雞脾或雞胸細 $30~不可選擇雞部位全部已裝好，外賣方便快捷！雞肉尚算柔軟嫩滑，有些少鹹味！泰式雞飯秘製醬汁：味道似是混合香葉、芫茜、薑...等，散發酸香令人開胃！醬汁甜中帶酸微辣惹味，其風味有畫龍點睛的效果，為整體錦上添花！油飯加入香茅及有飯焦，食落零舍多一份清香及更香口！熱奶茶 $13溫熱的水溫，絕對把奶茶香發揮得淋漓盡致！ 茶與淡奶口味平衡，香滑有水準！ 加入一包糖，味道變得甘香甜美易入口！…查看更多

剛巧要去郵局寄信，所以走到附近就見到這間頗有懷舊氣息的小店，專賣外賣飯盒，由$40起跳，由於時間尚早，所以不多人排隊。我選擇了醬油撈飯，配菜就是炸雞翼和雙煎太陽蛋，再免費搭送少量蔬菜。雞翼有三隻，炸得相當脆口，我可以見到店員再炸多一次，所以很香脆。太陽蛋是蛋黃不熟，所以蛋黃加醬油撈飯簡直一流，再加上少少蔥花，增添香味，真是美味極了。雖然很簡單，但卻是舊時平民百姓的米芝連食物，真令人懷念！最重要是以$40的價錢竟然有飲品送，性價比高，絕對會再光顧！…查看更多

每次落車都見到呢間野好多人排隊，今日就一於買個外賣返公司試下。睇睇個餐牌呢間野係賣小食為主（魚旦、燒賣、魷魚...）今次我就買咗個早餐c（腸粉燒賣餐）。買完個店員仲好有禮貌講多謝呀哥，好地道嘅感覺😂腸粉好滑而且好多醬，好大兜食完好飽！燒賣大大粒有魚肉味，超級惹味。…查看更多

今次係我第二次食珍姐個泰式雞飯，第一次係早兩日🤣🤣因為真係好好味！所以已經再幫襯。珍姐個油飯同普通餐廳唔同，我見到佢有放埋香茅之類嘅香料，焗出嚟特別香又唔會太油膩。佢有分大同細嘅雞飯，我叫咗大嘅雞飯，飯同雞嘅份量都好夠。雞仲可以揀雞髀同埋雞胸，仲要係冇骨嘅！40蚊個飯盒真係好抵，性價比超高！仲有碗湯帶走油飯嘅油膩感。誠意推介！！要留意嘅係，佢都好多人排隊，想食要早啲去買，唔係好快賣晒！🤪…查看更多

平時通常幫襯珍姐都係下午茶時間，佢啲燒賣真係好好食，腸粉又好香滑，最鍾意係食炸燒賣，有珍姐真係戒唔到下午茶。今次中午幫襯下佢買外賣食，見到咁抵真係好想試吓，原來平嘢都可以唔伏最近減少食澱粉質，叫左少飯，飯係油飯，粒粒鮮明，不錯。雞雖然是雪藏雞，但都有味，附送的汁好特別，唔係出邊海南雞飯黑色嘅汁，唔會咸，好好送飯。唯一要彈既就係的例湯，我猜應該係冬瓜湯，但只有味精味，仲好多油。其實反正都只係做外賣，可以考慮吓唔使送湯…查看更多

每日見咁多人排隊，今次終於的起心肝去試下呢間珍姐餐室。其實好耐之前已經留意到佢地既海南雞飯，但基於睇落太平同埋寫到有份量揀，感覺上就好似係細細份唔夠飽咁。不過見咁多人都係揀呢個飯，我都決定試下先。一打開盒飯既時候真係唔敢相信呢盒野只係$38蚊，份量絕對係足夠的，而且仲包中餐湯，驚覺珍姐餐室原來係窮撚恩物。而且味道都唔差，雖然雞肉唔係嫩滑果款，但配佢地既秘製醬汁真係好香辣惹味，連啲飯就咁食都好味，估唔到呢個價錢可以食到咁好既海南雞飯，絕對係物超所值。…查看更多

午飯時間在黃藍地圖上尋找上環的餐廳，無意看見每次收工都想一試朋友推介下午茶的珍姐，次次好早就關門。見到三餸頭抽撈飯48蚊好抵，就叫左個好耐無食過的廚師腸、雞扒同埋煎雙蛋再免費加豬油。見有食評話伙計好唔友善，但係去到個個樣都好好人，好快手就整好個飯俾我，期間仲見到有熟客用自帶飯盒裝飯。攞外賣個刻好驚奇多左杯野，以為係豬油，返到公司先知係杯菊花茶，好開心，明明野飲要加錢。打開飯盒咬左啖煎左既廚師腸，真係好好味，隔離煎蛋一刮，啲蛋汁出哂黎好正。唯一不足既係，啲頭抽同豬油係底，如果倒係面會好味好多，唔會啲飯索哂頭抽，不過都唔咸，仲帶甜。整體黎講，午飯諗唔到食咩，都值得去珍姐買個三餸飯懷舊下，好想快啲試下佢下午茶啲小食。PS: 忘記影相掛住食…查看更多

我們是街坊，住附近，昨日中午媽媽去買飯，個女仔裝白飯落飯盒，之後倒豉油，唔小心倒瀉咗，落咗好多，佢就話佢哋嘅豉油唔咸！個問題係多到，連後面個人都出聲話: 咁多豉油！ 咁我媽媽話:咁多豉油點食呀？ 個女仔即刻用飯殼好大力咁敲咗個飯煲兩下，大叫：換過比你囉！我媽媽話: 你咁惡做乜？之後就走咗！我其實明白，中午多人買飯，一時忙亂無問題，既然諗住換過，咁洗乜發惡先？ 食物好味都真係無用，服務態度唔好，就認真會趕客了。。。…查看更多