珍多美

營業中

休息中

土瓜灣平價街坊切餅店 一出Story勁多朋友仔問 即刻出文紀錄左先🙏🏻土瓜灣開心果布甸麵包 開心果控召集好鐘意行街坊餅店因為間中就會發現平價驚喜是旦路過土瓜灣比佢門口排得整齊靚靚切餅吸引😻入到去仲發現有賣獨特口味開心果布甸麵包即刻要買個黎試試🥸.⭐️意大利開心果布甸麵包 $26👍🏻凍食布甸口感夠creamy 未去到好流心🥲食到小小開心果味但唔算勁出 👍🏻食落唔會過甜 都唔會有甜膩感😋以獨特口味黎講路過可以一試!!$26一個唔算平 但開心果成本高可以理解.⭐️多款口味切餅 $26比起布甸麵包我覺得切餅更性價比更高忍唔住買咗4款試試👍🏻意大利開心果慕絲 Pistachio Italian Mousse👍🏻朱古力松露 Chocolate Truffle👍🏻栗子忌廉 Chestnut Cream👍🏻芒果慕斯 Mango Mousse4件我都覺得性價比高首推會係👍🏻開心果慕絲 因為口味特別唔多地方有雖然同布甸麵包一樣開心果味唔算超濃郁🫠😋但慕絲軟滑 同蛋糕比例好好 食落唔會覺得漏👍🏻.#hkfunfoodrecord窮遊香港#hkfunfoodrecord_土瓜灣.#珍多美 (土瓜灣)地址：土瓜灣土

好開心 多左好多麵包舖出麵包布甸呢間都係唔使排長龍☺️見到有開心果味 好特別特登同開心果控朋友去潮聖佢係凍食既香濃開心果味 而且好滑 軟心 雖然小編不太喜歡法包（個人喜好）但佢係真。開心果味咁又👍唔伏 可以再買.💚意大利開心果布甸$26.📍珍多美 (土瓜灣)📌土瓜灣土瓜灣道283號地舖

呢排好興法式布甸包 今次喺土瓜灣 經過珍多美就試吓😍 有原味同開心果味) 去到唔駛排隊 佢直接喺雪櫃拎出嚟~ -🍞原味法式布甸包 $16都幾大個同creamy 原味無咩特別 布甸嚟講唔算太甜 which我覺得幾好 可惜我雪咗個包一陣先食 唔知佢有冇流心🥲 個麵包皮偏硬 唔係幾脆 扣咗少少分👀-🍞開心果味法式布甸包 $26佢個布甸唔甜 有少少鹹嘅開心果味 當然可以濃啲但已經不錯👍🏽 勝在個味夠特別 另外上面鋪咗啲開心果碎🙈-呢個布甸加麵包嘅食法幾特別 有層次過就咁食布甸 所以未試過嘅朋友可以一試👍🏽 期待下次再試其他出名嘅麵包店

🍯蜂蜜岩燒蛋糕表面應該係搽咗一層醬我估係牛油同蜂蜜混合而成食落就係咸中帶甜但唔會覺得好奇怪/有衝突🤔🤔蛋糕部份就類似🍯蛋糕咁但冇食開嘅咁濃味蜜糖味黎得淡淡然口感都保持鬆軟 唔會好似牛油蛋糕咁油膩同埋呢個輕身啲咁大磚都夠哂一家人做早餐

💚開心果布甸包未食佢之前都冇expect 佢好濃開心果味所以最後都唔算好失望嘅雖然佢喺表面灑咗啲開心果碎但只係裝飾之用 對味道唔算特別大提升但佢嘅布甸都算係流心狀態味道係好食嘅 但就唔係好食到開心果味不過如果要濃開心果味咁成本就會再多咗另外 室溫食嘅話包嘅部分就會有啲硬身如果焗番熱 應該會變脆

一直以來我對於開心果味雪糕同曲奇都特別鐘意，無意中知道土瓜灣珍多美推出左一個，之前尖沙咀有間有錢都買唔到法式布丁，又要排隊又要限購，珍多美除左法式布丁，還有一個意大利開心果布丁，重點系完全唔需要排隊，味道真系非常非常好食😋。意大利開心果布丁（HKD 26）：可以凍食或者在熱食，咁熱天我喜歡凍食，香濃的開心果味奶油，好似雪糕咁，凍凍地加埋個煙韌法包，非常好味😋迷你鮮果撻（HKD 6）：水果好新鮮，撻底好香脆，只要6蚊個，阿女好鐘意食，話士多碑梨好甜。

布甸面包風潮不斷, 知道土瓜灣呢間麵包店出左開心果味仲要唔駛排隊所以買黎試下😋開心果味麵包布甸($26)價錢方面同普通麵包布甸比較為進取, 不過考慮到用上開心果所以成本價高啲都合理, 加上size黎講都係我食過最大既麵包布甸所以收貨😆. 布甸表面撒上開心果碎賣相好吸引, 開心果味道亦非常濃郁, 絕對滿足到開心果迷👍🏻原味麵包布甸($16)布甸份量同樣充足, 不過考慮到原味布甸實在太多地方有得賣同埋麵包店地點唔就腳, 試一次就夠唔會特登返黎回購

《珍多美 - 土瓜灣》慘啦，我成日都淨係post 開心果嘅嘢😂但係我仲未厭喎😝今次再戰位於土瓜灣既珍多美💁🏻‍♀️原來呢間餅店仲有一樣開心果Item 架😆就係意大利開心果慕絲切餅啦🥹遠遠望已經見到個蛋糕切餅有兩層厚厚layer 既開心果mousse😆呢個蛋糕偏向奶味濃，但都食得出開心果既果仁味，當日我返到屋企雪番凍再拎出嚟食，感覺有少少似軟咗嘅開心果雪糕🍦奶香味十足，中間係一層薄薄嘅海綿蛋糕，而餅底食落有少少似酥皮，上面仲有一層嘅朱古力醬，頂層嘅忌廉唔會太甜同個蛋糕都好夾，不過個重點都係嗰兩層厚厚嘅開心果mousses 🥰配返杯茶中和一下冇咁膩💁🏻‍♀️ 而價錢方面都好抵食，只係$26 一件，如果我住喺土瓜灣嘅話實成日去幫襯㗎

《珍多美 - 土瓜灣》開心果開心果開心果😍睇黎我真係中左開心果毒🤣今次係特登揸車出去土瓜灣買呢一款開心果布甸麵包🥯買完要好小心拎，因為佢動L動L咁，好怕佢會側埋左一邊😰同埋當日天氣太熱，我巨驚佢會壞左或者溶左，所以可能要準備一個雪袋去拎會好啲😌$26 一個布甸麵包🥯都有一個手掌咁大，個布甸初初食都好有開心果味，但食到後面反而蛋同吉士味會出啲😋我當時係凍食，都十分有流心既效果😋😋😋好好味好好味😅如果唔係果邊唔就腳，我一定會經常走去買黎食，早之上次買多幾個放屋企慢慢食啦（如果唔會壞既話😂）

食咗咁多次布甸麵包今次居然唔使排隊⁉️仲要唔使限買⁉️仲要係高質⁉️仲要係有特別口味⁉️🍮😱，咁鍾意食布甸麵包嘅🐰小編完全冇唔試嘅理由😎：-1️⃣「意大利開心果布甸🍮($26)」布甸超滑超creamy！加熱後更加呈現流心狀態！布甸唔太甜，食到少少開心果碎同埋開心果味，但雲呢拿味夠突出，法包香脆微微煙韌，好正ahhhhh🥰！~Italian pistachio pudding bread: the pudding is very creamy, especially after rebaking, filled in a French bun that is crunchy with chewiness. The pistachio taste isn’t very strong.-🐰💬小結：口味同嘉多娜相似，下次會想食埋原味，原味都只係$16個🤪💛，性價比更高，重點係免排隊😂~Pudding bread ($16)

當見到嘅時候冇買⋯到想買嘅時候又冇⋯呢排都叫係人氣嘅🍞店📍珍多美原本想食佢嘅💚開心果布甸包同埋🧀菠蘿芝士包但最後剩係買到🧀包不過都叫好彩⋯因為係新鮮出爐所以到手都熱辣辣同時好香🧀味拎到番屋企驚喜嘅係個菠蘿皮⋯竟然仲脆嘅‼️‼️‼️俾啲掌聲👏🏻👏🏻👏🏻都唔知幾耐冇食過脆嘅🍍包呢個包嘅體積真心大個大約兩個普通麵包嘅份量初頭以為芝士係芝士粒粒🧀而家係薄薄一層🧀片整體一齊食就變咗鹹甜嘅組合感覺都幾奇妙 🧀又唔會搶咗脆皮嘅味道不過略嫌個包有啲太實唔係太夠鬆軟 希望下次可以試到開心果布甸包‼️‼️‼️

珍多美成個格局同產品同尖沙咀間多美意好似🙈蛋糕切餅櫃望落去啲款式都好似😛衝住 #開心果 而黎就試晒啲開心果產品🤩🤩#開心果切餅 🍰❣️開心果味忌廉軟滑，開心果味天然夠出，中間有蛋糕層，朱古力脆脆（已經唔太脆🤣），好脆既曲奇餅底，整體幾好👍🏻經過可以encoreHKD26#開心果布丁包 🍮🍞❣️開心果布丁creamy 夠nutty，不過偏甜左少少，如果減啲甜就好喇🤗包身唔煙韌比嘉多娜乾身啲啲，翻焗後表面脆身好食啲😋少左份嘉多娜有既麵包香🙈都係唔夠嘉多娜既包身香。但都值得一試😉HKD26珍多美土瓜灣#fafafoodie_土瓜灣

最近法式布甸包真係好高人氣！而呢一間街坊麵包店 竟然出咗全新開心果味💚麵包口感外脆內煙韌🥖內餡嘅布甸好軟滑 開心果味好濃郁 仲帶淡淡奶香味🥛口感味道都一流🥰🥰

網上見人post開心果味布甸包，即刻手刀去咗買嚟試，土瓜灣嘅小店竟然首創咗開心果味嘅布甸包，真係幾驚喜！開心果味香甜幾濃，帶奶香好creamy，我驚焗完布甸會太流質所以試吓室溫狀態就咁食，法包外層一切聽落係脆脆地，食落就唔脆嘅因為無焗嘅緣故。但包體唔似嘉多娜咁韌，少少乾都接受到。第2日焗熱佢兩分鐘真係正好多，外脆內凍。以開心果濃郁嘅程度賣$26都不為過，平時開心果本人都貴啦。小店其他麵包都好吸引，巨型芝士菠蘿包、意大利開心果慕絲、岩燒蛋糕等等，下次要再去幫襯。

早排布甸包大熱🔥咁啱之前上網見到有間餅店有賣開心果味嘅布甸包，就專程過去買個試吓😋呢度除咗布甸包之外，仲有好多切件蛋糕，都係廿幾蚊件🤩門口嘅蛋糕櫃已經見到成盤布甸包，完全唔使排隊🤓開心果布甸包（$26）舖頭入邊有另一個櫃都係裝住布甸包（職員直接喺呢個櫃度攞），呢隻布甸包比平時見到嘅貴少少🤔但係佢嘅size都比較大個，麵包拎上手係常溫🥖面頭仲有啲開心果碎點綴，布甸餡都裝得幾滿，入口非常creamy滑溜，有半流心嘅效果🤤都食得出陣陣開心果味，當然就唔係話非常非常濃嗰隻，而麵包都係法包質地，雖然冇嘉多娜嗰隻咁香，但係都唔會話好硬，食完非常飽肚滿足😍📍珍多美土瓜灣土瓜灣道283號地舖