影片
以上資料只供參考, 請與餐廳確認詳情
食家推介
約10年前喺FB見到人介紹佢個 椒鹽雜扒飯，覺得好好食。之後幫襯得唔算密，約兩年一次，幾乎每屆男朋友我都有帶佢哋嚟食，包括我老公。前幾日又嗌咗佢個椒鹽雜扒飯外賣。印象中之前好似唔使75，不過份量依然好大份，我一個人可以分三餐食，所以圍返都唔貴。雖然加價加咗唔少，但係我好欣賞佢會加價而唔係偷工減料，維持返個品質。出邊好多餐廳會因為唔想加價而犧牲質素/份量。之前同男朋友嚟食，都唔會嗌兩個飯，因為知道一定食唔晒，所以會嗌一份佢嘅常餐，多士沙嗲牛嗰啲，味道都唔錯。佢張凳雖然係硬板凳，但係patpat位有少少向內斜，所以坐得好舒服，呢個位我覺得好貼心。平實嘅家庭小店，希望可以繼續做落去。
繼續閱讀
見咁多好評就去試下, 結果貼錢買難受. 🫠首先, 個椒鹽雞扒公仔麵味道不似預期, 啲雞塊食落去口感好淋, 而包住佢啲粉完全唔脆口, 個味道又唔似椒鹽, 成件事很怪, 最後如圖, 食左半碟都冇. 🫣另外就係店員, 我杯奶茶飛左隻昆蟲落去, 佢竟然只係幫我了走佢😂, 之後我叫佢換佢先換, 笑左😂, 同埋個人覺得好淡, 完全冇茶味…平時見到唔少人幫襯, 不過多數係學生, 仲以為真係好食, 我諗唔會再食第二次了.🫣🫣🫣🫣🫣🫣
繼續閱讀
講到人情味小店 原來真係唔少 但不得不提呢間玻璃屋 經過呢間店面望落唔突出 裡面裝修亦係普通茶記裝修 但係佢D飯就一定大大碟招牌「椒鹽雞/豬扒炒飯兜亂」係必食上枱時你會碌大對眼, 因為真係好好好好好大碟, 一對情侶已經夠食, 而且老闆炒得好有獲氣 叫多杯凍檸茶佢仲有無限添飲 呢D就係老闆的人情味 就連我住係屯門的妹妹都要朝聖呢間店, 試過之前叫外賣, 係大盒到個發泡膠飯盒係"屹實" D飯 平時得我一個女人仔食, 我真係要分3餐先食得晒 又係另一間無限encore的人情小店
繼續閱讀
以前成日幫襯，早午餐都唔錯，近排行過食碟椒鹽雞扒飯，依然多蔥多椒絲，大大碟飯加杯凍檸茶，已經食唔晒。個老闆依然親自任加檸茶，街坊生意，頗有特色又抵食，值得支持。整體4/5味道3.5/5服務4/5
繼續閱讀
住係元朗咁多年都冇機會試到呢間玻璃屋，因為佢６點就收工😱趁住今朝仲係街度即刻諗起想試下佢，諗住買外賣返去食早餐都算多選擇， 一個餐40蚊左右但份量出奇地大份真係好抵食雪菜米絲用個大size外賣碗裝住，真係食極都仲有配埋腸仔同火腿奄列大大份蓋過晒個碗好味，咸淡適中另外沙牛麵個碗就細少少，不過份量都算夠，味道都OK，不過就一定唔夠永順咁濃啦菠蘿包唔錯，表皮香脆攞返嚟仲暖至於牛油多士就麻麻地，兩塊麵包夾住勁少牛油，食落好乾又冇乜味聽講午餐d份量仲誇張，又大份又有得任添茶希望再搵到機會一定要再試！
繼續閱讀
您可能會有興趣的...