玥屋

營業中

休息中

食物質素參差，沒有太多選擇，舖頭極細，衛生欠佳！！！！！！！雖然價錢便宜，但服務質素極差！！！！外賣壽司師傅對客人態度猶如仇人如果你喜歡俾錢買難受值得一試！！！

#fatchubelly大角嘴玥屋 (大角咀)呢一間壽司店出名價值平而且食物質素唔錯但位置好少（只有8個）親身去到之後覺得期望過高🙁💥角切魚生飯 $60 （午市）第一次黎唔知食啲乜就叫咗角切魚生飯諗住乜都有啲魚生有三文魚，油金魚…但係魚生切得太細粒所以唔係好食得出魚生各自嘅味道🤨而飯比一般嘅酸少少🤏整體味道正常💥三文魚海膽飯 83（午市）朋友叫咗另一個丼飯三文魚肥美而且海膽鮮甜☺️唔會有苦味但係食到後期會有啲單調🥲而且份量唔係好多男仔食未必夠飽💥三文魚壽司 $7 💥三文魚腩壽司 $11💥甜蝦壽司 $17💥蔥吞拿魚腩壽司 $15壽司價錢唔貴但係質素一般最主要壽司飯暖暖哋😭配搭上凍嘅魚生有啲奇怪⚠️整體價錢唔係好貴但係店員態度有待改善而且食物質素冇想像中咁佢好相似價錢會揀翻壽司郎😝

大角嘴必試隱細小店店舖比較細，只坐到大約10個人，一定要book定位。去咗幾次終於book到位。壽司好平但好足料好新鮮好好食，性價比高。2個人食咗200蚊都食到好飽。呢間舖特別之處係師父會直接將壽司放落你眼前個架上面，別有一番風味 特別推介 葱油吞拿魚腩壽司好大舊好好食 同 燒三文魚奇脆卷 一共6件 三文魚包住啲脆脆好好食好得意。其他壽司中規中矩，軍艦好足料。呢間小店絕對唔輸比大型連鎖店，而且好抵食，一定會再食。

1️⃣辣呑拿魚腩脆脆卷 ($65/六件)必食推介✨佢係好特別既卷物！呑拿魚加左啲辣既調味料 保留到呑拿魚既鮮味之餘果種辣味又好惹味 食完一舊會忍唔住食令一舊！加上佢有啲天婦羅碎加埋啲醬 好有口感！好奇嘅係佢放咗一陣啲脆脆都唔會淋仲keep到😚 好少壽司舖會食到呢個配搭😍必食！必食！2️⃣燒三文魚奇脆卷 ($65/六件)呢個係試完辣呑拿魚脆脆卷之後，發覺好驚艷🤤所以叫既！比起辣吞拿魚脆脆卷 呢個就冇咁特別 但都好好食 因為佢入邊啲脆脆好有口感，上面層三文魚好肥美，中意食三文魚嘅你一定要試吓😛3️⃣壽司類 ($5蚊起)今次試左三文魚，墨魚，花之戀，油甘魚，鰻魚，辣三文魚，蔥油甘魚😝全部性價比都好高 而且好鮮甜🥳絕對唔會因為平而切細舊左😋全部都厚切😚絕對好食過大型連鎖店嘅壽司舖______________________________由於係小店‼️‼️得八個位所以一定要提早book定呀😗每個星期一都可以book果一個星期既台🤪如果唔book定就有機會摸門釘架啦😖

要數大角咀人喜愛嘅壽司店，玥屋一定榜上有名，皆因味道好之餘，性價比又高。如果平日放假，我都會去食佢哋個Set Lunch F再散嗌多幾件，加5蚊仲可以有埋飲品同前菜。佢個Set Lunch F有多款壽司，三文魚、吞拿魚、油甘魚、劍魚腩、白玉豚、蝦、赤貝、帶子、鰻魚、海膽同玥屋蛋各一，仲有一個手卷，平時係葱吞拿魚蓉手卷，今次變咗葱油甘魚手卷，唔太大食嘅人，基本上一定夠飽。但因為我好鍾意食壽司，所以通常都會嗌多3，4件，或加多客卷物，已經可以捧住個肚走。魚生一如既往咁新鮮，卷物紫菜保持脆口，百幾蚊就食飽飽。平時食晚市我會訂定枱，提早2日同老細講定想食咩魚，佢就會訂番嚟，唔想煩叫佢自己發辦亦得，5、600蚊就食到出面過千蚊嘅Omakase質素，去邊度搵吖！除咗坐得逼啲之外，其他嘢真係冇投訴。😋😋

玥屋💚壽司：芝麻八爪魚x2 $5x2腐皮x2 $5x2玥屋蛋 $6黃金魷魚x2 $7x2三文魚x2 $7x2鰻魚 $9蔥吞拿魚腩 $15三文魚籽x2 $25x2卷物：燒三文魚奇脆卷(6件) $70刺身：玻璃蝦x4 $5x4八爪魚x2 $7x2馬刀貝 $7赤貝x2 $7x2象拔蚌 $7甜蝦x4 $8x4三文魚腩 $10帶子x2 $16x2前菜：味付螺肉 $20沙律：蟹籽沙律 $35炸物：芝麻雞翼(2件) $28人均消費: $207 (2人)-壽司：芝麻八爪魚🐙好大嚿 味道都唔錯🤤都比較多嗰啲汁 嗰啲汁都比較黏．腐皮味道還好 但唔夠甜不過個形狀好可愛 係三角形😝．玥屋蛋🍳味道還好啦 有啲細舊🥺係玉子嘅朋友．黃金魷魚🦑都幾好食🤤啲魷魚都夠晒煙韌但唔知點解個底有少少鹹🤣·三文魚🍣還好啦雖然冇坊間嗰啲切得咁橫 大塊不過都好長同厚食得出佢嘅新鮮😋．鰻魚幾好食 唔會有骨😚．蔥吞拿魚腩🍣吞拿魚蓉都幾好份量都好多 同埋係好食🤤．三文魚籽三文魚籽超多 多到係咁跌🤣都幾好食 唔會有腥味😚食落去每下 都喺個口度爆汁💥·卷物：燒三文魚奇脆卷(6件)雖然係今餐最貴嘅嘢食但亦都係最好食🤤佢用咗反卷嘅形式入邊用紫菜包

小店位於一個唔起眼嘅地方，無認真睇，其實好易mias左佢。網上食評唔算多，但大讚佢刺身新鮮。由於座位唔多，食客都建議BOOK定枱。我自己無訂座，星期一晚上6點前到達，職員表示可以食到7點半。值得注意嘅係，小店除左迫之外，燈光亦偏暗，而且環境整潔程度一般，如果對呢方面有要求嘅人就唔建議嚟。當晚我同朋友兩個人嚟，唔係好餓，所以唔係點左好多野，埋單$382 無加一。我自己最推介：蔥吞拿魚腩軍艦 $15/件吞拿魚蓉比得好慷慨，而且唔腥，蔥味唔會好嗆，只係提味作用。三文魚籽軍艦 $25/件 (兩件起)係夾埋碟果陣唔小心跌左一粒，佢居然跌左落枱再彈番去我隻碟度🤣🤣就知幾新鮮!!三文魚籽爽脆、多汁。可以試：海膽軍艦 $27/件海膽個樣雖然麻麻地，但其實味道唔差，唔會有怪味。帶子壽司 $17/件普普通通，但勝在帶子鮮甜。燒三文魚奇脆卷 $70/6件性價比比下面果款吞拿魚脆卷高，呢款起碼可以見到同食到成塊三文魚。不過三文魚無魚油香，亦無火炙香，有點失望。奇脆部分係奇妙醬加脆米通，入口同時有脆米同軟飯兩種口感。辣舌拿魚腩脆卷 $70/6件吞拿魚蓉比例較少，存在感偏低，少少辣幾惹味，同三文魚一樣用脆米通。炸

去到大角咀真係有好多餐廳選擇🤩今次繼續跟朋友仔去搵食呢間日本餐廳店舖細細想堂食要早啲打電話去BOOK☎️我早一日打電話去BOOK第二日LUNCH都有位雖然店舖細細但都坐得舒服佢有SET好嘅餐俾你叫或者自選魚生飯、散叫壽司我就叫左自選魚生飯🍱有甘蝦、三文魚腩、油甘魚、蔥吞拿魚腩、海膽🐠全部都好食新鮮☺️☺️不過魚生得一塊同埋佢啲飯撈左黃瓜粒粒🥒如果唔太鍾意食黃瓜嘅要留意下啦整體都係親民價錢CP值高嘅餐廳👍🏻👍🏻👍🏻

大角咀既呢間《玥屋》一定要預約先有得食，每逢星期一中午12:00開放該星期既booking；店內位置較被迫，如果想環境舒服，傾耐計既話，呢間小店未必岩你。食物方面，魚生新鮮，份量合理。當中三文魚籽出色，唔腥，每粒魚籽都非常飽滿，調味合宜，唔會太鹹。甜蝦刺身都好鮮甜大隻。但係海膽質素較為飄忽，食過咁多次大多數既都係唔太新鮮臭臭地。熟食方面芝麻雞翼值得一試，皮脆肉嫩，帶有微微既糊椒味。呢個價錢呢個質素，實在十分抵食！

玥屋(8/8) 星期一 下午12:30點左右特式：呢間壽司小店係近奧運站匯豐中心附近，位處於橫街窄巷，店面細到得10個bar枱位，但一樣成日爆滿，因為佢真心好食，性價比又高。食物：價錢同種類我都有附上照片，不過未必係最update既價錢，佢個價錢係標緊每一件既價錢，大部分壽司都係逐件叫，另外佢lunch time係無炸野供應的。重點講下我推介既食物：蔥吞拿魚腩壽司，我每次都要一個人食3~4件，必食。油甘魚/帶子/象拔蚌都好推介要試。海膽都係我覺得必食之一，出面大部分壽司店都會有一陣臭臭的明礬味，佢呢個雖然無我係日本食過咁新鮮咁甜，但佢完全無明礬味已經加分，仲要價錢唔貴，所以都係必食推介。你去到仲可以問一問壽司師傅當日有咩特別野推介，有時menu未必會有，例如我有一次問佢，佢就話咁啱有北海道白粟米刺身，試左之前真係超好食，好新鮮好甜，但之後再去左幾次都無再遇到了。飲品 - 通常食壽司我都唔會特別叫野飲，都係襯返佢提供既綠茶。環境：餐廳環境真係好細，好窄，坐得好唔舒服，仲要限時一個鐘交枱，如果你想坐得舒舒服服食飯就完全唔建議。服務：因為全部壽司師傅都會係bar枱內圍工作，所以除左遞壽司比你

呢間小店喺區內相當出名，我都已經食過好幾次🤣不過因為最多只可以坐8個客，walk-in真係非常困難，最好就星期一打去book位喇～因為鋪頭細細，坐得都真係唔太舒服，而且食咗幾次我都係對住收銀機patpat食，大家都係專心欣賞美食啦😂第一樣嘢首先就叫咗海膽一板 ($120)，份量都好足，雖然未去到超級鮮甜，但我覺得呢個價錢一定算係合格之上😆用紫菜包住海膽同青瓜絲一齊食，好creamy又清新🤤之後就係生蠔 ($70/隻)🦪上面配咗少少酸汁，食落口有陣輕輕嘅海水味，但鮮甜即刻衝出嚟，口感亦都係幾爽身，食完唔捨得飲水🤣之後就叫咗不同嘅刺身同壽司，好鍾意佢刺身可以一件件咁叫，可以試唔同嘅嘢～壽司係偏幼長嘅形狀，幾得意🤣我覺得有幾件都係比較深刻，帶子係我次次嚟必叫嘅，口感好膠，入口超級鮮甜😍劍魚腩油脂都非常濃厚🤤另外蔥吞拿魚腩都好勁，啲魚蓉同飯一樣高😆足料又好食！其他都唔錯呀～撇開坐得唔太舒服，同埋師傅密密整壽司唔得閒招呼你之外😂，我覺得呢間嘅食物質素係好高，不斷回訪👍🏻

第一次堂食，之前外賣過幾次，覺得質素都幾好～今次朋友卜左7:00pm ，店子小小的，座位不多，一入到去，師傅會放個架係你面前，睇住師傅手握壽司🍣，有種好似食緊omakase嘅感覺😂魚生一如既往咁新鮮，鮮甜，帶子大大粒😍三文魚好肥美，象拔蚌好爽口😄今次多左鰻魚脆脆卷，好食😋推介啊！燒三文魚脆脆同鰻魚一樣咁好食🥰每次黎都係必食的👍👍👍蟹籽沙律好足料，想叫多兜😂三個人食，埋單總共500幾蚊，性價比好高，好滿足的一餐😆

呢間大角咀平民高質壽司店🍣咁岩係公司附近，已經幫襯過好幾次，每次都係外賣，但就算外賣，質素都唔差啊👍每次都係打電話去落order ，大約預返一個鐘時間先有得拎，拎外賣果陣先俾錢。Menu 款式好多，價錢親民，壽司魚生好厚，飯就細細舊，岩哂女仔食量。刺身好新鮮，最中意食嘅係燒三文魚奇脆卷，外層係燒好嘅三文魚，入面包住嘅係脆脆同埋炸蝦🍤沾埋沙律醬一齊食，口感好豐富。三文魚刺身好厚切，甜蝦刺身好鮮甜，唔會好細隻，汁燒帶子好大粒，十分推薦😋下次有機會嘅話要試下堂食先得😍

一直都好想試呢間大角咀人氣壽司店，但佢哋店唔大得8個位左右，我哋都訂咗差唔多一個月先食到😱 呢度有啲似平價嘅omakase，寫完紙仔點菜後，師傅會即席整刺身同壽司，擺喺你枱嘅架上，食完我哋都覺得CP值真係超級高，大件夾抵食，三文魚壽司🍣都係$6件，三文魚腩刺身都係$8件，仲要唔使加一‼️ 佢哋都有做外賣㗎，大家都可以買外賣試吓🤤🥢刺身類🥢▪️三文魚腩 $8▪️雖然唔係厚切，但腩位好肥美，食落好重油脂香味😍🤤▪️帶子 $14▪️原粒帶子好新鮮好甜‼️▪️油甘魚 $13▪️油甘魚比起三文魚大塊啲，但反而魚香味唔算太重，正正常常不過不失🤣🥢壽司類🥢▪️汁燒三文魚 $7▪️唔太食到燒過嘅香味，燒耐啲啲會好食好多🤔▪️玥屋蛋 $6▪️蛋香味唔算太重同唔太實，咬落去唔太綿密唔夠豐富🤭▪️海膽 $23▪️咁嘅價錢食到海膽壽司真係好抵😱，入口後都有鮮甜味▪️花之戀 $14▪️花之戀上面嘅蟹籽一啲都唔吝嗇，一啖都食唔晒就知佢有幾大件😳，食完又唔會覺得好膩▪️辣三文魚 $7▪️三文魚粒塞到好滿好大件，少少辣再配上沙律醬好開胃🥰▪️燒三文魚奇脆卷 $60▪️見到呢個好多人推介，緊係要試試😍 所謂嘅奇脆卷，其實入面包咗脆米，都幾得意幾夾～不過外面嗰

同朋友book左位食晚餐，入到去之後我閂返對門，然後其中一個師傅定格望實我幾秒，我以為咩事 ，之後佢勁無禮貌咁講「唔該下次唔好咁大力閂對門，對門會反彈」。我係用正常力度閂門，如果你咁驚整爛對門，不如係啲客人閂門前禮貌啲提醒下或者貼張notice。而且之後我望住每一個客閂門既時候對門都會反彈！會唔會係你對門有問題呢？個師傅態度咁差已經有hard feeling 上菜時師傅都黑口黑面，好冷淡咁。其實之前都幫襯過，個時態度都ok，可能出左名就唔休做。好食過佢既日本店大把，真係唔需要貼錢買難受。食完之後，我地幾個異口同聲話「成餐飯都好似比人聽住我地講野咁」🙈 成程都好唔自然，想同朋友舒舒服服咁食飯，傾下計，但要就住就住。可能地方太細所以好應聲，佢地都唔想聽我地講野既🤣