王牌·圍一叉燒

營業中

休息中

一坐底就俾左兩碗例湯我哋，真係估唔到，凍凍地有湯飲真係好窩心！叫左個燒鵝五寶飯，唔會話好多飯，啱啱好咁，真係好滿足！燒鵝同义燒最岀色，有碳香味！啲員工姐姐好好人，下次想再試其他菜式！

晚上在大圍覓食，見到這間燒味舖好多人，招牌設計搶眼，裝潢新淨，價位合理，決定試一試😋 餐廳有兩層，座位多 好寬敞，環境乾淨企理，店員服務態度好好菜式選擇豐富，份量好多，質素很不錯，絕對是抵食又美味之選，難怪咁多人排隊👍🏻晚市外賣二人消費：$118（不設加一費用）食評✨✨✨🐄咖喱香滑牛肉飯 ($58)推薦！咖哩汁香濃惹味，聞到都流口水😆 味道正宗 偏辣，好好味😄 牛肉及薯仔份量多，軟腍入味！白飯份量好多，絕對好飽🐓沙薑雞飯 ($58)雞肉份量多，大件又嫩滑，配上沙薑好好味，啖啖肉 好滋味😋 白飯份量好多，絕對好飽例湯 (+$Free)很不錯！足料又夠味，不會死鹹，值得讚👍🏻外賣盒 (+$2)

搬返沙田後都好少煮飯，而食外賣都會去大圍買嘅。呢間王牌食燒味都幾多人買外賣。我又買埋一份囉。D燒味好正~2人份買完!#四寶飯 HK$60滿滿的料，有紅腸、雞、叉燒同咸雞。雞非常滑，雞味幾香。叉燒都完全唔鞋，又大塊又好食。#腩叉飯 HK$54一整排比你，完全唔吝嗇。五花腩叉飯牌，會唔會太正!仲有燶邊，勁香，肥瘦比例岩岩好。個飯仲有例湯一大碗，呢個質數真係好抵食!!王牌·圍一叉燒大圍大圍道100號天寶樓地下8號舖

自從👦🏻👧🏻返咗全日制之後👩🏻完全採取只想一生黏住細細佬咁搞掂好細細佬食lunch之後自己晏晝嗰餐真係可以hea的不想再開爐煮🤣所以今日經過大圍 王牌·圍一叉燒見到腩肉好正一於買碗勁脆皮嘅腩肉飯食先腩肉半肥瘦 啖啖肉之餘 嗰皮又勁香口頭先仲見到好多客都幫襯買叉燒、油雞下次嚟買多啲加餸先得😊王牌·圍一叉燒 (大圍)📍大圍大圍道100號天寶樓地下8號舖#lcty食誌 #沙田美食 #燒味 #叉燒 #油雞 #大圍 #香港美食 #foodhk #hkfood #yummy #hkfoodie #foodiehk #hkig

今日黎到大圍做完野，喺正地鐵站對面有間新開燒味店，出面好多人排隊，見佢咁受大圍街坊歡迎，我做完嘢就一於去試一試，因為果日都真係好多人，所以外賣返屋企食。叉燒油雞飯要特別地先講一講嘅係餐廳比左隻大雞髀比我，好正好滿足。雞夠滑，而且夠入味。叉燒唔錯，肥瘦均勻，有少少濃邊，好食。燒肉飯燒肉好食，唔會太過鹹，而且唔會太硬，重點係燒肉塊皮好脆，即使係外賣拎反屋企食，過咗一段時間都依然脆口。例湯兩碗飲落唔係味精湯，飲完唔會好口渴，有d屋企煲嘅感覺，有好幾樣料係入面，有得飲又有得食，唔錯！

係大圍站對出有呢間 王牌 圍一叉燒晚飯時間超級多人斬料 無論堂食同外賣都超多人見到燒味掛哂出嚟 賣相都好吸引但就算人好多 佢哋出餐都好快手等咗一陣就拎得 果然高效率👍🏻▪️王牌叉燒炒蛋飯 叉燒肉質幾嫩 食落去有陣陣炭燒香味炒滑蛋加上大量蔥花 口感豐富份量大大盒 好夠食▪️雙拼燒味飯揀咗油雞併燒腩仔燒腩仔塊皮烤到脆卜卜 肥瘦比例剛好 口感一流皮脆肉嫩 點埋芥辣醬食 滋味無窮油雞食到雞髀 肉質好嫩滑 好好味！🍴王牌·圍一叉燒📍大圍大圍道100號天寶樓地下8號舖

💁🏻‍♀️ 三點三下午茶時間！踩完單車🚴有啲腳仔軟，去搵間餐廳🍴撐下枱腳先！❣️🔸迷你叉燒飯🍖💁🏻‍♀️ 話明「迷你」，份量比較細碗，我唔係好夠食。叉燒質素幾好，燒得好靚，肥瘦比例幾平均，一個字「正」！同埋我幾surprised叉燒嘅份量，好似仲多過啲飯。如果成個餐大碗啲會比較好。🔸燒鵝瀨粉🦢💁🏻‍♀️ 燒鵝啲汁非常Juicy，喺嗰碗瀨粉上面堆成一座小山丘。不過我同朋友都覺得略嫌細碗左，一啖燒鵝一啖瀨粉，好快就食曬。。。但都未夠飽呀🤦🏻‍♀️咁好食嘅嘢咁細碗好可惜呀！😫 如果全部份量大份啲，就非常抵食啦！🤪📍大圍大圍道100號天寶樓地下8號舖

經親友介紹去這間店買燒鵝及叉燒，店員推介買燒腩位叉燒，本人在年初三買了半隻燒鵝及一斤腩位叉燒，回家打開一看，燒鵝被偷了很多，除了看到上下的燒鵝脾之外，鵝身只有不到十件斬了的鵝肉，燒鵝沒有鵝味，叉燒沒有叉燒肉味，總結來說一點味道也沒有，最差的體驗亦沒有再次幫襯的理由。

朋友係咁推介呢間叉燒話好食！見下午茶叉燒瀨先至30幾蚊，仲有包野飲，即刻去咗試~~幾高質！雖然下午茶只係迷你份量，但份量如果話係full size都會信💬好扺食~叉燒有成八舊，肥瘦平均🤤叉燒醬嘅香甜已經非常入味，外皮帶微焦香，咬落一啲都唔鞋口，啖啖軟腍嘅肉質以呢個價錢嚟講真係過關大有餘了！仲叫咗個小食 生炸雞翼配沙律😛雞翼本身腌咗少少燒烤汁，好香口🥹脆得黎唔刮口，茶餐廳嘅生炸真係一大comfort good~同埋幾鍾意佢沙律唔係配沙律醬，只係用比較輕盈嘅芝麻醬✨100%會返黎食，扺食兼幾好味😛

今日又係大圍食飯，唔想揀啲太貴嘅餐廳，上OpenRice見到呢間茶餐廳係新開嘅，見到啲叉燒好似幾靚，所以就決定揀呢間餐廳食飯。舖頭有兩層，下面係廚房同埋收銀再加少量嘅枱，以上層就主要係餐枱。不過我哋去到嘅時候係夜晚七點半左右，客人都幾多，但係我哋坐嘅四人卡位中間用咗兩塊膠板打橫間開…所以成個進食空間都好細好窄，坐得唔係咁舒服😕。老火例湯未點餐前已經上左餐湯，上枱時熱辣辣👍🏻入面有少少肉和紅蘿蔔。餐牌寫話佢無加味精，不過我同男朋友都覺得個湯味道偏咸。王牌叉燒蛋炒飯 + 凍檸茶 ($54 + $5)我叫左呢碟叉燒蛋炒飯，個外觀其實幾吸引，個蛋上枱時依然濕潤，有蔥花帶出香味，而d叉燒係同外層既蛋痴埋一齊，幾特別。不過d叉燒厚薄不一，有啲好厚(但唔夠肥)，有啲就太薄，如果用呢個水準來做招牌，好似有少少言過其實。而個飯真係有少少失望，如果用炒香過既飯去代替白飯，應該會好味好多。飲品方面，個凍檸茶就偏甜，如果唔鍾意咁甜既朋友記得要叫少甜。黑椒汁脆炸雞髀 + 熱檸茶 ($58 + $3)男朋友叫左呢個餐，有飯同意粉可以揀，佢揀左前者。醬汁方面可以揀豉油/黑椒汁/茄汁/粟米汁，都幾多選擇。不過佢話平時

最近大圍真係越嚟越多嘢食！前幾日食過屋企附近呢間新開既「王牌圍一.叉燒」佢既叉燒都燒得幾唔錯！餐廳係放工時段真係好多人買外賣！玻璃窗上掛滿各種不同既燒味！原來餐廳除咗燒味之外仲有其他食物供應！今晚我就叫左呢份沙薑雞！套餐包埋例湯價格中上勝在大大盒，打開聞到好香沙薑味，雞肉食落仲好嫩滑、同沙薑汁配搭得剛剛好！咸咸地既沙薑送飯都食多啲呀！附送既老火例湯都唔錯，每日朝早由師傅加入雞殼及豬骨熬製而成，好足料呀！

呢日約左朋友踩單車，出發之前當然要食飽飽我哋見到呢間餐廳有唔少座上客，應該都環境都整潔企理，所以決定試試先食物款式同一般港式餐廳大同小異，我同朋友都好快揀好食啲咩落單後無耐，店員就為我地送上例湯暖暖胃朋友要左一份燒鵝五寶瀨粉～燒味同瀨粉分開上，份量都唔少啵朋友分享左啲叉燒同燒肉俾我，味道都唔差而我就要左一份咖喱什扒飯～呢份什扒既份量相當十足，唔好話女仔，連大男生都絕對餵得飽！！！不論係雞扒定豬扒都厚切香嫩，仲有火腿腸仔同煎蛋添最有驚喜係嗰咖喱汁，香濃得黎唔太辣，令人愈食愈想食，送飯無得輸跟餐包左熱飲，呢日我仲加錢轉飲凍檸檳添呢度既下午茶都好似好吸引，價錢合理，下次再黎都可以trytry啵

見新開無耐 本身想堂食，但堂食又勁full最後決定買外賣返屋企食款式唔算多，大多以燒味同幾種飯餐為主燒味掛滿在櫥窗之上，琳瑯滿目非常吸引蜂蜜叉燒飯拼油雞+＄4叉燒屬半肥瘦的，切得厚身，入口軟腍不死實，又有點油脂香，並帶微微蜜糖的甜蜜香味油雞雞肉嫩滑配埋蔥油剛剛好燒腩仔燒味飯份量十足，燒腩仔肥瘦比例剛剛好 整體唔會太油膩仲有例湯送，唔錯餐廳好好生意，外賣都要預時間等一陣雖然好忙，但店員都好好服預，值得加分

📍王牌.圍一叉燒💡大圍燒味一直都係香港人既至愛，不過要搵至靚既燒味真係唔易。好多時舖頭都比唔到新鮮高質嘅燒味，難食既不外乎係凍哂，太咸，一係就成舊都好肥，最嚴重係中哂以上三項😓係大圍就有一間收工時間長期排長龍堂食同叫外賣既燒味舖，忍唔住都入左去坐低食個晚飯先。燒鵝飯雙拼($58)經典無得唔點既，大大舊叉燒非常甘香，油脂比例好好嘅燒鴨/鵝香氣由咬個下係口入面咇出黎👅食肉獸開動啦XO醬滑蛋蝦仁併叉燒飯($60)份量真係超多，滑蛋好滑又充滿蛋香，蝦仁大隻得黎爽口，最估唔到係連叉燒份量都非常多，叉燒肥瘦均勻。再加埋佢嘅XO醬辣辣地，非常開胃#大圍美食 #大圍 #美食日記 #食好西 #大滿足#香港美食指南 #香港美食 #香港美食 #香港 #hkfoodie #hkfood #bbq #hkfoodie #homekong#hkrestaurant #hkiger #hkfoodstagram #hkfoodlover #hkig #hkfoodshare #foodiesinternationalchat #globaleats #indiandailybread

大圍開左新餐廳，今日晚餐唔想煮，叫左兩個外賣又幾唔錯👍🏼尤其係燒味好掂。。🍴燒鵝肥叉飯$62燒鵝飯本身$58，加$4有雙拼，燒鵝真心靚，肥瘦適中，皮咬落仲脆身，肉厚又有汁；叉燒叫肥叉黎左半肥瘦，厚度ok，叉燒好正，咬落有少少甜但唔會膩，叉燒同燒鵝都好得✅。🍴秘製蔥油豬扒煎蛋飯$58蔥油豬扒煎得脆又大塊，蔥油略嫌少左啲，如果俾多啲就會濃味啲，飯底仲有少少沙律菜，煎蛋有流心，唔錯唔錯。呢個價收貨👌🏻。凍飲+$3，例湯本身有得送，不過我麻麻地就無要到。最後想講呢間餐廳勁好生意，人流不絕，但難得既係啲姐姐好有禮貌😂唔該前唔該後，茶記黎講真係算唔錯😂