王牌冰廳 (燒味世家)

營業中

休息中

味道品質難以想像的差，尤其係所謂招牌嘅燒味，仲差過連鎖快餐店。賴粉好硬及加左胡椒粉，叉燒好乾，菜心老又凍，乳豬好肥，皮唔脆，又無肉。假期仲冇下午茶，諗住收正價品質應該好啲。太令人失望😞

真係好唔掂，俾啲唔係路既部份，又斬到咁大舊，食落又鬆散，仲收咁貴，唔合乎性價比囉，以前已經試過一次俾勁黑勁lon既部份，我真係覺得唔可以。姐係啲QC唔得阿，keep唔到質素囉。

呢款雞蛋三文治餐好抵食，連埋熱飲都係$20。有時返工趕時間，去到將軍澳地鐵站出口，就打定電話叫定呢個外賣，行到去就有得拎，絶對係快靚正之選👍🏻味道亦唔差，當然唔算得上超級好味。因為即叫即整的關係，所以拎到返公司食嘅時候仍然是熱辣辣的。咖啡方面，在落單時建議話多奶，否則會好苦好難入口。(飲開齋啡的朋友除外)

近呢年開咗好多冰室，點都有一間喺附近，今次揀呢間因為有同事嚟試過，對呢間餐廳好滿意。餐廳都人流多，出餐亦夠快，食物質素唔錯，特別係西多士好好味。下午茶：珍寶法蘭西多士，我覺得呢個西多士係我食過最好味，入口好豐富滿足。抵食燒鵝瀨，雖然係茶餐，都幾多件鵝，肉質亦唔錯。特餐及飯餐會有例湯送。特餐：秘製蔥油雞扒煎蛋飯，夠晒蔥油，加荷包蛋唔要肉都得，雞扒就普通。大公碗飯餐：王牌蜂蜜叉燒飯(煎蛋+$8)，叉燒無咩肥肉以為會鞋，點知食落夠軟淋，好味。熱奶茶茶餐+$3凍好立克茶餐+$3凍阿華田飯餐+$5凍朱古力

王牌冰廳嘅叉燒最出名，記得第一次嚟食嗰陣，真係食得出係用蜂蜜醃過嘅叉燒，自此之後都會成日嚟食，更加成為咗我嘅飯堂之一～一入到去，店員會先奉上一碗老火湯，再等你慢慢揀食咩蜂蜜叉燒飯($50)叉燒飯係我每次必點，佢呢度嘅叉燒真係做得好好食，色澤均勻，而且邊邊位仲會有少少燶，好正同埋就算叫瘦叉，都保持到一定嘅軟淋度同埋Juicy，唔會燒得太乾身，對於減緊肥嘅人完全係福音🤣唔使食半肥瘦都可以享受到好味嘅叉燒

心血來潮想食叉燒，見到呢間講到好勁咁，叫左份外賣試下。真係失望到爆，所謂王牌蜂蜜叉燒仲衰過街邊茶記貨色，唔好話蜂蜜味，連叉燒味都食唔到，又乾，合埋眼以為自己咬緊樹皮，牛肉乾都多汁過佢。（我落單時remark左想要半肥瘦，唔知係佢做唔到定唔記得，不過是但啦，根本就冇味，肥瘦應該冇咩分別）另外叫左份例牌海蜇薰蹄，其實肉質都好乾好鞋，不過有汁點都易入口過啲叉燒，但海蜇上面一點點既野搞到好唔開胃.......

最近天氣轉冷，突然想食燒鵝。原本想去天晉某間老字號食。後尾發現沒有下午茶。呢個年代未比人炒，都瀕臨失業危機，邊敢亂花錢。最後發現此隱世食店。店鋪位置在將軍澳中心，幸好附近有單車路，非常適合平日入將軍澳踩單車的朋友仔去食。廢話少講，食物行先。餐牌如下，其實目標只係想平平地食個燒鵝瀨。呢個價錢乎合我呢D瀕臨失業的貧友仔。唔好以為下午茶就無料到，一樣有料。燒鵝瀨送上菜心一條。燒鵝甘香，肉質幼細。另外呢杯「夠薑奶茶」有驚喜，內有薑絲，飲落肚非常暖胃，適合這個寒冷的冬天飲用。埋單$38有燒鵝瀨粉下午茶，將軍澳區內可以去邊揾?缺點係間餐廳空間比較細，坐起黎可能會比較迫。或者等位要點時間。總括黎講，值得再食。

係將軍澳好小有燒味鋪頭難得係屋企附近有一間 變左屋企人既飯堂 呢到最出色係燒鵝髀同埋燒乳豬燒鵝日日新鮮出爐 賣相超好😋 燒得好好 皮係脆的燻蹄大大塊 好有咬口屋企人有時會去買佢地既口水雞😍 好入味

今晚入將軍澳中心搵朋友 見時間早到左 行行下肚餓 入左呢間餐廳 入到舖頭 D員工第一時間俾左碗湯我 我仲話 未叫嘢食噃 原來侍應姐姐話坐低就有碗例湯 又唔錯喎😁當諗緊食乜嘢 就聽到話燒鵝出爐 原來佢地係裡面廚房燒出黎 所以就叫左燒鵝瀨粉 賣相算唔錯 食落啖啖肉😋 D肉汁又夠味🤤 個湯底仲有少少胡椒味 叫杯熱飲都是加$3 整體算平靚正👍

今朝打算去王牌食早餐都幾熟餐牌，想食「例牌」一坐低叫雞絲米粉......阿姐問係咪「雪菜」我再強調雞絲，佢就問咩蛋，飲咩嘢...結果係出左 雪菜肉絲米粉我話雞絲喎！阿姐碌大雙眼問我：問左你係咪雪菜呀？我話雞絲，佢話雞絲係榨菜呀！我話唔食豬肉，阿姐唔多願意換咁咪算囉！一朝早唔想搞彎情緒，所以馬上走，費事講咁多！Black list 🙅🏻‍♂️🙅🏻‍♂️食個早餐要受氣，為乜呢？ 🤷🏻‍♂️🤷🏻‍♂️🤷🏻‍♂️

入到去已經好似唔係好對路，同隔離枱半米都無，坐坐下叫我去同個唔識嘅啊叔坐要同唔識嘅人面對面食而家咩環境，佢講得出已經食唔落，各位自求多福.....我就唔敢再喺呢間嘢堂食防疫無意識，9成枱都唔使消毒，bye~~~

今日專登過嚟試吓！就點了金牌叉燒飯！叉燒本身太乾很少蜜汁味，可能我無特別要求！但是白飯亦都是非常乾身，汁又比較少，成個飯都唔OK! 如果用這個做主打，就唔洗再幫襯啦！地方是好乾淨！下午茶要兩點半先開始！毫無誠意不作考慮！

香港人嘅飲食文化真係無人能及，同一種食物可以有好多種嘅烹調方式，好似豬肉咁唔同部位都可以整到好多唔同嘅變化 自己就勁鐘意食燒味既， 之前食過喺將軍澳中心商場嘅呢一間冰廳，覺得呢到既燒味真係一流，好正好回味，得閒都會返黎幫襯下叉燒燒腩飯燒腩肥瘦分明，一層一層非常有口感，而且皮脆肉嫩係我最欣賞既而d半肥瘦叉燒都好夠味，餐廳有埋工房即燒即賣，熱辣辣好新鮮叉燒油雞瀨，朋友第一次嚟食，就點咗油雞加叉燒，佢都讚不絕口，而且叫湯粉麵的話，餐廳係會將餸菜分開碟另上，咁就唔會浸淋晒，抵得一讚

假期的中午搵食真係有難度，不過呢間王牌冰廳的食客都好快手，我哋等左陣就有位✌️叫左滑蛋叉燒飯😋太滑啦啲蛋，叉燒入味又唔鞋👍👍仲有小小沙津菜😄，賣相好燒腩仔雞飯😋個燒肥瘦均勻皮又脆，不過雞就唔得啦😔燒腩仔叉燒米粉😋一樣咁好食👍👍

身為一個超鐘意燒味嘅人，一定要試下呢度啲燒味喇！由於好多燒味都想試，所以我同阿媽叫咗個五寶瀨再加一個燒味雙拼瀨粉。 😝嘩～係唔係好壯觀呢？叉燒好諗，比起其他燒味店嘅叉燒冇咁甜，少啲乜蜜汁味，不過都好香。豉油雞好滑，都幾夠味。燒腩仔超脆，亦唔會太鹹，絕對係推介。燒鵝嘅皮都好脆，係另一款推介。燻蹄涼涼地，亦非常爽脆。呢度啲湯瀨粉湯底好大陣胡椒味，好唔好食見仁見智，我覺得唔錯嘅，雖然麻麻哋胡椒味，不過都接受到。呢間係暫時食過將軍澳區嘅燒味點入面最抵食嘅，全部燒味都有好夠味同有應有嘅口感，嚟呢度一定要試下叉燒，燒腩仔或者燒鵝。加上呢度服務唔錯，會送一碗老火湯，而且呢度嘅環境好舒服，想食燒味嘅話一定要嚟呢度試下。其實呢度有燒乳豬，但係睇餐牌嘅時候冇留意，一定要揾一日再嚟試下。