王牌冰室 (Savannah Place) (已結業)

去到既時候有幾個人喺室內排隊收銀阿姐不停叫人去外面排問佢有無飛派又話無咁問佢你點分邊個先邊個後叫你自己分問題係如果個個出去排就話姐D客又唔郁出咗去排又見到其他人入去排佢又唔理幾經辛苦坐低等完一輪完全無人執檯唔好話落單再聽到後面果檯個客話等咗半個鐘d野食都未泥唯有即走無謂食到一肚氣因為擺到明就算你等到人執檯再等到人落單再等無知幾耐先有野食食個早餐姐唔洗咁既附近大把餐廳揀無謂食呢間態度差，安排混亂，環境污糟既餐廳

呢間新開張唔夠一個月，之前試過去食早餐落漏單，外賣叫下午茶自取，去到先話賣哂熱狗、西多，所有包既餐都冇。谷到一肚氣！今次夜晚黎食佢既招牌菜 叉燒蝦仁滑蛋雙併飯（$68）包飲品老實講真係好一般，好似將早餐既炒蛋、叉燒蝦仁擺埋一齊 咁就上菜，蛋既味道都ok 既。另外想講侍應既態度好差，我地舉左手好耐都冇人理，嗌左聲［唔該］，個男侍應轉頭就語氣好差咁講「做咩」，呢間茶餐廳黎幾次每次都有不愉快既事發生，希望佢可以改善下。

據說荃灣南豐紗廠都有依間冰室，而近將軍澳海濱長廊、Savannah住宅隔離都開咗間新！👓特濃牛乳炒滑蛋叉燒蝦仁雙拼飯 $62 配熱飲午市正價 茶市減$6 晚市加$6聲稱係餐廳招牌💁🏻‍♀️而小編都覺得雙拼係優勝過叉燒單拼，冇咁單調。炒蛋滑溜，蛋味適中，蝦仁大隻爽口，薄片叉燒偏瘦冇乜肥膏唔硬靱。見人哋話荃灣南豐紗廠分店嘅甜豉油係偏少唔夠撈飯，但tko分店反而係完全好夠汁。評分：7/10👓王牌叉燒特濃牛乳炒滑蛋飯 $58滿滿嘅叉燒，不過叉燒薄身切片變相就咁叉燒好單調。評分：6.5/10⭐️有間連鎖店冰室「敏華冰廳」招牌食黯然銷魂飯-叉燒煎蛋。如果一比，我會鍾意敏華嘅厚切燒叉多啲！叉燒厚身帶有焦邊口感勝，豉油比較惹味勝，配上熱騰騰的白飯正，當然牛乳炒蛋和煎流心蛋各有優勝。

沙爹牛肉通個湯得個甜字，甜過食糖水，仲話王牌，coffee太酸， 牛乳炒蛋冇味。外賣等超過20mins, 唔吹都唔跟， 完全漏晒單。外賣呀姐唔叫號，D人係門外喪等，完全唔知有得拎。定價太高，美心大家樂都好過佢， 不知所謂。一句，永無下次。

食物質素的確唔錯，價錢合理，但要花得起時間😋落完單，未夠10分鐘已上叉燒飯，蛋滑，叉燒瘦，虾仁爽，不俗。配埋跟住上嘅西多，芝士非流心，但亦算濃香。食完飯，飲埋杯奶茶，已是落單後20分鐘，唔對路喎！三杯凍飲化曬，追單，姐姐耍我，算！老闆英明，入廚房跟，30分鐘後，豉椒炒河上場，牛肉滑，河粉無痴埋一堆，但我家公子已餓荒，實在難以置信一個咖哩飯會等埋個焗魚一齊出，唔好玩啦！等40分鐘食個ready to eat 嘅㗎哩，好味，但心情唔好，享受唔到。試業期間，我定然體諒🙄期待下次食早餐，不會要我遲大到😉