玉葉甜品

營業中

休息中

中環雖然係一個人來人往車來車往商業區, 但係一D唔起眼的角落,仍然會搵到不少與CBD 景色 截然不同的人與物、人與事。玉業甜品是位於中環蘇豪伊利近街的一條斜路上, 附近酒吧/中上等價錢餐廳林立,這個街口卻有一檔粉會傾斜, 人也跟著斜的大牌檔。老闆跟老闆娘聞說很惡, 無親眼見過都唔信, 去到就100%信 (當然大家都係做生意組),今天天口有點熱, 為免吃得慢大汗dup 細汗, 還是叫了一碗冷的西米露就算。西米露西米很多, 椰汁也涼透心。可能是冷的關係, 感覺不算太甜, 很好。以14元中環地段的價錢, 我無野可以挑剔。然後, 我吃完我的西米露, 付錢走人。老闆仍然照舊很惡的在一條斜路上賣著會傾斜的粉, 而吃的人也跟著斜。

今日自己一個中上環一帶古蹟遊, 去完PMQ 玩, 再諗住行去擺花街買生煎包之際,諗起都好耐無食過玉葉, 心諗都好耐「無比老闆兇過」, 於是就去左坐一陣。結果一埋去真係又比老闆「兇」。講番個地方先, 玉葉係一個大排檔, 係係條斜路上, 所有檯凳都係斜的,所以碗粉/ 甜品上黎時都係斜的。今日叫了芝麻糊, 呢到既芝麻糊係有杏仁味的,都幾濃杰, 係有少少甜ga la, 叫得芝麻糊點會唔甜, 都幾真材實料既, 食完成棚牙都烏卒卒 XDBtw, For those who are concerned, 食得玉葉就要預左老闆好惡好惡gam 兇你,但係中環仲有13、14蚊糖水, 仲食到「香港舊時的味道」, 我唔會有要求囉, 除非我係係IFC 食~

中環食肆黎講, 1點先開檔真係好少, 而且1點先開嘅大排檔就更加少, 正因為咁, 每次放 Lunch 時黎都好容易就搵到位｡ 呢間大排檔主力食粉麵 & 甜品, 價錢非常抵食, 以中環呢個地段黎講, $30 就可以食到碗湯麵, 真係平民食堂呀 牛腩湯米碗米粉面頭鋪滿晒牛腩, 比起平時出面食, 呢間嘅牛腩份量非常多, 十分慷慨｡ D 牛腩已經炆到好淋, 而且夠晒入味｡ 呢碗牛腩米真係冇得輸 香草綠豆沙 (凍)叫左個凍綠豆沙, 但應該未溶得切, 食落去仲會有少少冰塊｡

晚餐諗住同朋友去中環食飯，咁岩經過鐵皮屋小店，見到牛腩豬手幾吸引，於是同朋友坐低試下。一坐低老闆娘就大聲呼喝：食咩啊！我當時呆左再睇餐牌試吓淨食牛腩，老闆娘再大聲呼喝：冇呀！冇淨食牛腩呀！唔做你生意呀！（全場望住我地）我心諗咩事咁大個餐牌有寫住「淨食牛腩」佢同我講無？之後我再問咁有咩呀！豬手呢？佢先轉口風話牛腩唔夠賣，所以唔賣。我同朋友細細聲講：唔夠賣咪講囉。鬧我地做乜姐當時有一刻真想立即走朋友就話想試豬手，叫了一碟糖不甩。豬手的確好林幾好味，糖不甩好黐一般。即是豬手幾好味但我都唔會再嚟食！無謂俾錢買難受，都係想開開心心食餐飯姐

行過想食碗糖水，前面有個女仔叫緊野食，果時已經覺得個店主態度唔，到我叫果時，已經好聲好氣同佢講，但2個店主都勁大聲甘回應，態度真係極差。大佬，我食野都想開開心心架，你甘既態度，最後咪決定唔食走人囉，點知佢地就係甘大大聲鬧人，大聲到行成半條街都聽到，其實我真係唔知發生咩事，其實做生意JA，甘辛苦咪好做囉，人地又冇得罪你，點解態度要甘差呢??? 雖然我唔食都會繼續有大把人去食，不過真係提醒大家，去食得就預左會比人黑面，大大聲對待，其實中上環好食既野大把，大家真係做個精明消費者，唔好再做幫凶，令佢地愈黎愈惡啦~~

喺中環食LUNCH好難搵到好食又抵食嘅食店, 今日同事介紹左我去呢間店, 其實係個大排檔｡由中環街市行上去, 真係要少少腳骨力, 因為要行好多斜路先去到｡可能係位置較偏遠嘅關係, 去到嘅時候都仲未有人等位｡餐牌上一面係麵食嘅 Menu, 另一面係甜品嘅 Menu, 唔會有太多款式俾你揀, 夠晒簡單｡價錢方面, 一個單拼湯麵只係$30, 喺中環黎講真係好便宜｡最後我叫左個牛腩撈麵, 同外賣一碗紅豆沙番公司食｡牛腩撈麵 一放上檯, 嘩｡｡｡｡｡$36有咁大碟真係好抵食, 重點係牛腩嘅份量夠晒多, D 牛腩炆到好淋好入味, 如果鐘意食牛根, 你可以 Order 牛根腩撈麵添｡紅豆沙 (外賣) D 紅豆煲到爛晒, 起晒沙, 又唔會太甜, 味道唔錯｡

這種小販檔的食檔是從前60、70年代最常見的檔口，那些年有錢人住在平路上，是比較窮的人才住上斜坡或山上，時移世易隨著平地上的樓房越來越高，商廈一座接一座，香港的富戶開始搬上山上，喜歡高眺香港的景緻，所以本地人都會把住在「半山」= 住豪宅掛鉤。但其實如果你有閒情慢遊中上環一帶的斜坡，雖然近幾年越來越多豪宅落成，但以前的舊樓還有不少，可以想像到以前半山曾經是怎樣的。好了東扯西拉得太遠了，像「玉葉」這樣的小販檔其實買少見少，因為那些年政府要收地，為了安置當時盛行的無牌小販（總不能斷掉人家的生計）當時政府發出了很特別的小販牌照（從那時以後都不再發出這類牌照），這一類牌照只可以世襲不可以轉讓，但隨著從前的小販都退休或是去了別處開鋪進店了許多牌照已經交回政府，所以等現在這些年老的檔主退休後，這些小販檔就會成為歷史，要回味或許只可以從電影中看到了，例如王家衛的花樣年華中張曼玉與梁朝偉就是常常在這種檔口買宵晚。玉葉的老闆是兩夫婦，從前一個賣糖水一個賣麵食，他們的檔口就在彼此的對面，聽老闆說以前會兩邊都開，各自各做生意，但後來大家年齡大了兼顧不了兩個檔口，就直接只開一檔把糖水加麵檔合併了。玉葉的麵食我覺

雖然話就話喺中環返工，但係你估個個都係iBanker秒秒鐘幾百萬上落咩🤢都有好多人其實只係小薯仔一個，食物鏈最低層，即係小弟我☹️雖則帶飯係最慳錢，但係久唔久都想同同事出去吹水講下八卦嘢，如果一星期出足五日真係分分鐘會食到窮乒乓波咁大嘅鮮蝦雲吞🏓又新鮮又足料，啖啖鮮蝦🍤飽肚又好味🍜都只係$30😍抵讚👍🏻貢丸麵，貢丸彈牙有口感，味道好，麵亦爽口有質感，不但沒有一般麵的鹼水味，反而有湯水的甜味，好滿意🤤一分錢一分貨，以上店舖嘅環境一定係差啲㗎喇，你唔好諗住喺中環廿幾三十蚊餐仲有靚景好服務😂

十點幾肚餓唔想食麥記，經過玉葉仲有開緊係狗衝上去食番個牛腩撈粗啦！依到食野就真正叫做香港地道風味，牛腩大大件鮮嫩入味，牛筋軟腍有彈性濃濃咁漿住個口，腩汁同粗麵一齊食連個碟都想食埋個陣皂水味煮麵先叫香港人口味，由細食到大食生麵無依種味就即刻無哂感覺豬手兩大件，腍滑的口感可以食到厚厚一層既膠原蛋白食飽仲可以食個糖水，海帶綠豆沙；裡面仲有薏米，清熱又去水腫，食完麵覺得自己靚左，裡面真係有一粒粒小冰，冬天就是這樣吃啦

點個紅豆沙，已經要被罵到臭頭，雖然是台灣人聽不懂她在大叫什麼，可是感覺已經很差。之前也看過她把人罵跑。她好像有情緒問題，沒有一件事他不會生氣的。另外，蠻想要檢舉衛生問題的，他的廚房那地方有點可怕。食物普通

由細食到大的街坊糖水，今晚專誠再去尋找兒時美味！男女老闆一開始已經態度惡劣，問有冇紅黑、綠黑（小時常吃的兩溝），男老闆語氣不友善，叫我地自己溝！咁我地就分別叫左三碗糖水，問佢攞個碗仔，佢話我叫你自己溝，一人一羹，冇話提供碗仔，呢度唔比碗仔喎，撩交打的語氣！我地話碗仔都冇，唔食了！佢話你地咪唔好食囉，立即收哂D糖水，仲話我地冇人格！痴線！以後唔會再去，也會呼籲所有親友千其唔好去！貼錢買難受！原來成個open rice 充滿負評，咁做生意，放長雙眼睇下做得幾耐！唔怪得街坊都不再幫襯了！

唔知1pm先開，老闆娘悔悔氣氣，有遊客影相仲大聲用粗口鬧人，我覺得人地覺得你間舖有特色先會影，佢真係影衰哂香港人。食左碗30蚊既雲吞麵，都算好食既，但我唔會再去。

同朋友在中環附近食完飯, 打算去食個糖水, 無咩選擇之下, 上網睇到呢間野, 見近近地就諗住試下, 食物方面沒有甚麼特別, 本身沒有太大期望,  純粹下場食個甜野,但是都沒有預計黎食野要比人呼喝, 咩事呀! 我同朋友, 我朋友抱住個BB , 入到去預備坐下, 企左10秒都無, 慢左點D. 都比個女員工喝令快點坐下, 坐下, 我地望下牆上的MENU 都好似得罪左佢咁, 好大聲講望臺上的MENU,唔好望牆!!完全一頭霧水, 態度奇差, 好似得罪左佢全家咁, 我同朋友都對望一眼, 好無奈, 是否這裡的特色???!!我朋友叫左綠豆沙, 我叫左西米露, 個男員工聽完又唔識比反應, 過左幾分鐘又走返黎問, 是否叫咩咩. 但完全錯晒囉! 咩料....食物方面, 很一般, 一分錢一分貨, 明白的, 選擇亦不多。一句講晒, 沒有服務之餘, 令人受氣, 超差的店!!!永遠無下次!!PS: 開頭個下,  我好想唔幫襯的, 但是朋友外國回來, 想試下, 想不到竟然有如此差的體驗!!

只吃了綠豆沙，只屬一般，太甜，唔覺得有咩禁特別，只是路過見到試下，衛生環境差是其次，重點是個阿姐態度極惡劣，應該以住自己唔休做，好了不起，未至於好食到要受住氣都去幫襯，吃了兩啖放低即閃

起中環特然想食芝麻糊，但之前食過聰嫂糖水覺得偏甜，所以行左上半山試呢間。一去到問係咪有糖水食，就比佢個阿嬸鬧，話咩阻住晒，呢樣果樣，我如果唔係特登行上山，聽到佢咁話我，實即走。叫左碗熱芝麻糊，唔掂，勁甜又稀，食左幾啖，真係甜到頂唔順，埋單走人，我咁大個好少浪費食物，今次可話第一次食左幾啖就唔食。可想而之幾咁難食！