玉桃軒酒家 (鱷魚恤中心)

營業中

休息中

場地夠大，座位寬闊，店員服務也不錯。好耐未試過食晚市小菜，原來現在不單選擇多，而且價錢也不貴。片皮鴨餐+一款小菜套餐  $338：套餐包括一隻片皮鴨(不是半隻喔)，再在指定菜單選一款小菜，可以選擇的小菜數量滿多的，而且也不是將貨就價的菜式。師傅將片皮鴨切片時特別分了兩種，一種是只有鴨皮，另一種是皮連肉，吃的時候可以比較兩種的分別。只有皮的油脂感較豐富，鴨皮香脆甘香，而帶肉的則多了一份鴨肉味和較不膩。食用時用薄皮包上鴨片配京蔥、青瓜和不可缺少的烤鴨醬，真的十分好味。小菜選擇了黃金蝦球，咸蛋黃起沙再包住蝦球，再炸到香脆可口，食落不單止啖啖鹹香咸蛋黃味，而且蝦肉大隻飽滿，食落多汁，上菜時熱辣辣，和友人對此菜式讚不絕口。另外片皮鴨加了$100叫了二食：薑蔥紋鴨件，味道十分惹味，所以忍不住叫了白飯。全部菜的份量也很大，所以可以叫上三五知己來食。

約咗人喺觀塘交收，由於時間尚早，決定先去鱷魚恤中心嘆個早茶，揀咗位於 6 樓嘅「玉桃軒酒家」。我哋大約 11am 到達，平日好少會咁早過嚟呢度飲茶，原來星期六、日及公眾假期都有醒神優惠點心供應，不過就要 12n 點前結帳離座，即刻入單。鮮蝦菠菜餃 ($29.8)：餃皮晶瑩通透，可以清楚見到內裡翠綠嘅菠菜同新鮮嘅蝦肉，菠菜清甜多汁，蝦肉爽口彈牙，食落好有口感。蒜茸鮮蝦春卷 ($32.8)：春卷炸得好香口，入面有大大粒爽滑嘅鮮蝦，而且上檯時仲係熱辣辣，咬下脆口不油，一碟四條，點喼汁吃，美味！藥膳雞腳 ($28.8)：雞腳大大隻，用藥材湯浸住，內有杞子同桂圓，好足料，食落軟腍又夠入味，入口仲散發住濃濃嘅藥材香。蜆芥炸鯪魚球 ($26.8)：鯪魚球炸到脹卜卜，入口外脆內軟，魚肉香脆彈牙，一點也不腥，配搭鹹香嘅蜆芥醬，風味十足。燒味雙拼飯 ($58)：燒味揀咗腩仔同叉燒，腩仔肥瘦適中，肉質細嫩，脆皮得嚟又唔會太肥。叉燒半肥瘦，肉質好鬆化，蜜味亦啱啱好，最正就係仲有少少燶邊，咬落去好甘香，用嚟送飯一流。薑汁千層糕 ($26.8)：千層糕煙韌有嚼勁，入口帶陣陣薑辛，開胃解膩，用嚟做飯後甜品就最適合不

周末與 honey 一齊嚟「玉桃軒」飲早茶，睇嚟市面上又回復番昔日嘅熱鬧，因係酒家門口已見到好多人取票等位，幸好呢間酒家地方寬敞、座位夠多，所以等咗一陣就有位喇！除了一般精美點心選擇外，周末仍可享用到 “醒晨優惠” 內嘅早晨孖寶及特價點心，但每款就較平日需多付$3。既然有優惠，梗係叫多幾款試下啦…有北菇棉花雞、銀魚仔肉餅蒸飯、豉汁煎釀茄子、潮州蒸粉果、雞絲蒸粉卷、香芋燒腩卷、鵪鶉蛋燒賣、玉桃蝦餃皇、椰汁馬豆糕。款款點心都唔錯，尤其👇🏻：# 北菇棉花雞，魚肚夠軟綿綿、雞肉嫩滑、冬菇冧甜# 銀魚仔肉餅好惹味、餸飯一流# 潮州粉果皮薄餡靚# 蝦餃皇皮夠薄、🦐肉大粒兼彈牙# 椰汁馬豆糕啲椰汁味夠香濃、馬豆夠冧甜

中菜方便這間我很喜歡場地夠大，座位間距離亦很寬闊，衛生舒服，感覺婚宴很適合。見到有些特別套餐選中了$338 片皮鴨餐+小菜1款師傅原隻烤好片皮鴨熱辣辣出來，親身在客人面前切片，表演一樣北京片皮鴨 鴨皮沒有太多脂肪,香脆甘香，最怕好多肥脂的鴨用薄皮包上鴨片配上小辣京蔥和清新青瓜，不單可以減少肥膩感，還帶出鴨肉多層次口感味道。今日片皮鴨好厚肉，不過我們沒有選擇一鴨二食，因為一次過食多款鴨肉吃不下，如果人多我會推介涼瓜炒鴨件。小菜我們選了黃金蝦球咸蛋黃起沙而鋪滿蝦球橙黃色賣相非常驚艷，師傅完全令蝦球360度滿滿咸蛋黃，廚藝了得！喜歡沒有蝦殼，流沙口感咸蛋王，可以直接入口！蝦肉超大件厚身，外層薄脆好薄，鋪滿蛋王碎，惹味咸香，蝦肉肉質非常爽口彈牙！蝦球大細有些像大蝦碌，粗過手指公8件已經很滿足！4件已經過足口癮！餐內配小菜很多款：野菌雜菜煲；豉味涼瓜炒牛肉；燒汁珍菌豬頸肉；欖菜肉鬆四季豆；魚香茄子煲；黃金七味豆腐；台式三杯雞；秘制海山骨；秘制蝦米粉絲煲；菠蘿咕嚕肉；秋葵淮山炒雲耳；玉桃軒小炒王另外有個花膠燉湯餐，上湯焗菠士頓龍蝦餐都好吸引，也是3百多元，其實4人吃加多個散叫小菜就剛剛好，我們2人

以前去觀塘總覺得好遠，搭車又唔方便，但依家完成唔同左，屯馬線開通之後，真係令我心感興奮仲拉近左好多，好快就到左上星期同好友去左樓上酒樓聚聚，佢推介呢間點心都唔錯，今日就帶屋企人去行下APM，順便帶佢去食至愛既一盅幾件玉桃軒酒家都幾寬敞，樓底又好高，又有落地玻璃，相對好光猛望完點心紙，太多選擇，而且價錢超抵食，咁就每人揀幾款，點知都幾多下點心即叫即蒸所以送到來好燙咀，呢個虎皮煎釀尖椒好香口，少少辣好惹味😍安蝦咸水角: 外皮脆爽，內皮彈牙，餡料好足，鹹鹹甜甜燒肉飯: 見點心紙$48😍非常抵食😋燒肉皮卜卜脆肉質又嫩，最緊要唔太咸，非常好食除左呢幾樣之外，仲點左其他熱辣辣點心，質素都幾高，令人大滿足

疫情下困喺屋企一段時間，最近放緩左老友急不及待約我出來中午喺觀塘鱷魚卹中心六樓「玉桃軒」飲茶一聚，我當然即刻應約喇！真係太而冇見喇！ 來到「玉桃軒」雖然唔係坐窗邊但自成一角好舒服！最啱我地邊食邊傾。來觀都多數來哩度飲茶，食物過得去，每位茶位十二元價錢算合理。南翔小籠包 33.8元皮夠薄多肉汁，熱辣辣咁都唔錯！鵪鶉蛋燒賣 38.8元隻蛋好軟滑，味道幾鮮！瑤柱金菇炆伊麵 128元麵炆得有啲乾如果多些少汁濕潤啲就更好，但味道唔錯！好夠份量！

放工同爸爸在觀塘吃晚飯，老人家偏愛中菜，幸好有鱷魚恤中心這家玉桃軒，本身被門口片皮鴨推廣吸引，後來看過他們的菜單，就選擇了晚市推廣孖寶上湯波士頓龍蝦伊麵 和野菌雜菜煲。環境寬敞，樓頂是水晶燈，由於晚市時候工廠大廈入座率不高，所以空間好廣闊，招呼都十分周到，員工會自動前來為你換碟加茶。入座後首先奉上花生，鹹味適中，脆口。上湯焗龍蝦$368包一小菜，加$38加伊麵底。上湯調味適中，龍蝦份量合理，有唔少肉，肉身彈牙。上菜時員工亦會主動奉上鐵鉗。部份的關節位都已經敲碎了。整體來說，入口回香， 有龍蝦的鮮味。鮮菌雜菜粉絲煲，清淡得來又唔會太淡。粉絲軟硬度剛剛好，很多大蝦乾調味，有什菇，鮮雲耳，白菜仔，配搭龍蝦伊麵非常配！兩人承惠$499，中高價酒樓，人流少，服務周到，地方坐得舒服，食物質素不錯，值得再來。

鱷魚恤中心有好多酒樓，今日揀咗玉桃軒試吓。被安排坐窗邊位，感覺唔錯。椰汁馬豆糕$30.8甜品竟然最先上菜，下次會最後先點。胡麻醬蝦多士$68炸得好香口，蝦肉彈牙，又唔油膩美中不足係冇沙律醬金沙涼瓜$48嘩～呢個熱辣辣又香口如果鹹蛋黃多啲就好啦迷你珍珠雞$40.8珍珠雞size都幾大件，味道不過不失。山竹牛肉球$30.8呢個牛肉球嘅賣相唔係咁好睇，但味道唔錯嘅，同埋夠大粒。玉桃蝦餃皇$41.8蝦餃個皮有啲乾。櫻花蝦豉油王炒腸粉$48呢個腸粉一般啦。冇咩櫻花蝦味。茶樓環境舒適，服務態度唔錯，食物方面比較推介蝦多士，唔係好多酒樓有。

已經好一段時間無出去堂食，今天約了友人到觀塘玉桃軒午飯一聚。上去見到酒樓的裝修還算可以，可能時間尚早和疫情關係，今天的食客不多，但侍應尚算勤快，一叫即到。今天又是由我點菜，味菜蒸豬肚、點心拼盤、上湯鮮竹卷、鳳爪排骨飯、蟹籽燒賣。最早到的是點心拼盤只得五款，份量比其他酒樓就少了些，而且點心的味道一般不覺得特出。鳳爪排骨飯一般味道，飯覺得蒸得有點過久而變硬。上湯鮮竹卷我想亦是蒸得過久了，令鮮竹卷的腐皮有些過霖。最想要說的是那味菜蒸豬肚，是眾多點心中最差的一個，味菜又霖又無味道、豬肚的外面都已經發黑，賣相十分難看。而蟹籽燒賣皇就相對是今天點心中最好吃的一款點心了。總括今次的午飯，環境、坐位算是相當舒適;但食物的水準和味道就太過太過普通了。

Since we saw the long long line for the lift going up to the restaurants in the building and that’s so crazy and so that i walked upstairs to this cha liu and the nightmare started, for such a long time we don’t have to wait for a queue going yum cha, how come so crazy in kwun tong loll, we waited around 40mins and more finally got a seat so sad so tiring…The tea is rich even after drinking for several pots alreadySteamed Ribs Rice with Chicken feets is nice and tastes yummy, the rice texture is

之前見有人post話抵食的酒樓...今天 18/12/2021 星期六 午市 12.30至2.00 , 3人去食. 兩個大點(點心)、兩個特點(點心)、一碟炒飯, 3位茶, 加一, 共421元小點23, 中33, 大39, 特46, 頂49, 茶15 炒粉麵飯, 每碟150元以上食物水準standard, 我個人覺得午市係貴咗些！

公眾假期叫了八個點心都係$280蚊，好抵🥰🐟蜆芥炸鯪魚球 must eat！ 彈牙唔腥，好似炸魚蛋咁。🥟潮州蒸粉果 皮薄多餡🍤鮮蝦菠菜餃 啲菜唔係老10分新鮮🥩蒸牛肉腸粉 同樣係皮薄，唔會覺得淨係識皮🐮山竹牛肉球 🐥豪皇香芋鴨腳扎 足料🐷鳳爪排骨飯 大碗抵食🥚鵪鶉蛋燒賣 而家呢個年代竟然仲有呢種燒賣簡直係童年回憶，不過年紀大就要注意膽固醇了多懷舊點心選擇嘅酒樓。中上酒樓水準，未去到嘩好好食呀，起碼唔會嘩好難食呀。

現今飲食業競爭激烈 鱷魚 大廈 都有數間中菜館 如果要揀 一間有質素同服務保證嘅 我會揀玉桃軒 特別係依次經歷 本來幾次惠顧 都見到你哋一位好年輕嘅經理 好實在 不停執枱 就喺我喺後行去完厠所出嚟 都見到佢喺後巷 一個人 不停 搬運啲好重嘅一盤盤大餐具 本來平時 我都比較少說話 但係 我單據唔明白收費 初初我詢問啲收銀 佢哋係咁意答下我 又話好忙 然後 我要搵經理 用電話回覆得好詳細 佢都好樂意好細心咁同我解釋 仲叫我下次繼續幫襯 呢種咁嘅服務真係好難得 咁樣先至會令佢哋公司有回頭客 玉桃軒嘅老闆可以注意下 請到啲咁優質嘅顧客服務經理返嚟 應該畀佢專注喺顧客服務方面啦 但係你哋嘅人手就好不足 連佢都要不停 執枱搬啲 好重 件 我以前都做過顧客服務 知道呢啲人才好難得 如果再唔珍惜呢啲人才 香港係以服務業為主 物有所值嘅點心周圍都食到 唯有要喺服務嗰度競爭 總括而言 觀塘食過咁多間 依家嘅蔡經理 真係令人印象深刻 我見啲熟客 不斷咁同佢想搭訕幾句 但係佢都太忙 要一路做嘢 一路招呼 經理級 除咗用把口招呼下 仲要不停用對手咁樣做法 請到呢啲真係物超所值

今日今日試咗觀塘鱷魚恤中心玉桃軒，下午茶，可以網上book位，我哋大約等咗五分鐘就可以入座。環境境光猛，座位闊落。 一碟蜆蚧鯪魚球，煎炸唔油膩，魚肉無腥味， 可能有蔥讓入魚肉。卜卜脆脆腸：原來係炸兩，油炸鬼香脆，腸粉薄滑。迷你鹹魚雞粒炒飯，雖然見唔到鹹魚粒，但係有鹹香嘅味道，炒得夠乾身。可惜細碟咗少少。香芋燒腩卷，好有懷舊嘅感覺，燒腩肥瘦適中，包包軟淋淋。 蟹子燒賣，包住粒新鮮大蝦，熱辣辣味道不錯。麻辣豬耳仔，豬耳仔爽脆，好夠麻辣味，可惜我唔食得太辣，只食咗少少。貴妃雞湯米線，味道一般，而且雞應該用另外一隻碟仔上枱。

放假又是平日，約友人一起茶聚。之前未去過呢間，咪試下 lor見d 職員人手超唔夠，但都好勤力，仲無脾氣，真係敬業樂業，入單，沖水，傳菜，執枱，少 d 氣力都唔惦 ！！食物方面，又好滿意，炸點唔太油，熱騰騰的。蒸點又骨子，唔會太咸，也是熱辣辣，一個字 "正"習馬拉糕甜度 ok 咸水角皮脆內暖鮮竹卷 腐皮好味腸粉唔夠滑，厚皮左d 鳳爪夠入味炸鯪魚球就小小失色下次一定要去下午茶，會仲抵d , 希望保持質數啦