玄米茶廳

營業中

休息中

係廣東道附近shopping 完 咁啱見到有間靚靚裝修的餐廳 於是同閨蜜入去食個tea.d 同事服務態度超Nice ～又坐得好舒服嗌左個牛油果包try try. 發現有驚喜. 平時甚少食包類. 今次竟然成個食曬 再配返杯香滑奶茶 哇 咩都gur晒真心推薦！ 💓💓💓

尖沙咀新開餐廳，係中港城附近最方便地舖，人流都多，環境舒適，氣氛親切有各式招牌港式名菜，每樣都大大份🥢馳名崩沙腩幼麵餐崩沙腩係佢哋嘅招牌之一，崩沙腩肉煮得啱啱好軟爛，入口即化，幼麵彈牙有勁，配合濃郁嘅湯頭，套餐仲配一碟菜同小食，好抵食🥢招牌XO醬海鮮球滑蛋飯滑蛋飯係絕對嘅必試之選！XO醬海鮮球香辣鮮美，配合滑蛋嘅蓬鬆口感，味道絕佳，蝦球新鮮彈牙，超大隻，每啖都有蝦既鮮味同XO醬嘅香辣味🥢炸鮮蝦雲吞炸鮮蝦雲吞外脆內嫩，鮮蝦嘅鮮甜味道濃厚。外面炸得金黃酥脆，內裡鮮美多汁，配上醬汁更加惹味🥢香滑功夫凍奶茶功夫奶茶香氣撲鼻，濃郁而滑順，口感滑溜，回味無窮。茶香與奶香交融，香濃調和🥢紅豆冰紅豆冰清涼解渴，紅豆煮得軟綿細膩，甜度適中，奶味香濃，紅豆份量多，有大半杯

週末同朋友行尖沙咀，夜晚附近食茶餐廳。叫左碗牛腩牛柏葉牛筋湯河粉，湯底清甜，牛腩煮得軟爛入味，牛筋彈牙，帶有濃厚的牛肉香氣。河粉滑順，吸收咗湯汁，食落去非常正。接住嚟，煎蛋煎肉餅飯就係另一個亮點！煎肉餅外脆內嫩，肉質鮮美，搭配上香滑嘅煎蛋，兩者結合成為完美搭檔。飯粒鬆軟，配上肉餅同埋蛋，真係一口接一口，十分滿足。再講到西多士，外脆內軟，香甜可口，抹上牛油後更加美味。每一口都帶有淡淡嘅香味，搭配中間濃厚花生醬，超級正。再叫左杯雜果賓治係一個清新嘅選擇，味道清爽，食完唔會太膩。最後，熱檸檬水非常解渴，酸酸甜甜，飲落去清新舒爽，對於消化亦有幫助，特別適合用餐後飲用。

到附近看醫生前吃一個下午茶醫肚貴為遊客區的中心廣東道本著「捱貴價」的心情進來發現下午茶價錢還挺合適的有點被驚喜到🤭裝潢有點南洋味吃的是地道港式茶餐廳食物即什麼都有一點中西意法日的影子各有一些簡簡單單的來個三文治蟹柳沙滑蛋沙律排包利用排包倒是挺有新意軟綿綿帶點甜蛋味伴有胡麻醬沙律菜有點誠意賣相也有心思蟹柳和下面的滑蛋其實也伴有沙律醬下午茶有refreshment的感覺不錯熱咖啡用上厚陶瓷杯子保持熱力且特別有風味收貨了！遊客區推廣港式美食這家有做到喔！

今日去咗尖沙咀廣東道行街shopping 當然順便食埋個lunch 先回家啦👻在附近有間茶餐廳…. 有牛雜粉麵同埋有燒味等等…….. 而且餐廳內座位寬闊⋯⋯雞髀漢堡配薯角…..原來真係成隻雞髀夾落個漢堡包嗰度好好笑，不過隻雞髀炸得好香脆皮脆肉嫩不錯！薯角都好香脆啊！黑蒜油叉燒滑蛋飯…….份量不少滑蛋好滑叉燒半肥瘦味道不錯！牛三寶右面有牛筋牛肚牛腩牛腩好入味又嚼口牛筋好腍味道不錯！個奶茶都夠香滑奶茶味香！

是日帶咗嚟香港旅行嘅朋友到海港城瘋狂購物🛍️ shopping血拼之後簡直筋疲力盡又肚餓～唔想再四圍行搵嘢食～因此一出商場見到對面馬路就有間新開嘅港式茶餐廳～我哋猶如見到綠洲咁沖咗入去開餐醫肚😝😝店面明亮光潔～快手點咗幾款港料理俾佢試試先～.✨(下午茶餐)蟹柳炒滑蛋沙律排包 改用排包代替一般嘅方包/熱狗包幾有新鮮感～烘過嘅包身幾香口軟熟～加入咗蛋沙律及蟹柳絲作餡料食落清新無負擔🐣伴碟仲有沙律菜添～.✨崩沙腩油麵套餐已配特色小食(玉子)及郊外油菜🥬(菜心)～崩沙腩肥瘦參半～食感一啲都唔會過於肥膩～而且牛味濃郁🐂唯獨個人唔太鍾意麵條太重鹼水味🤭🤭.✨燒味雙拼飯見到有燒味專區～應該呢度都主打燒味料理😚揀咗切雞 + 燒鴨 雙拼～雞肉鮮嫩滑溜～燒鴨皮脆肉香～配埋小食&白飯🍚要品嚐港式滋味點少得燒味～.餐飲：✨鴦走✨凍鴛鴦.🌟玄米茶廳🌟尖沙咀廣東道68-80號恒利大廈地下3A號舖

係尖沙咀行完街，見到廣東道呢邊新開左間茶餐廳，裝修睇落乾淨企理。XO醬海蝦球滑蛋飯睇到餐牌已經想食呢個! 上菜速度都幾快。海蝦都幾大隻，而且係彈牙，食落新鮮。滑蛋係真係好滑嫩，而且有種牛油同埋香草味。 配埋XO醬，少少咸香同辣味，食落冇咁膩，好好送飯。牛三寶幼面一上台見到好精緻，成個set咁。除左碗面，仲有油菜同埋醃蘿蔔。湯底好濃郁，幼面冇鹼水味，牛三寶份量都多。牛肉軟嫩，牛筋食落Q彈入味，牛肚爽口!粒粒西多士 拼沙律 薯角剛好下午茶時段，叫左好耐冇食既西多! 原先佢上台已經分好左4份，唔怪得叫粒粒西多士 拼，咬開中間仲有花生碎，好食! 薯角都好脆口。 整體價錢相宜，食物款式都幾多，感覺係可以再訪既茶餐廳!

都喺附近返工，如果要搵嘢食一定要行兩條街先至有茶餐廳，尤其是天氣熱嘅時候lunch time真係唔想行。見到呢一間圍板，聽聞係做餐廳已經覺得好心動，當然都要睇價錢同嘢食O唔OK。今日公司有啲忙，所以就遲啲食lunch，又meet到個下午茶，近近哋就落去食啦，見到有一個好特別，叫單骨雞髀漢堡，上到嚟嘩，原來佢係將平時茶餐廳雞髀，肉嗰一part起咗骨，剩返個鎚嘅嗰支骨夾漢堡包，好有創意！又方便唔使恥骨，仲要超巨型🫡根本食一個都唔係下午茶，係好似一個lunch咁飽。同事叫咗個焗飯，條魚大過我塊面🫢超有誠意，下次想試吓佢哋啲午餐，同埋粉麵，佢哋個粉面超靚仔👍🏻行得都幾精緻。見到好多人有點燒味飯，顏色睇落去都唔錯😍 環境方面都好舒服，裝修企理乾淨，係可以坐低傾吓偈嘅環境🙌一定會再嚟同埋食早餐，姐姐話佢哋開7:30am，佢哋有數碼點單，所以如果我返工就嚟遲到，可以搭地鐵嘅時候已經喺電話度落order，跟住經過嘅時候就可以pick up個order，返到公司坐低先至慢慢嘆，正！