牧羊少年咖啡館 (Fashion Walk)

營業中

休息中

今日純粹搵野食，經過銅鑼灣牧羊少年，今日兩個人食兩款下午茶，1）日式大阪燒風味煙三文魚薄餅+朱古力牛奶咖啡 (凍)2）厚切芝士雞扒蕃茄沙律菜奶油漢堡包+紅莓奶酪 (凍)薄餅勁香口，個汁同三文魚勁夾個皮底，仲要鬆脆唔韌，好易切開，咖啡唔太甜，好好飲！Burger個包煎得勁香，個雞勁嫩！！！！！！超好食😭😭😭😭食得出唔係梳打粉😭個奶酪好香真係奶酪味🫶🏻🫶🏻🫶🏻服務好好，有限時但唔會眼望望吹你走，環境舒服乾淨。

第一次食牧羊 平時都見好多人排隊 今日見有tea set又唔算太多人試下先～蝦頭油鳳尾蝦香辣肉碎意大利粉$118呢個係lunch set既意粉 蝦好大隻 意粉少少辣有啲肉碎食落好開胃 份量都好多香芒雞肉pizza 🍕Tea Set 都係$58 有兩件 中間夾住千島醬好好食燒汁焗八爪魚丸 (4粒)下載咗牧羊個app 迎新優惠就送八爪魚丸食物種類都好多 下次再嚟試吓夜晚先👍🏻📍牧羊少年咖啡館 (Fashion Walk) (銅鑼灣)銅鑼灣記利佐治街11-19號Fashion Walk地下17號舖

牧羊少年咖啡館是我去銅鑼灣經常光顧的餐廳，最初在太子的店铺經常有很多人排隊，其後在各區開設分店，也有很多人幫襯，連老公平時不喜歡食西式食物，也説它的質素不錯，份量很足夠，性價比高，小食及主食也好好味，每款食物都是熱腾腾上菜，例如雞翼小食是即炸的，可見餐廰是用心經盈，餐廳甜品及素食類也有好幾款選擇，我喜歡日落巴黎，是一款厚窩芙加兩球H字頭雪糕、香蕉、朱古力醬组成，最後值得一贊是它的服務質素，每一位服務員工作都很勤快及主動，眼見客人的水杯没有水，也很快幫忙加滿，食甜品時也幫忙换碟及餐具，不是當睇不見，可見餐廰在培訓方面下了不少功夫

之前食過旺角分店今次去返銅鑼灣分店食個下午茶黃昏時間人流唔算太多等一陣間就有位入到去覺得餐廳嘅環境幾暗暗地幾有Feel可能我唔太鍾意去太光猛嘅餐廳食飯同朋友一齊叫咗一個甜品香蕉朱古力雪糕窩夫🧇同埋一客是拉差醬法國雞翼😋😋甜品表現合格香蕉朱古力雪糕窩夫送到嚟嘅時候仲係熱 餐廳都係即叫即整作為下午茶都真係有啲飽但最令人驚喜嘅係個是拉差醬法國雞翼原本以為佢係普通沙律醬雞翼嚟到嘅時候覺得好驚喜雞翼好大隻 仲係炸過嚟好入味 朋友見到即刻夾咗一隻嚟食原本想叫多一份 但怕太飽所以放棄下次會再做回頭客 推薦大家去食

之前去過葵芳、旺角分店，至今已印象模糊，可能係食物較「大路」，亦只係不過不失~同朋友喺銅鑼灣食tea，佢揀咗呢度，話cafe近地鐵站，而食物水準亦ok。（下午茶餐）Tiramisu：玻璃杯裝；手指餅只係裝飾；𢳂落去食時唔係好食到有浸過咖啡的餅乾，甜欠酒香，同預期的tiramisu有啲落差，但佢的質地算滑，唔會過甜，份量比預期大，可以一試~（下午茶餐）牛油果炒蛋煙三文魚酸種多士：賣相幾靚；份量足，一般女仔的胃口可能會食淨；食材都係原型食物，健康亦抵食凍美式咖啡：跟餐；水準一般同過往經驗差唔多，cafe的出品絕對唔差，中規中矩，只係唔太創新。價錢比想像中平（可能係平日？），未加一前，2個下午茶餐分別$58同$78。如果想搵個環境唔錯又就腳的地方食嘢、傾計，呢度絕對值得考慮。

本人及朋友都是純素食者，因為平時食嚟食去都係中式素食嘅餐廳，之前係幫襯開將軍澳單車館果間嘅牧羊少年，但而家已經結業，今日要係銅鑼灣辦事，所以搵咗呢間分店，雖然素食品嘅選擇唔多，但係都覺得好好。當落單嘅時候自己太大意、疏忽左，「牛肝菌汁雜菌大啡菇意大利麵」唔記得要提醒走洋蔥、蒜頭，而「素食早午餐」就淨係講要走雞蛋，當意大利麵黎到發覺有洋蔥，後來跟女店長解釋原因，女店長非常明白及體諒，吩咐廚房重新煮過一碟俾我地，實在太感恩🙏呢位女店長，所以特地讚揚呢間餐廳、服務、食品都無得頂👍👍另外叫左一杯抹茶牛奶，並唔係一般的普通拉花，原來係餐廳名稱的標誌，好驚喜🥰

-炸雞翼配蕃薯條(凍白桃烏龍茶)$58三隻大大隻雞翼，香脆可口👍🏼入口質感外脆內滑🤣本身想一大啖咬，但咬個陣實在太熱🤣新鮮程度feel到係即炸！蕃薯條都非常有份量，不過外面有啲淋，唔太脆口，但口感都係收貨嘅～鍾意食蕃薯條嘅我都會考慮再食🙂‍↕️白桃烏龍茶係用茶包泡嘅，所以係冇糖，唔似台式飲品個種，味道唔算濃，但配餐飲黎講都可接受嘅。銅鑼灣店環境舒適，比旺角店少人啲～如果諗唔到去邊hea都係一個好選擇👍🏼

食完晚餐梗係要去食甜品😆😆😆想喺銅鑼灣搵一間可以食甜品嘅舖頭真係好難🤯每次都諗到頭都爆！今晚上網揾到有「牧羊少年咖啡館」，肯定就是你了🤣之前食過太子分店，係好味嘅，相信銅鑼灣都唔會伏嘅！♦️京都春日，麻糬內餡，配比利時朱古力佢係配士多啤梨🍓佢啲士多啤梨好酸，不過夾埋士多啤梨醬一齊食就啱啱好😆另外個人好鍾意麻糬，所以自己加咗麻糬👍🏻真係一定要加麻糬，正好多！今晚雪糕得返兩種可以揀，比利時朱古力或者冧酒提子，我哋呢個甜品就揀咗比利時朱古力🍫係好味㗎！♦️法式蘋果撻配 Haagen-Dazs 雪糕配冧酒提子雪糕撻底好脆👍🏻上面鋪滿左蘋果，配埋冧酒提子雪糕，真係好正❤️不過我哋幾個朋友就好難分嚟食😆♦️瀑布蛋糕 配 法式糖漬草莓果醬非常打卡系列甜品，蛋糕鬆軟，不過味道方面個人還好，個人對糖漬草莓果醬一般般，總係覺得奇奇怪怪咁…♦️百香果蜜桃咖啡（凍）佢將百香果整成一片脆片放喺面做裝飾，好靚呀！朋友表示係好飲唔錯嘅，因為我冇飲到，所以我唔俾comment 了🤪♦️蘋果蜜桃鮮打紅茶（凍）佢有加到果肉粒粒，所有野加埋好match，少甜剛好👍🏻♦️白桃烏龍茶（凍）食甜野，我係一定會配返杯無糖飲品的👍🏻正！♦️冰梨無花

去完旅行要返工了，第一日返工就同同事去食個dinner，約左去食幾次的牧羊少年咖啡館地方都要寬敞叫左與你分享兩人套餐 $428⬇️慢煮BBQ醬美國豬肋骨伴薯薯條 🌟🌟🌟🌟🌟煮美國豬肋骨時，先用BBQ醬調味，經過緩煮後，口感鮮嫩多汁。搭配薯條，用原條番薯炸至金黃酥脆，外酥內軟。再來一道普羅旺斯燉菜，蔬菜與香料的完美結合。蒜香牛肉碎搭配松露醬意大利粉🌟🌟🌟🌟🌟散發出濃郁的香氣，牛肉肉質鮮嫩多汁。雜菇意大利粉則以新鮮的松露醬為基底，搭配多款鮮美雜菇，口感豐富。每一口都能品味到牛肉和松露醬的香氣，以及雜菇的鮮甜滋味。牛油果莎莎搭配墨西哥脆片 🌟🌟🌟🌟🌟口感酥脆清爽，牛油果的香濃與莎莎醬的微辣完美融合。再加上酸忌廉的濃郁滑順，帶來豐富的口感層次。每一口都能感受到牛油果的綿密口感，莎莎醬的香辣風味，以及酸忌廉的滑順醇厚。冰梨無花果白桃烏龍芝士奶蓋 🌟🌟🌟🌟🌟冰梨無花果和白桃的清甜果香，搭配烏龍茶的淡雅滋味，再加上芝士奶蓋的濃郁香滑，白桃的柔軟甜美，烏龍茶的清香帶來清爽口感，芝士奶蓋的香濃奶味則為整體增添層次。紅桑子乳酸忌廉芝士奶蓋🌟🌟🌟🌟🌟紅桑子的酸甜風味與乳酸忌廉的滑順口感，再搭配芝士奶蓋的濃郁香

食物質素可以 禮拜六有下午茶餐 但冇包飲品 侍應服務唔掂 叫幾次應一次 好灰氣 心唸唔怪得d人上大陸玩 唉 之前見過d人排隊 依家一行入去就有位 有原因嘅食完後用alipay 要叫幾次先有人理

約咗朋友聚聚，選擇咗銅鑼灣分店 - 牧羊少年咖啡館，晚餐性格比都算高，主食/意粉加$58包小食、飲品及甜品🍧各一👌🏻生薑🫚味噌三黃雞·伴牛油烤椰菜花·日本南瓜🎃 雞肉質嫩滑，連雞胸肉一啲都唔乾，味道濃度適中，食時散發淡淡薑味，再配椰菜花及南瓜，喺一個不錯健康菜式💥冬陰功海鮮長通粉 整個菜式集合冬陰功的香濃、酸、辣及甜，長通粉熟度適中，配上豐富海鮮🍤🦑，勁惹味開胃😋😋令人食指大動其餘雞翼、八爪魚丸及蛋糕都不錯，+$58可以㨂咁多嘢，真心幾抵☺️

係咪真係夜市咁差，今晚星期日約莫七點去食，一入去已經有位，記得啱啱仲疫情之前見到次次都好多人等位…. 咁我堅持留港消費嘅，所以入去光顧下支持下…叫咗個千島Pizza，叫咗個小食拼盤，一杯Dirty咖啡，一杯爆谷咖啡….其實我想飲Mocha, 但係佢冇, 所以叫左Dirty咖啡真係麻麻地，返宜杯爆谷咖啡還可以..千島海鮮pizza都好足料，啲蝦和海鮮好大隻…合格.小食拼盤差唔多Menu中所有小食都集合晒，全部入到口好味嘅……都OK嘅本來想試埋佢啲pancake甜品，但真係好飽，下次先試吓兩個人食咗$460.

第一次食呢個素食brunch,初初諗住食下蔬菜同乳酪姐，應該都食得哂。點知我食左大半已經好飽😂。全部食物既烹煮程度同埋調味都啱啱好，尤其d菇同埋菜菜，個蛋都炒完都仲好creamy,上面仲要加左黑松露醬。另外個乳酪都好好味😋。而令我心心眼😍既係杯咖啡既拉花，係獨角馬🦄。

今日同朋友收工後久違地吹吓水💦，餐廳環境都幾relax，枱同枱之間唔會話好近，食完個感覺都好唔錯👍🏻！-🍴牛油果莎莎墨西哥脆片 配酸忌廉🥙($78)墨西哥脆片原本已經有啲調味，上面仲有芝士、牛油果醬、酸忌廉同蕃茄粒洋蔥粒，令到成個食物唔會太膩，都幾fresh！好啱同朋友一路吹水一路食！-🍴牛油果香芒烤雞沙律 配日式胡麻醬🥗($118)冇錯！又係牛油果🥑🙈，仲有芒果、雞肉同沙律菜，芒果好甜，反而雞肉冇咩調味，都好健康！不過就有少少唔係好夾😗，味道上都係各有各食😳。-🍴千島海鮮薄餅🍕($148)餅底係薄底，總共有6️⃣片，每片上面都有墨魚仔、蟹柳同大蝦🍤，千島醬做底。啱啱上枱嘅時候熱辣辣，芝士拉絲好吸引，食落都好好食，仲好大份，建議多啲人一齊Share😝！-🍴牛奶可可朱古力🍫(熱)($48)係大人味道嘅朱古力，唔會好甜，好重可可味！-🍴旭日(紅蘿蔔🥕、鳳梨🍍、香橙🍊)(冷)($58)飲落唔會有紅蘿蔔嘅草青味，都偏向酸，好fresh！

食咗咁多次，真係第一次遇到啲咁嘅事…係遠程排隊app拎左飛，行到門口見好多人排緊，拎籌領導52，咁諗住係附近行下，諗住望住部手機睇住個籌號實無死。 我拎嘅係84號 點知去到70號之後就飛號飛到快過心跳，我就即刻肯定衝過去，過去嘅過程5分鐘都無，佢就已經由七十幾肥到九十幾。我去到嗰陣排到92。無人應飛的快咁都正常。我就走去問佢可唔可以補飛，下一張或者後幾張入座，因為一半餐廳都係咁安排。至少唔會要人從頭排過咁pk。點知真係咁pk。個𡃁妹話過咗五張飛就要重頭排過，我心諗，你10秒pass一張飛，好難唔過姐阿妹⋯⋯我望一望部機拍到百幾，再望望後面d人。我同佢講，我啱先行過嚟都係5分鐘以內嘅事，我等咗半個鐘，可唔可以下張俾我😂 佢話仲要好有型咁話佢啱先已經每張飛叫咗兩次，無人應就飛，咁樣對其他人唔公平😂 咁即係覺得對d無啦啦俾人pass咗飛嘅人公平😹如果要到場排隊，強烈建議呢間公司唔好搞網上攞飛。又或者唔好請啲幫妳趕客嘅員工😂香港啲飲食業就係比呢啲人搞衰曬最後，已經排咗半個鐘，俾人秒數pass咗張飛都唔俾入，咁肯定唔L幫襯啦。